السبت، 27 يونيو 2009

كوستا يامجمع الاحباب


عايزه اشكر عمرو بدر(حبشتكانات) علي كل اللي عمله معايا....... والعزومه الجميله والورد اللي في الصوره دي
والاغنيه الكوري اللي حطها لي في مدونته
*********
واشكر مهندس محمد البنا (من غير عنوان)اللي نورنا من اسكندريه وهديته الجميله تسلم ايده
واشكر بنوتي الحلوه مولان علي الكلام الرقيق المكتوب في كارت الهديه اللي لايقدر بمال
واشكر حوريه (محاسن صابر) ومستر بيرو ابنها علي التورته الجميله(دي غير تورتت عمرو)
بلاش نق لو سمحتوا ايوه تورتتين
واشكر ابني العزيز كيمو(صوت من مصر)اللي عمل نشاط وحيويه للقعده وخصوصا هو وبيرو والفاصل الكوميدي اللي عملوه مع بعض

كمان عايزه اشكر (سويت فيولت)علي التهنئه بجد القاعده كانت نقصاكي فعلا
وحنين القلب وكلامها اللطيف
ومنامينو ومكلمته اللطيفه
وكمان جوكر (شباب اون لاين)وتليفونه اللطيف
وابني الغالي تامر صلاح (ضد الحكومه) والف مبروك ليك انت كمان
وابني الازهري اللي مكالمته كان لها اثر جميل جدا جدا ربنا يكرمه
وبشكره علي العيد ميلاد الجميل اللي عمله لي في المدونه عنده

واخيرا بشكر صديقتي الحقوده جدا :) (صبرني يارب)علي تليفونها اللي بجد اسعدني جدا واسعد الجميع

مش عارفه اقول لكم ايه شكرا مش كفايه انا قضيت احلي عيد ميلاد في حياتي فعلا


عايزه كمان اقول لكم اني مضطره اقفل المدونه شويه لدواعي السفر ان شاء الله في
5 يوليوالي امريكا بالغصب
انا ماكنتش هقفلها دلوقتي بس جدت ظروف عندي:( فاهقفلها لحد لما ارجع ان شاء الله في 13اغسطس )

بجد هتوحشوني
وهحاول ادخل مدوناتكم علي ما اسافر كل مايسمح الوقت
شكرا لكم جميعا وخصوصا عمرو
*******************
المدونه امانه :)

هناك 59 تعليقًا:

عمرو يقول...
أزال المؤلف هذا التعليق.
Sweet Violet يقول...

كل سنة و انتى طيبة يااحلى شموسة ^_^
وبجد كان نفسى اكون معاكم و اشوفك قبل ماتسفرى v_v

تروحي وترجعي لنا بالسلامة ^_^
هتوحشنى بجد v_v

عاشقة القمر يقول...

ازيك وكل سنه انتيطيبه عقبالمائة شمعه
ياريت لو كنت معاه

عاشقة القمر يقول...

تروحي ترجعي بالسلامه علي فكرها اخوايا ماشاءالله بنجاح بتقدير ممتاز وكان امس عندو امتجان لغه نجليزي كان ثلاث قاعات معاهم ناس ماجستر كانوا اكثر من 200 ونجحوا عشرين هو منهم الحمدالله داه كل من دعواتك
الحمدالله ربنا استجاب دعوداتكي

رئـيس التحـرير يقول...

ألف سلامة ربنا يكرمك يارب وييسرلك حالك
بجد هتوحشنيا قوي قوي
ربنا معاكي وعودا حميدا بإذن الله
في حفظ الله
سلام عليكم

مامة مازن يقول...

كل سنة وانت بكل الخير والصحة والسعادة تروحى وترجعى بالف سلامة يارب
لا اله لا الله محمد رسول الله

SHAPE YOUR LIFE (ABOALI) يقول...

ما بين الضحكة والبسمة
فيه كلام كتير
فما بالك ما بين السفر واللقاء
والناس الحلوين واعياد الميلاد

اكيد هايكون فى حروف لن تستطيع الكلمات التعبير عنها

ولكن
كل التقدير والتحية بعدد سكان الصين

وعودة حميدة ان شاء الله

Unknown يقول...

كل لحظة وانت بالف خير
ومجمعة الاحباب والاصحاب
كمان وكمان وكمان وكمان
تروحى وترجعى بالف سلامة
يابرنسيســـة ياشموســــة

وردشان smilyrose يقول...

