الخميس، 30 يونيو، 2011

بقينا اخر الشهر

كنت بوضب بوست عن الورد معشوقي
علشان اخليه اخر بوست
وخصوصا انه هيستني فتره علي ماانشر بوست تاني
علشان ان شاء الله هسافر اسبوع

لكن الوضع الان علي الساحة مؤلم وماخلاش للواحد مزاج في حاجة
بس عايزة اقول استمتعت جدا اني اكتب تدوينة كل يوم
التزامي بالاشتراك خالاني مهما كان عندي من مشاغل او مشاكل التزم اني اكتب
وبالتالي كتبت كل ملاحظاتي عن الاحداث يوم بيوم
وبشكر اصحاب الفكرة اللطيفة اللي خالتني كمان اكتشف مدونات جميلة لناس اجمل
وهسجل هنا اللي كتبته ساعة انلاع احداث التحرير علي الفيس وتويتر
======
=تاني تاني تاني خلاص بقا كده خلصت ياداااااخلية وجنت علي نفسها براكش بتتشطروا علي امين شرطة مهربينه وتدوه اعدام وسايبين اسياده يخربوا في البلد
--------------------------
=النظام القديم ندم ان ماعملناش زي ليبيا وسوريا واليمن وحب يقلب الترابيزة ولا ايه دي بلدنا تعدادهم ربع شبرا ده المصريين هيقرقشوا مبني الدخلية
------------------------------
سؤاااااااااااال هو البلطجية دول مصريين يعني زينا كده بني ادمين ولا دول شحتناهم من مكان تاني
------------------------------
إبراهيم عبدالمجيد: هناك من جلب بلطجية بالسيوف للاعتداء على أهالي الشهداء والمتضامنين معهم في عابدين
-----------------------
أ. إبراهيم عبدالمجيد: عندما اعتدى محامي على وكيل نيابة أخذ 5 سنين في أسبوع .. وبعد 5 شهور لم تصدر أحكام على من قتلوا ألف شهيد
----------------------------------------
القصااااااص الحل هو القصاااااااااص ماتمرمتناش علشان في النهاية مبارك يجيله ناس من المانيا والعصابة قاعدة لحد دلوقتي بندلعها
----------------------------
حاسة الجو هو هو بتاع اللامبارك مش فاضل غير مبارك يطلع يقول خطاب ويقول لنا انتوا صدقتم نفسكم انا اهووووووووو رجعت لكم
---------------------------
حد يديني عقله الناس اللي عايزة تدخل بالعافية البالون لحقوا يأجروا تلات اوتوبيسات امتي وجابوا العصيان منين
----------------------------------
قولوا للي في التحريرماتركبوش المصابين الاسعاف اقول لكم من الاخر كل الاحتياطات اللي كانت ايام الثورة اعملوها دلوقتي واضح ان مبارك نفسه معانا
----------------------------------
إمام مسجد عمر مكرم ينادي في ميكوفون المسجد مطالبا الشرطة بالإنسحاب الفوري من ميدان التحرير
------------------------
بلطجية بتقولوا بلطجية مش همه دول اللي طلعتوهم من السجون والاقسام علشان يربونا ماقبضتوش عليهم ليه اشربوا اهو شباب الثورة طلع لكم ياشرطة سايبة
------------------------------------
قبل ماتكرموا اهالي الشهداء وتعملوا لهم حفلة تضحكوا بيها عليهم هاتوا حق اولادهم اللي لحد دلوقتي راح هدر
---------------------------------
تاااااااااااااني ياشرطة بتضربي شباب مصر تاني واي ظابط ضرب شاب مصري هيدفع تمنه غالي عايزين تبينوا انهم بلطجيه علشان كده قتلتوهم طيب اشربوابقا
---------------------------------------
مين حسام عمار ده المتحدث بأسم ائتلاف الثورة هو الفقي رجع ماسبيرو من ورايا ولا ايه؟؟؟؟؟؟؟؟؟؟؟؟هو بيتكلم عن انهي شرطة
--------------------------------
هيعملوا المباراة في موعدها علشان اللي في التحرير يروحوا المباراة يايرجعوا يتفرجوا عليهااااااا:)))شغل الستينات هيبتدي:)))
---------------------------
التحرير الان يحتاج رجالة جدعان مش رجالة اغبية
----------------------------------------------------------
الضرب بغباوة في الشوارع الجانبيه عند الداخلية ده
كلام موثوق فيه من اللي في التحرير الان
-------------------------------------
الناس بترجع علي التحرير كل كلمة بكتبها هنا علي الووول من ناس في التحرير مش من اي قناة او اي حته غير ارض الواقع
----------------------------
وائل بيناشد الناس تنزل ميدان التحرير
----------------------------------
الشرعية من ميدان التحرير وياريت نتعامل بشفافية مع الشعب هناك اطراف تريد نتشويه من في ميدان (وائل عباس)من ميدان التحرير
------------------------------
اصل خبطة المحليات دي جامدة اصل اخونا البعدا كانوا معتمدين عليهم مع كبار قادة الشرطة في الانتخابات الجاية كده فوتنا عليهم الفرصة
---------------------------
الاحزاب الكرتونية نااااااااااااااااااااااااااااااايمة ننه هووووووووووو
--------------------------
الحل للوضع الان ياشرطة اطلعوا باللي عمل الليلة دي واعتذروا للشعب والظابط اللي شتم امبارح في الميكريفون يتعرف ويتحاكم والشعب يعرف
-----------------------------
ايه ده ايه الشعب اللي كله بلطجية دكاترة ومهندسين ومحاسبين ومحاميين ومدرسين وادباء وسياسييين وفنانين ايه الشعب الغريب ده
----------------------
الغريب المريب ان الكباتن بتوع الترشيح للرياسة والاخوان والسلفيين وال........الخ من التيارات اللي طلعت لنا في المقدر ساكت ومافيش حس ولا خبر
-----------------------
كله اشاعات هنبتدي بقا البسطاويسي في الميدان ولا مش في الميدان المهم الناس اللي في الميدان وبيضربوا
----------------
الناس اللي طلعه لنا كل شوية في الفضائيات يرغوا لوك لوك لوك نايمين لسه ولا ايييييييييييييييييييه فين كلمة عصام شرف ولا نفس الصمت اياه
--------------------
رد علي البيان65 الشعب يهيب بالمجلس ان يعجل بمحاكمة القتلة والحرامية اللي في طره وبره طره
----------------------
ياخوفي لا البلطجيه يعملوا مليونية يبرؤ بيها نفسهم من الزج بهم في كل صغيرة وكبيرة
--------------------
الحل للوضع الان ياشرطة اطلعوا باللي عمل الليلة دي واعتذروا للشعب والظابط اللي شتم امبارح في الميكريفون يتعرف ويتحاكم والشعب يعرف
--------------------------
واضح ان الاستوديو اللي ادوه لقناة الجزيرة في مدينة الاعلام عامل شغل كويس والجزيرة موجبه مع المجلس
----------------------
خيم تاااااااااااااني فين عصام شرف ينزل الميدان ويعمل حاجه مش هو من الميدان اصلا وقال لوعجزت هنزل معاكم تاني ماكنتش حابة اعتصام تاني
----------------
علاقتي بالكورة زي علاقتي باللغة اليابانية بس اناشد كل الكويرة في البلد مهما كانت نتيجة المبارة ارجوكم بلاش شغب مصر فوق الكورة والجميع ارجوكم
----------------
اسلمي يامصر وربنا يستر كان نفسي مايبقاش في اعتصامات تاني
حسبي الله ونعم الوكيل
ربنا ينتقم من كل انسان يريد شر بهذا البلد

الأربعاء، 29 يونيو، 2011

تااااااااااااني ياشرطة

الحل للوضع الان
ياشرطة اطلعوا باللي عمل الليلة دي واعتذروا للشعب
والظابط اللي شتم امبارح في الميكريفون يتعرف
ويتحاكم والشعب يعرف
============
في عرض دين النبي الشعب يريد اسقاط النظام
وتاني ياشرطة تاني
بتضربوا الشعب تاني
هو احنا خلصنا من الاولاني علشان نبتدي تاني
مش حزرتكم وقلت لكم الحل في البوست ده من زمان
كان زمنا اتصالحنا وخلصنا
لكن واضح ان جهاز الشرطة عندنا من بلد اخر ليس علي كوكب الارض
بحس في الفديوهات اللي جاية من التحرير ان دي غزة فرع التحرير
ليه العنف الشديد ده يعني ايه تضرب متظاهر بالمنظر ده
ونرجع بقا للفيلم من الاول
جمعية(مع العلم ان جميع الجمعيات الاهلية والخيرية والتعاونية كانت تتبع المدام سوزان)
تحب تكرم اهالي الشهداء في مسرح البالون مااعرفش باقي اهالي الشهداء عرفوا منين راحوا مأجرين تلات اوتوبيسات وياله هيلا بيلا علي مسرح البلون اشمعنا احنا يحاولوا يدخلوا الامن ماارضاش ليه مش عارفة
المهم يروحوا هوووووبا داخلين المسرح ومكسرين الدنيا بالعصيان اللي معاهم
(لطاف اوي اهالي الشهداء اللي رايحين عايزين يتكرموا ومعاهم عصيان دول)
وبعد كده يلموا نفسهم هيلا بيلا تاني ورايحين علي الداخلية عدل
ويضربوا الشرطة هناك
وتحصل هوجه ويخطلت الحابل بالنابل
وبعد كده يقول لك بلطجية
حد صدق الكلام اللي كتبته فوق ده
مش حاسين ان في حاجه غلط كده وان السيناريوا هابط حبتين
عموما البلطجية دول اللي ابتدوا القصة انتوا اللي عملتوهم ياشرطة سايبة
والبلطجية دول انتوا اللي سايبنهم للنهارده مامسكتوهمش علشان تستخدموهم وقت ماتحبوا
تقدروا تقولوا لي ايه البلطجي الوطني ده اللي يفرح بالشهادة ويتصدي للشرطة المسلحة وهو اعزل الا من طوبة ان لاقاها
حسبي الله ونعم الوكيل
اللي بيحصل ده نتيجة التهاااااااااون بدماء الشهداء
نتيجة اخبار مبارك المستفزة
نتيجة المحاكمااااااااااااات الغريبة المريبة اللي بتحصل ومتشطرين علي امين شرطة غائب الله اعلم مين اللي مغيبه
الحل في القصااااااااااااااص
العدل ياوزير العدل
العدل ياعصام ياشرف
التااااااااار كبير بين الشرطة والشعب
فين الكفن والخروف

