الاثنين، 26 مايو 2014

عزيزي المقاطع :)

عزيزي المقاطع 
ربنا مايقطع لك عادة 
 مش هقولك دي سلبية وبتنجانية 
والكلام الكبير ده
هقولك بس 
حضرتك لما قاطعت 
حطيتنا بين مرسي وشفيق
وقاطعت تاني
 دبستنا في مرسي انت وبتوع الليمون
ودبستنا في دستور مايعلم بيه الا المولي
وربنا سلم في الدستور الاخير
ربنا يهديك بقا 
انزل ماتقصيش نفسك بنفسك
ياعم انزل وابطل صوتك 
اقولك خد الورقة تذكار
وافتكر 
ان المره دي نزلت مانزلتش 
مش هتغير حاجة 
بس
انت صعبان عليا 
عامل زي الغضبان اللي مش عارف يعمل ايه 
علشان الناس تصالحه
وصدقني ماحدش هيصالحك 
والدنيا ماشيه بيك ومن غيرك
وشكلك بقا وحش
وملاحظة انا 
ان المقاطعة بقت واااااو 
دليل علي الثورجية بقا 
والرأي الجامد و اوعي
بقت موضة 
ودليل الاوووووووبها
ان شاء الله هنشوف مصر اجمل
وبص شوف شعب مصر بيعمل ايه 

الأحد، 25 مايو 2014

انا الشعب :)

لا اعرف المستحيلا
ولا ارتضي بالخلود بديلا
احنا الشعب المصري
رغم كل الاحباطات والحلابوظات 
اللي قبلتنا 
بس بجد شعب مبتكر مبدع 
كل حاجة بيعملها ليها العجب 
وعلي سبيل المثال لا الحصر 
( الناس في الزمن القديم 
كانوا بيدفنوا تحت الارض ويجروا 
احنا لأ بقا حنطنا الميت 
وبنينا مقابر فوق الارض معجزة الاهرامات :)
 وثورة يوليو اللي كانت انقلاب وعملوها ثورة 
وهزيمة 67 
اللي عملوها نكسة وماحربناش اصلا علشان نتهزم 
وخط بارليف اللي دوبناه بخراطيم ميه 
استوردناها من المانيا 
وهمه مش عارفين هنعمل ايه بكل الخراطيم دي 
وثورة يناير ويوليو 
واخيرا وليس بأخر 
الانتخابات الراقصة 
غداااااااااااا 
:) 
وربنا احنا شعب مالناش حل 
:) :) :)

السبت، 24 مايو 2014

الانتووووخابات :)

ايه الحلاوة دي
ملاحظة ان الكرة الارضية كلها
مشرفانا تراقب علي الانتخابات
:)
خيييييييييير في ايه
مش فاهمة
طيب انتخابات بين السيسي وحمدين هتتزور ازاي وليه
ده لوحبينا حتي نزورها لصالح حمدين مش هنعرف
وبعدين
عد مرشحين ياجحا
واحد ناجح من سنة
 والتاني ساقط من سنتين اصلا
:)
عموما ززززززززززي بعضه
مصر طول عمرها مضيافة
ويشرفونا
:)
امبارح في صلاح سالم زفت عروسة كان ماشي قصدها عربية فور باي فور عليها صور السيسي
ومشغلين بشرة خير
وكل العربيات اللي في صلاح سالم بتضرب كلكسات
:)
مالناش حل
متوقعه ان الانتخابات هتبقا
كرنفال ولا البرازيل
هيصة وظيطه ورقص واخر دلع
:)
احنا شعب فرفوووووووش
:)
 

الجمعة، 23 مايو 2014

احمد النجار

احمد النجار 
شاب في التلاتين كده
نجار بيشتغل معايا
يادوب بيعرف يقرا علي خفيف
بس مابيعرفش يكتب غير اسمه
بس بسم الله ماشاء الله عليه
دمااااااااااغ
وذكي جدا بالفطره
امبارح كنت بتكلم معاهم
علشان كانوا بيقولوا لي انهم هيروحوا بلادهم يوم الاربعاء بدل الخميس
طبعا معروف ليه؟
علشان الانتخابات
المهم 
بقول لهم وانتوا هتنتخبوا مين كلهم في نفس واحد
السيسي
:)
ماقلتلهمش حاجة انا 
:)
برئ يابيه

