كلمات رائعة :)

كلمات رائعة لجعفر الصادق

عجبت لمن خاف ولم يفزع الي قول الله تعالي سبحانه (حسبنا الله ونعم الوكيل ) فأني سمعت الله بعقبها يقول:

فاانقلبوا بنعمة من الله وفضلا لم يمسسهم سوء

وعجبت لمن اغتم ولم يفزع الي قول الله سبحانه وتعالي (لا اله الا انت سبحانك اني كنت من الظالمين ) أني سمعت الله بعقبها يقول :فاستجبنا له ونجيناه من الغم وكذلك ننجي المؤمنين

وعجبت لمن مكر به ولم يفزع الي قول الله (وافوض امري الي الله ان الله بصير بالعباد) فاني سمعت الله بعقبها يقول :فوقاه الله سيئات ما مكروا

وعجبت لمن طلب  الدنيا وزينتها كيف لا يفزع الي قول الله تعالي ( ماشاء الله لاقوة الا بالله

ان ترن انا اقل منك مالا وولد فعسي ربي ان يؤتين خيرا من جنتك )

وصفات رائعة للتعامل مع الحياة

 

الشيخ الشعراوي

كل سنة وانتم طيبين

تقبل الله منكم ومني الصيام والقيام

ان شاء الله

هنشر هنا خواطر الشيخ الشعراوي عن القرآن

وهو من سماها خواطر

وبيشرح في الحلقة دي ليه

وايه وجهة نظره

المفروض ان في حلقة قبل دي

بدور عليها

ويارب الاقيها

خمسة وخميسة :)

بتعدي الثواني والدقائق 

وتتكاتف وتتحد وتصنع ساعات

وتتضامن الساعات لتنتج 

اياااااام

تجر بعضها البعض لتصنع سنين

ليتجمع الجميع ويصبوا في نهر

العمرررررر

تجري فيه بنا

لا نعلم كيف قضيناها

تفرحنا ساعات وتحزنا ساعات اخري

وبين هذا وذاك

نترنح بين الامواج

لاندري من اين...؟

ولا الي اين...؟

:)

يعني بالعربي كده 

لفي بينا يادنيا ...............:)

يعني بالعربي وعلي بلاطة 

كده عشت

في عين العدو

بجد مش عارفة عدت ازاااااااااي

وفين وليه

:)

من الاخر كل سنة وانا طيبة

ومدونتي طيبة

ايوة المدونة دي استحملتني

كتير اوي

علي الاقل شالت عني كتير اخر 7 سنين

:)

الحكاية :)

الموضوع ومافيه

ان قالوا هيكرموا الكاتبات المصريات

قلت وماله

طلعت منهم

:)

بس انا مش كاتبه

انا اللي بحسه بكتبه

قالك هو ده

الكتابة احساس

الجميل في التكريم

انه ماكنش تكريم قد ماكان تشجيع

ولأول مره يتم تكريم

المغمورين وليس المشهورين فقط

الحفلة دي قالت كتير

قالت للكاتبات اللي في بداية الطريق كملوا

في ناس بتقرا كلامكم وبتشجعكم

كملوا

وتم تكريم كاتبات مشهورات

وده كان اكبر تشجيع للجميع

بالنسبة لي انبسطت جداااااااا

علشان كده بقيت فعلا كاتبة :)

وده هيشجعني مااكسلش واكتب فعلا

:)

ودي شهادة التقدير

              ودي بطاقة التعارف اللي كنا بنتعرف بيها علي بعض

كانت حفلة جميلة

والحضور كانوا اجمل :)

"بيت السناري" يستقبل حفل تكريم للأدبيات المصريات

الست اللي بتغني دي انا مااعرفهااااش :)
ماشوفتهااااش :)

تكريم التكريم :)

صباااااااااااااح الفل عليكم

:)

في الاواااام اوااااام كده

دي حاجاتي ومحتاجاتي بتاعت يوم التكريم الجميل

وعلشان مستعجله 

بس

لكن افضه شويه وهاجي اقر واعترف واحكي الحكاية من اولها 

:)

سيسي سيسي اااووو اوووو

ياصباااااااااااح

النشاط والحيوية عليكم 

طبعا الهري كله علي الريس سيسي

علشان موضوع مارثون البسكلتات ده

ماهو لو كان رئيس خواجه في بلد خواجات

واتنشر الخبر 

كنتوا هريتوا برضوا بس معجبين وبتتمنوا يكون عندنا زيه

:)

ماعلينا 

الحرس بتاعه اللي يمينه وشماله في الصورة

:)

