نقطة ومن اول السطر

نقطة ومن اول السطرة
الحياة سلسلة من: 
نقطة ومن اول السطر
مدونتي وحشتني

كل سنة و دبي محروسة من اعداء النجاح :)

صباح الخير

عليكم

اروح تويتر الاقيهم بيندبوا

اروح الفيس الاقيهم برضوا بيندبوا

كل ماحد يكلمني يندب

الله

بتندبوا علي ايه

ان دبي صرفت نص مليار علي راس السنة

وكسبت 3مليار

وان احتفالات دبي ابهرت العالم

كل اللي بيندبوا مش من جيلي

عارفين ليه

علشان جيلي كله 

شاف لما كان العالم بيسيب برد بلادهم ويجوا هنا 

يحتفلوا براس السنة

مصر كلها كانت بتبقا كامل العدد

العرب اللي مافيش في بلادهم راس سنه اصلا

كلهم بيبقوا هنا

الاجانب بيبقوا في الاقصر واسوان والواحات والبحر الاحمر

والمصرين نفسهم ماكنش في بيت الا في احتفال 

بس للاسف

ربنا ابتلاااااااااااااااانا

بناس حرمت علينا عيشتنا

وقالك راس السنة حرام

لا

ده السياحة اصلا حرام

ومصر بقت حاجة تانية

وكل شئ تراجع

دبي بقا ماعندهمش

الناس دي

ويقولك انت مسلم ماتحتفلتش باعياد الكفار

:)

يعني حتي مش عارف الكفار من اهل الكتاب

ياعم الزوج المسلم اللي زوجته مسيحية 

وعنده اولاد منها

اكيد هيحبسها بقا ماتحتفلش

:)

مع ان ربنا احل لهم الزوااااااااااااااااج

اللي ربنا قال عليه سكن

والمشكلة بقا انك تقوله انت اتولد امتي 

يجاوب بالسنة الميلادية

طيب ياخفيف اتولدت امتي عربي

يتنح

:)

بتندبوا علي ايه بقا

ان شاء الله

وسمعني سلام هابي نيو ير ياكفرة

:)

فوتكم بعافية

ستنا وتاج راااسنا مريم

مساء الخير

طبعا مريدي

(حلوة مريدي دي)

:)

ماعلينا

مريدي المدونة هنا عارفين ان انا ست كبيرة

وشايلة المرارة

اه وربنا

قوم يقع تحت ايدي فيديو لواحد من بتوع اليومين دول

ومش هنشر الفديو علشان مايخدش اكتر من حجمه

المهم

الباشا بيقول ايه بقا

((عيد ميلاد المسيح ايه ده اللي بيحتفلوا بيه في الشتاء 

اذا كان ربنا قال لها هزي اليك بجزع النخلة تساقط عليك رطبا جنيا...هو البلح في الصيف ولا الشتاء .......الي اخر الحوار الغريب الفكيه المريب :)

طبعا ضحك السنين ياناااااااس

ياعم الحاج

يااااااااعم الحاااااااج

ستنا مريم ايه ومعجزة من وهي في بطن امها

((اذ قالت امرأة عمران رب اني نذرت لك مافي بطني محررا))

لما وضعتها انثي قالت اييييه 

((فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَىٰ وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنْثَىٰ ۖ وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ))

شوفا بقا يامؤمن لما ربنا يتقبل منها بقا

((فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتًا حَسَنًا وَكَفَّلَهَا زَكَرِيَّا ۖ كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِنْدَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِنْدِ اللَّهِ ۖ إِنَّ اللَّهَ يَرْزُقُ مَنْ يَشَاءُ بِغَيْرِ حِسَابٍ)) 

زكريا كان بيجد عندها فاكهة الشتاء في الصيف وفاكهة الصيف في الشتاء

بلاش دي

كان بيجد عندها رزق ماحدش جابه لها اصلا

كان بيجي منين

ياناس ستنا مريم هي وابنها

ايه ومعجزة

من ايات الله للبشريه

وهو يعني ستنا مريم الصغيرة الضعيفة اللي لسه والده

لما هتهز جزع النخلة هتنزل بلح

طب ياريت هو كده يهز شجره مش نخله ويوريني كده

ياريت يبطلوا ويرحمووووووووووونا

بلاش احلفكم بلاش 

فوتكم بعافية 

صباح بطعم 2015

صباح الفل عليكم

صباح بطعم 2015

نقول

بسم الله الرحمن الرحيم

في اول يوم في السنة الجديدة

متفاااااائلة

جدا

وان شاء الله خير

ويارب

يناير يحمل لنا الخير

يااااااامسهل يارب

كل سنة وانتم طيبين

يارب

جحا وابنه والحماااااار

صباح الخير عليكم

نحن الان في جمهورية مصر الحبيبة

نعيش ازهي

عصور

لا بلاش ياللي بتقول عصر المنايفة

:) :)

