علامة تعجب نقطة وعلامة استفاهم ! .؟ +تحديث مهم

ده مقال من عند الاستاذ ماجد(هكذا علمتني الحياة مهم جدا بيتكلم عن مبادرة الشيخ حسان

علامة تعجب نقطة علامة استفاهم
! . ؟
بعد غياب شئ سفر وشئ وفاة ابو البنات
وابتعاد عن الاخبار والساحة نص نص
رجعت وحاولت افهم
مافهمتش حاجة
مش حاسة غير زي ماتكون مصر في خناقة
علي قهوة بلدي زي افلام الابيض والاسود
بتاعة فريد شوقي ملك الترسو
ومحمود المليجي
وانا مش فاهمة حاجة
همه بيتخنقوا ليه وعلي ايه

ينوبكم فيه ثواب حد يفهمني
المصرين بيتخنقوا ليه

ماشي في نور الله

رائعة

ياالله

الله أحق بأن تناجيه وتبث له شكواك
دائما خذها قاعدة . . . . . . . لن يشعر أحد بما تشعر به حتى لو أمضيت ساعات تشرح لهم شعورك وما تمر به. فهم لم يلمسوا قرارة قلبك ولم تصلهم حرارة دموعك ألتزم الصمت.
منقول
======
بعتذر اني مش برد علي التعليقات او بزور المدونات
اوراق كتير وتفاصيل اكتر وحزن بناتي الشديد
والحياة الغريبة مافيش وقت
وفي نفس الوقت مش عايزة اقفل المدونة متنفسي الوحيد
======

شكرا

بشكر كل من عزاني
سواء بتعليق او بحضور اوبتليفون
ربنا يكرمكم كلكم

النهاردة الخميس 5 ينااااااااير :)))))

ايه ده انا مااخدتش بالي غير دلوقتي بس
النهاردة الخميس 5 يناير
:)))
التاريخ ده تاااااااااااااريخ حيوي زي المضاد الحيوي كده
واول مره يتكرر كده :))
:)))
ده كان اول يوم ليه في كلية فنون جميلة
حلم حياتي من صغري
بعد معاناة مع الاهل :))
ايوة ايامنا ماكنش بالساهل كده بنت وكمان من جزور صعيدية تدخل فنون جميلة
يالاالعار وموديلز وعري وكده
وكمان ننزل نرسم في الشوارع
بعد مشاورات ومحايلات وشد وجذب واحيانا خناقات
اتحولت :))
:))))
المهم
علشان كده انا دخلت في يناير مش من اول السنة
علي ماامتحنت مليون امتحان
علشان يتأكدوا اني عندي موهبة الرسم مش اي كلام
مش زي اليومين دول
بنتي اللي مابتعرفش ترسم تجيب لائق
واللي بتعرف وموهوبة تبقا غير لائق
:))
المهم بعد الدوخة ودوخة الدوخة اخيراااااااااااااا
قبلوني ومااستنتش ليوم السبت
ورحت يوم الخميس 5 يناير 1978
وكان اول مشروع تصميم ورق لمحل خردوات
اللي هي دلوقتي المكتبات
اللي بتحط مع الكتب والادوات الدراسية عطور وبرفنات وبراويز:)))
كل سنة وانا طيبة طبعاااااااااااااا
بوست المطبخ والمجلة شغال برضوا
:))))

مطبخ شموسة :)))

اخيرا تم افتتاح مطبخ شموسة تاني
وبناء علي طلب الاخوات في تيوتر
عملنا عدس اصفر
بمناسبة البرد
:))
وادي اللينك هناك في المطبخ
وبالهنا والشفاء
والوجبة جاية سد الحنك بناء علي طلب برضوا صديقة علي تويتر
:)))
قاعدين نطبخ احنا علي تويتر
:)))
وبالمناسبة انا علي تويتر مش شمس النهار
علشان في شمس علي تويتر دي مش انا
==========
حته علي الماشي
مبروك لعكاشة علي السقوط المبهر
بجد اتطمنت علي عقول المصريين وخصوصا البسطاء
مش قلت لكم ماحدش هيقدر يضحك علي المصريييين ابداااااااااااااا

دقة جديدة :)+ تحديث مهم +تحديث اهمممممم جااااااامد:)

ده لينك موضوع غاية في الروعة عجبني جدا وجديد وفكرة جميلة

===============
وده برومو المجلة
:))
لأ شغل علي مية بيضة يعني
:))

ده لينك المجلة علي الفيس
==============
دقة جديدة
دي مجلة الكترونية
لمجموعة من الشباب الجميل
ياريت تشجعوهم وتتصفحوها
:))
واللي مايعرفش ايه معني دقة
زمان كان النحاس والدهب بيدق علشان يتصنع
فاكانوا بيقولوا علي الموديل الجديد من النحاس اوالدهب دقة جديدة
او دقة قديمة
:)))
يااااااااااااله علي المجلة
:)))