الثلاثاء، 28 يونيو، 2011

مهاتير محمد


ارتباطقبل مانبتدي البوست
الاستفتاء علي اختيار البوست اللي هشترك بيه في كتاب 100 تدوينة
شغااااااااال
ويكون من تدوينات شهر يونيو فقط
مافيش حد اختار غير
سواح في ملك الله اختار اسلمي يامصر
وفوكسلوجيا اختار قهوة سادة
=====
مصر محتاجة رجل جدع بمعني كلمة جدع
والرجل الجدع ده هو مهاتير محمد ان شاء الله مهاتير محمد ضيف الاخت مني الشازلي النهارده
وربنا يستر علي اللقاء والرجل
وماتنونوش النهارده وتماء ماء
وتبص علي اللهم احفظنا اللي بتبص عليهم فوق دول وهي بتتكلم
تقريبا مخاوية ولا ايه
واللي مصبرني ان طقم الاعداد طقم ممتاز وبيحضر لها حلقة حلوة
وهي بكل فخر بضيعها لما بيكون معاها شخصيات من العيار التقيل
المهم مش ده موضووووووووووعنا احنا موضووووووعنا
الرائع مهاتير محمد
لما عملت بحث عن الرجل
لاقيت عاااااااااااااااااادي
مواطن عاااااااااااادي
مكاااااااااااااافح بيبيع موز علشان يقدر يتعلم
له احلام ومتطلبات حاول وبكل حزم ان يحققها
ولاقيت ان اللي ساعده مش جن ولاعفاريت
اللي ساعده
حاجتين سندوا احلامه وخلوها واقع
الشعب وقااااااااااااااااااانون
اتطبق بكل صرامة علي الصغير زي الكبير الغني قبل الفقير
ومافيش فيصال ولا ونبي ولا معلش وعمل يعني عمل وصحاهم بدري يشتغلوا مش اروح المحل الساعة 12 يقولوا لي اصل الاسطي بيفتح بعد الساعة واحدة السااااااااااااااعة واحدة
وعايزين تنمية ونعيش في بحبوحة من العيش
اه ان شاء الله في كتيييييييييير من الشعب المصري
عايز ينام في البيت وتهبط عليه الفلوس من السما
مش هو ده اللي بيشوفوا في الافلام والمسلسلات خبطة واحدة وهوبااااااااالفوق وان شاء الله يحصل بتوع طرة لاند المهم احنا بقا عايزين الحاج مهاتير شوية عندنا نستضيفه قد كده عشرة عشرين سنة ومش عيب مستشار
وما اغلب الشركات والمدارس في مصر اللي مليانة اجانب
والفنادق العالمية في مصر مين اللي بيديرها ولا هنحشر الخبراء الاجانب في كل حاجة
ونيجي علي مصلحة البلد ونقول
يعني هي مصر مافيهاش حد زيه
لا ياسيدي فيها بس احنا محتاجين ده بالذاااااااااااااات
الرجل عنده تجربة جبارة اللي عايز يعرف اكتر عن اندونيسيا
والحاج مهاتير محمد
يدخل علي اللينك ده
هينبهر النت عليه كتير بس اللينك ده مجمع وملخص وعلي فكرة الرجل لما اطمن علي بلاده ساب كل حاجه وقعد
مش بقا كبس علي نفسهم
وقال زي الاخ اللي مايتسمي القذافي انا دافع تمن قعادي
ويارب مصر عايزة رااااااااااااجل جدع يحكمها ويشكمها

الاثنين، 27 يونيو، 2011

عيد ميلاد

النهاردة عيد ميلادي
بقالي 52 سنة كابسه علي نفس الدنيا والدنيا كابسة علي نفسي
عمالين نقاوح في بعضينا
:)
)
تغلبني مره واغلبها مره
تنكد عليا مره وانكد عليها مره
تسعدني مره واسعدها مره
:)))
زي توم وجيري بتبططني وارجع اقوم تاني زي الفل واقوي من الاول
عارفين ليه علشان مؤمنة ان ربنا بيجازي العبد علي صبره
وان اي مكروه بيحصل للعبد بعدين بيعرف انه كان فيه الخير
وعلشان دايما ضميري مرتاح
والسنة دي هحتفل ومع
ايا حفيدي الاول ربنا يبارك فيه
====
عايزة اضحكم مع عيد ميلادي
عارفين اذاعة ام كلثوم؟؟
دي كانت محطة بتبتد
ي الساعة 5 وتقفل 12
كانت تبتدي بأغنية لأم كلثوم وبعدين عبد الوهاب
ثم فريد الاطرش ثم عبد الحليم
ثم يتتابع باقي المغنيين الي ان تذاع اغنية السهرة لأم كلثوم
وتقفل الساعة12 بعد منتصف الليل
ا
لمهم
كنت بوضب لعيد ميلادي انا وصحبتي المدمنة لهذه القناة
فقالت لي ليه مش مشغلة اذاعة ام كلثوم تعالي نشغلها ونشوف حظك ايه في الاغاني (حركات كانت البنات بتعملها زمان)
شغلناها لاقينا اييييييييييييه؟؟
:))
فريد الاطرش بيقول جئت يا
يوم مولدي عدت ايها الشقي
باااااااالمنا الاول في ذهول
وبعد كده
ضحكنا ضحك
وتصدقوا عملتها تلت سنين الاقي نفس الاغنية في نفس التوقيت
:)
))المهم ادينا عايشين نرازي في الدنيا والدنيا ترازي فينا
وماحدش يسألني يعني ايه ترازي دي
بس اعتقد ان معناها ندايق بعض برخامة
:))))))
=========
خبر لطيف
في عمل لطيف هيتم
يجمع اهل البلوجر مع بعض في عمل جماعي
كتاب المائة تدوينة
عن شهر يونية شهر عيد ميلادي
:))
وهطلب منكم طلب
ياريت تختاروا بوست من تدوينات شهر يونيو
اشترك بيه في الكتاب
واكتر بوست هياخد تصويت منكم هو اللي هشترك بيه
مافيش ديمقراطية اكتر من كده
بقا
:))))

الأحد، 26 يونيو، 2011

قهوة سادة


الفن الهادف يفرض نفسه
عرض قهوة سادة الراقي الجميل
اللي اتعرض في ساقية الصاوي من كام سنة
يندرج تحت معادلة صعبة للغاية
ازاي نعمل فن هادف يقول شئ ينتقد سلبيات المجتمع بدون خدش حياء المشاهد
يعني فن راقي رائع بدون ملل
وكان التحدي هنا بفنانين لا يعرفهم الجمهور
ومع هذا
العرض نجح نجاح ساحق
وده يثبت ان مقولة الجمهور عايز كده مقوله فاشلة
يعلق مروجي الهبوط الفني عليها نشرهم للعري والاباحية ليخربوا النفوس لجلب الفلوس
-------
اتمني في الفترة الجاية ان ينتبه
صانعوا الفن
للجودة ويتخذوا من قهوة سادة
منهج لهم
ويحترموا عقلية المتلقي
ويرحمونا من كليبات العري
والغندورة اللي صوتها مش حلو
وعايزة تعمل كليب وتغني
يرحموها ويرحمونا
ويكون عندهم ضمير شوية
---------
ورمضان علي الابواب
ياريت التلفزيون المصري
والفضائيات العربية
يتذكروا انه شهر عبادة مش شهر مسلسلات
ونرجع زي زمان
يحتل المسلسل الديني والتاريخي
الصداااارة
والبرامج الدينية المعتدلة ترجع تاني
والابتهالات الراقية اللي اتربينا عليها
وياريت يتعمل مليونية العبادة في رمضان
ماتلهوش الناس عن خير رمضان
صحيح كل واحد عقله في راسه يعرف خلاصه
بس الزن علي الودان مش حلو
والنفس اماره بالسوء
اللهم بلغنا رمضان

السبت، 25 يونيو، 2011

اتكلمي +تحدييييث هاااااااااام:))))

عملنا اتكلمي
عملوا اتكلم
والمدون ابراهيم رزق صاحب مدونة سالزياد دخل عرين الاسد وكتب
البوست ده
وانا بهدي النفوس وبنصح بنات البلوجر يدخلوا يجاملوا في البوست ده
وياريت يق
روا التعليقاتارتباط
:))
================
اكتشفت بالصدفة ان في حملة اتكلمي
اي فضفضي
انا مش عايزة اتكلم ولا افضفض
حاسة ان اللي بيحصل للستات في مجتمعنا العربي بقا اكبر من الكلام
وكل ست فينا او بنت اللي جواها اكبر من الكلام
يمكن في ناس بتعرف تعبر وتتكلم
وفي ناس زي كتير اللي جواها بيكون اكبر من قدرتها علي الكلام
انا مش بقول غير حسبي الله ونعم الوكيل فوضت امري اليك يارب
وكتير من الناس بتفتكر ان حسبي الله ونعم الوكيل ده دعاء علي حد
بالعكس ده الانسان بيقول انا حسبي الله مش العبد انا بوكل ربنا في امري مش العبد
ونشوف كده كل من قالها ربنا اعطاه ايه
ونشوف هنا كمان
======
" حسبي الله و نــِـعم الوكيل "

دعاءٌ قاله المسلمون يوم أُحد
{ فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ }
و ثبتهم الله رغم الجِراح

==
وهو ده اللي انا مؤمنة بيه اني لما اقولها ربنا بيعطيني نعمة ماتخطرش علي بالي وبحس اني لما بقولها وبصبر
فعلا بنول اتباع رضوان الله
وبحس بالرضا دائما
هو في اجمل واقوي وانفع من الانسان دائما يكون وكيلة الله
القوي المتين الحق المنتقم الجبار العليم الغفور الفتاح الرزاق
مالك الملك ذو الجلال والاكرام
===
هي دي فضفتي ومشاركتي في اتكلمي

الجمعة، 24 يونيو، 2011

المهر

كلمتني صديقة عزيزة جدااااااا علي وكانت منزعجة

الحقيني شكل جوزي هيفركش الجوازة

ليه بس في ايه ان شاء الله خير
قالت لي ابوها مصر يكتب المهر في القسيمة جنيه مصري واحد نظير ان الولد مايكتبش قايمة
قلت لها جميل وبعدين
ابو الولد بيقول :يعني ايه ادفع المهر ده كله ومايتكتبش افرض انهم ماتوفقوش يضيع علينا المهر
يرد ابوها: يعني ايه اجهز ده كله واحط فوق مهركم مرتين وتاخدوا بنتي وبعد شوية ترجعوها ويضيع علينا كل الفلوس دي
يرد ابوه :طيب هنكتب لك قايمة بالحاجات
يرد ابوها :ايه اللي هيفيد بنتي من شوية كراكيب
انا:الي اخر الحوار الغريب السخيف اللي بيتكرر في كل جوازة علي ارض مصر
بصرحة تحولت اي جوازة لمباراة في موضوع المهر والقايمة والمؤخر
اساس المهر ان تأخذه العروس حق لها
والزوج هو اللي بيأسس منزل الزوجة
المصريين اخترعوا ايه بقا علشان الحالة الاقتصادية وعلشان همه عجبه حبتين
العروسة تاخد المهر وتجهز بيه وفوقه حبتين تلاته كمان
والغريب بقا ان المؤخر في اغلب
لا
السواد الاعظم من حالات الطلاق لايدفع المؤخر للمطلقة
بالرغم انه دين علي الزوج الي يوم الدين
واذا توفي وهي علي زمته بيأخذ من التركة
وبعدها تقسم
وفي مصر ام العجايب الارملة بترفع بيه قضية علي الورثة
اللي في الغالب بيكونوا هي واولادها وطبعا بتكسبها
وبتاخد المؤخر من التركة وبعدها باقي التركة بتتقسم حسب الشرع
قلت لها احتكموا لحد من الشيوخ الازهريين وان شاء الله خير
وبصراحة لازم اهل العريس يكونوا اكتر منكم حفاظا علي حق العروسة ويتبعوا حدود الله علشان دي حقوق كل طرف هيتحاسب امام الله علي مااعطي ومااخذ
ومش منطقي ان العريس اللي بعد كده بيبقي الكبتن المخلوع
يتجوز ويخلف وهو ماشي ياخد المهر بتاعه كمان
وماحدش يقول لي ده الشرع
لالالالالا
الشرع ان الزوج يكون زي الفل وعلي خلق ومتدين وطيب ولاتعيب عليه ازوجة عيب
وهي اللي عايزة تطلق علشان مش بتحبه او متوافقه معاه
هنا بقا تفتدي نفسها وتديه مهره وتخلع
لكن مش الزوج يطلع روح زوجته ويسود عيشتها والمسكينة علشان تشتري نفسها
ياتخلع وتديه مهره
ياتبريه وتتنازل عن المؤخر
بجد المصريين بجد محتاجين ان الخطاب الديني في الحتة دي يتظبط شويتين تلاته
انتوا ايه رأيكم
؟؟؟؟؟؟