السلام عليكم

كل سنة وانتى طيبة يا شمس النهار

يانور دنيتنا الجميلة بجد عقبال مليون

سنة ويارب كل سنة وانتى بخير وسلامة

عقبال مليون الف سنة

ويارب ترجعى بالف سلامة

يارب

وردشان

روح الحب الصادق

MǿиY El-Shreef يقول...

كل سنه وانتي طيبه وجميله وكل الناس بتحبك

هتوحشينا اوي

واعذريييييني بجد عشان انا كنت ف فتره امتحنات ومش بعرف اتابع كتير

توصلي بالسلامه يا قمر

بحبك

غير معرف يقول...

تروحى ترجعى بالف سلامه ياقمر ربنا معاكى


حنين

أمل حمدي يقول...

كل سنة وانت طيبة يا شموسة

وعقبال كل سنة يكون عيد أحلى وأحلى

تسافري وترجعي بالسلامة يارب

في أمان الله

لا اله الا الله

أحــوال الهـوي يقول...

كل سنه و حضرتك بخير
و انا عارف ان القاعده كانت نقصاني و ساعتها ممكن تكون 3 تورت و نكيد الغيرانين

تروحي و ترجعي بالسمة و السلامه امانه لاوباما
تحياتي

عمرو يقول...

كل سنه و أنتى طيبه يا برنسيس :)
و أنتى اللى تستحقى الشكر بجد على كل شىء و بالأكتر على أنك جمعتينا مع نخبه هايله من المدونين اللى أحتفلوا بعيد ميلادك و متجمعين دائما فى الخير يا رب ..
كل سنه و أنتى بتشعى حنان و دفأ و أمان و رضا و سرور على كل من هم حولك و اٍن شاء الله السنه الجايه يكون المولى حقق لك كل أمنياتك ..
تروحى و ترجعى لنا بألف سلامه و دمتى دائما محبوبه ..

نـــــور يقول...

كل سنه وانتى طيبه وعقبال 100 سنه :)

صوت من مصر يقول...

هو بقى فاصل كوميدى
انا خايف الناس تشوف الصور وتعرف الى حصل
بجد بيرو صعب جدا
كل سنه وانتى طيبه يا شموسه هديتك لسه ما اخدتيهاش بس هتكون بعد ما ترجعى
انا كنت رايح ومعرفش انه عيد ميلاد ولا حتى اى حاجه
عموما انا حاسس ان سبت باصمه فى كوستا

Unknown يقول...

كل سنة وانتى طيبة يا شموسة
ويارب تروحى وترجعى بالسلامة
بجد هتوحشينا جداا

هتنورى امريكا
وافريقيا مش هتنور وانتى مش موجودة

أ / أحمد عبد المنعم يقول...

بسم الله الرحمن الرحيم

خدى بالك من نفسك كويس
حاسبى من الأنفلونزا
ما تلكيش لحوم هناك
والأحسن خدى اكلك معاكى !!!!!

أسأل الله أن يعيدك بألف خير وسلام إلى وطنك بعدما تنالن ما عزمت على السفر من أجله .

mostafa rayan يقول...

كل سنة وانت طيبة وبخير
بس ياشمس
حوار امريكا دة لازم يتلغى تماما مهما كانت الظروف ... انت مضحية بنفسك ولاايه هتروحى لمعقل الفلونزا الخنازير برجلك وفى عز اشتداد الازمة

دعاء يقول...

طب واحنا هنعمل اي من غيرك؟
وهنجيب شمس تانية منين؟

ياله مفيش مانع نعيش في الظلام لحد ما تيجي.يا رب ترجعي لنا بألف سلامة. وما تنسيش دعاء السفر وابقى ادعيلنا بالخير وخلى بالك من نفسك.
لا إله إلا الله
محمد رسول الله

عايش... ولكن !!!! يقول...

ازيك وكل سنه وانتى طيبه ويارب دايما فى سعاده كده

بسنت صلاح الدين يقول...

كل سنه وانتى جميله ومنوره يا احلى شمس طلعت علينا،و تروحى وترجعى بالف سلامه يارب،هتوحشينا اوى انتى و كلامك الرقيق

mohamed ghalia يقول...

ترجعنا بالسلامة إن شاء الله

Kiara يقول...

الكلام دا بجد تستاهلي اكتر منه دا بجد اقل اووووووووووووووووووووووووووووووي اوووووووووووووووووووووووووووووووووووي من قيمتك عندى وعند الكل

انتي تستاهلي كنوز العالم تتحط بين ايديكي وبرده شويه عليكي

كل سنة وانتي معانا ياااااااااراب

aidy يقول...