بلاش غلط علي الصبح

لا ازهي عصور

قصة جحا وابنه و

الحماااااااااااااااااار 

اه وربنا

 

علماء ولكن !

صباح الخير

النهاردة جايبه لكم

فيديو لقاء تلفزيوني

لييييييييه؟

الناس اللي في الفديو

شباب وعلماء

جميل

عملوا معاهم ايه بقا؟

لما حبوا يسلطوا عليهم الضوء

ماشاء الله

جابوهم الساعة 8 الصبح

والشعب مش هنا ياحسين

لكن بتوع الهوهو شو

ليهم اوقات الذروة 

وكمان مذيعة لا قارية عن الموضوع ولا حتي بتستفهم عدل

ولولا ان الناس بتتكلم كويس وواثقة من نفسها وعلمها

ماكنتش فهمت ايه القصة

شوفوا الفكرة الخطيرة الرائعة

البسيطة

اللي ماسمعتش ان حد اتبناها تطبق

ومليون تحية لعلماء مصر وشبابها

اللي بينحتوا في الصخر

واتفرج ياسلام علي الاعلام المصري

اللينك اهو

فوتكم بعافية

العنجهية والخرااااااااااااب

سؤاااااااااال

الخراب اللي في الوطن العربي ده 

ليييييييييييييه 

؟؟؟

طب نجيب من الاول

وكلام مش جديد

بالعكس متكرر

بس كل ماتحصل حاجة نجيبه

نرجه يمين شمال 

يمكن ينزل لنا اجابة

العراق

مالها في ايه ؟

علي الهادي واحده واحده

اتخربت ليه؟

ياتري

من اول الحرب مع ايران 

وظهور قوة الجيش العراقي

ولا علشان هي من ضمن الدول العربية

اللي كانت مع مصر في حرب 73

السودان

واحدة واحدة علي الهادي كده

اتفككت وبقت اتنين

اووووم لما تشعللها تعرف تشعلل علي رواقة

وقضية نهر النيل

اكبر دليل

وماخفي كان اعظم

الجزائر 

واللي حصل فيها سنين

بس هنا فرنسا ليها مصالح هناك

فا اتلم الدور

بس برضوا اتعاقبت حبه

ماهي من ضمن الدول اللي ساعدتنا برضوا في 73

سوريا

حدث ولا حرج

مش عارفة اقول ايه عنها

ربنا يتولاهم برحمته

وتعرف تجمع الجيش تاني

ليبيا

نفس القصة بتتكرر بالحرف

فين الجيش 

فين الشرطه

اليمن

واللي لحد دلوقتي مش فاهمه

اللي بيحصل هناك

وكل ماافهم الاقي لغز جديد

زي الحيثين اللي ظهروا

فاجأتااااااا

وعلي حين غره بعد التقسيم

ماعلينا

كل الدول دي

كان يحكمهم بني ادم

متعجرف ظالم

عارف انه لو ساب الحكم

سوري

هياخد بالجزمة

وانه من غير الكرسي ولا حاجة هيتسحل

وكمان اللي حواليه نفس القصة

والغرب الملعونين عرفوا ده كويس

ولعبوا عليه

طب نشوف كده لو كل واحد من دول قال 

طيب همشي بس عايز كذا وكذا

كان حصل ايه

ماتفرحوش اوي كده

كانوا هيدوروا علي حاجة تانيه يخربوها بيها

والخونة كتير في الوطن العربي

الوطن العربي لازم يفضل مفكك

مهلهل

علشان لما اتحد مرررررررررره

حصل ايه

اسرائيل اتسكت علقة موت

واتخدت منهم اسيناء 

اللي بيعتبرها اليهود قدس الاقداس

يبقا علشان امن اسرائيل لازم نفضل مفككين

طيب ايه الجديد في كلامي 

ماهي المشكلة ان مافيش اي جديد

واصغر عيل في الوطن العربي في اصغر حارة

عارف الكلام ده

طيب ايه

ماحدش بيعمل بيه حاجة ودوخيني ياليمونه

وصباح العنجهية والخراب

واهو طق حنك

الهبل فكرة

صباح الخير

ايوة

الهبل فكرة

قريت في احد صفحات الاخوان

ان اليوم

28 نوفمبر

صناعة مخابراتيه صرف

:)