ايوة اللي الواحد فيهم يفلق حيطة ده

(مش قر ولا حسد)

سايقين العجل وهمه بيدعوا علي نفسهم

:)

نفسي اعرف كانوا بيفكروا في ايه

وبيقولوا ايه

:)

واحب اقولهم اتكلموا مع حرس الرئيس السادات

:)

ايوة كان مشيبهم

من نوادره مع الحرس

كان بيخرج في عربية ابنه الفولكس 

من قصر المنتزة مستخبي

:)

ويروح يقعد علي الكورنيش مع الناس

وكان رئيس الحرس بيموت كل يوم

وكان يقول الرب واحد والعمر واحد
وياخسارة ماكنتوش موجودين انتوا والنت علشان تهرو علي السادات
ولو انكم مش عاتقينه 
الرجل مات من عشروميت سنة وبتهروا عليه برضوا

:)

ولحد دلوقتي الكلام والفعل جميل

لما نشوف

يارب اصلح الحال

الانتخابات

صباح الخير عليكم

بالرغم ان الانتخابات خلاص خلصت

بس حبيت ارغي شوية عنها

زمااااااااااان

ماكنش اي حد بيروح ينتخب

الا اللي معاه البطاقة الانتخابية

يعني اللي عايز ويحب يشترك في الحياة السياسية

ودي كانت بتطلع لما الواحد يتم ال18

وطبعا بمااني ثورجيه من يومي

:) :)

طلعتها علي طول

ومن يومها وانا بروح الانتخابات

وكانت دائرتي في حلمية الزيتون

وكانت لجنة لطيفة ظريفة خالص

لأن دي دائرة 

زكريا عزمي

ومع اني عارفة ان الانتخابات 

مزورة مزورة

بس كنت برضوا بروح 

علشان مااسيبهمش يسودوا ورقتي

وطلع في نافوخهم يغيروا الدوائر 

وهوووووووووبا 

لاقيتني بنتخب في دائرة

بيترشح فيها اخوان

(اللي كانوا عاملين نفسهم مش اخوان)

وطبعا كانت اللجنة بتبقا ضرب نار

وبلطجة ومعارك

بس برضوا كنت بروح انتخب اللي عامل نفسه مش اخواني ده

عايزة اقولكم 

ان من تاريخ ماابتديت انتخب

الي هذه الانتخابات

ان دي احسن انتخابات شوفتها في حياتي

(رغم سقوط الاعلام فيها سقوط زريع)

الانتخابات زمان كانت بشعه 

علشان كده الناس ماكانتش بتنزل

 مع انهم همه اللي اختاروا يشاركوا 

بأستخراجهم البطاقة الانتخابية

بس كانوا 

من ناحية بيخافوا من البلطجة اللي علي باب اللجان

ومن ناحية كانوا عارفينها

 تزوير تزوير

فامابينزلوش

وطبعا المصرين محترفي انتخابات وحشد

ياما شوفت 

اتوبيسات جايبه العمال من المصانع علشان ينتخبوا

وياما شوفت 

تموين بيتوزع علي الناس الغلابة 

علشان ينتخبوا 

وياما شوفت فلوس مقسومة نصين 

علشان يروح ينتخب ويرجع ياخد بقيتها 

وعلي سبيل الضحك

واحدة صحبتي راحت تنتخب وهي لجنتها باب الشعرية

كانوا بيوزعوا فلوس هناك

اخدتها وانتخبت

وهي راجعة اديتهم لواحد غلبان هي عرفاه

بص للفولس وقال لها دي بتاعة الانتخابات

قالت له عرفتها منين

قال لها ماانتي لزقاها اهو

:)