المهم
بقول لهم
ماااااشي بس كل واحد فيكم ياخد اهل بيته معاه
حتي الامهات
قالوا لي 
مش محتاجة وصاية البلد فرح من دلوقتي
والناس بتطلع بالعربيات والميكرفونات
احمد بقا قال لي ايه؟
ياباشمهندسة
انا من بلد صغيره من جو بلد
حاجة مش موجودة علي الخريطة
ومع هذا كل البلد بتطلع وبتتعلق الكهارب
ولا حد حاسس بينا بس احنا بنعمل الصح
وصحيح ان السيسي هو رئيس البلد من يوم مابقا وزير الدفاع
!!!!
بس برضوا ننزل نخليها رسمي
ولما ضحكت 
قالي معلوم مابقاش حد مابيفهمش في السياسة
 كله بقا فاهم وعارف
واللي بيقول ان الانتخابات هتتزور
السيسي مش محتاج انتخابات تتزور
:)
وموضوع البرنامج ده السيسي هو البرنامج
حمدين بيقول هعمل ايه وايه
لكن السيسي لما يتكلم 
يقول انا عملت ايه وايه وايه
:)
ان ديش ان ديش 
!!!!!!!
دي الناس اللي هتنزل تصوت
لا تقولي نااااااتيته
ولا نشطااااااااء
ولا حقوقيييييييين
ولا الرصة دي كلها
هو ده الشعب يابتوع السياسة
فوتكم بعافية

الأربعاء، 21 مايو 2014

الولد اللي هرب علي امريكا

شوفوا بقا
المؤيدين لقرار الولد بتاع امريكا
 انه مايرجعش والرافضين والمهللين
الولد ده قاصر صح ؟
طيب اولا لازم يعمل لجوء سياسي
 وهو عليه قضيه اصلا 
ياتري ياهل تري امريكا هتوافق ولا لأ ......
وهل القاصر من حقه يعمل لجؤ سياسي ولا لأ؟
يااما ماما امريكا 
تديله اقامه بقا او تلحقه بالتعليم هناك فاياخد اقامه ....
والله اعلم 
القوانين هناك بتقول ايه 
الناس دي في القوانين مابتهزرش ....
عموما الناس اللي بتروح لحاجات زي دي 
بياخده تأشيره علي القد 90 يوم 
وهو وحظه وهو داخل المطار يديلوا اقامة قد ايه .......؟
انا معايا تأشرة 5 سنين 
ادوني وانا داخله 6شهور بس...........
طبعا ممكن يطلع المكسيك ويرجع 
بس مش هيقدر يقعد اكتر من ال90 يوم
والايام هتبين ايه اللي هيحصل ....؟
امريكا نفسها هتعمل معاه ايه يعني مش بمزاجه اصلا
ولا حد فينا عارف القاوانين ايه هناك اصل
بقا واضح اننا بقيا نمووووووووت
في الهري واللوك لوك
لدرجة ان ادينا الموضوع اكبر من حجمه
وهو عملي فيها بطل
وماحدش جاب سيرة البنات اللي اخدوا المركز التالت 
في حين ان الباشا مااخدش ولا حاجة 
ماعلينا
ماتوحدوووووه

الأحد، 18 مايو 2014

حسين الجاسمي :)

الاغنية جميلة
والاجمل انها لشعب مصر
اه
شعب مصر وبس
وبقوله هدية مقبولة
وان شاء الله نردهالك في الافراح
يامجدع

:)
صحيح ابو الكباتن اللي ملحنها
لاطش اللحن من اغنية اجنبية
بس عادي طول عمره بيعمل كده

السبت، 17 مايو 2014

صباح الانتخابات

صباح الانكلاب والانتخابات
طبعا المصرين في الخارج ظبطونا علي الاخر
بينوا قد ايه احنا عايشين في
انكلاب جامد اوي
ده ايه الانكلاب اللي مؤيد من الشعب كده
الشعب نفسه اللي انكلب علي ناس مش هي
المهم
طبعا معروف ان الحاجة انا مؤيدة للسيسي
وان شاء الله هنتخبه
ومش ده سر فرحتي بالمصرين في الخارج 
واللي همه عاملينه
لا
انا فرحانة انهم نزلوا وخلاص
ينتخبوا صباحي ينتخبوا السيسي يبطلوا الصوت 
يارب ياخدوا الورقة تذكار
المهم انهم نزلوا وخلاص
برغم ان في بلاد حر جداااااااااااااااااااا
وكماااااااااااااااان