الخميس، 23 يونيو، 2011

اسلمي يامصر



مش مبسوطة من اللي بيحصل خاااااااالص قالوا استفتاء ناخد راي الشعب في تقرير مصير البلد علي التعديل في 8 مواد في الدستور وكانت النتيجة بنعم خلاااااص كده خلصت نحترم راي الاغلبية بنلتف عليها ليه ماهو لوعملنا كده ورجعنا في كلامنا هيبقا ده المقرر الجديد بتاع سياسة البلد وده مش في صالح الديمقراطيه اتعمل الاستفتاء علي شئ واتعمل اعلان دستوري بشئ تاني
معلش وماااااااااشي
بس برضوا لازم نحترم راي الاغلبية حتي لو اكتشفنا انه غلط نتكاتف كلنا اللي قالو نعم واللي قالوا لا علي اننا نصلح يعني بيقولوا مش هتنفع الانتخابات والبلد مافيهاش امن كده وايه يعني ننزل نحمي اللجان زي ماحمينا بلدنا باللجان الشعبية وايامها ماظهرش بلطجية ولاحاجة بيقولوا الاحزاب الجديدة مالحقتش تعمل حاجه
والاخوان وفلول الحزن الوثني هتسيطر علي مجلس الشعب مع السلفيين وهيعملوها زي غزوة الصناديق
طيب ماتتحركوا شوية وبدل المساطب والمكلمانات اللي منصوبة في الفضائيات تنزلوا الشارع للناس تروحوا القري والنجوع والحواري انزلوا للناس اللي هتنتخبكم واخرجوا من عزلتكم
خالوهم يشوفوكم ويسمعوكم ويعرفوا فكر تاني وناس تانية
والازهر والناس المعتدلة تصحح كده مع الناس
وينزلوا الشارع لتوعية الناس البسط
اء يعرفوهم الدين الصحيح في ايه حجج تاني
؟؟؟؟ ماينفعش نسقط في اول امتحان ديمقراطية وعلي فكرة معروف لكل اللي بيدخل مدونتي ان انا قلت( لا ) وحذرت من اللي بيحصل دلوقتي في البوست ده
ولكن كله الا انقسام الوطن
مش ناقصين عايزين نبني البلد
مش كفاية ماسورة المرشحين للرياسة اللي ضربت فينا
واللي لسه مش عارفين هنعمل معاهم ايه
وابتدوا يخبط
وا في بعض
حتي توفيق عكاشة بتاع الفراعين
قاعد بيقارن بينه وبين البرادعي
بيقول هو معاه دكتوراه والعبد لله(اللي هو توفيق عكاشة)
معاه
دكتوراه
الي اخر المقارنة المضحكة
ماعلينا
وده اخر المرشحين اللي عمل كمان صفحة لتأيده
تصدقوا فكرت اني ارشح نفسي وخصوصا ان بقا عندي خبرة من انتخابات النقابة
:)))))
))))
ربنا ييسر الاحوال
----------------
الخبر ده علي قد ماالقي الضوء علي مصر واللي بيجرا فيها
بس قلت في نفسي جت من الغريب وماجتش منك
هات لي منظمة واحدة ولا ح
تي جمعية تعاونية عربية
كرمت حد من المصابين او الشهداء
ماعلينا
----------
اما الخبر ده
بصراحة اول ما
عرفته الضهر قلت
لييييييييييييه؟؟؟؟؟
كدددددددددده!!!!!
ماتقبلو
هاااااااااا
ونبي نفسي اعرف ياريت حد يقول لي الراجل ده بيعمل ايه في الوزارة
--------------
والخبر ده خير اللهم اجعله خير
ياريت كل المجاالس المحلية تعمل زيهم
وافلح ان صدق
ور
ونا الهمه
----
----

الثلاثاء، 21 يونيو، 2011

مانشت


ده لينك مدونة مش هنسكت
مدونة رائعة مواضيعها دسمة فيها موضوع الان رائع
----------
في برنامج مانشت علي اون تي في
كان في مداخلة من دكتور عاصم عبد المجيد متحدث بأسم الجماعة الاسلامية
الحوار كان عن ان اعضاء الجماعة مش هيشتركوا في برنامج تكون المذيعة سافرة
اي لابد ان تكون محجبة
وقال انهم لايفرضوا علي احد الحجاب
لكن ده قرار شرعي من الجماعة لأن الحجاب فرض شرعي
لحد هنا مافيش مشكلة
واستشهد بأن بابا الفاتيكان لايستقبل اي سيدة الا واضعه غطاء رأس
وان سوزان مبارك عدوة الحجاب
لما راحت الفاتيكان وضعت غطاء رأس في المقابلة اللي تمت بينهم
ولحد هنا برضوا جميل
لكن اللي مش جميل بقا
ان الدكتور عاصم لما المذيع سأله هل توافق الجماعة علي ان تكون المراه رئيس جمهورية
قال ايييييييييييييه؟؟
مافيش حد عاقل في الدنيا يوافق علي ان تكون المراه رئيس للجمهورية
وده غلط شرعا توليت المراه
وكرر مافيش حد عاقل في العالم اكتر من مره
وكمان استشهد بأمريكا ام الحريات عمرها ماكان لها رئيس جمهورية ست
ولما المذيع قال له هيلاري كلينتون كانت مرشحة
قال له طيب ماالشعب الامريكي مااخترهاش
لايمكن هذا المخلوق الضعيف يكون رئيس جمهورية
وكان منفعل جدااااااااااا
مش عارفة في ايه مال الاخ عاصم زعلان ليه كده
عجبني الدكتور عبد المنعم ابو الفتوح لما اتسأل السؤال ده رد بذكاء شديد
قال في فرق بين الولاية لدولة اسلامية زي زمان ايام الدولة الاسلامية
وان الخليفة كان له مهام الولاية الشرعية
وبين رئيس الدولة الان اللي بيقود مؤسسات
يعني مابيأمش المصليين مثلا
ولا يتقدم الصفوف في الحرب
ده موقع سياسي وظيفي
يعني الدنيا سهله اهو يادكتور عاصم مش محتاجه ده كله منك
ولا اييييييييه
؟؟؟؟؟
ومش شايفة اي ست تقدمت لحد دلوقتي بصورة جدية للترشح
---------
وفي نفس البرنامج
استضاف الدكتور شوقي السيد
عضو المجلس الاعلي للصحافة
اللي المفروض انه خلاااااص
المدة بتاعته خلصت بقاله سبع شهور
والجميل بقا ان الاعضاء بيروح لهم شيكات المهايا الي الان
وقيمة الماهية الواحدة 4000جنيه
دكتور شوقي جه البرنامج ومعاه الشيكات اللي مستحرم يصرفها
وتفاصيل الموضوع هنا
عدد اعضاء المجلس79
نضربهم في 4000
دون وجه حق والدكتور بيقول لم يجتمعوا مره واحدة خلال السبع اشهر
وكمان الاعضاء المفرض انهم من منهم في السجن
ومن منهم اتشال من رئاسة الجرائد
وطبعا انتوا عارفين كان مين رئيس المجلس الاعلي للصحافة
؟؟؟؟؟
:)))))
صفوت الشريف جداااااااااااا
:))))

لوكنا بنحبها

في بداية البوست احب اهدي اغنية لوكنا بنحبها
لأبني ذو النون المصر العائد بأذن الله الي ارض الوطن مصر
ترجع مصر بالسلامة
--------
لوندوووووره الجبل
ده لينك بوست قديم كتبته عن انجلترا الجبل بتاعت المطاريد
يعني ايه بطرس غالي يتحكم عليه ب30 سنة سجن في مصر ومحطوط في الاجندة الحمراء للأنتر بول وعااااادي بيتجول عااااادي في لندن
ليه الغرب بيتشدق بالحريات ومساندة الشعوب والحريات
وفي نفس الوقت متسترين علي كل الفارين من العدالة
مصر لازم بقا تاخد مواقف حازمة من الدول دي ونفضح الاعيبها في التستر علي المجرمين الفارين من بلدانهم عندهم
وبالنسبة للكابتن حسين سالم دي اخر اخباره
-----------
اخيرااااااااااا تم الاعتراف بمرض اللامبارك الحقيقي
بالذمة دي عقليات كانت بتحكمنا
يصبغ شعره ويخفي مرضه للدرجة دي كانوا فاهمين اننا سازجين
ويحبسوا ابراهيم عيسي ويقعدوا يخبوا كل ده علشان ايه
والاعلان دلوقتي علشان مايتحاكمش علشان موضوع القلب مانفعش قالك يبقا سرطان
عموما هو كده اخد عدالة ربنا وداق السرطان اللي دوقه للشعب المصري من ادخال مواد مسرطنه من كل شكل ولون
لا ومدلعينه اخر دلع وجايبين له دكتور الماني يعالجه ده ياما ناس بريئه ماتت في السجون بسببه
طيب لما يجيله ملك الموت يبقا يوريني هيعمل ايه
----------
اكتر شئ استغربت له في خطاب فشار الفار
مش كلامه بالعكس انا كنت عارفه انه مش هيقول حاجه
وكلامه هيبقا من نوع سوف والشعب مندس ومؤامره
وكأن الشعب كله مندسين وهو الوحيد اللي وطني طيب ابقا عيش فيها لوحدك
ولما تقابل ربنا وايدك كلها دم هتقول لربنا ايه
الرئيس فيكم بيبقا مش عايز يمشي الا ومدمر تاريخه وكمان قاتله نص الشعب
المهم مش ده اللي استغربت له
استغرابي علي الحاضرين في القاعة للخطاب وكم التصفيق له ولا اللي حرر الجولان خلاص
بجد اندهشت اندهاشه ينفهش لها المنفهشين اجمعين
ايه ده يكونش دول اسفين ياريس فرع سوريا
:))))
والحمد لله زي ماتوقعت اول ماخلص الخطاب اللي ماطلعش قبل كده في المظاهرات طلع بعد الخطاب
------------
هو مش البرادعي قال ميت مره انه ماعندوش اي جنسية اخري
ايه موضوع القضية اللي مرفوعة عليه دي علشان سحب الجنسية منه
صحيح مصر ام العجايب
-----------
بن علي اتحاكم واخد حكم وبرضوا بيكدب وبيقول ماعنديش فلوس بره ولاجو تونس ياعيني غلبان
واللامبارك قال نفس الكلام اومال ايه الاموال اللي اعلن انها اتجمدت دي مش عارفة
ومجنون ليبيا قال برضوا انه ماعندوش فلوس
وكذلك علي طالح وفشار الفار
الله لما انتوا فقراء واحنا واقفين عليكم بالخسارة كده
متبتين فينا ليه ومش عايزين تمشوا
وبعدين مش عيب تبقوا رؤساء قد الدنيا وتكدبوا وبعدين اللي بيكدب دلوقتي بيروح طره:))
---------