وغيره وغيره

وفي المراكز والقري والنجوع كنا بنسمع هوايل

دي بقا اول انتخابات مانشوفش فيها حشد ولا اتوبيسات

ولا تموين ولا فلوس ولا مصالح

حتي الناس اللي نزلت 

مش همه الناس اللي متعودين ينزلوا

زي ماتقولوا كده حزب الكنبه وحزب كبر دماغك

طبعا اللجنة المنظمه 

غلطت غلطة عمرها في الانتخابات دي

حبت تريح الناس راحت عملت زي الدبه اللي قتلت صاحبها

ليييييييييييييه؟

احنا مش متعودين ان حد يريحنا وفي نفس ذات الوقت بنحب الانتخه

عملوا ايييييييييييه؟

هاخد لجنتي مثال

كنا لجنة واحدة للستات داخل المدرسة 

وكان بيبقا في 4موظفين

المره دي لجنتين و8 موظفين

يبقا هيبقا في زحام ازاي بقا؟

الغلطة التانية

معروف ان المصرين 

اغلبهم بيصوم اتنين وخميس في رجب وشعبان 

والبيت اللي فيه حد صايم كله بيستني يفطر معاه

فاكانت النتيجة 

ان اغلب الصايمين مانزلوش غير بعد الفطار 

وده معناه ان التكدس حصل في اخر نص ساعة

والناس رجعت وماانتخبتش

وللأسف ماحدش صوره

الغلطة التالتة

المغتربين لم تنظم كما ينبغي 

مع انها سهلة وميسرة

واللي بيقول ان مافيش اجهزة كمبيوتر كفاية

كان عمل في كل محافظة علي قد اللي عنده

مش معقول مافيش في كل محافظة تلات اربع كمبيوترات يعني

الغلطة الرابعة

اليوم التالت اللي ماكنش له تلاته مليون لازمة

الا لو هو كان اعلن من الاول انه اجازة بدل يوم التلات

 اللي اجازته ماكنش لها لازمة هي كمان

كان الناس سافرت التلات بعد العمل 

انتخبت تاني يوم ورجعت

نرجع بقا للأنتخابات نفسها

هو ايييييييييييييه 

كمية المراقبين اللي اعلنت عنها اللجنة دول

علشان ايه

مابرضوا رغم وجودهم الناس شككت

بس فرجنا علينا العالم وخلاص 

المهم ان الانتخابات خلصت بشرها وحلوها

وربنا يوفقنا بقا في الانتخابات الاهم

بتاعة مجلس الشعب 

ربنا يستر

يامتراااااقبين بالقوي ياحنا :)

صباح الخير عليكم :)
للي زعلانين من المراقبة :) 

ضحكتوني
ماانتوا متراااااااقبين من زماااااااااااااان ياحلوين

ولا اللجان الالكترونيه 

اللي كانت عايشة معانا هنا دي كانت ايه

ولا نسيتوا لما المدونة اتشالت وانا قاعدة برد 

علي تعليقات بوست المافيا 

اللي كان علي مبارك

وربنا يكرمه 

ازهري 

قعد لتلاته الصبح يرجع فيها

طيب
وهو الفيس واخواته دول ايه ؟؟؟
مش شبكة حول العالم 

علشان الامريكان واخوتهم يتجسسوا علي العالم !!
ولا اييييييييه؟؟؟؟؟؟
يعني كم المعلومات اللي في كل بروفيل بتاع اي حد ده 

ايييييييه ؟؟؟
عنوانك و مكانك شغلك و اكلت ايه 

و رحت فين و مين مراتك و مين ابنك 

و رايك وتوجهك....الخ
زمااااااااااااان
قبل ماامريكا تعمل الفيس واخواته والحركات دي :)
كان المخابرات 

(الموساد وكل مخابرات الامريكان علي روسيا)
بيطلع عينهم علشان يحصلوا علي المعلومات 

اللي بقت علي النت دي
وكان بيطلع عينهم علشان يجندوا جاسوس يجبهالهم
دلوقتي ماشاء الله 

عااااااااااااااادي خالص
شبك ياجدع 

معلومات من هنا علي من هنا 

طلعنا مين الاصحاب 

ومين في الشلة دي بيعمل ايه وبيروح فين :)
و التجنيد دلوقتي بقا 

لمعلومات اكبر من كده ولتكتيك اكبر من كده
يانتااااوية
ده سوري يعني 

اللي عايز يظبطت بنت بيروح علي الفيس عندها
ويجيب اخبارها كلها من يوم مااتولدت 

واصحبها مين :)
وصورها وبروفيلات اصحابها وخروجتها ........الخ
ده تجسس ومراقبة ولا مش تجسس ومراقبة
ماتخليكم منطقين شوية
الفرق اننا الاول كنا مترقبين وماحدش واخد باله ومستعبطين
دلوقتي بقا علي عينك ياتاجر
احنا بنقول اهو انتوا مترااااااااااااااقبين والمكان كله محاصر :)
وبمناسبة الكلام ده :)
احب اصبح علي اللجنة الالكترونية
اللي بيقروا كلامي ده علي الصبح :)
صباح الفل يابهوات معلش كنا زمان مابنصبحش عليكم مانتوا ماكنتوش باينين بس دلوقتي خلاص بقا بقينا علي الهوي مع بعض اهو فاالتصبيح واااااجب  :) :)

وفوتكم بعافية

ولينا ان شاء الله عودة للحديث عن الانتخابات