كل سنة وانتى طيبة

يا احلى واطيب شموسة

بجد كان نفسي اعرف يوم ميلادك قبل كده بشوية

كل سنة وانتى طيبة

يارب تروحى وترجعى بالسلامة

ودى هدية كده على ادى انا عارفة انك بتحبى ام كلثوم يارب الاغنية اللى نقتهالك تعجبك :

http://www.4shared.com/file/114471793/27f295cb/__online.html

سلاااااااااااام

kmt يقول...

السلام عليكم ورحمة الله وبركاته

كل لحظة وانتي بخير

وترجعى بالسلامة

تحياتي
الى اللقاء

همس الاحباب يقول...

كل سنة وانتى طيبة
وعقبال 100 سنة
تروحى وترجعى بالسلامة
تحياتى

Mina يقول...

كل سنة وانت طيبة وعقبال مليون سنة
وتروحي وترجعي بالف سلامة
وسلامنا لبلاد العم سام

عاشقه الرومانسيه يقول...

كل لحظه وانتى بخير ياشموسه بس
انا زعلااااااااااااااانه
زعلانه مرتين
اولا لانى مش اعرف بعيد ميلادك
واضعف الايمان انى كان ممكن اتصل على تليفون كيارا واكلمك

وثانيا لانك هتقفلى المدونه
وهتحرمينا منك فتره

عااااااااااااااااااااا

ثم انا حاسه ان فيه يد خفيه ورا الموضوع ده ياأما انا اللى نايمه على ودانى بقى ياأما الزهايمر عامل شغل معايا
لما كل الناس دى تعرف وانا لأ
عاااااااااا

حتى كيارا وحنين ومحاسن عارفين
لالالالالالالالا
انا متغاظه ياشموسه قوى
لانى كان ممكن اسمع صوتك على الاقل

حواء يقول...

كل سنة وانتي طيبه
والله لو كان عندي خبر بكل ده كنت جيت
وحتي لو مكنتش قدرت اجي اكيد كنت حتي هتكلم في التليفون
كل سنه وانتي بخير
وتروحي وترجعي بالف سلامه
في انتظارك
تحياتي

حلم بيعافر يقول...

يابختك ياللى مسافرة امريكا

ادم المصرى يقول...

تروحى وترجعى بألف سلامه ان شاء الله تعالى وربنا يصونك ويعينك على ما بلاكى

الجواز و سنينه يقول...

كل سنه و انتى طيبه يا شموستنا يا جميله
و احلى شهر سته و احلى شموسه فى المدونات
ترجعيلنا بألف سلامه و استودعتك الله

أنا حر يقول...

كل سنة وانت بالف خير وعقبال مليون سنة
تحياتي

حاسوباتيه يقول...

كل سنه وحضرتك طيبه يارب وعقبال 100 سنه يارب معانا ومنورانا وبجد زعلت انك هتسافري وهتقفلي المدونه بس ترجعي بالسلامه يارب وياريت بجد حضرتك تدخلي تطمنينا عليكي من هناك حتى ياريت بجد انا يمكن ماكنتش موجوده في التجمع ولا اعرف حضرتك معرفه شخصيه وده لسوء حظي فعلا بس بجد حبيت حضرتك جدا والله وترجعيلنا بالف سلامه بس امانه ادخلي حتى طمنينا عليكي وترجعي بالسلامه يارب

MaNoOoSh يقول...

ربنا يديكى الصحة يارب والعافية وتكون كل ايامك فرحة مع احبابك يا شموسة

وان شاء الله تروحى وتيجي بألف سلامةوخللى معاكى كام كمامة كده احتياطى

Foxology يقول...

كل سنة وانتى طيبة ومعلش جت متأخرة :)

تروحى وترجعى بالسلامة ان شاء الله وطمنينا عليكى :)

تحياتى :)

Eno يقول...

كل سنه وانتي طيبه ياشموسه وعقبال مليون سنه طيب مش كنتي تقولي قبلها كنا عملنا اجمل عيد ميلاد لشمس البلوجرز علي رأي فوكس تروحي وترجعي لينا بالف سلامه وبجد هتوحشينا بجد وكمان كل سنه وانتي طيبه مره تاني :)

تحياتي :)

شبــ اون لاين ـــاب يقول...

السلام عليكم ورحمة الله وبركاته

كل سنه وانتى طيبه

وعقبال 1656545454 سنه

وترجعى بالسلامه

فى رعايه الله

joker

حنين القلب يقول...