الاثنين، 20 يونيو، 2011

اخيرااااا اللاب توب خف وطلع من الانعاش+تحديث

من وراء الشاشة الجميلة للاب توب بتاعي
ومن وراء الكي بورد احدثكم
الحمد لله والشكر لله تم اصلاح اللاب توب
وعاد الي العمل في ثوبه الجديد
رغم وسوسة المغرضين من ابناء القبيلة بشراء لاب توب جديد
وانا اقول ابداااااااااااااااااااا
لاب توبي حبيبي
يقولوا لي ده قدم خلاص وبقا عجوز اقول لهم لالالالالا
ماافرطش فيه خدمني في صغره افرط فيه في شيخوخته
واسيبهم يقطعوه قطع غيار
ده مافيهوش بلوتوث اقل وايه يعني ماانا مركباله بلوتوث خارجي
يقولوا لي ده مافيهوش كاميرا
اقول لهم وانا يعني هصور تمثيلية
يقولوا لي علشان ننزل لك سكاي بي وتشوفي خالوا وتكلميه في بلاد الفرنجة
اقول لهم نوووو ادينا بنكلم بعض في التليفون وبسافر له
والحمد لله ادينا مع بعضينا بكتب لكم من خلاله
وكمان الهارد الجديدة كبيييييييييييره
-------
ندخل علي الاخبار بقا
امبارح كنت في اول شارع مكرم عبيد عند سيتي سنتر لاقيت شباب لابسين صديري اخضر شكل اللي بيلبسوه عساكر المرور ومكتوب عليه الاخوان المسلمين
وبينظموا المرور سألت واحد فيهم خير هو في حد عامل مؤتمر من الاخوان ولا ايه
قال لي لا احنا بنساعد في تنظيم المرور
قلت خير خير
------
شوفوا الخبر ده
مش ده اللي كنت بقوله في البوست اللي فات
ياتري بقا هينتهي الصراع لمين في دول
مصر دلوقتي فيها صراعات بين التيارات المختلفة
(والاشد هيكون بين التيارات ذات الاتجاه الديني)
ده مقال
وده مقال تاني
ياتري البلد رايحة علي فين ؟؟
----------
مش غريبة حبتين تلاته ان اخبار السيدة الفاضلة سوزان مبارك اختفت وماحدش بيجيب سيرتها خااااااااااالص
غموض غير مفهوم
ساعات بحس ان نزول التحرير شئ لابد منه علشان نفكر الناس اللي فوق اللي خدوا الثورة وبينظموا حال البلد دلوقتي
اننا لسه هنا ومصحصحين ومش هنخاف من تهديداتكم وتخوفنا بأمنا الغولة
---------

الأحد، 19 يونيو، 2011

اخبااااااااااااار

الخبر الغريب:
قيادي سلفي (حسن ابو الاشبال):من لاينتخب مرشحا اسلاميا للرئاسة((يتحدي)) الله ورسوله
والعمل ايه بقا لو رشح نفسه اكتر من واحد يعني مثلا لحد دلوقتي تلاته اسلاميين(علي اساس ان الباقي مش مسلمين!!!)
مين منهم مع الله ومين لو مااخترناهوش هنبقا بنتحدي الله ورسولة
واااااااسعة اوي دي منك ياابو الاشبال
يارب نقضي علي الامية في مصر علشان يستطيع كل فرد في مصر ان يميز بين كل مايسمعه من اي قيادي
-------
يافرحة ماتمت
القبض علي ابو الكباتن الفارين حسين سالم
وهوووبا اتنازل عن جنسيته
وهووووووبا افرج عنه بكفاااااالة
27 مليووووووون يورو
!!!!!!!؟؟؟؟؟؟؟
بس اللي طمني شوية انه مطلوب في اسبانيا علي قضية غسيل اموال يعني فلوسه ضايعة ضايعة علي مصر وعليه
بس دي مافيا يابا
مش هيسيبوه
--------
ارتباطخبر زعلني جدااااااااااااااااااااااا
يعني ايه الشهود يغيروا اقوالهم في قضية زي دي
يعني بيشهدوا زور
يعني خايفين من الشرطة ومش خايفين من ربنا
وفين الشيوخ اللي ماليين الدنيا والفضائيات مابيجبوش الناس دي ويقولوا لهم الا وقول الزور الا وقول الزور...الا وقول الزور
مش مصدقة ان في انسان ممكن يشهد زور علشان يضيع دم انسان قتل مهما كان وصفه
همه بيقولوا ان اللي اتقتلوا امام اقسام الشرطة بلطجيه
كشفوا علي الفيش والتشبيه بتاعهم
وان دي حالة دفاع عن النفس
للدرجة دي لسه في مصريين كده
بس هقول ايه اذا كان بعد الفضايح دي لسه في ناس بتقول اسفين ياريس
----------
هو احنا كل مانقبض لهم علي جاسوس
يقولك هاتوه وخدوا تلاته مصريين
طيب بغض النظر بقا عن قلة الادب بتاعتهم وان الفرد عندهم قصاد
سبعة اة تلاتة من عندنا
المره دي يااااااااااريت يدونا كل المصريين اللي عندهم
قصاد الواد ده
وبعدين ده عامل دعاية سياحية لمصر كبيرة ومتصور في كل حته فيكي يامصر
-------
خبر غريب جدااااااااااااااااااا

اخر
مش هقول غير واحدة واحدة كل شئ هينكشفنننن
ويبااااااااااان
واقروا الاسماااااء بأمعاااان
وشوفوا اللي كانوا عاملين نفسهم ثورجيه
ومين اللي جري يعمل حوار مع عمر سليمان
والناس معتصمة في التحرير
----------

الجمعة، 17 يونيو، 2011

ممر التنمية والحزب الوطني والدستور

مش عارفة ليه في بلدنا الاشهر دول كل شئ حواليه جدل وخلافات غير محسومة
المفروض ان الديمقراطية الاقلية بينصاعوا لراي الاغلبية
يعني لما الاغلبية تقول نعم حتي لو غلط يبقا خلاص
نحترم اول خطوة علي طريق الديمقراطية ونتكاتف معا من قال لا ومن قال نعم ونصلح معا تبعيات الاختيار حتي لو كان اختيار غلط
علشان دي بلدنا اللي بنعيش فيه مع بعض من قال لا ومن قال نعم
مااعتقدش اننا هنعاد بعض يعني علي حساب البلد والمستقبل
بصراحة انا لسه لحد دلوقتي مش فاهمه الهوجة دي علي ايه لما نعم غلط ليه النخبة من من قالوا لا وفهموها جيدا مانزلوش القري والنجوع وكل شبر يوعوا الناس بي ليه هنقول لا
------
ممر التنمية والدكتور الباز وكل التحيات العطره له هذا الرجل العلامة المتواضع اللي لا الشهرة ولا الفلوس ولا مركزه علي مستوي العالم وامريكا ومصر ماغرهوش ولا خلاه يغير لهجته الفلاحي المحببه لنا
يعني ماعملش نفسه خواجة برغم انه عاااااااااااش سنين طويلة في امريكا ولولا السادات طلبه بالاسم ماكنش هيعرف يغادر امريكا ابدا
لأنه من ابرز علماء وكالة ناسا
المهم
الرجل عرض مشروع قومي مدروس اسمه ممر التنمية
ويادوب الراجل عمل له ندوتين تلاته والا هجووووووووم عليه وعلي المشروع وانقسمنا برضوا نصين
نص يقول ده مشروع ليس له عائد زي مااحنا فاكرين واهدار للمال
وفريق يقول لا المشروع من عجائب الدنيا الحديثة ورائع ومافيش احسن من كده
حدش طلع علينا يشرح للناس البسطاء من الشعب المصري ايه هو المشروع ده ووبساطة شديدة علشان نستوعب ونقدر كمان نشارك في القرار
-------
اعضاء الحزب الوطني
فريق يقول نحرم كل اعضاء الحزب من المشاركة السياسيه لمدة عشر سنوات علشان لايفسدوا الحياة السياسية مره اخري
وبالبلدي نقصص لهم ريشهم اللي نافشينه علي الشعب وعلشان مايدخلوش مجلس الشعب الدورة دي اللي تعد من اخطر الدورات علي الاطلاق
وعلشان همه مربطين وعارفين الناخبين
الفريق التاني قال لك لا هو احنا هنعمل زيهم ونتحول لديكتاتوريين ونحرم شريحة من الشعب من حقهم في الحياة السياسية
يرد النص التاني ويقول ماقعدوا فيها تلاتين سنة عملوا ايه لا يمشوا من الحياة السياسية نهااااااااااائي
طيب والناس الكويسه اللي في الحزب ليه نحرم دوائرهم منهم
النص التاني يقول لك في ناس كويسة تانيه لازم يخدوا فرصتهم
هو فعلا الحزب الوطني اعتمد علي الناس اللي ليها عزوة ومكانة في بلدانهم علشان ينضموا للحزب علشان يتم تأييدهم في الانتخابات
ومااعتقدش اااااابداااااااا
ان اي حد في عهد المخلوع كان يقدر يقول لهم لا
بالعكس كان بيعتبره فخر ان الحزاب الحاكم اختاره علشان يدخل الانتخابات بأسمه
--------
المهم ان في كل موضوع اهل بلدي بينقسموا قسمين
ومش دي المشكلة بالعكس الاتخلافات والمناقاشات مقيدة جدا في المرحلة دي
بس نعرف نعمل ده صح ونحترم الراي والراي الاخر
وليه مافيش حد يتكلم ويشرح لنا احنا مختلفين في ايه علشان حتي نعرف نختلف صح
وعلشان لما نختار نختار صح ومانعملش زي ماعملنا في الاستفتاء
نصوت علي شئ ويتعمل شئ تاااااني خالص
وياتري هترسي علي ايه اعتقد ماحدش يعرف
الدستور والا الانتخابات الاول