طيب ماااااشي يامعلم ياعالم ببواطن الامور انت

هو المدعو 28 نوفمبر ده مش انتوا اللي دعيتوا ليه

علي كل صفحاتكم

ولا اييييييييييييييييييييييييه

ايه بقا دخل المخابرات بقا

وقال ايه 

علشان تنتشر القوات بطول البلاد وعرضها

علشان براءة مبارك بكره

واللي هايعترض علي البراءة هيتشقط

:) 

ايه الهزار ده والاستخفاف بالعقول

طيب سؤال نميس كده

وياريت يبقا عند اي اخواني

او مش اخواني بس مع الحق او الشرعيه

او مش اخواني بس بيحترمهم

انه يجاوب

انت عايز 

ايييييييييييييه
في نقاااااط مش عايزة رغي ولوك لوك

وفوتكم بعافية

البؤجه الشتوية

مساء الفل عليكم

ان شاء الله

البؤجه السبت الجاي 

ماتنسوش

من هنا 

كل سنة وانتوا طيبين

طظ فيكم بقا :)

مساء اي مساء بقا

عليكم

و

بالبلدي بقا كده 

موضوع سيناء ده

علشان انا زهقت

اللي عنده مصالح وسبوبه 

ونفقين تلاته مظبطينه فلوووووس

مهيص الدنيا وبيولو وبيندب 

ويقولك حقوق ومش حقوق

واللي مالوش في ده موافق ومبسوط 

ومش فارقة معاه

و بيضحي علشان الكلاب اللي بتنهش فينا تغور 

 ايام الحرب مع اسرائل

 مدن القناة اتهجرت واتوزعت علي الجمهورية 

علشان عبد الناصر يستفرد بالصهاينة 

وماحدش اعترض  ولا لولو

ودي مدن بحااااااالها

وانتوا بتولوا زي البغبغانات 

علي الرجوع في نفس المكان شوية 

ده ايه النيلة البني دي

مش قلتلكم 

لو اللي موجودين دلوقتي 

همه اللي كانوا في 67 

ماكناش عبرنا وانتصرنا

 ارحمنا يارب

سيدنا يوسف

صباح الخير عليكم

المفروض النهاردة كنت اكتب عن

مرض  m..s

بس مش مشكلة

المرض مش هيطير

بس اللي هيطير نافوخي من راسي

لييييه؟

علشان الفتي في كل حاجة في اي حاجة عن اي حاجة

خلاص كلنا بقينا كده

ولا استثني احد حتي انا

بس في حاجات ماينفعش

ياعم عايز تشتم اشتم انت حر 

انت اللي هتتحاسب مش انا

اشتم في كل حاجة في اي حاجة

بس موضوع سيدنا يوسف والقضاء الفرعوني

قال يعني بقا القضاء المصري من ايام الفراعنه فاسد

ويشتم في الجيش ولما تقوله ماده الجيش اللي عبر في 73 جيش الانتصارات يقولك لا ده غير ده

اشمعنا الجيش اتغير من 41 سنه

والقضاء مااتغيرش من 7الاف سنه

اه يامررتي اللي شيلاها اصلا

طيب ياعم

ماشي

بس كله الا سيدنا يوسف بقا

سيدنا يوسف دعا الله وقال

(قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ ۖ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ)

