الاثنين، 27 أغسطس، 2012

لو عايزين نحل


اي طريق في مصر لازم تلاقي فيه ردم مرمي علي الجانبين
وخصوصا الطريق مابين م نصر والمعادي
وتلاقي في النص يادوب يعدي عربية
مع العلم ان العربيات دي بتاخد فلوس كتير جدا
علشان تشيل الردم ده من البيوت اللي بتتوضب
وبعد كده يرميها في اي حته ويمشي
وده جهل وجشع
الطرق دي بتتكلف مبالغ هائلة ومن قوت الشعب
والدولة بتتكلف تاني علشان تنضف الطرق دي
طيب ايه الحل
شركة للم الردش من البيوت اللي بتتوضب
اي حد بيوضب بيته يطلب الشركة دي
تيجي تاخد الردم وتوصله للمقلب العمومي
وتفضل الطرق دي زي الفل
بس اللي عايز يحل بقا

هناك 12 تعليقًا:

سواح في ملك اللــــــــــــــــــه- يقول...

اقتراح جميل جدا ياست الكل

بس هي الآخلاق

والضمير

علشان ممكن نفس الشركة او شركات تنشا علي نهجها

تعمل نفساللي بيتعمل دلوقتي

ترمي برضة الرطش في الشارع نبقي محلينهاش

لازم عقوبة رادعة عشان تصحي الضمير

يعني اللي يتظبط بيعمل كده

تتسحب منه العربية ويتطبق عليه غرامة كبيرة ويا الدفع يالحبس

مهو ضمير الناس مبقاش يصحي غير بالقانون والكرباك

شمس النهار يقول...

شواح في ملك الله

لأ ماهي هتبقا شركات وممنوع التعامل غير معاها
وهيكون لها خط سير من العميل للمقلب العمومي
ومينقالك ان مافيش قانون للي بيعمل كده
دي الغرامة 10الاف جنيه وسحب الرخصة
للأسف الرشاوي ماسابتش قانون يطبق

ريـــمـــاس يقول...

صباح الغاردينيا شموستنا
لو كانت كل فكرة تخرج إلى حيز التنفيذ لكانت البلد بألف خير
أتمنى فعلاً على المسؤلين أن ينظروا إلى مصر بعين الحب "
؛؛
؛
لروحك عبق الغاردينيا
كانت هنا
reemaas

dodo, the honey يقول...

حل جميل جدًا ،
لو هناك الكثير من المتطوعين ،
أتمنى يحصل خير ،
و يلقى اقتراحك تطبيقًا عمليًا له :)

أطيب الأمنيات ..

تحيآاتي لكِ ..

ابراهيم رزق يقول...

شمس الشموس

تصدقى انا الفكرة دى كانت فى دماغى
و ممكن الحى يقوم بالشغلة دى

تحياتى

semsma ahmed يقول...

اقتراح جميل فعلا بس للي عايز ياخد خطوه
احنا محتاجين تغير في كل حاجه حتي العقول كمان لان زي ما في ناس بتحاول تبني في ناس بتحاول تهد ومش عارفه ايه مصلحتها ف كده
تقبلي مروري
تحياتي

amina يقول...

والله تحفة الفكرة بس مييين اللي يطبقها ..

شمس النهار يقول...

*ريماس

مساء الهنا
الافكار كتير
بس زي ماقلتي
عايزة تخرج لحيز التنفيذ
مين اللي هيخرجها
لازم تحرك من الدولة

شمس النهار يقول...

*dodo, the honey

اتمني ان يزور المدونة
مسؤل
او حتي رجل اعمال يطبقها
بدل ماكل شوية تفتتح سلسلة مطاعم او سوبر مركة
نفتح شركات تفيد

شمس النهار يقول...

*ابراهيم رزق

كل ماامشي في طريق
الاقي الردش مالي الارصفة
الاقي الفكرة دي تطلعلي
نقول يارب تخرج للنور

شمس النهار يقول...

*semsma ahmed

الناس اللي بتهد دي
مالهاش اي غرض غير ان الهدد ده له مصلحة شخصية فيه
وفيناس بتهد عشان هي مريضة

شمس النهار يقول...

*amina

يارب الفكرة تجد طريقها
لحد في الحي