الشباب ياعيني ياليلي علي الشباب
عمالين يتصوروا وينشروا صورهم
ولما قالك دي صور قديمة 
من انتخاب اسم الله علي مقامكم مرسي
ابتدوا يتصوروا ويعملوا علامة
c c
مالناش حل يامصرين شربااااااااات
وكيادين بطبعنا

:)
ده غير صور المنقبات والملتحين
اللي ماليه النت 
وبرضوا
c c
:)
ده غير بقا اللي مانساش الفتوي النميسة 
بتاعة ان الانتخابات المره دي 
حرااااااااااام
هو ياابا الحاج الحرام والحلال ده 
عندك في شوال 
وانت بتخرج منه وقت اللزوم
:) :)
والتريقة شغالة عليهم للصبح
عايزة اقولكم ان المصرين دول طفشوا صحيح
وانت ياللي بتتريق عليهم لو جالك فرصة تطفش هتطفش زيهم
بس همه بيموووووت في مصر
وبيعرفوا الاخبار قبل منك
ومتابعين اكتر مننا
ومن حقهم يقولوا رايهم زيك
المهم
انا مبسوطة من الانتخابات بره 
فوتكم  مع الانكلاب والانتخابات بعافية

الخميس، 15 مايو 2014

انطباعات المعطف 7

عدناااااااا
:)
حنين وحنان
ابراهيم رزق
عندما وجدت حنان المعطف صنع ايطاليا 
وارتدته
 تجدد حلمها القديم ان تكون فنانة 
تجوب ايطاليا تعرض فيها 
ولكنها الان طبيبة مشهورة 
ولكنها لاتشعر بالسعادة 
بل يملاء الحزن حياتها 
ولكن عندما ناداها الواجب لاسعاف مريضة خلعت المعطف وارتضت الواقع
-------------
معطف انهكته القيود
دعاء العطار
عندما لم يلتقط المعطف احد هذه المرة ادرك المعطف انه وصل الي محطته الاخيرة وسوف يرتاح من مشاكل البشر بعضهم ادخلت السعادة علي قلبه وبعضهم اعتبرني نذير شؤم وهاانا الان استرد حريتي من اغلالهم
------------
اخيرا وليس بأخر بيننا
احبائي وحبيباتي
لقد سجلت لكم انطباعاتي علي قصصكم الشيقة احيانا والهادفة احيانا اخري وكم اعجبتني فكرة الكتاب الذي دار حول معطف العجائب هذا 
الذي ارهقته هموم البشر ولا ادري هل سعد الابطال بفراق المعطف ام سعد المعطف بالتخلص من الام الناس واحزانهم
و الي اللقاء في انطباعاتي عن قصة اخري

الأربعاء، 14 مايو 2014

انطباعات المعطف 6

عدنااااااااااا
:)
المعطف والمطر
شمس النهار
لقد لعب معطفك الثمين 
دورا خطيرا في حياة محمود 
حينما التقطه في هذا اليوم المطير؟
سوف يلعب دورا في حياته 
وسوف يصعد به الي الهاوية 
ولو كنت تعلم يامحمود الغيب لأخترت الواقع 
بضيق الحال وزوجتك المتعبة
-------------
معطف عمر
دعاء العطار
المطر والحب كان يلفهما معا 
وبين المرح والسعادة ظهر المعطف الثمين 
فطلب منهما ارتدائه
هل كانت تعلم ايمان ان هذا المعطف 
سيشهد مدي حبهما وتواجدهما مع الثوار 
في ميدان التحرير يوم موقعة الجمل 
وبعد وفاة عمر رفضت الزواج 
واحتضنت المعطف
 الي ان تزوجت تحت الحاح الام 
واحتواها الزوج 
فاتخلصت من المعطف
--------------
آنين
نسرين شرباتي
شعرت بالدفئ يسري في اوصالها 
عندما ارتدت المعطف 
بعد معاناة مع زوج لم يشعر بها يوما 
وكان حبه وولائه لحبيبته السابقة 
حتي ابنتها حملت اسمها 
ولم تسترد نفسها وحياتها 
الا بعد ان دفنت الصورالكئيبه معه 
ثم ارتدت المعطف 
-----------
امنا الغولة
شرين سامي
كان امتلاء جسدها 
سببا في طفولتها المعذبة 
حينما اطلق عليها الصغار لقب أمنا الغولة 
وهاهي للأن لاتشعر انها انثي 
وفي يوم لفت جسدها بالمعطف لتقابل رجلها 
وبماان عين الحب عن كل عيب كليلة 
أحبها وعرض عليها الزواج 
واكراما للمعطف
 اعطته لشابة صغيرة تبكي ليجلب لها الحظ
---------
ولنا عودة