جميل

يعني السجن هنا دعوه من نبي واستجابه من الله

جميل

سيدنا يوسف اتربي في قصر منعم مرفه

والنبوة مش امر سهل فاكان لازم يخشوشن كده

ولازم القصة تكمل ويتحافظ عليه يعني مليون سبب

وفوق ده كله ربنا عايز ده

ومش هفتي ادخلوا شوفوا 

الشيخ الشعراوي فسر سورة يوسف ازاي

وليه سجنوه رغم علمهم انه برئ 

لأنه كان عامل فتنه

ماتخلطوش ابو قرش علي ابو قرشين

واشتموا بس بعيد عن الانبياء والرسول الله يخليكم

وماتنسوش سيدنا موسي اللي قتل واحد في خناقة

وربنا خلاه يطلع الصحرا وهو المرفه المتربي في قصر الملك

ده برضوا القضاء اللي عمل فيه كده

ياناس ارحمونا بقا

وفوتكم بعافية 

ياسااااااااااااااتر

ام اس ...m s

صباح الخير

النهاردة جايه اشاركم

حاجة كتير من المصريين مايعرفوش عنها حاجة

وكتير بينا عندهم ومايعرفوش

وللأسف كتير بيتعالجوا

بس من حاجات تانيه وهو عندهم

وعلي مابيتم اكتشافه

بيكون المريض تعب جدااااااا

هتكلم النهاردة عن تجربتي معاه

وبعد كده هتكلم عنه

علشان تاخدوا بالكم

بنتي الكبيره تعبت من سنين طويله

وتم علاجها

من التهاب الاذن الوسطي

من تعب في المعدة

من الضغط المنخفض

من ضغط العين

من القولون

من المعدة

من الاكتئاب

الي اخره

الي ان شكيت انه ممكن يكون حاجة في اعصاب المخ

اه والله انا اللي شكيت

ورحنا لدكتور مخ واعصاب وطلب اشعات اوليه

ولما عملناها طلب اشعة متقدمه علي المخ

وربنا فتح عليه وقال ده

للأسف حاجة اسمها ام اس

التهاب او تصلب الاعصاب المتعدد

وكانت صدمه

لأن طبعا عملنا بحث عنه

ووجدنا انه مالوش علاج

وكل اللي بيحصل

ان يامرض يالعين بدل ماتدمر الانسان ده في عشره خمستاشر سنه

دمره في 50

يعني العلاج تجميد نشاط المرض فترات

وطبعا عملنا كل شئ 

وبعتنا الاشعات والتحاليل بره مصر

نفس الموضوع مالوش علاج

ومشينا علي الطب البديل بتاع الاكل وتنظيم الاكل

وكان هيتنصب علينا ونسافر بره نعمل نقل خلاية جزعية

ولو تفتكروا

المدونة ام البنات

 كانت معايا في الطلعة دي 

------

في النهاية وبعد ست سنين

ماشين مع دكتور بقالنا سنتين

اشتركت بنتي علي جروب علي الفيس عاملينه جمعية مرضي الام اس في مصر

ومن خلاله عرفنا بوجود مركز للمرض

في القصر العيني

تم افتتاحه من 2011

ترددنا اننا نروح

في النهاية قلنا بجملة اللي اتعمل

رحنا لاقينا حالات اسوء من بنتي كتير

وادهشني اهتمام الناس هناك بالمرضي

وقابلنا الدكتوره رشا والدكتور حازم

في الاول

واخدوا معلومات من بنتي عن تتبع الحالة

بهتمام شديد 

وبعد كده قابلنا الدكتوره

 نرمين عادل

ماشاء الله عليها انسانه قبل ماتكون دكتوره

وطلبت تحليل للأسف مابيتعملش غير في البرج

وكمان البرج بيعمله بره مصر

وطلبت اشعه اكتر تخصص من اللي عاملنهم قبل كده علي العين

علشان بنتي عينيها متأثره جدا

وقالت لازم نعلق كرتيزون لمدة 5 ايام

علي ماالتحليل اللي هنستلمه يوم 17 /11 يطلع مع الاشعة

علشان نحدد خطة العلاج

لأول مره بعد 16 دكتور احس ان في حد فعلا فاهم يعني ايه طب

يعني ايه ام اس يعني ايه خطة علاج

القصة بقا هتبتدي من هنا

قلنا لها مش هنعلق محاليل هنا في القصر العيني

وعايزة اقول ان المركز بيقدم كل الخدمات لهذا المرض اللعين المكلف ببلاش

يعني مثلا في تحليل للنخاع الشوكي بيتكلف 15 الف جنيه بيتبعت فرنسا ويرجع

بيعملوه للمرضي ببلاش

التحليل كمان اللي اتطلب مننا ده بيكلف 750 جنيه احنا عملناه في البرج

بس المركز بيعمله ببلاش

وتعليق المحاليل برضوا بيعملوه ببلاش

المرض ده مكلف جدااااااا

وهمه بيقدموا الخدمات دي كلها ببلاش

عمار يامصر

المهم

الدكتوره قالت مافيش مشكله هكتب لكم روشته تفصيليه عن كيفية تعليق الكرتزون وايه الادوية اللي هتبقا معاه قبل ومع المحلول