انتخابات نقابة التشكيليين


البوست ده يعتبر تدوين مني لأحداث النقابة احب اضيفة لمدونتي
------
نبتدي من الاول
في يوم من ذات الايام لاقيت زميل لي يتصل ويقول لي
في اجتماع في النقابة علشان سحب الثقة من المجلس الحالي
قلت له مجلس ايه مين فين
؟؟؟
قال النقابة !!
نقابة التشكيليين
قلت له ان ماكانتش الثورة زودت عندي الزهيمر المجلس مدتة انتهت من شهر 12
وهيقوم بالاعمال الي اخر الانتخابات الجديدة
وكان المفروض اننا داخلين علي انتخابات واللي فكراه انك مرشح نفسك
قال مش فاهم حاجه من اللي كلمني بس اللي فهمته ان عايزين توقيع 100 علشان سحب الثقة
وهنروح كلنا نشوف في ايه
قلت اوك هاأكلم باقي الزملاء والزميلات ونيجي
وفي اليوم الموعود عدت عليا زميلتي ودار بينا حوار في السكة
اننا زعلانين من النقيب والمجلس علشان النقابة الوحيدة اللي مااشتركتش في الثورة وكل اللي نزل
نزل لوحده مش تمثيل للنقابة
المهم وصلنا دار الاوبرا المصرية وركنا العربية ومشينا من الباركنج
الي باب الدخول للنقابة
الامن وقفنا رايحين فين حضراتكم
قلت له حضرتنا رايحين النقابة
قال ممنوع اللي رايح النقابة يدخل من هنا
ليه ياكابتن ماطول عمرنا من يوم ماالنقابة اتنقلت هنا واحنا بندخل من هنا
قال معلش دي اوامر والنقابة لها باب تدخلوا منه
قلت له ماشي ده علي اساس ان الفنانين التشكيليين ارهابين وهندخل نفجر المكان
ولفينا من خارج دار الاوبيرا مسافة لطيفة علشان ندخل النقابة ووصلنا لاقينا اييييييييييه باب النقابة مغلق قلت للأمن خير في ايه النهاردة
قال لنا معلش الباب مغلق بناء علي طلب النقابة والدخول من باب قصر النيل
قلت اه الموضوع في انه وشكلها مش حلو من اولها
المهم
لفينا تاني واحنا داخلين لاقينا سكرتيرة مصطفي حسين بتتخانق مع الامن
وبتقول لهم في ايه ومين اللي قال لكم تعملوا كده ومافيش قرار طلع بكده ويعني ايه اللي حصل ده
سلمنا عليها وقالت لنا مصطفي حسين مايعرفش حاجة عن الموضوع ده
وانتوا بقا جايين تسحبوا الثقة النهاردة من مجلس مدتة انتهت
قلت لها ده الخبر انتشر بقا
قالت طبعا ومصطفي حسين جاي وهيجتمع بيكم
قلت لها يعني اللي عمل كده بيجامله بقا وعايز يدوخ اللي جايين
:))
المهم لما قربت من الحديقة الغنااااااااااااء بتاعة النقابة
جاني حالة زهول وقلت لصديقتي مين دول يااميرة
قالت مش عارفة مين دول صحيح
اعداد من البشر عمري ماشفتها في النقابة اطلاااااااااقا
وكلهم ماشاء الله شباب
وعمري ماشفتهم لافي الجمعية العمومية ولا كنا بتلاقي حد يمضي علي شكوي هنعملها ولا حتي قاعدين في النقابة في الايام العادية
المهم دخلنا الاجتماع وجه مصطفي حسين وابتدي الاجتماع
والقي احد الثوار اللي جايين يخلعوا الفنان مصطفي حسين بيان سحب الثقة بين زمجرة الجالسين وبعد ماخلص لاقيت هتافات تنادي بالتغيير والتبديل والاحلال وكان من ضمن الكلمة نتيجة السلبيات
مسكت انا بقا في الكلمة وقلت للخطيب اللي هو اصلا فنان تشكيلي معروف
قلت له طيب انت وانا وحوالي عشرة في القعدة دي عارف السلبيات بس انا شايفة وجوه جديدة خااااااااالص مش برضوا من حقها تعرف السلبيات ولا هيبصموا علي كلامك
لاقيت ولا حرب النجوم وهجوم عليا بالهتافات لدرجة اني ماقدرتش احوش نفسي من الضحك
فا مصطفي حسين ضحك وقال لهم خلاص يعني انتوا عايزيني اقدم استقالتي
اوكيه ياله استقالة جماعية
المستشار القانوني بتاع النقابة جه يتكلم ويقول ده غير قانوني القانون بيقول ....
راح مصطفي حسين قايل له خلاص استقالة يعني استقالة
وقعد يضحك معانا المجموعة اللي هو عارفها
نسيت اقول لكم ان لما مصطفي حسين اعلن الاستقالة في شاب قام وقف علي كرسي وبطريقة غريبة حبتين فضل يقفل ايده ويفتحا ورافع راسه للسماء وعمال يقول تحيا مصر تحيا مصر الله اكبربصوت اعتقد ان اللي في السودان سمعوه
ولا اللي حرر القدس:))
الشاب ده طلع اصلا مش من النقابة ولاحتي خريج اي كلية فنية
:)))
المهم طبعا قانونا كل اللي حصل كان غير قانوني
ومصطفي حسين بخبرته في الحياة قال لك ايييييييييه طاطي براسك تعدي الريح
وطبعا بعد القعدة ايوة قاعدة مش هسميها جمعية عمومية علشان دي قاعدة غير قانونية اتكلمت مع بعض من الشباب ده وفهمتهم ان القاعدة غير قانونية قالوا الثورة تلغي ده كله قلت لهم بكره تشوفوا ان ولا حاجه هتحصل وكل شئ هيمشي زي ما القانون بيقول
اصل الثورة مش معناها فوضة ولايصح الا الصحيح
بس هو ده الفرق بين حماس الشباب اللي مش متوظف صح وبين العواجيز اللي تجارب السنين علمتهم
عارفين ايه اجمل شئ ان يجتمع حماس الشباب وحكمة الشيوخ
المهم
اتفض المولد بدهاء مصطفي حسين
واتفتح باب الترشيح للمجلس
وخالوا بالكم ان المجلس قاااااااااااائم قانونا الي اخر يوم ويقوم بأعماله عادي واي حد دفع الاشتراك وطلع كارنية كان عليه امضاء مصطفي حسين
وان الورقة اللي مضينا عليها ماعملتش حاجه علشان كانت غير قانونية
بالرغم اني اتهاجمت علشان قلت كل اللي بيحصل ده مش هيغير من الوضع شئ
زميلي اللي كان هيرشح نفسه قال لي مش هرشح نفسي في الجو ده
ده جو ماحدش هيسمع حد وماحدش هيستمع لصوت العقل والمنطق
وبعد اسبوع لاقيته بيكلمني وبيقول لي لا هرشح نفسي ومش هنسيب الدنيا كده ان شاء الله اسقط بس لازم نتواجد لعمل توازن
وانتي كمان ترشحي نفسك
اناااااااااااااااا!!!؟؟؟
قال لي ايوة ونروح ونتكلم
بعد مداولات اقتنعت وقلت ماااااشي نرشح نفسنا ياريس سعد
ورشحنا نفسنا وللأسف اي مؤتمر للمرشحين ماكنش حد بيحضروا غير المرشحين واصحابهم يعني ماكنش في مؤتمرات حقيقية
الاعضاء هينتخبوا ناس ماتعرفهاش ازاي
هينتخبوا بالشكل ولا بحجم الدعايا ولا ايه
بصراحة ماعملتش مجهود كبير من ناحية الظروف عندي كانت اتلخبطت خالص
ومن ناحية مااقتنعتش باللي بيحصل
المهم
اوصل بيكم لما قبل الانتخابات بأسبوعين
كنت اشتريت القانون الداخلي للنقابة وذاكرته كويس جدااااااااااااااا
لاقيت ايه بقا ان في ظل تعطيل القانون 100بتاع الانتخابات
كل نقابة تعمل حسب قانونها الداخلي
هووووووووبا
طيب قانون النقابة اللي علي اساسة انور السادات صدق علي عمل النقابة في سنة
1976
بيقول ايه بقا؟؟؟
ان ماينفعش يصوت ولايرشح نفسه الا من سدد الاشتراك للنقابة قبل تاريخ الانتخابات بشهر بالتمام والكمال
هووووووووبااااااا تاني
ويكون عضو عااااااااااااااااامل
جميل؟؟
يعني اغلب شباب الفنانيين مش هينفع يرشح نفسه
واغلب شباب الفنانيين مش هيعرف يصوت ويختار اللي هو عايزه
وكمان اغلب الجمعية العمومية مش هيعرفوا يصوتوا
اخدت اللايحة ورحت قابلت المستشار القانوني بتاع النقابة
يااستاذ الكلام ده هتطبقوه ولا علشان الظرف الاستثنائي اللي فيه البلد هنعديه
قال لا هيتنفذ ده القانون عايزيني مااطبقش القانون
قلت له لا ودي تيجي
طيب ليه ماقلتوش للناس الكلام ده في الجمعية العمومية
اللي كانت في 18 فبراير علشان يعملوا حسابهم
قال مااعرفش المفروض ان الكل عارف
عارفين منين دول متعودين انهم يجوا يوم الانتخابات يدفعوا الاشتراك ويطلعوا الكارنيه وينتخبوا ويمشوا
قال ماليييش دعوة ده القانون
قلت له ماشي ده القانون لو البلد عادي
بس مين اللي هيخرج من بيته في ظل الامن الغائب علشان يجي النقابة
وفي ظل حظر التجول علشان يدفع الاشتراك في اول السنة كده
وخصوصا ان النقابة مابتشتغلش غير بالليل من 6الي 9
قال هو ده القانون قلت له ماشي يسويها ربنا
وفي يوم الانتخابات ناس كتير رجعت علي يومين وتلاته
فرق توقيت التصويت انا سمتها كده ساعتها
المهم والانتخابات شغالة والناس كلها موجوده
طلبت من مرشح زميل فنان نحات وفي نفس الوقت محامي يكتب لنا تظلم
علشان كده ماينفعش وبفضل الله لميت حوالي 350 توقيع
والزميل الفنان سلم نسخه لمندوب العدل اللي كان موجود
ونسخة لمصطفي حسين
ولا اي شئ حصل ولا حد عبرنا اصلا
وكانت الهوجة اللي حصلت زوبعة في فنجان
وفضل المجلس القديم يقوم بمهامه الي اخر يوم من بعد انتخاب المجلس الجديد
المهم
يوم الانتخابات الاول عدي بخيره وشره
اه شره ماانا نسيت اقولكم ان لما رحنا الصبح الساعة عشره
لاقينا الحديقة الغناء بتاعت النقابة مافيهاش لاشمسية ولا خيمة والناس قعدت اتسلقت في الشمس من عشرة الصبح لخمسة بعد الضهر
وده حديث ليه لجريدة الاهرام بعلق فيه علي الاعادة
ماعلينا اليوم انتهي ان الاصوات لم تكتمل بالنصاب القانوني وعليه هيكون في اعادة
جميل
خلال الاسبوعين بين الجولة الاولي والاعادة حاولنا ننقذ الموقف ماامكنش
يوم الانتخابات
الحمد لله جابوا لنا خيمة كبيرة
وعدي اليوم وتم فرز الاصوات وشرفنا المجلس القديم بنجاح 6 افراد منه
من 14
اما اختيار النقيب ماحدش خد اصوات اغلبية
فاحسم بين اتنين
الفنان حمدي ابو المعاطي والفنان طه قرني
وكانت الاعادة وفاز الفنان حمدي
اللي هو في الاصل كان وكيل النقابة في عهد مصطفي حسين
والاسبوع الماضي لأول مره في تاريخ النقابة
يحلف اعضاء المجلس اليمين المهني
ونتمني ان المجلس الجديد يعمل علي الرفع من شأن النقابة
وفي الخلفية لجنة للحكماء تم تجميعها في مابين اعضاء الجمعية العمومية لمراقبة المجلس الجديد مع التهديد بالمائة امضاء بس المره دي هنمشي قانوني
وده اول تصريح للنقيب الجديد
:))
وتوته توتة فرغت الحدوتة
وفي حدوتة تانيه عن معرض فينيسيا وتكريم الشهيد احمد بسيوني
والهجوم علي الدكتور اشرف رضا رئيس قطاع الفنون التشكيلية