الاثنين، 12 مايو 2014

انطباعات المعطف 5

عدناااااا
:)
ادمان القيد
مصطفي سيف
معطفك هذه المرة كان الهادي للشحات
لقد أعاد المال الذي استحله لنفسه بالخداع
من الناس
الي منفعه للناس
فنال حسن الخاتمة ومحبة الناس
 ------------
معطف من سراب
نيساآن
لقد شرحت المثل القائل 
(اللي يعرف بلاوي الناس تهون عليه بلوته)
 شرحا وافيا يدعو للأعجاااااب
---------
معطف بلاكرامة
نورة عبد الفتاح
الرجل كرامة 
فكان لابد ان ينتفض الرجل يوما لكرامته 
رغم انف 
المعطف الثمين الذي غير حياته
 والعز والرفاهية التي يعيشها 
وليرضي كل منا بقدره
------------
فرج فراج
ابراهيم رزق
لقد رسم معطفك الثمين هذه المرة البسمة علي وجهي 
وادخل السرور في قلبي 
مااروع القناعة وما اجمل الوفاء 
ومااجمل الحب والمحبة
-------------
قيود الخير
صابر عبد القادر
لقد عبرت عن المثل القائل 
(لا تعمل المعروف في غير أهله) 
قد ينقلب عليك هذا المعروف شرا وعقوقا 
هل كنت تنتظري ياهالة هذه الاساءة
 من السائق سمير الذي طالما احسنت اليه ؟
التي كادت تحطم حياتك 
لولا أن الهمك الله الصواب 
وانقذك من المحنة 
والمعطف الثمين
----------------
ولنا عودة

الأحد، 11 مايو 2014

انطباعات المعطف 4

عدنا
:)
اسطنبول
مصطفي سيف
لقد صورت الوحدة وصفا دقيقا
يوجع القلب 
لقد تاهت حياة حكمت بين امها وتعليماتها 
واسطنبول
وماتحكيه عن عز راح بين الثورة والتأميم
ثم الميدان وثواره 
وكيف انها اخيرا وجدت راحتها بين الثوار 
ومع المعطف الثمين
وهناك ودعت الوحدة وشعرت بالامان ومصريتها
وهي بين ابناء وطنها
------------
فليسقط القناع
دعاء العطار
الناس فعلا لايهتموا الا بالمظاهر فقط
أما من أنت ؟ 
ومن تكون ؟
وكيف اصبحت ؟
كل هذا لايهم
مادمت تجيد وضع القناع
ارتدت علا المعطف فأعاد لها ثقتها بنفسها 
وتركت زيف الناس وراء ظهرها
-----------
قيد من حنان :)
مصطفي سيف
لقد أعاد المعطف الثمين لجميلة صوابها وتأكدت ان الامان نعمة
حتي ولو كان مكبلا بالقيود
------------
معطف التوبة
نورة عبد الفتاح
لقد وصفتي حالة الشباب العاطل وصفا دقيقا
وتصرفاتهم الغير مسؤلة علي الرغم من معدنهم الطيب
وحينما وجد علي المعطف الثمين
اعاد له رشده فاتقرب الي ربه 
فاكانت الهداية ومعها الرزق
----
ولنا عودة

