ان كيدهن عظيم

ده شعار المرحلة القادمة
بما اني ارشح نفسي يبقا نساء الدولة هيغلبوا علي رجال الدولة
ومش شايفة ناس كتير حجزوا وزارات
ياريت نخلص علشان نعلن التشكيل الوزاري
:))))
نيجي بقا
لحازم والست الوالدة الامريكية واللي هو بيلعب بالقانون في الحتة دي
وماحدش فاهم حاجة
وعلي فكرة اخويا امريكي من 25 سنة
ومافيش ورقة فيكي يامصر تقول انه امريكي
الا لو الخارجية هي اللي خاطبت امريكا
زي حسين سالم كده
اي مصري امريكي لما بيجي مصر بيدخل بالباسبور المصري
ولما بيروح اي حته في العالم بيروح بالباسبور الامريكي
الجرين كارد ده بيتاخد يااما انت مقيم اقامة كاملة في امريكا
يااحد الوالدين امريكي
بالنسبة للزيارة
والدتي بتزور اخويا بقالها20 سنة
وبتجدد التأشيرة كل 5 سنين
ومابنحتجش علشان نزوره الجرين كارد
لما كنت هناك اخر مره ادوني 6 شهور اقامة
ولو عايزة اقعد اكتر بعد الست شهور
اروح كندا وادخل تاني
انا مايفرقش معايا والدته امريكية ولا لأ
لكن يفرق معايا ان واحد عايز يبقا رئيس جمهورية
وبيلعب بالاجراءات ليه وعشان ايه
المقيمين في امريكا وخصوصا نيويورك
يعلموا تماما ان والدته دكتورة في الشريعة امريكية
تحمل جواز سفر امريكي
وللأسف ده ماينفعش يتثبت الا لو هي عملت جريمة وامريكا تقول لأ دي امريكية
زي اسبانيا وحسين سالم
او حد من اولادها او اخوتها يطلب اثبات تجنسها
وطبعا في طرق كتير
مش هتخفي علي اللي عايزين يطيروا
حازم ابو سماعيل
وطبعا الموضوع لازم يطول شوية ويبقا فيه ساسبنس
علشان نتلهي شوية عن اللي بيحصل
في التأسيسية والمحاكمات اللي شغالة اليومين دول
والمرشحين والحركات
والله الموفق والمستعان
:)))

تشكيل شمس الوزاري :))+تحديث وهام كمان

وادي اول بوستر في الحملة الانتخابية
رشوة من فوكس مدونة الكيت كات
معلش اصله راسم علي وزراة الداخلية:)

ان شاء الله ندخل انتخابات الرياسة
برجلنا اليمين
ونقول يارب
وعلشان نبقا علي نور (طبعا مش نور حفيدي)
هنشكل الوزارة سوا
طبعا انا الريسة
وان شاء الله التشكيل الوزاري البوست الجاي
يبقا كل اللي في نفسه وزراة يجي يقول لي عايز ايه
وطبعا علشان سواح في ملك الله اتنازل لي يبقا هعمله النائب الاول
وكمان الموجي اتنازل هعمله النائب التاني
وعلشان ابراهيم رزق تعبنا من اسم مدونته هديله وزارة الثقافة علشان انتقم منه
وماما مازن هتاخد السياحة
وبيوتيفول مايند عايز البيئة
هيعمل بيها ايه مش عارفة
بس يمكن السحابة السودا تمشي علي ايده
وكل شوية هدخل اوزع الوزارات كده كل مااتشاور
والله الموفق والمستعان
حد هيقول ولزمت التيجان دي ايه ياشمس
هقولك طبعا مش هبقا الملكة
ماانا ماقلتلكمش
انا اول ماابقا الريسة
هعمل جلسة مشتركة بين مجلسي الشعب والشوري
وكل ترزية القوانين اللي حدانا في بر مصر وهنقلبها ملكية
:))
والملكة لازمها تاج طبعا
وده برضوا هنبقا ننقيه مع بعض
شوفتوني انا ديمقرطية ازاي
فين بقا البوستر ان ماحد بعتلي بوستر واحد

مابدهاش بقا :)))))

انا عايزة اترشح للرياسة ياجماعة

ايه قولكم بقا
يعني هي جت عليا

هااااااااااااا
نقول علي بركة الله

وعلي راي الكلمات الشبابية

هشهيص الشعب
وطبعا هخص بلوجر بأكبر قدر من الشهيصة
:))
بس لو اوكيه
فكروا بقا هنلاقي فين مكان للبوسترات
:))

الرخامة لها نااااااااااااااسهاااااا :))