كل سنه وانتى طيبه
وعقبال مليون سنه
وانتى منورة عالمنا الجميل يا اجمل سمش طلعت على الكون

كنت اتمنى اكون معاكم

ربنا يحفظك
تقبلى مرورى

من غير عنـــوان يقول...

اللقا نصيب

ولما يبقى نصيبي إني أول مرة أقابل أميرة الشموس...اللي هي بتشع نور وحب وروح وورد.. طبعا هي لا يكفيها كلام .. وبأقول لها كل سنه وإحنا طيبين سعداء عشان إنت جنبنا..وما ينفعش أي هديه تساوي هديتها هي اللي هي هي ... فوجودها أكبر هديه...

وجت متأخره إحدى إنجازات شمس النهار وهي إبنتها البشوشه الجميله بسم الله ما شاء الله تبارك الخالق... وتشوف كده كل حاجه حلوه فيها

شكرا على هذا الوقت اللطيف...وكل سنه وكل يوم وإنت بخير وسعاده إنت ومن نحبين

ومعانا قائد العشيرة...الحكيم الطيب الكريم الودود... عمرو الصديق ... اللي بشكره على العزومه الجميله والضيافه...باشكره كمان على الذكريات السكندرية الجميله.. وكمان على الكلام الكبير اللي قاله في حقي.. اخجلتم تواضعنا..

وكمان بنوته واعده جميله إسمها كيارا...وأنا مفروض أسميها ( مناره). عشان معلوماتها المتشعبه...
وشفت مدى الحب اللي في محله والذي تحبه لشموسه
.يارب أشوف بنات مصر كلهن زيها...

وتكمل القعده بأم صغيره باسله صامده وابنها اللذيذ...محاسن هانم صابر... تمتعت بحوار معها... ما شاء الله عليها وعلى ثباتها وشخصيتها...

وعشان مايزعلش حضر معانا صوت من مصر.. صوت رافض .. لا يسمع إلا نفسه... لا بيهزر مع حد ولا عايز يتلكم جد.. صوته ... صوته وبس... ربنا يهديك ويخلي ودانك تشتغل وتسمع... وهو حيرد بسرعة شديده ويقول: دي حقيقه ... معروفه عني..

______
استمتعت بالصحبه وكل الشكر لجميع الأصدقاء اللي كمان كلمونا في التليفون على الهوا أثناء اللقاء...

ويارب تتكرر.. وياسلام لو على بحر اسكندرية... تشرفونا

Empress appy يقول...

كل سنه وانتى طيبه مع انها متاخره يا شموس عندى انا دى

Kiara يقول...

من غير عنوان

************

ربنا يخليك يااااااااااارب علي الكلام اللي بجد مش استحقه دا

كتير عليا فعلا فعلالالالالالالالالا

وشي جاب الوان ن كلامك

بجد ميرسي جدا جدا جدا

غير معرف يقول...

إيه ده!!!!!!!

هو كل ده حصل من ورايا

ده تهريييييييييج

ماشى ماشى


على العموم




















كـــــــــــــل سنة و انتى طيبة يا قمرررررر و عقبال سنين كتير تعملى فيهم حاجات كتير كان نفسك تعمليها

و الله انتى تستاهلى اكتر من اللى اتعملك ده

عارفة ليه


تعالى اقولك ليه....هاتى ودنك










" اصلك بجد جميلة و طيبة أوى"

بلاش فضايح يقول...

كل سنة وحضرتك طيبة وبكل الخير

وياؤب ترجعيلنا بألف سلامة
كان نفسى اكون معاكوا اليوم دة
بس مكنتش اعرف انه عيد كيلاد حضرتك

كل سنة وحضرتك طيبة

قوس قزح يقول...

كل سنة وانتى طيبة يا شموسة
لو اعرف ان فى تجمع لعيد ميلادك كنت جيت اهنيكى
بس النصيب
ان شاء الله تكون رحلة سعيدة
خدى بالك من نفسك
تروحى و ترجعى بالسلامة

تحياتى

صبرني يارب يقول...

انا باعترض واشجب واندد

ما حدش قالي انه عيد ميلادك يا شموسه الا بعد التجمع

ما قلتش ليكى كل سنه وانتى طيبه يومها

استاذ عمرو مش عايزه اقولك هاعمل في ايه بقى لما اشوفه


وبعدين ماليش دعوه برضه هاتقفليها من دلوقتي ليه
لسه اسبوووووع

طيب بقى هاكلمك ان شاء الله يا جميل

ولو انا برضه مسافره يوم 7يوليو مش عارفه هايجرالي ايه بقى

تروحي وترجعي بالسلامه

وخلي بالك من نفسك بليييييييييز

rovy يقول...