السبت، 10 مايو 2014

الو يارياسة

صلوا علي رسول الله
ان شاء الله هنتخب السيسي
حد هيسألني ليه؟؟؟
هقول كده هو
اه
يمكن علشان عمري كله قضيته مع الناس بتوع الجيش
( عمي خالي ابو بناتي اخويا واخيرا ابن اخويا:) )
وعارفة انهم بتوع شغل
وادارة وافعال لا اقوال
يمكن علشان السيسي
اخد مرسي علي مشمه وخلصنا من الشلة برمتها
بينما النشطاء والحقوقين والتيارات والتكتلات 
...........
الي اخر ............
الاسامي الغريبة الفظيعة المريعة الفهيشة دي
 اللي مااخدناش منها حاجة
ولا اتفقوا علي حاجة
بيتخانقوا وخلاص
مش عارفة
يمكن علشان زهقت
يمكن علشان البسطاء من الناس 
اللي بتكلم معاهم كل يوم 
بيقولوا انهم هينتخبوه 
علشان راااااجل وسيد الرجالة
مش عارفة
لسه دلوقتي البوابة اللي قصادي 
بقولها هتنتخبي مين
قالت لي السيسي طبعا
قلت لها ليه؟
قالت لي علشان راااااجل
وبقالنا كتير ماشوفناش رجالة
:)
يارب مصر يارب 
ملحوظة تدوينات المعطف شغااااااالة
فوتكم بعافية
تحيا مصر

انطباعات المعطف 3

عدنا
:)
سندرلا والاميرة النائمة
مصطفي سيف
انت الوحيد الذي اسعدك المعطف
واسعدنا معك 
لقد مزجت الواقع بالخيال بحرفية رائعة 
وبينهما هتافات الواقع
( الشعب يريد اسقاط النظام )
وهتافات 
ارحل ارحل
فاستيقظ وايقظنا معه
---------
معطف من التحرير
شرين سامي
فعلا مااشد قسوة الزمان والمكان
حينما يتأمران علي الانسان
بعد ان تخلصت من قيد المعطف
ورجعت لمكانها القديم راق لها ان تتخطي الزمن
وتبحث عن حبها في ميدان التحرير
وعاشت احداثه 
حتي شعرت بأنها جزء من هذا المكان
وهذه الوطنية الجارفه 
ولكن للأسف لم تعثر علي حسن
-----------
الشاطر حسن وست الحسن والجمال
ابراهيم رزق
شكرا ياابراهيم انك أبقيت علي البطل المناضل حسن لنعيش معه مابعد الثورة 
ومع ذكرياته وأماله واخفاقاته واحلامه وفرحته 
بعودت حبيبته اليه بعد ان ذهب عنهما
ثقل المعطف
------
مقبرة الاحلام
ابراهيم رزق
فعلا كم غيرت احداث ميدان التحرير واحداثه
الكثير من النفوس واحياء الامل في المستقبل
هذا عبد الرحيم يسعي لتحقيق حلمه القديم ولكن كيف ؟
هو ابن مزارع بسيط وليس عنده وسطه ترفعه
وحبيبته طاهرة طارت منه لضيق ذات اليد حتي المعطف الثمين لم يحقق احلامه بعد ان عثر عليه
--------
ولنا عودة

الجمعة، 9 مايو 2014

انطباعات المعطف 2

عدنا
العسكري اصبح وزيرا
ابراهيم رزق
لقد ايقظ المعطف في صابر ذكريات حياته القاسية
وفرحته بالتجنيد ظنا منه انه سوف يفتح امامه حياة جديدة ولكنه صدم في حلمه هذا واخيرا قادته قدماه لميدان التحرير فشعر بأدميته وكرامته
-------
ألم أمل وأمل ألم
لك الله ياامل من معطف ابراهيم يوم ماعثرت علي المعطف الثمين وطرت من الفرح 
قلب عليك المواجع وضيق الرزق 
وطبعا من ساب قديمه تاه
فقط لو كان فرحها قليلا ماكان أمل أمل ألم
-------------
احلام هانم
مصطفي سيف
ليت احلام لم تجد المعطف الثمين هذا
كانت راضية بحياتها واحلامها
الي ان ارتدته فاتحولت حياتها راسا علي عقب
بل وحملت نفسها دم الشهيد
ليتك تركتها تحمي الشاب بالمعطف
ثم تدور بينهما قصة حب وزواج 
وبعد ذلك ياما جوه الجراب ياحاوي ......
:) 
------------
معطف من نوع اخر
محمد السيد
لقد مزجت بين الحقيقة والخيال باسهاب واسلوب رائع
وتساءلت
هل؟؟؟
انا في احلام يقظة
ليته وجد المرأة لينسجا معا قصة حب حقيقية
حتي يستيقظ ويعيش الواقع
----------
ولنا عودة مرة اخري