وشكرناها ومشينا

وتاني يوم ابتدت خطة البحث عن مكان نعمل فيه التحليل وجدنا ان مافيش معمل بيعمله الا البرج

عملناه وان شاء الله هناخده 17/ 11

وطلعنا علي دار الفؤاد نعلق المحاليل

وهنا كانت المفاجأة

رفض دار الفؤاد يعلق لها المحاليل

ليييييييييييييه؟

ياعم

مابنعلقش محاليل لعلاج جاي من بره المستشفي

ياريس دي روشته مختومه من القصر العيني يعني جهه حكوميه

وكمان المركز الاوحد في الشرق الحكومي لهذا المرض

طب انت تعرف يعني ايه ام اس

لا

طيب هتلي حد اكلمه

لأ

ماكنتش عايزة اوتر بنتي

مشيت وكلمنا مستشفي الصفوة

مارضيوش يقولوا 

لأ

لكن بعد مراوغة

قالوا مافيش سراير فاضيه

ورحنا مستشفي الوادي ب 6 اكتوبر

مستشفي جميله ولا امريكا

بجد مش هزار 

كنت مستغربه ان المستشفي دي في مصر

المهم دخلنا الاستقبال

قابلنا موظف من حزب اعداء النجاح

قال لنا 

لأ

هنا انا بقا انفعلت

قلت له انت دكتور

 قال لأ

قلت له يبقا بتقول لأ ليه 

هو انا جايه اعلق لها مخدرات

قال ماينفعش نعلق محاليل الا بناء علي كشف عندنا

قلت لها انت عندك دكتور مخ واعصاب الان

ولو عندك متخصص ام اس

ولما لقاني ابتديت انفعل

قال طيب هاتي الروشيته

ودخل كلم الكتور الموجود ورجع قال

طيب هنعلق لها المحلول

دخلنا نعلق المحلول بصراحة الناس لطيفة وجميلة

ومتعاونه

وزي الفل مش فاهمه سايبين هذا الانسان معاهم ازاي

علقوا لنا المحاليل

وبعد ساعتين قلت لبنتي ايه ده دول ماطلبوش فلوس

استغربت ولما سألت التمريض قالوا

عادي وحضرتك خارجه هتحسبي

!!!!!

هنا في مصر

!!!

ماعلينا

الموظف ده عمل معانا مشاكل طبعا علشان هو صعب عليه انه يقول لأ والدكتور يقول اه

عمل ايه بقا جايه احاسب

فابديله كارت التأمين الصحي بتاع بنتي

اللي هو (في اي بي) وكمان من غير اي موافقه

ومكتوب فيه ان الشركة موافقه علي اي علاج لصاحبته وفورا

وده مخصوص لبنتي علشان حالتها

قالك 

لأ

احنا مش متعاقدين مع شركة التأمين دي

قلت له ماشي وحاسبت كاش ومشيت

تاني يوم رايحين نعلق اليوم التاني

كان الباشا مش موجود فاعلقنا المحاليل

وطلعت للموظف اللي مكانه

قلت له انا لاحظت غلط في الحساب امبارح

انكم مش محاسبين علي حقنه من الحقن

ولا ده تخفيض علشان كارت التأمين احب اعرف

قال لي انتوا معاكم كارت تأمين

قلت ايوه

قال لي اومال حاسبتوا ليه

قلت له الموظف بتاع امبارح قال انكم مش متعاقدين مع الشركة دي

قال لي استأذن حضرتك في الكارت

ولما اديتهوله

قال مين قال ده كرت مخصوص كمان

ورجعوا لي فلوس امبارح

تالت يوم لاقيت واحد من اصحاب المستشفي

جاني وبنتي معلقه المحاليل

دكتور بشوش جدا ومؤدب ورجل كبير

واطمن علي بنتي واعتذر لنا عن اللي حصل من اول رفض تعليق المحاليل الي غلط الكارت

وقالي ان الموظف اخد جزه

وقال من حقها تعلق في اي مكان في مصر

والموظفين في الاستقبال عادتا مش عارفين حاجة

ولا يعرفوا يعني ايه ام اس

وقالي المكان مكانكم تشرفونا في اي وقت

ولا حول ولا قوة الا بالله

دي حكاية مختصره عن الموضوع

معلش اول مره اكتب تدوينه كبيره بس ماكنش ينفع تتجزء

ان شاء الله هكتب عن المرض نفسه

لأني بلاحظ ان كتير بيصحوا من النوم مصدعين ومقريفين ومش طايقين نفسهم

وممكن يكون المرض

 