كل سنه و انتى طيبه يا ارق شموسه
معلش مفيش نصيب اكون معاكم ان شاء الله ربنا يقسم و نحتفل بيكى السنه الجايه و نكون مع بعض كلنا يارب
تروحى و ترجعى بالف سلامه و ربنا ييسر لك كل الامور .. و يحفظك دوما

ارق تحياتى

Israa El-sakka يقول...

كل سنة و أنت طيبة يا شموسة و عقبال كتير كده إن شاء الله و ياااااه يدوبك تلحقي ترجعي على عيد ميلادي 18 أغسطس و المدونة متقلقيش حرابطلك هنا ليل نهار
تروحي و ترجعي بالسلامة متكليش همي :) ( ثقافة المسلسلات التركي معلش) أنا كنت بحب سيلنترو لكن منهم لله غلوا الأسعار بقيت أروح لوحدي ادفع 30 جنيه في كابتشينو فبقيت مطرة أروح كوستا
بس كان ليه بصمات سبتها في سيلنترو أثولهالك بعدين
سلاااام

جارة القمر يقول...

كل سنة وانت طيبة يا أطيب وأدفى قلب

أيامك خير يارب

(حلـم) يقول...

اشكرك علي الثناء والاطراء وجيت ارد الزيارة لقيت علي ابوب السفر تروحي وتيجي بالسلامة اتمنى ان تكوني في احسن حال دمتي شمسي..حلم..

موناليزا يقول...

كل سنة وانتِ طيبة ياحبيبتى وعقبال110 سنة وانتِ فى صحة وسعادة
وتروحى وتيجى بالسلامة ان شاء الله

mahasen saber يقول...

كل سنه وانتى بالف خير يا جميله يا شموستنا

بس للاسف انا معرفتش الا وانا خلاص قربت من كوستا

فمعذره جامده منى على جهلى بعيد ميلادك يا جميله

وكان يوم من اجمل ما يكون بجد

وانتى تستحق اكتر من كده بكتير كتير يا شموسه

اما بيرو وكيمو فأعتقد ان الستر فى الحالات دى بيبقى حلو قوى لكلا الطرفين ههههههههههه

hasona يقول...

السلام عليكم

كل سنة وانت طيبة
كل سنة وانت زهرة جميلة في بستان حياتنا

وان شاء الله تسافري وترجعي بالسلامة
ونراك أجمل وأجمل

ومن وقت للتاني تفتحي وتطلي علينا
وتطمنينا عليك
بكل السبل والطرق

ربنا يجمعنا علي خير ديما

لا تنسينا بصالح دعواتك دائما
وعند السفر - فالمسافر مستجاب الدعوي ان شاء الله

تحياتي

ذو الوجه المبتسم يقول...

السلام عليكم
بصراحة انا غيران جدا
انتم يا مدونين بتتقابلو فين وبتتصلو ببعض ازاى
قولوووووا لى
المهم كل سنة وانتى طيبة يا اختى يا شمس النهار
وبجد مش عارف اقدم لك ايه هديه
ورد ... قديمة
فل..... برده قديمة
بافكر... ايه يا عم الحج
اقدم لها ايه هديه
بجد مش عارف لانى مش لاقى هدية تناسب شمس النهار
على العموم مبدئيا
كل سنة وانتى طيبة
وان شاء الله لما ارجع مصر اقدم لك الهدية بنفسي
اخوكى الكبير ابو عبدالرحمن
ايوه الكبير
متبصيش للسن
انا اطول منك
واعرض منك
شوفتى بقي كبير ازاى
ههههههههههههههههههههه

تقبلى تحياتى اخى

assafo anaroze يقول...

يظهر اني جيت متأخر لعيد ميلادك يا قمر بس غصب عني و الله ظروف الدراسة و الامتحانات
كل سنة و انت طيبة و كل ايامك فرح و سعادة
و يا رب ترجعي من امريكا و انت بخير
مودتي المتواصلة و المتجددة

elsha3er يقول...

ترجعى بالف سلامة



تحياتى


احمد الشاعر

أنا - الريس يقول...

كل سنة وانتي طيبة وعبال مليون سنة في خير وسعادة وسرور وفرح وهناء وابتسامة وحب الناس وحبك للناس ، اتمني لك سفره سعيدة وحياة مديدة .

Mohamed Hesham Safa يقول...

تروحي وتيجي بالسلامة ان شاء الله