الأربعاء، 7 مايو 2014

انتطباعات عن المعطف

الست اوالدة قرت المعطف
ودي تعليقاتها علي القصص
*******
الاول
معطف خالي من الدفئ
شرين سامي
يا لمعطفك العجيب هذا
تارة يكون رمزا للثراء والجاه والسعاة
واخري
يصبح قيدا ثقيلا للحرية والحب
حتي الفتاة الصغيرة قتل فرحتها ولكن بالمعطف ذاته
انقذت امها
--------
معطف برائحة الذرة
عندك حق ياشرين عندما توضع الاشياء في غير موضعها تأتي بنتائج عكسية وقد تجلب لنا الشقاء بدلا من السعادة
---------
معطف الذكريات
ابراهيم رزق
معطفك اعاد لمدام لولا شريط حياتها بحلاوته ومرارته 
فكان من الافضل لها فعلا
ان تتخلص منه لتعيش الواقع
------------------
الطريق للتحرير
مصطفي سيف
المعطف هنا قام بدور عظيم
اولا ادخل الفرحة الي قلب الرجل عندما وجده
ثانيا تسبب في ذله وقهره مع البلطجية
ثم شرح قيمة الاتحاد
ثم تسبب في خلافه مع زوجته 
ثم قادته قدمه الي ميدان التحرير
فوضعه تحت اقدام اسدا منهم 
******
والي اللقاء في التدوينة القادمة لنكمل

الأحد، 4 مايو 2014

ياجماااااااااعة موسي نبي ...
عيسي نبي.... 
محمد نبي...
وكله من له نبي يصلي عليه....
مختلفين ليه
؟؟؟؟
وزعلانين ليه 
؟؟؟؟
اللي عايز السيسي ينتخبه 
من غير خناق وشتايم وحاجات مالهاش لازمة
واللي عايز حمدين ينتخبه !!! 
برضوا بأدب من غير شتيمه وحاجات مالهاش لازمة
واللي مش عاااااااااجبه 
لا ده ولا ده 
عنده حل من اتنين 
ياينزل يبطل صوته ... 
ياماينزلش علشان الدنيا حر
حلو كده ؟؟!!
مش عايزة بقا وجع دماغ بعد كده
كل حملة تلتزم بالمرشح 
بتاااااااااااااااعها 
ومالهاش دعوة بالمرشح التاني 
 خاليكم في مرشحكم منك ليه 
وقولوا لنا هيعمل لنا في اللي احنا فيه ده 
ايييييييييييييييه ؟؟
حلو كده ولا ايه؟
يالا مااسمعش خناق تاني
اه نسيت 
بتوع مرسي رااااااجع 
(اه وربنا)
انتوا بقا شوفوا عايزين ايه 
واعملوه اه ربنا يكرمكم

الجمعة، 2 مايو 2014

التأبين والوفاء

علي راي ابراهيم رزق
يوم الوفاء
وللأسف
يوم الوفااااااااااء
لم يحضر احد
كل واحد هنا لازم يعرف انه لما يرحل
لن يبكيه الا احرفه 
وكام حد يدخل يقول الله يرحمه
لكن ماحدش هيكلف نفسه ينزل من بيته
يحضر حفل تأبين لك 
ولا اقرب المقربين لك
للأسف هذه الحياة 
طول ماانت موجود اهلا بيك
لكن لما تمشي خلاص
كفايه عليك الله يرحمك
ده لو طلتها هي كمان
حفل تأبين عمرو بدر لم يحضر احد
الا
ابراهيم رزق
طارق عبد المؤمن
عمرو
شمس النهار