نتكلم بقا عن الندوة الرائعه
الندوة كانت في راديو ارابيسك في وسط البلد
ادار الندوة شاب من شباب المدونين
اسمه فاروق
ماشاء الله عليه ينفع مذيع وبجداااااره
ادار الحوار بحرفيه وذوق وشياكه
والناقدة والكاتبه
مني طه اتكلمت كلام جميل جدااااااا
عن الادب وعن بلوجر
وطبعا انا انشكحت جداااااا
علشان هي اتكلمت عن بلوجر صح الصح
انسانه هاديه رقيقه كلامها مترتب جداااااا
وعارفه بتقول ايه
بكلمات بسيطه مش معقده زي اغلب النقاد
وحسيتها بتضيف في نقدها للكاتب
الفراشة شيرين
كالعادة اتكلمت زي مابتكتب بقوة رقيقه وصدق صادم
بس هي اتكلمت صح وماخافتش تقول رأيها خالص
وطبعا قالت شعر جميل قوي رقيق زيها
وان شاء الله شيرين هتبقا من اقوي الكاتبات الشابات
مصطفي سيف كان صعيدي صريح زي الكتاب مابيقول
عارف بيكتب ايه وعارف بيقول ايه
وقال رأيه بصراحع عجبتني وخصوصا لما اتكلم عن دور النشر
اللي بقت تطبع كتب زي افلام المقاولات زمان
يعني هو انا قاعدة ماما شمس كده اونطه
لألألألألأ
اتكلمت برضوا
اه وربنا
اتكلمت ودافعت عن امثالي من قاطني بلوجر
اللي مالهمش في الكتابه
طيب هو علشان انا مابعرفش اكتب ادب ماجيش هنا
ولا عشان اكتر من نص البوست فيه غلطات املائيه
مااجيش وارغي معاكم
هو يعني علشان انا مبوظه اللغه العربيه ابقا وحشه :))
وكمان طبعا مانسيتش انم في كلامي
عن الناس اللي لماطبعت كتب هجرت بلوجر
:))
كمان طبعا نميت وذميت في تويتر والفيس
اللي اخدوا مننا الناس الجميله والصحبه الحلوة
لحد كده جميل خالص
اذ نحن قاعدين يجي نور الدين :)
بعد السلامات قعد نور الدين وابتدي يتكلم عن شيرين الاول وصمت الجميع وعلي رؤسهم الطير
نور الدين قال كلام جميل جداااااااااااااااااا
عن الادب النسائي
قلت بس نور هيولع الدنيا ده بينم علي الادب النسائي :)
بس صراحه كلام صح
ومافيش لحظات وشكر في شيرين
ونقد ماتكتب بحرفيه انااحسده عليها
طبعا ده غير اني حسداه علي لغته السليمه واسلوبه في الكلام المرتب الرائع
وبعدين اتكلم عن مصطفي سيف
واتكلم عنه كلام رائع
كنت اتمني ان الاديبه مني طه كانت تقعد واسمع حوار بينها وبين نور الدين
نسيت اقولكم ان طول ماالكلام ده شغال
ازهري وساليناز شغالين في اكل الشوكلاته اللي كانت جيباها ريم سعيد المدونة الجميلة اللي هجرت بلوجر هي كمان
:))
يانهااااااااااار ابيض
ردحذفكل دي تدوينه
يالا انشاء الله ماحد حوش
:))
مره من نفسي اعمل تدوينه كده
:))
هي التدوينة دي طويلة؟
ردحذفيا لهوي
اومال التدوينات اللي باكتبها يتقال عليها ايه لما دي طويلة؟
نورتينا يا شموسة و بجد انتي كنتي منورة و بعدين انتي تدوني و تكتبي براحتك احنا بنتعلم منك دايما
بجد مداخلاتك في الحفلة كانت مهمة جدا و بالذات حديثك عن كون الرسم عبارة عن قصة قصيرة كان الجزء ده ممتع جدا
بالنسبة للجيزاوي الراجل قال كلام حلو جدا في حقي و حق شيرين و باشكره عليه هو كمان
استمتعت بشدة في الحفل و فرحان اني قضيت يوم زي ده و اني قابلت حضرتك
و مش هانسى انك سيبتي كتب كتاب أخوكي علشان تحضري
مهما قلت مش هاوفيكِ امتناني
شمس الشموس
ردحذفهههههههههههههههههههه
انتى لازم يعنى تسيحىلازهرى و ساليناز
فعلا الندوة كانت جميلة و دسمة
و انا واحد من الناس مكنتش عايزها تخلص
تحياتى
حتى هنا اسمى فى المحضر
ردحذفطب وأنا ذنبى إيه بقى ؟؟؟؟
حد قال لكم تعزموا حد جميل زي ريماس
وهى تجيب شيكولاتة رائعة زيها ؟؟
مظلوم وربنا أنا
هههههههههههههههههه
ردحذفاحسن حاجة في الموضوع الاتنين اللي علي جنب بياكلوا الشيكولاته
هي فعلا الشيكولاته متتفوتش لا ندوة ولا غيرة
بلوجر ايه دي كمان اللي الناس هتسيب علشانها الشيكولاته وتقعد تسمع عنها
دمك خفيف في كتاباتك كالعادة
وكويس انك خدتى مكانك
رضوا اه وربنا اتكلمت ودافعت عن امثالي من قاطني بلوجر اللي مالهمش في الكتابه طيب هو علشان انا مابعرفش اكتب ادب ماجيش هنا ولا عشان اكتر من نص البوست فيه غلطات املائيه مااجيش وارغي معاكم هو يعني علشان انا مبوظه اللغه العربيه ابقا وحشه :))
لا خالص امال مين اللي هياخد جايزة نوبل في الادب لو حضرتك مخدتيشها بالتشريد اللي عملاه لكتاباتك ده
افتكر ان نجيب محفوظ ادوله نوبل علشان كده
هههههههههههههههه
تحياتي
Asmaa Fathy
آيون آيون غيظوني بقى كدهون :(
ردحذفأنا جيت 3 فبراير عشان أشوفكم كلكم عملتوا حفلة تانية بس الساعة 6 وطبعًا مش ينفع الميعاد نوهائي لواحدة من طنطا :(
بس خير تتعوض بإذن الله ويجي يوم يجمعنا كلتنا :)
لا مش طويلة قوي بس اتكبيلنا المرة اللي جاية الآراء دي يا ريت :) علشان اللي محضرش زيي كدا .
