عيد سعيد

كل سنة وانتم طيبين وبصحة وسعادة

وادي عدية ماما شمس

:))
هي بدري شويه بس خلاص العيد بعد بكره وانا مسافره
قلت اعيد عليكم قبل مااسافر
:)
نلتقي بعد العيد في النيو لوك بتاعت المدونة
:)

الصمت!!!!!!!!!!

حد جرب مايتكلمش غصب عنه
يعني اصابه الخرس المؤقت
حالة مرعبه وغريبه
ان ماتتكلمش تسمع وماتتكلمش في البدايه تتخنق وتخاف وتترعب وتلاقي الحياة غريبه ايه ده مش عارف اتكلم ولا اعبر عن نفسي وعايز ايه
المدهش بقا ان انت نفسك ساعات تنبسط انك مابتتكلمش مش عايز تتكلم مع حد خالص ودي فرصة كويسه انك تتكلم مع نفسك بس وتعيد ترتيب حياتك وافكارك ودولابك الداخلي وتشغل عقلك شويه في حاجات ركنت عقلك فيها
تلاقي نفسك في تجربه غريبه وتكتشف انها مفيده حبتين تلاته وان ربنا دايما يعمل لك الخير
وتبتدي تشوف حاجات بشكلها الحقيقي
والحالة دي بتخللي اللي حواليك يبعدوا شويه عنك علشان مايضيقوكش ودي فايده عاشرة للموضوع ده
انك تتساب في حالك واكيد انت محتاج ده انك تبقا لوحدك :(

ابو الريش والحقيقه المره

تااااااااااااااااااني

للمرة التانيه
لوحة زهرة الخشخاش تتسرق

وده شئ مش غريب مش اول ولا اخر مرة تتسرق اعمال فنيه قيمة فيكي يامصر ولا حتي اثار مهما كبر او صغر حجمها
ايه الجديد؟؟

الجديد ان اغلب الناس مش مدركة القيمة الفنيه لهذه اللوحة !
والفضيحة اللي اتفضحناها في العالم علي السرقه الهبلة والمتحف اللي حراسته وطريقة تأمينه كوميديه علي الاخر
انا مش لايمه الناس دي
هيدركوا الموضوع ازاي ويحسوا بقيمة فنيه زي دي ازاي وهمه اصلا مش متوفر لهم ابسط سبل المعيشه من مواد تموينيه بديهيه
اقتراح بقااااااا
مادام لا الحكومه متمثله في وزارة الثقافه مش مدركة قيمة الاعمال الفنيه دي ولا قيمة الاثار وعجزة انها تحافظ عليها
واغلب الشعب كمان مش مدرك نفس الشئ
احنا نطرح الحاجات دي للبيع للناس اللي تعرف قيمتها وتحافظ عليها وتضعها في نن عينيها
وبالفلوس دي نسدد ديون مصر بقا ونهيص
ونجوز الشباب اللي مش عارف يتجوز ونهيص الشعب المطحون ده
اللي بيحصل في مصر ده مااعتقدش انه بيحصل في اي حته
؟؟؟؟؟؟؟؟؟؟؟؟؟؟
وعلي فكرة اللوحة دي لما اتسرقت سنة 78 ورجعت تاني بطريقه كوميديه اتنين قالوا انها مش اصليه
يوسف ادريس وكمال الملاخ
واللجنة اللي قيمتها كانت لجنة من الكومبارس الفرنسيين
واللي هيبعت حد يسرق اللوحة دي وعارف قيمتها مش هيبعت اتنين حرمية غسيل يقطعوها من الاطار بالموس
لو هو محترف هيعرف ان ده هيفقدها قيمتها
طيب ايه الموضوع ماحدش عارف حاجة
زي العادة

رمضان كريم

كل سنة وانتم طيبين
رمضان كريم
:)

فيديو حملة اليوتوب و مشاهدات كبيرة في وقت قياسي

الخوف (تحدييييييييث)

البوست ده نشرته يوم 15 ابريل بالليل بدليل ان اول تعليق كان 16 ابريل
لاحظت ان التاريخ يوم 31مارس اصلا انا مادخلتش النت ساعتها
حد عنده تفسير
كمان البوست ماظهرش عند حد خالص
لو حد عنده تفسير ياريت يفهمني
:))

قصيدة الخوف
--------------
**اصبحت أخاف من الاشياء

*كل الاشياء

*فأخبئ وجهي في عيني

*اتمدد حينا في جفني

*يتضاءل بدني

*اتثاءب فوق رموش العين

*فيوقظني شبح في العين يطاردني

*المح جلادا وسط العين

*يغرس في عيني سيف الخوف

*فيفصل جفني عن عيني

*ينطفئ الضوء علي العينين

*ادمنت الخوف

*ففي عيني..نام الجلاد

-------
فاروق جويدة

--------
من اروع ماكتب فاروق جويدة

ومن اروع الكلمات عن الشعور الدائم بالخوف

ان تفقد غالي

او ان تخاف من السعادة نفسها

والانسان الخائف دائما لايحسن التصرف

قالخوف ضغط علي الاعصاب

وصاحب الخوف دائما متوتر وقلق

ويترجم هذا اما الي ابتعاد عن الناس

او عصبية تخفي هذا الخوف والضعف فالخائف ضعيف

والضعيف سريع الانهيار

وقد يدفع الخوف الي فقد كل ماهو عزيز وغالي

نتيجة الخوف من المجهول

من الاشياء المبهمة