الوفد

صبااااااااح

ان شاء الله الخير

امبارح كنت في اجتماع لدفعتي بتاعة

الكلية

بنقابة الصحفيين

طبعا انا لا بشوف برامج

توك لوك لوك

ولا اي حاجة في اي حاجة

من الهري اللي حاصل ده

المهم

تقولوش رزقي في رجلية

لاقيت وقفه علي سلم النقابة

ليييييييييه

اعضاء من حزب الوفد

معترضين علي ان بتوع الحزب الوطني

هينزلوا الانتخابات

علي قائمة الوفد

خاليكوا عمالين تتخنقوا

والعالم دي شغاله علي نار هااااااديه

همه والناس اللي اغلب المجتمع مش طايقنهم

لو ماانتبهناش

هنتخبط في حتت برلمان

مانعدموش

او نعدمه

قولوا ان شاء الله

برااااااحتكم

انا اصلا لحد دلوقتي دائرتي كل اللي بيفرش لنفسه

حزب وطني

ومتأسلمين

مش معروفين

وفوتكم بعافية ياشباب الثورة

(اللي طلعوها مش ثورة)

وياشباب البلد اللي عايزين يغيروا

وهمه قاعدين ورا النت

في حين

الناس اصحاب الاصوات

مايعرفوش يعني ايه نت

اصلا 

ولازم نؤمن ان الشارع هو الحكم

وان كنت من من يعتقد ان تمرد

عمل مخابراتي 

يبقوا برافوا عليهم

عملوا اللي انت مش عارف تعمله

نزلوا للناس واقنعوهم

خاليكم قاعدين

فوتكم بعافية

ده لو اتسابت لنا

فاااااااااااااتيما ويووووووسف

الليلة ليلة هنا وسرور

تاتاتا....

ليييييييييييه؟

علشان 

فاتيماااااااااا 

ام قلب دهب

صبرت كتيييييييييييير

واحتسبت

وقااااالت ياااااااااارب

وربنا قال

(وبشر الصابرين)

وجتلها بشرة الصابرين

ربنا رد لها

ابنها يوسف

بمعجزة ولا كل المعجزات

والحمد لله

قرت عينها بشوفته

وقلبها ارتاح

اااااااااالف مبروك

ربنا يسعدك يافاتيما

وتنعمي بالراحة والسلام والامان

والاستقرار

مع روح قلبك

يوسف باشا

الحمد لله

لسه فاكرين

صباااااااااااح الفل

لسه فاكرين ياحكومه

:)

طيب انتوا لسه فاكرين 

التدوينة 

دي 

اااايوة بتاعة الحشيش

:)

قال ايه بقا اخيرا الحكومه جابته

طب مااليافطه متعلقة في جسر السويس

يابا الحاج والرجل ماانكرش وعلي عينك ياتاجر

ماعلينا

الخبر 

اهوووووو

والغريب المريب ان الشرطه لابسه اسود

يعني اتقبض عليه ساعتها في شهر ابريل

ولسه فاكرين ينزلوا الخبر

هم يضحك وهم يبكي 

فوتكم بعافية

:)

ياااااااااااااه

يااااااه 

انا بقالي كتير ماجتش هنا معقول كده

نقدر نقول سدت نفس

او

المشاعر اكبر من اني اجي اكتبها هنا

يمكن علشان الكلام

مابقاش ينفع يعبر

يمكن علشان زهقت من الكلام

يمكن علشان خلاص مش مهم

ومافيش حاجة هتتغير

واهو تسليم للواقع

ماااااعلينا

الاهم ان مدونتي وحشتني

جدااااااا

ويوم 13 اغسطس اللي فات

تمت 6 سنين 

واصلا انا نسيت اجي واعمل لها احتفال

:)