الخميس، 16 يونيو، 2011

الجاسوس -المشير -الرؤساء -سوريا ...الخ

السحابة اللي جاية من بركان اريتريا تخلينا نقول الحمد لله
اهي دي لادخل لبشر فيها
وتسبب قد ايه خسائر في السياحة؟؟؟؟؟
-------
موضوع الجاسوس اللي متصورلي في كل حته فيكي يامصر
ايه الحلاوة دي
وهو ده فعلا جاسوس ولا بيشتغلونا علشان نعرف قيمتهم
وايه التضخيم الاعلامي ده
وياريت مايسكتوش زي كل حاجة ويعرفونا كل شئ
اول بأول احياة ابوك علي راي فؤاد المهندس الله يرحمه:))
-------
ملاحظة انا ان الثانوية العامة السنة دي محطوتة في حجمها الطبيعي
ومافيش ارهاب نفسي لأولياء الامور والطلبة
والاعلام مهادن
خلصت الوظيفة بتاعت الثانوية انها تلفف الناس حوالين نفسها والناس تتلهي بيها عن امور اهم واصعب
طيب الحمد لله
واشكر وزير التعليم انه مازرش اللجان السنة دي
يارب خير:))
-------
عايز اوجه تحية للمشير طنطاوي المتواضع
الرجل ده بغض النظر انه كان وزير الدفاع وعشرة طويلة مع اللامبارك
الا انه راجل جدع ايوة
مااستغلش الوضع وقاعد في بيته ولا مسلط الضوء علي نفسه ولا عمل اي ورنيش ولاتلميع ولا صوره ماليه الجرايد والمجلات وكتب الوزارة
ولا طلع علينا كل شوية يلقي خطاب ولا حشر نفسه في حاجة
بيعمل في صمت
سلام سلاح ليك يامشير الجيش المصري اللي حمي ثورة بلده
--------
سؤال علي الماشي بقا مادام جبنا سيرة المشير
هو ايه وضع مصر من اللي بيحصل في الجارة العزيزة ليبيا
اللي بتربطنا بيهم مليون حاجه
وطن عربي وقارة واحدة واطول حدود
ونسب بين المصريين والليبيين وحاجات كتير
مستنيين ايه علشان علي الاقل ان ثوار مصر يعترفوا بمجلس ثوار ليبيا
وخصوصا يرئس وزارة مصر رئيس وزراء من ميدان التحرير
ومشير الجيش المصري حامي ثورتها
بصراحة شكلنا بقا وحش وخصوصا ان شكل النيتو بيعمل عمايل غريبة مريبة غامضة
واللي غايظني ان المجنون بتاعهم قاعد يلعب شطرنج ايه الخيبة دي
--------
ام سورية اللي الشعب ابتدا يتهجر ولا اللي جايله استعمار
مش فاهمة بصراحة موقف العالم من فشار الفار
لا واخيرا جامعة الدول العربية هتقوم متكاسلة لتحفظ ماء الوجه وتفكر هتعمل ايه
خزي لكل عربي لكل امم العالم
الا تركيا اللي فتحت اراضيها
يارب انصر اهل سوريا يارب
-------
والشئ المضحك بقا التقارير الطبية بتاعت عبد الله طالح واخوه في العصابة اللامبارك
نشوف كده
طاااالح(بيغيظ شعبه)صحة السيد الرئيس في تحسن شديد وسيلقي خطاب للشعب عن قريب:))))
والسعوديين يقولوا الراجل خلصان وعنده حروق وصعوبة في التنفس
المهم ربنا ياخده ويخلص الشعب اليمني منه ويقتص للشهداء منه
نشوف بقا اللامبارك علشان مايتحاكمش
صحة الرئيس السابق في تدهور تام وضغطه بيرتفع كلما تم التحقيق معه واقترابت محاكمته
(ونبي انا اللي ضغطي بيعلي من الكلام ده)
السيد الرئيس السابق ممتنع عن الطعام(اللي بيجيله من بره)
يخشي علي السيد الرئيس من النقل من شرم الشيخ علشان قلبه هيقف
ونيجي نسمع تسريبات من المستشفي ان صحته زي الفل لاتتناسب اصلا مع سنه
بزمتكم مش هم يضحك وهم يبكي
---------
الشركات الاسبانية ترفض استئناف العمل في لم زبالة المصريين قبل رفع التعاقد من 100 مليون الي 300 مليون جنيه !!؟؟
ايه الحلاوة دي؟؟؟؟؟
هو ماحدش قال لهم ان الثورة قامت وان العصافير طاروا مع النظام اللي كان حاطتهالنا
من هنا بقول المصريين لموا زبالتكم زي ماطول عمركم بتعملوا
وعيب اوي اوي اللي بيحصل نجيب اغراب ينضفوا لنا بلدنا
وياريتهم نضفوها
يعني اخدوا الملايين والبلد برضوا مليانة زبالة ولا نسينا تاريخ الزبالة قبل الثورة
وده بوست عن الموضوع ده قديم
----------
خبر عجبني جدااااااااااااااااااا
التجارة تفرض رسوما علي صادرات الرخام والجرانيت وورق الدشت لتوفير الخام للصناعة المحلية
لييييه الخبر عجبني؟؟؟
علشان الحاجات دي وغيرها بنصدرها خام بسعر عبيط وترجع لنا بسعر عالي جداااااااااااااااا
طيب مانبني مصانع ونكبر الصناعة في مصر
زي موضوع البلاستك الدشت نديه للصين علشان ترجعه لنا زجاجات هي والمانيا
واقصد هنا الزجاجات الشفافة
وغيره وغيره
شكلنا هنصحصح ياولاد للصناعة المصرية تااااااني
:)))
كفاية كده البوست بقا طوييييييييييل وممل
:))))))
البوست الساااااااااااادس عشر
يامعين يارب

الأربعاء، 15 يونيو، 2011

عجلة الانتاج+تحديث


ياريت ياجماعة تقروا ردودي علي التعليقات
علشان تعرفوا وجهة نظري صح
وياريت ماننساش الخصخصة واللي عملتوا في عمال وموظفين مصر
اللي احالتهم علي المعاش وهمه في عز شبابهم
واغتالت احلامهم بدم بارد
=======
بالنسبة لعجلة الانتاج اي بيسكليتة الانتاج اتحدث
بعت عربيتي ورحنا الشهر العقاري بتاع العربيات نعمل الاجرائات المتبعة
لاقيت ماشاء الله مصر كلها هناك بتشتري وتبيع عربيات وماكنش ده يوم سوق العربيات الشهير ب م نصر
قلت الله ماالناس بتبيع وتشتري اهي والدنيا ماشية زي الفل
قالت لي الموظفة ومش اي عربيات كلها عربيات غالية
وفعلا العربيات اللي واقفة بره واصحبها جوه بيبيهوا ويشتروا
عربيات فعلا غالية ومركات عالية الجودة
قلت اومال ذالينا ليها ان البلد مافيهاش فلوس
وان عجلة الانتاج نامت وعايزين الاستبن
المهم قلت لجوز بنتي مادام نزلنا وديني السوبر ماركت يابني اشتري حاجات بالمرة
رحت لاقيت السوبر ماركت ماشاء الله زحمة ولا ليلة العيد قلت الله ماالناس بتشتري اهو والدنيا ماشية
هو السوبر ماركت مش الحاجة اللي فيه ياانتاج مصري يبقا المصانع شغالة
يامستوردة يبقا المواني وشركات الاستيراد شغالة
يعني العجلة هنا كمان شغالة اهو
اومال العجلة النايمة دي فين دلوني عليها بس
والمدرسين شغالين الله ينور والامتحانات شغاله زي الفل
وموتيسكلات الدليفري رايحه جايه جيبالي صداع
ودي قطاعات وشرائح من المجتمع شغالة اهو
وصديقتي كلمتني من الساحل قالت لي الساحل كله تمام والناس في القري بتصيف ومتوقع هجوم اكتر بعد الثانوية العامة والاسعار هترتفع تاني
طيب ماالدنيا حلوة اوي اهي
اومال محسسني ان مصر قبل الثورة كانت جميلة منتعشة وكل الناس زي الفل
وبيغنوا لا لا لا
ومافيش زحمة مرور ولا هيستريا السواقة
ولا خناقات ولاحوادث ولا جرائم
الدنيا كانت بيس يامان:))
والثورة خربتا وبقا في بلطجة وسرقة والعجلة نامت والناس بتلطم في الشوارع
مش هقول غير ربنا يهدي

الثلاثاء، 14 يونيو، 2011

الامثال الشعبية

في حياتنا الكثير الكثير من الامثال الشعبية اللي حافظنها
ماتيجوا نخرج من السياسة
والانتخابات والثورة المضادة ونكتب مع بعض البوست ده
كل حد عارف امثال يكتبها في التعليق
وادي اول مثل
يامأمنة للرجال يامأمنة للماية في الغربال
:)))
الاغنية دي بقالي كتييييييييير ماكنتش سمعتها
وانا بنقل الملفات من علي اللاب توب لاقيتها
اغنية لطيفة جدا


الاثنين، 13 يونيو، 2011

ولا حس ولاخبر:))