ردحذفماما شمس الحياة الطيبة
ردحذفيارب ميحرمنيش من حضرتك ومن دعمك ومن أياديكِ البيضاء على كل شباب التدوين بدعمهم
حمممممممممممم دة على اساس انى شاب واوعى تقولى لحد انى داخل على (35
..
انا كنت مبسوط بوجود حضرتك ومنى ماهر فعلا حد راقى ورائع وكان ليا معاها ندوة سابقة وإن شاء الله لو فى فرصة لقاء تانى هعرفك
معلش انا دوست على الادب النسائى لأنى زى ماقلت :) عادة بيجيب تسلخات فكرية :)
لكن مش كله طبعا وفى اقلام كتير هايلة
..
ميرسى جداااااااا على تنويه حضرتك وإطراءك اللى يارب يكون فى محله
تحياتي و تقديري
ردحذف/ الزّمن الجميل:دعوة لإيقاظ روح الزمن الجميل و إعمال العقل لبناء الحاضر و المستقبل، تدعوك لتصفّح ورقاتها و ترك بصماتك ، شكرا لجميل التفاعل
http://zaman-jamil.blogspot.com/
الندوة كانت جميله بيكم و حضرتك بالذات :)
ردحذفأشكرك على كلامك اللي كتير عليّه جداً و الله
فرحانه إني شوفتك تاني
و يا رب تفضلي دايماً شمس المدونات المشرقه
شموسة البلوجرالرقيقة
ردحذفامتعتينا بتدوينتك الجميلة
ووصفك الرائع للاخوة الاعزاء
تحيتي لكي ولهم
*مصطفي سيف الدين
ردحذفيامصطفي الجمهور مش متعود مني علي كده :)
الجمهور متعود مني علي كلمتين وبس
لكن انت خلاص امرنالله اتعودنا نقرا دفتر احوال
:))
بس اروع دفتر احوال في الدنيا
:))
وبجد بجد الحوار كان رائع وجميل
ومن زمان اناماحضرتش ندوة رائعه كده
ده انا كنت بطلت احضر ندوات من كتر ماحضرت ندوات هايفه:))
لكن دي ندوة كانت بطعم الجلاب (مصطفي)مخلوط بالمارونج لاسيه (شيرين )
:)))
*ابراهيم رزق
ردحذف:))
ايوة طبعا لازم اشهر بيهم :))
دي شوكلاتة مصطفي
:))
ساليناز كانت منورة الدنيا
*الازهري
ردحذفتصدق ماحد هيعملك محضر غيري
:))
دي مش ريمااااااااس
دي الجميلة ريم سعيد
:)
ريماس الرقيقة مش من مصر اصلا
انت خلاص ياازهري تركيزك راح في الشوكلاته
:))
* asmaa fathy
ردحذفده انا هاخد جايزة نوبل في تبويظ اللغة العربية
:))
انا حسيت في الندوة وانا بسمع نور الدين اني عايزة ادور علي مدرس لغة عربيه ينقذ مايمكن انقاذه
:))
* doaa elattar
ردحذفماعاش اللي يغيظك يادودو
ده انا اعملك ندوة مخصوص
:))
ونجيلك طنطا كمان :))
* نور الدين
ردحذفبرضوا من شباب المدونين
:))
انااعتقد ان الاديب عمره مايشيب
فهو في شباب دائم مع شخصيات رواياته
:))
فعلا استمتعت جدا بكلامك المرتب اللي مش عارفه بترتبه كده ازاي :))
وفعلا لو في اي ندوة تجمعك مع الاديبه مني طه ياريت تقولي
وطبعا انت تستاهل كل خير يانور
ربنا يديم عليك موهبتك
*منجي بكير
ردحذفاهلا بيك دائما في مدونتي المتواضعه
*شيرين سامي
ردحذفالفراشة الرقيقة
انتي تستهلي كل خير
وموهبتك
ومن نجاح لنجاح ودايما منورة:)
* سواح في ملك اللــــــــــــــــــه
ردحذفكان نفسي تكون معانا
ان شاء الله تبقا معانا المره الجايه
:)
*((ريهاااااااااام المرشدي))
ردحذفااااااسفه جداااا
علشان مافيش صورة مااخدتش بالي بس لما راجعت لاقيت في نور جاي من هنا:))
ومن عيني هكتب الاراء اهو :))
هع هع هع هع هع هع هع
