كتير سألوني
نازلة بكره جمعة مصر مش عزبة حد
قلت
لأ
ولأ ليييييييييييه
علشان انا كنت بنزل لما كنا علي قلب رجل واحد
والمطالب واحده
والهدف واحد
لكن بعد السكلانس اللي حاصل ده
معلش انا بره الموضوع
بعد مااتقسمنا
مصرين
اسلامين وكأن الباقي مش اسلامين
ومسيحين وكأن الطوفان هيصيب المصرين المسيحين والمسلمين لأ
ولبرالين وكأنهم كفره
ويسارين مش عارفه ايه
لأ معلش سامحوني
مش دي مصر خااااااااالص
احنا قلنا
عيش حريه عداله اجتماعيه
لمصر
بكل سكانها
سينا نوبه قبلي بحري
كل المصريين
كلنا بنشرب نفس الميه المعكره
كلنا بنمرض مرض واحد
كلنا مدهوسين تحت نفس الظلم
الولعه طايله الكل مش حد وحد لأ
لما العمارة بتولع
كل السكان بيوتهم بتولع
النار مابتنقيش
تولع مين وتسيب مين
الشباب اللي مات
الموت مانقاش
كله ادهس ومات
يارب ارحمنا
حد يقدر ينقي من الصوره دي
مين مسلم ومين مسيحي ومين لبرالي ومين يساري ومين اسلامييييين
انا كمان مش نازل إن شاء الله :)
ردحذفو كلامك أغلبه صحيح ..
نقطة إسلاميين : الفكر الإسلامي شيء منبثق من الدين الإسلامي .. و عدم اعتناق فرد للفكر دا مش بالضرورة إنه يكون مسلم أو غير مسلم .
اللينك دا بيوضح أكتر :
http://on.fb.me/WFGOWy
ينصر دينك ياشموسة
ردحذفدايما فكرتي عنك انك وطنيةمن الدرجة الآولي
مصر مش عزبة حد
وكمان مصر مش سلعة كل حد يتاجر بأسمها
مصر اكبر من كل دووول مجتمعين
ولا حتى أان يا تيتة ؟؟؟؟
ردحذفطب حتى عزبة صغيرة هنا ولا هناك
شمس الشموس
ردحذفانا معاكى تماما
انا قلت مش نازل
تحياتى
عندك حق جدا يا مدام شمس
ردحذفربنا يرحمنا برحمته
الثوره كانت لارجاع حقوق المصريين وكان الكل واقف جنب بعضه
ردحذفانما دلوقتي احزاب بتحارب عشان توصل لهدف او منصب او شعبيه او اي حاجه تخص الحزب مش المصريين كلهم
تحياتي ومتفق معاكي تماما
*محمد الدهيمي
ردحذفمصر لكل المصرين يامحمد
طول عمرنا عايشين مع بعض من غير تفرقه
والثورة قامت علشان الجميع
مش علشان تاني نتصنف
هروح اللينك اشوف:)
*سواح في ملك اللــــــــــــــــــه
ردحذفبالظبطت
مصر لينا كلنا
وهتفضل لكل المصرين علي اختلاف تياراتهم وديانتهم
ياربي نخرج من حفره نقع في ضحضيره
*الازهري
ردحذف:))
لأ مافيش
مصر اكبر من كده
:))
*ابراهيم رزق
ردحذفتسلم ياابراهيم
ربنا يستر علي الايام الجايه
ملاحظه ان كله بيخبط في كله
*gogo!sf
ردحذفماتخافيش
ان شاء الله مصر محروسة برحمة ربنا
*eng_semsem
ردحذفبالظاااااااابطت كده
بقت تضارب مصالح
ومين هيهيمن ومين هياخد واللي مش هياخد هيقلب الترابيزة علي اللي اخد
مابقتش مصلحة مصر
ربنا يستر
عندك حق انا كنت حموت عشان انزل ايام الثورة لحد ما قدرت انزل لغاية يوم ما خلعنا المسجون بعد كده كل ما حد يقولي جمعة كذا او جمعة كذا نزلت مرة واحدة وحسيت ان الدنيا مش الدنيا والناس مش الناس نازلين يهرجوا حسيت الموضوع كله مراء محدش قلبه على البلد بجد
ردحذفبطلت انزل اي جمعة
وبدعي وبس
بعت لحضرتك حاجة على الفيس بس انت مش باينة هناك ياريت تشيكي عليه
تحياتي
*L.G.
ردحذفالوشوش اتغيرت لما القلوب والاهداف اتغيرت
والاقنعة سقطت
حاضر هروح الفيس اشوف:)