عايزة اتكلم في حاجتين مالهمش دعوي ببعض :))
كنت في مشوار في المقطم ازور ارملة عمي المريضة
وانا رايحة وانا راجعة لاقيت منظر علي الجنبين
بصراحة منظر عار في جبين المصريين
الطريق ده متكلف كتييييييير جدا من دمنا وفلوسنا
تخيلوا ان كله اكوام ردش من اللي بيطلعوا من الشقق اللي بتتوضب
تخيلوا لما السواق ياخد مبلغ كبييييييير جدا
من صاحب الردش علشان ينقل بواقي التكسير ده المقلب العمومي
والبيه السواق علشان يوفر كام لتر بنزين
يروح يرميه علي الطريق اللي متكلف ملايين
وعلشان يتصلح ويتلم الردش ده محتاج ملايين تاني
الطريق اصبح شبه مسدود
وكل ده اترمي اثناء الثورة وغياب الامن
ده معناه ايييييييييييييييه؟
ان المصري مش عارف يحافظ علي بلده ولا ايه!!!؟؟
======
زي واحنا رايحين مؤتمر كفر الشيخ علشان مشروع الريسيكلنج
الشباب اللي معانا وروني التعديات اللي حصلت علي الارض الزراعية
وبرضوا اثناء الثورة
(الصور عندي بس لما نشغل اللاب توب بعد التجديدات هنشرها)
يعني برضوا المصري بيتصرف غلط في غياب الرقابة عليه
في ناس لازم يتمسك لها العصاية علشان تبقا صح
والناس دي ملت الدنيا صراخ لما القانون اتطبق عليهم وهدوا لهم التعديات
وطالبوا بأنهم يدفعوا غرامات
يعني انتوا بنيتوا علي اساس ان لما الدنيا تهدي ويصدر حكم بالازالة
تتصالحوا وتدفعوا غرامة وخلاص
وعلقة تفوت ولا حد يموت
واللي ادهشني ان واحد من اللي تعدوا بيقول في التليفزيون
وايه يعني مايخدوا مننا غرامات يستصلحوا بيها ارض تانيه في حتة تانية
ايه الحلاوة دي ايه المصري الفصيح ده
وحضرتك بتشتغل ايه بقا طيب هتسيب البيت اللي بنيته غصب وحرام وتروح الحتة التانية في الصحراء؟
والتاني قالك ايه حتي لما يهدوا الارض دي مش هتصلح للزراعة تاني خلاص
يعني هو بيجهر بالجريمة عيني عينك بيعترف انه بور الارض الزراعية
بصراحة مش لاقية تعليق غير ان المصريين نفسهم أكلوا بلدهم
وعلشان يبطلوا يكلوها لازم من قوانين صارمة
تنظم حياتهم بالزوق وبالعافية
قانون ماينفعش فيه تصالح قانون يتطبق علي الجميع بدون استثناااااااااااء
عارفين الامريكان اغلبهم لايهتموا بالنظافة اصلا
حد هيقول عرفتي منين؟:))
اقولك هناك قوانين صااااااااااارمة للي يرمي ورقة او اي شئ في الارض
وغرامات مالية كبيرة
وياويلة ياسواد ليله اللي يعدي الشارع من غير مايدوس علي زرار التعدية في شوارع وشوارع تانيه تستني لما نور التعدية ينور الا لو معاك طفل او حد كبيييير سنااااا
المهم لاقيت في اكتر من مكان بنات وشباب بيتمشوا وهمه بيكلوا و لما الاكل خلص مسحوا في هدومهم لكن البواقي رموها في السلة المخصصه في الشارع
لو همه نضاف اصلا كانوا مسحوا ايديهم في مناديل لكن هدومهم مالهاش قانون
اهو المصريين عايزين قوانين كده انت حر في نفسك لكن هتعمل غلط يعود علي البلد هتتهف غرامة أأأأأأأأأأأأأأأد كده
ياهتتحبس حسب غلطتك ياحلو
:)))))

الأحد، 12 يونيو، 2011

الشهداء والمفقودين


تحية للمهندس خيرت الشاطر
علي الحوار الجميل اللي كان مع محمود سعد علي التحرير
بصراحة وضح حاجات كتير
جداااااااااا
هي دي الناس اللي تتكلم بأسم الجماعة مش صبحي واخوته
=======
ومش قادرة استوعب موضوع الشهداء والمفقودين اثناء الثورة
اللي اتكلم عليه يسري فودة والشيخ خالد الجندي النهارده
علي قناة ازهري
اللي اتقتل اتقتل
الله يرحمه برحمته الواسعة
مال العبيد بالعلاقة بين الرب وعبده
مات شهيد
مات مش شهيد دي علاقة بين ربنا وبينهم
ربنا مطلع علي موقعه ونيته
يعني هو السجناء اللي قاعدين لابيهم ولا عليهم ودخل عليهم ناس يقتلوا فيهم
ذنبهم ايه؟
يعني السجين ده مش روح
وايه عرفنا هو لابس لبس السجن ليه مش يمكن مظلوم ومسجون ظلم
ماياما النظام السابق ظلم ناس ودخلهم السجن
مايمكن مسجون سياسي
مش يمكن قتل وهو بيدافع عن السجن زي المساجين اللي جابوهم في التليفزيون ورفضوا يخرجوا وكانوا بيدافعوا عن مزرعة السجن
مش يمكن السجين ده تاب في السجن توبة نصوحة
وماحدش يقول من المعتقلين في الاحداث الاخيرة
علشان ان السجين يلبس لبس السجن ده معناه انه اتحكم عليه خلاص
وبيقضي العقوبة
كمان اللي اعتقلوا في بداية الثورة مارحوش السجون
ليه عايزين نحشر نفسنا في علاقة ماينفعش نحشر نفسنا فيها ماينفعش نقول ده صالح وده طالح ماينفعش نذكي علي الله
وياريت ندور علي المفقودين بدل الجدل ده المفقودين دول لازم يتعرف مصيرهم دول ليهم اسر مستنياهم
وليه الصور مش مالية الاعلام سواء النت او الصحف الورقية او برامج التوك شو اللي تحولت الي مكلمات اغلبها بايخة
ماينزلوا صور الناس دي بستمرار
في النهاية ربنا يصبر اهليهم
وياريت نتعامل مع الانسان علي انه انسان
مهما كان موقعه او نسبه اومستواه

الجمعة، 10 يونيو، 2011

الموجز


زارتني والدتي وجايبالي معاها جريدة اسبوعية غريبة جداااااااااااا
اسمها الموجز
بصراحة مسلية جدا عاملة زي خالتي بمبه
كلها لوك لوك
حكاوي في حكاوي
:))))
حكاوي من النوع اللي بيحبه القارئ المصري
من عينة القيل والقال
ومن عينة نشر احاديث تتم بين الجدران
مااعرفش الجرايد دي بتعرف الحوارات العوائلية دي ازاي
عايزة انشر لكم بعض منها علشان مابقاش نميت لوحدي كلنا ننم مع بعض
:))
هند الفاسي:قالت لصفوت الشريف :قول لزكريا عزمي بتاعك طظ فيكم انا بصرف علي دولتكم
علاء مبارك:شقيق الرئيس الجزائري حرمه من 10 ملايين دولار عمولته في صفقة اسلحة فرد عليه باشعال الحرب مع الجزائر
مبارك:تفاصيل الحفلات التنكرية في قصر مبارك
اييييييييييييييه رأيكم اكمل ولا كفاية كده؟؟؟
مش عيب كده ولا ايه احنا خلصنا فضايح نجوم الفن دخلنا علي فضايح السياسيين
مش نفوق بقا هي الثورة ماغيرتش الصحف دي لسه
ماتتلموا وخلونا نفوق لبناء البلد
وبناء ديمقراطية سليمة هو احنا هنلاقيها من مين ولا مين؟؟
عايزين ليه تسطحوا المواضيع وتلهونا عن اللي احنا فيه
ربنا يهدي

القمح الليلة ليلة عيدة

الخبر المحزن: حريق في صومعة قمح بوادي النطرون
يعني كنا فرحانين ان محصول القمح الي الان الحمد لله مدي بشاير تفرح القلب الحزين
اوم ايه الصومعة تولع والقمح اللي مااتحرقش يبقا قمح مبلول
يعني تقريبا خسرنا حوالي500 طن قمح
واسباب الحريق غريبة مريبة قالك ايه قيام بعض الاشخاص!!!!!!
بحرق بعض الاشجار !!!!
بجوار الصومعة!!!!؟؟؟؟؟
مين الاشخاص مين الاشجار ايه الصومعة الغريبة المريبة دي اللي لما يقع عليها جريد نخل مولع تولع
واصلا ايه اللي يوصل النار لجريد النخل العالي
انا لاهتكلم ولا هقول اي حاجة خاااااالص
ولا هقول يد بتعبث بالبلد ولا العصابة اللي اتحبسوا بفلوسهم اللي هي من دمنا بيشتروا معدومي الضمير من المصريين علشان يعملوا كل اللي بيحصل يمين وشمال
وماحدش يقول لي لا طبعا احنا هنعلق كل شئ علي الثورة المضادة
لا ياسيدي دي مش موضوع ثورة مضادة ده موضوع انتقامي بحت
يعني انت عايز تهد عروشهم وتاخد اموالهم وتسجنهم وخلاص همه بقا يسكتوا
ويتوبوا وينيبوا الي الله
لا طبعا لازم يعكننوا علينا عيشتنا بالفوضي والبلطجة يمين وشمال
بس برضوا ده مش هيخرجكم من السجن
وتااااااااااااااااني يابلطجية يامعدومي الضمير من المصريين اللي بيشتروا ضمايركم بالفلوس علشان تضروا مصر
الناس دي هتغور وانتوا مش هتلاقوا فلوس تاني وهتترموا زيهم في السجون ان شاء الله
بجد احنا شعب اغلبنا طيب جداااااااا

الخميس، 9 يونيو، 2011

تدوين الثورة

انبسطت جدا ان في لجنة متطوعة تبع وزارة الثقافة
بتتشكل علشان تسجيل الثورة من جانب المشتركين الفعليين
وكنت كتير لما اعلق عند حد كاتب عن الثورة اقول له اكتب مذكراتك عن الثورة قبل ماالتفاصيل الدقيقة الجميلة تتنسي
ياريت نعمل عشر ايام من شهر التدوين كلنا نكتب عن الثورة
سواء من شارك اوحتي من لم يشارك يكتب مااشتركش ليه
وهحاول ادخل الجروب علي الفيس اطرح الفكرة
ولوعجبتكم ان شاء الله نبتدي فيها من يوم 11يونيو الي 22
وياريت لو حد يعرف لينك الحملة بتاعت وزارة الثقافة للتسجيل للثورة
يكتبه لي في التعليقات علشان ان شاء الله لما اللاب توب يتصلح ادخل واشارك
وبالنسبة للأب توب الحمد لله تم انقاذ كل الملفات واليوم سيتم الاصلاح الفعلي اللي هيقول هنغير الهارد ولا هنغير اللاب نفسة
ونستمر في الدعااااااااااء
:))

الأربعاء، 8 يونيو، 2011

فرق كبير


سلاااااااام كبير لسواقين وكل عاملين مترو الانفاق
لييييييييييييييييه؟؟
لما حبوا يعملوا احتجاج ماعطلوش المترو
اللي هو تعطيل للمواطنين يعني تعطيل للبلد

وقالوا مش هنعطل مصالح الناس ونضرهم زي مااحنا مضرورين
وبيعملوا مناوبات
ناس تشتغل عااااااااااااادي خالص وناس تريح
وناس في الاعتصام

وكمان موقع الاعتصام مكان شغلهم رصيف محطة المترو
يعني لاقطعوا شريط سكة حديد ولا قطعوا طريق علي الناس
وتسببوا في وقف حالهم

وبيعرضوا مطالبهم في منتهي الشياكة
وقفة تانية احتجاجية
بس
رغم شياكة ال
منظر وريحة البرفان بس مش هحييهم
لييييييييييييه؟؟
علشان الوقفة شيك في مظهرها وليس في جوهرها
المفروض ان المراقبيين الجويين دول بينظموا حركة الطيران
جميل
طيب لما تكون كل تعاملاتكم مع اللي داخل وخارج مصر
وتقولوا وتهددوا انكم هتتوقفوا عن العمل اربع ساعات وكمان يوم جمعة
يبقا فين هنا الوطنية ياعاملين شركتنا الوطنية
يعني عمالين نقول تعالوا استثمروا في بلدنا
وياسياح تعالوا تاني
مصر رجعت كاملة لينا ومصر اليوم في عيد

وانتوا بتقولوا وبطريقة عملية الكلام ده كدب
ومصر فيها اضرابات
ولو ركبتوا طيارتكم مش هتعرفوا تنزلوا من الطيارة

مش لاقية كلام اقوله لكم
غير حلال اللي عملوا معاكم شفيق زماااان القريب ده
:)
=====
علي الهامش نصيحة
لعبد الله طاااااااااااااالح
لم نفسك الاعيبك مش هتنفع تاني انت خلاص بح