الو
ايوة يا...... ازيك يابن العمة
الحمدلله
خالتك بتستعجلك علشان عايزين نتغدي ماتتأخرش بقا
حاضر انا جاي علي طول عشر دقايق وابقا عندكم
اوك سلام
سلام
ساعة تعدي وماجاش
وخالته تكلمه
ماجتش ليه ياابني
ماانتوا ماكلمتونيش مش قلتوا لماتتجمعوا هكلموني
مابنت خالك ...... كلمتك
ماحدش كلمني
طيب ماتهرجش وتعالي هنموت من الجوع
راجعنا النمرة اللي طلبتها طلعت فعلا غلط
الظريف اللطيف اللي رد عليه
اقول عليه اايه
؟؟؟؟؟
=======================
الو سلام عليكم
وعليكم السلام
محل ابو اشرف
ايوة يافندم
طيب لوسمحت عايزة اتنين كيلو فراخ مخلية وتلات فرخات
حاضر ياهانم
بس لو سمحت ماتتأخروش احنا لسه الساعة تسعة ونص اهو
من عينيه
شكرا سلام
سلام
الساعة12
عملت ريدايل للنمرة
الو سلام عليكم
وعليكم السلام
محل ابو اشرف
لا يفندم ده مركز صيانة
نعم
!!؟؟
ايوة يافندم
طيب انا اسفة
راجعت النمرة لاقيتها فعلا غلط
طلبت النمرة الصح وطبعا الحاجة جت الساعة اتنين
اللي رد عليه ده ااقول عليه ايه؟؟

ملفات قديمة :))

دول اللي وضعوا دستور 1923 بعد ثورة 19
وعلي فكرة كان فيهم يهودي عن اليهود في مصر
====

وابتدي تكسير العظام
والاشاعات
وتطليع الملفات القديمة للمرشحين
عمرو موسي ومعروف ملفه من الاول
نيجي بقا لنجم النجوم
لأبو اسماعيل
ملفه في ايييييييييه
؟؟؟؟؟
اللي هيطلع كل شوية
والدته الدكتورة نوال امريكية الجنسية
وكذلك اخته وزوجها المقيمة مع زوجها واولادها في امريكا
قضايا الميراث بينه وبين اخوته
منذ وفاة والده في 1990
وكذلك والدته 2010
وطبعا كلنا عارفين قضايا الميراث بين الاخوة وفضايحها
ده غير اكيد هيطلعوا له بعض الموكلين اللي حصل بينهم خلافات
ده غير رثاء اسامة بن لادن
رحم الله الشيخ صلاح ابواسماعيل احد واهم اقضاب جماعة الاخوان المسلمين
-----
مين بقا اللي مش عارفين يعملوا له حاجة ولا شايفين له ملف
عبد المنعم ابو الفتوح
وبرضوا من الاخوان المسلمين
-----
اما موضوع ان الشاطر هيترشح دي
ماينفعش
لييييييه
؟؟؟؟؟
علشان لو تفتكروا الشاطر ومالك واخرين
واخدين احكام مابين 7 و10 سنين ولا نسينا
وضع الشاطر زي وضع ايمن نور
ماينفعش حتي يدلي بصوته مش يترشح
------
ماحدش عارف الايام الجاية فيها ايه
ربنا يستر
خصوصا بعد لجنة الدستور الغريبة المريبة العجيبة دي
مصر فيها فطاحل الدساتير وعلماء ونوابغ
ده حتي عيب في حقنا وحق تاريخ مصر

حفيدي الاول

النهاردة كان عيد ميلاد حفيدي الاول

كان اجمل هدية ليه في عيد الام السنة اللي فاتت

ده حفيدي بعيون ابوه

:)))

كل سنة وكل الامهات بخير وصحة وسعادة
وخصوصا جدات وامهات بلوجر
:))

الكلمة

عندما ارسل ربنا سبحانه وتعالي
موسي
الي فرعون
قال لهم
((اذهبا الي فرعون انه طغيفقولا له قولا لينا لعله يتذكر او يخشي))
ماقالوش ده طغي روح قله ياكافر ولا اغلظ عليه بالقول

رسولنا الكريم محمد صلي الله عليه وسلم

قال الكلمة الطيبة صدقة

وربنا قال لرسوله الكريم ايه
((فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ
وَاسْتَغْفِرْ لَهُمْ))

كان لأخي صديقة في العمل بامريكا ملحدة
ولما وجدت اخي يصلي لايكذب ضاحك الوجه خلوق
ابتدت تساله عن دينه وتهتم
الي ان اسلمت والحمد لله
وكانت تطلب مني كتب باللغة الانجليزية في الدين
لم اسمع بها انا المحبة للقراءة
الي ان وضعت هذه الكتب علي النت مع التقدم العلمي

يارب المصريين
اللي كان عايش في وسطهم في يوم من الايام جنسيات كتير وملل اكتر
يرجعوا تاني لوجههم الضحوك وسماحتهم وتقبلهم للأخر
وكلماتهم الجميلة المنفردين بيها عن العالم

ولا حول ولا قوة الا بالله
====
المدونة دي
لأحد مصابي الثورة
وحاليا بيتعالج في المانيا