ردحذفلا وحياة تيتة الغالية على قلبى
ريماس هى اللى جابت الشيكولاتة
ولو مش مصدقانى اسألى ريم
أنا صحيح دماغى ضايعة بسبب الإمتحانات
بس الشيكولاتة مفيش فيها تهريج
عندى امتحان النهاردة ادعى لى
علشا نسيتى تدعى أول امبارح :))
الصور وصلت ؟؟؟؟
شكراااااااااا على التدوينه الجميله واللى مش طويله ابدا
ردحذفواجمل ما فيها التلقائية واسلوبك اللى بموت فيه وعفوا للغة العربيه :)
هو صحيح شئ جميل اوى ان تكون لغتنا سليمة بس على بال محنا اللى بنلخبط نتعلم هنكتب ونتعلم برضه
كده حاسة انى حضرت معاكوا ومنقصنيش الا انى اشوف حضرتك بجد
دمت بخير
*الازهري
ردحذف:))
يابني مش ريم اللي داخله وشايله الشوكلاته
مش ريم اللي اديتنا الشوكلاته
فين ريماس دي بقا
:))؟؟
لسه مافتحتش الميل اصلا هروح اشوف :)
بس انشر التشريده التالته للندوة:))
ده انتوا هتندموا انكم اخدتوني الندوة
:))
رؤي عليوة
ردحذف:))
شكرا علي كلامك وتشجيعك :))
وان شاء الله هيكون لينا لقاء وان شاء الله يكون اجمل واجمل
:)
رغم انف ازهري
يعنى ياقول لك وحياة تيتة
ردحذفوبتكدبينى ؟؟؟؟
طب أجيب لك منين أغلى من كده واحلف بيه :((((
ماما شمس
ردحذفالتدوين بالنسبة لي مش كتابة ادب
التدوين بالنسبة لي فضفضة لاني مش بعرف اقول اللي جوايا لحد
واية انت مبوظة اللغة العربية دي طيب احنا بقي نبقي اية ؟؟
المهم نكتب
وانا مهما كتبت ومهما نشرت مش هسيب بلوجر ابدااااا
حد يسيب ابنه يا ناس
مدونتي دي بنتي مش ممكن اسيبها ابدااااا
*الازهري
ردحذفتصدق انا هكلم ريم
ولا انت تقصد من الاسم معناه ولا ايه
:))
* re7ab.sale7
ردحذفالكتابه كلها فضفضه
مش لازم تكون خنقه وبنفضفض بيها
اي ابداع هو موهبه بتضغط علي صاحبها علشان يخرجهاللنور
وانتي من الناس اللي بحب كتاباتها جداااا
امااللغة العربيه فادي ممكن نقوم يوم الصبح نلاقي محضر بيخبط معلش ياجماعه اللغة العربيه رافعه عليكم قضيه ومجرجراكم علي الاقسام
:))
شموووسة الجميلة
ردحذفانا لقيت في مناقشة انا ريم ولا ريماس
والحقيقة انتوا الاتنين صح :)
انا اسمى ريماس فعلا يا شموسة بس اسم ريم هو اللى اكتر الناسات تعرفنى بيه
تقريبا بقى الكل يقولى ريم فقررت ارجع لريماس بعد ما ابتديت انسى اسمى
الحقيقي
حقيقي يا شموسة انا كتير مبسوطة انى شفتك واليوم كان جميل بيكى :)
* reem
ردحذفاسم ريم جميل
وريماس اجمل
ربنا يحفظك ياجميله:)
بداية أتقدم بأفضل التحية لحضرتك يا مدام شمس، كمان لازم أشكر حضرتك جدا على الكلمتين الحلوين اللى قلتيهم فى حقى وإنى أنفع مذيع، خسارة بس إن ماحدش من الفضائيات عرف الرأى ده :)
ردحذفسعدت بتواجدى هنا واعدك أن أعود إلى عالم بلوجر فى القريب إن شاء الله
تحياتى واحترامى
* محمد فاروق الشاذلى قلب مصرى
ردحذفاهلا اهلا باحد طيور بلوجر المهاجره
:))
انت فعلا مذيع جيد ومحاور جيد جدااااا
واعتقد ان مش كل كاتب ناجح ينفع مذيع او محاور ناجح
انت جمعت الاتنين
ياريت فعلا ترجع بلوجر وتنور مدونتك
علي فكره اي حد مضلم مدونته هيسحبوا منه عداد النور
:))
نورتني واسعدني تعليقك جداااا
ويارب داايما هنا