ولفشار الفار
عارفة ان مش انت اللي بتحكم سوريا
وان العيلة هي اللي بتحكم وانت مش قاد
ر عليهم
بس هقولهالك العيلة هي اللي طايحة في البلد وسفاحين علي الاخر
وانت اللي هتدبس تاريخيا ياحلو

اما (الواد المجنون بتاع ليبيا)
الله يرحمك ياسادات قريته من بدري:))

ده مالوش حل وبقوله انت حكمت علي نفسك ياتتقتل ياتنتحر
وانا بقول ياريت تنتحر اضمن

====
اخبار اللاب توب:تم امس والحمد لله ولا حول ولاقوة الابالله
بعد جهود مضنية انتزاع بعض الملفات الهامة من علي الهارد
واللي
كان هيجين هارت اتاك لو طارت
وهي عبارة عن صور رحلاتي كلها

والمحاولات تجري علي قدم وساق لنتزاع ملف التحرير
اللي كنت ناوية اعمل مدونة وانشره فها

ده مايمنعش اننا نستمر بالدعوات
والعمل اللي تم ده بفضل الله تعالي ودعواتكم

نقول آآآآآآآآمين
:))))))))))))))))))
وشكراااااااااااااااا

الثلاثاء، 7 يونيو، 2011

شكراااااااااااا ياسيدي

شكرا للشيخ الحوييني
واعني بكلمة شيخ هنا السن وليس الوظيفة
الرسول الكريم ماكان ينطق عن الهوي
واوصي لأخر لحظة بالنساء خير
وكان عليه افضل الصلاة والسلام اذا دخلت عليه ستنا حليمة فرش لها عبائتة لتجلس عليها
ولم ينعت اي امراة بأي لفظ يؤذيها
والاسلام كرم المراة اجمل تكريم ووضعها في وضعها الطيب السليم
والرسول الكريم عندما دخل الخيمة علي ام سلمة حزين من رد فعل القوم
قالت له اخرج انت قصر واذبح
فعل ماقالت ولم يقل لها انتي امراة جاهلة غبية
كما قال الشيخ الحوييني
وهو يتكلم عن النساء الطبيبات والمهندسات
ولما تقول كده علي الطبيبات
وبلاش الست تبقا طبيبة علشان جاهلة وغبية وتفهم ايه دي
وترجع تقول للرجال ماتودوش ستاتكم لدكاترة رجال علشان حرام شرعا
حلها لي بقا
هتجيب منين ستات دكاترة لما هتقعد الست ماتتتعلمش
وتبقا طبيبة علشان غبية ومش بتفهم حاجة
اعقلها كده
سؤال هل يسمي المصريين ابو اسحاق والحويين يعني هل هو مصري
المصري بطبعة من قديم الزمن يوقر وبحترم المراة
وفي الريف المصري من فرط احترام المراة تنعت بالجماعة
اول مره اشوف شيخ يشتم امه واخته وبنته وعمته وخالته وبنات اخوته وبنات .......الخ
ولو كنت فظا غليظ القلب لأنفضوا من حولك
الالفاظ سعد ياشيخنا
=====
واكرر اعتذاري اني مش بعلق عند حد او ارد علي التعليقات
يادوب بقدر انشر البوست
وبشكر كل اللي بيتبعوني
ولاتنسوا اللاب توب من الدعاء
=====
توفت الي رحمة الله تعالي والدة فوكس لوجي صاحب مدونة الكيت كات
اسكنها الله فسيح جناته

الاثنين، 6 يونيو، 2011

هيكل تااااااااااااااني

مش ممكن انت يااستاذنا
عمال تلطش شمال ويمين وتقول كلام وتقول عندي مستندات
وطلع ماعندكش لما رحت للنائب العام
:))
وبعدين وقعت المره دي مع مييييييييييييييين
مع الطيارين:))
وماادراك ماالطيارين دول عشرة عمر:))
اعتزاز بالنفس عالي يضرب كده علي المحطة اللي قبل الغرور بشويتين
علي حبة تركي عتيد
علي دمااااااااااااااااغ عالي وناشف يعني ضاربين علي صعايدة
دول ناس متنقية علي الفرازة
ومايحبوش حد يدوس لهم علي طرف
ومابيناموش ولهم تار بايت بره:)
تقوم تخبط فيهم!!!!!!!
اهم رفعوا عليك قضية
وطلعوا علي كل الفضائيات يتكلموا بعد سكوت دام سنين
ويردوا عليك
سلاااااااااام سلااااااح للجيش المصري اللي رفع راسنا في 73
ورفع راسنا في 25 يناير
ومش سلام لأي حد يقلل من عظمتك ياجيشنا
وللأسف مالاقيتش حلقة اخر الاسبوع علي اون تي في مع اللواء طيار الجواهرجي علشان تسمعوا الدرر اللي قالها ورد بيها علي هيكل
وكذلك مالاقيتش حلقة اليوم من العاشرة مساء والكلام الجميل اللي قالوه الطيارين الضيوف برضوا رد علي هيكل
بس ياريت ماكانوش طلعوا مع مني الشازلي اللي ماعرفتش تكون قد الحوار معلش الجيش بتاع الاعداد اللي وراها مانفعهاش المره دي
البوست الساااااااااااااااااااااااادس يامعين يارب
مع الاستمرار في الدعاء لللاب توب بتاعي يمكن ربنا يصلح الباد سيكتور تبعه
الا هو ايه الباد سيكتور اللي بيقول عليه جوز بنتي ده
:)))))

الأحد، 5 يونيو، 2011

الحقووووووووووووووني:))

الحقوووووني
اللاب توب ماااااااااااااااات يااصدقائي
كان راجل طيب وعشرة عمر بقاله معايا من २००६
ياله عاشر يابني ادم مهما تعاشر مسيرك يوم تفارق
لو تلاحظوا ان بعض اللخبطة حصلت في تعليقات البوست اللي قبل اللي فات
ولخبطة في نشر البوست اللي فات في التاريخ والتوقيت
ان شاء الله هستمر في النشر من اي لاب توب من اهل الخير في بيتنا علشان مااوقفش الاشتراك في النشر الشهري
ولحد مااجيب لاب توب جديد او نقدر نعالج اللاب توب القديم وندخله الانعاش علي يد جهابزة الكمبيوتر في منزلنا
سامحوني في تقصيري في زيارتكم او الرد علي التعليقات
وشكرا لكم اصدقائي
ونلتقي في بوست غدا اي البوست السااااااااااادس
ومش هنحسب ده خااااااااالص

السبت، 4 يونيو، 2011

ليه مش سهل ؟؟

ليه من الصعب الان ان يواجه الانسان نفسه بأنه غلط
ولازم يصلح من نفسه
ليه صعب انك تجد الانسان اللي بيقف مع نفسه ويحاسبها
ليه اغلب الناس بتبص لنفسها علي انها صح وكل اللي حواليهم غلط
ليه مانكنش من الصدق ان الانسان الغلط يقول انا غلط وهصلح
ليه الانسان مايعترفش لنفسه انه بتصرفاته دي بيضايق اللي حواليه وعليه انه لازم يتغير للأحسن
ليه العند والانانية ايوة انانية ماهو لما الانسان يقول انا كده صح ومافيش احسن من كده تبقا دي انانية
ومش شايف غير نفسه
معلش البوست غم ومش مرتب
بس موقف حصل قصادي وضايقني جدا من انسانة
استغربتها اغلب تصرفتها غلط في غلط
ومستغربة ان الناس بتعاتبها علي ان كل اللي بتعمله بيضايقهم
وهي بعد كل الاجماع ده حاسة انهم همه اللي غلط وهي صح
بصراحة مالاقيتش كلام اقولوا لها غير ان ربنا يكفيكي شر نفسك ويهديكي للصواب
زعلت مني
الاغنية مالهاش دعوة بالبوست بس امال ماهركانت بتغنيها النهارده
وكلماتها جميلة كأني بسمعها لأول مره
مع اني اصلا بسمعها كتير

وشهد شاهدا من اهلهااااااااااا+تحديث

ياجماعة حصلت حاجة في المدونة
ان ردي علي بعض التعليقات ماظهرش في التعليقات
وتعليقات لحد اتكتب فيها حد تاني
وبعتذر عن اللخبطة وهعيد التعليقات تاني

======
ايه رأيكم في الخبر ده
لما نزلت الكلام اللي بالاحمر تحت ده علي الفيس
ارتباطفي ناس من اصحابي زعلوا مني بعد مافهموا كلامي غلط واني بشتم في الجماعة
مش عارفة في ايه هو ليه بقينا نصادر علي راي بعض
هو معني اني اخالفك الراي ابقا غلط وحرام وعيب
ليه مانتعلمش احترام الراي والراي الاخر
ربنا لوعايزنا مانختلفش كان خلقنا راي وشكل ودين وفكر واحد
تخيلوا شكل الدنيا واحنا كلنا نسخة من بعض مافيش اختلاف
(انت بتضر الاخوان ياصبحي ياصالح مش كل الناس تصلح للتعامل مع الاعلام وخصوصا الاعلام الحالي طالما انت مالكش في ده ابعد وماتضرش جماعة بتجاهد من 1928 ولما تتكلم تتكلم عن نفسك مش بأسم جماعة بحالها
والاسلام ماله ومال اللي انت بتقوله وانت ليه بتشبه نفسك بالرسول
انت بتفتي في كل شئ ليه؟؟
الرسول ماقلش المهاجر مايتزوجش الا مهاجرة كفياك حرام عليك هضيع صورة الجماعة
)

الجمعة، 3 يونيو، 2011

كل سنة وانتوا طيبين


كل سنة وانتوا طيبين اليوم غرة رجب
يعني كلها ياستين يااقل من ستين يوم علي رمضان
اللهم بلغنا رمضان بخير
الغريب ان لم اجد حديث عن شهر رجب صحيح يؤيد صيامه
الا لمن اعتاد الصيام طول العام
وبما اني مش باحثة في الدين ولا شيخة
ياريت اي حد يعرف حديث صحيح عن فضل رجب يضعه لنا في التعليقات
اومال يعني انا اللي هعمل البوست لوحدي
اتعبوا معايا شوية ده لسه الشهر طاااااااااااااااويل
يامعين يارب
التاااااااااااااالت ديييييييييش

الخميس، 2 يونيو، 2011

الفنان سعد روماني

الزميل الفنان سعد روماني فخر الفنانييين المصريين التشكليين
احيا فن الميكروموزاييك
اللي هو في الاصل فن مصري اصيل
وياصبره بدل
مايعمل موزاييك عادي
لا
اختار الميكروووووووموز
اييك وبعد19 سنة عمل معرضه الاول
وهو المعرض الاول علي مس
توي العالم في فن الميكروموزاييك
وسافر بلاد بره يعرض لوحاته ويعلم بلاد الفرنجة في ورش عمل ازاي يعملوا لوحات الميكروم
وزاييك
الان الفنان سعد روماني له معرض
في الاسكندرية
في متحف محمود سعيد
اللي يقدر يروح م
ن اهل اسكندرية مايترددش
مش هيندم
اخر يوم في المعرض يوم 5يونية
التاااااااااااااااااني ان ديييييييييييش
:))