تحديث
-----خبرهام
الحمد لله فتح مره اخري مطبخ شموسه
اتفضلوا معانا عندنا مسقعه وشوربة عدس
--------------------------------------
خرطوم الماء عند المصريين اصبح ضروره من ضروريات الحياة
نسقي الجنينه بالخرطوم مع ان العالم بيسقي دلوقتي بالتنقيط
نغسل العربيات بالخرطوم مع ان الجردل احسن ده حتي كانوا بيطفوا بيه مجلش الشوري من الطياره يعني برضه له شهرته
ماعلينا
ونغسل سلم العماره بالخرطوم برضه
ده غير الست اللي ساكنه فوقي وخرطوم الماء اللي بتغسل بيه الشبابيك عندها وتدهول الدنيا عندي
ماعلينا
واشهر خراطيم طبعا خراطيم 6 اكتوبر اللي سيحت اعتي الحصون وخلتنا نعبر الضفه التانيه
الخراطيم برضه المره دي عملت بطوله جامده جدا
بس للأسف ماحدش حس بيها عشان غزه طبعا
ايه الحكايه
الحكايه ان القراصنه بتوع الصومال حبوا يستولوا علي سفينة قمح مصريه
فاالقبطان ومعاه البحاره قاوموهم بالخراطيم
وفضلت المعركه بين رشاشات القراصنه وخراطيم المياه بتاعت البحاره الشجعان ساعه ونصف الساعه
حاول خلالها القراصنه وضع السلم وفشلوا وعندما حاولوا ان يلتفوا حول السفينه ليجدوا مكان من غير خراطيم
تصدر لهم مهندس ثالث السفينه بجسده ليعطلهم حتي تأتي الخراطيم
فأمطروه بسيل من الرصاص ولم يتزحزح من مكانه حتي وصلت الخراطيم للمكان الجديد
في وقت المعركه كان المساعد بعث بالاستغاثه فوصلت طياره هيليكوبتر هدد ت القراصنه اللي فروا سريعا
وانتقل مهندس السفينه بالطياره لأسعافه
ورجعت السفينه الي ارض الوطن بسلام بفضل الله وهذا القبطان الشجاع ومهندس السفينه المغوار
ماحدش جاب سيرة الناس دي ليه والا احنا بس نحب نتكلم في السلبيات
سفينه تجاريه لاتحمل سلاح والا حتي مسدس والا حتي ايد هون
بالأمكانيات المتاحه قدرت تغلب القراصنه اللي مدوخين الدنيا
المهم
انا بحي القبطان وبحي المهندس ثالث السفينه وائل سعيد السيد اللي تصدر بحسده للرصاص حتي لايتمكن القراصنه من وضع السلم علي السفينه وبحي بحارة السفينه
------------------------
اسفه اني ماردتش علي تعلقاتكم علي البوست السابق
نسقي الجنينه بالخرطوم مع ان العالم بيسقي دلوقتي بالتنقيط
نغسل العربيات بالخرطوم مع ان الجردل احسن ده حتي كانوا بيطفوا بيه مجلش الشوري من الطياره يعني برضه له شهرته
ماعلينا
ونغسل سلم العماره بالخرطوم برضه
ده غير الست اللي ساكنه فوقي وخرطوم الماء اللي بتغسل بيه الشبابيك عندها وتدهول الدنيا عندي
ماعلينا
واشهر خراطيم طبعا خراطيم 6 اكتوبر اللي سيحت اعتي الحصون وخلتنا نعبر الضفه التانيه
الخراطيم برضه المره دي عملت بطوله جامده جدا
بس للأسف ماحدش حس بيها عشان غزه طبعا
ايه الحكايه
الحكايه ان القراصنه بتوع الصومال حبوا يستولوا علي سفينة قمح مصريه
فاالقبطان ومعاه البحاره قاوموهم بالخراطيم
وفضلت المعركه بين رشاشات القراصنه وخراطيم المياه بتاعت البحاره الشجعان ساعه ونصف الساعه
حاول خلالها القراصنه وضع السلم وفشلوا وعندما حاولوا ان يلتفوا حول السفينه ليجدوا مكان من غير خراطيم
تصدر لهم مهندس ثالث السفينه بجسده ليعطلهم حتي تأتي الخراطيم
فأمطروه بسيل من الرصاص ولم يتزحزح من مكانه حتي وصلت الخراطيم للمكان الجديد
في وقت المعركه كان المساعد بعث بالاستغاثه فوصلت طياره هيليكوبتر هدد ت القراصنه اللي فروا سريعا
وانتقل مهندس السفينه بالطياره لأسعافه
ورجعت السفينه الي ارض الوطن بسلام بفضل الله وهذا القبطان الشجاع ومهندس السفينه المغوار
ماحدش جاب سيرة الناس دي ليه والا احنا بس نحب نتكلم في السلبيات
سفينه تجاريه لاتحمل سلاح والا حتي مسدس والا حتي ايد هون
بالأمكانيات المتاحه قدرت تغلب القراصنه اللي مدوخين الدنيا
المهم
انا بحي القبطان وبحي المهندس ثالث السفينه وائل سعيد السيد اللي تصدر بحسده للرصاص حتي لايتمكن القراصنه من وضع السلم علي السفينه وبحي بحارة السفينه
------------------------
اسفه اني ماردتش علي تعلقاتكم علي البوست السابق
مش عارف ليه الناس مش بتحب تظهر الايجابيبات دى
ردحذفوبتحب بس تظهر السلبيات
بس انا عارف الموضوع دا بس من الاخر ومش بالتفاصيل دى
نشكرك يا شمس
على انك قولتيلنا حكايه ابطال زى دول
وياريت بقى المره اللى جايه نتعلم من اخطائنا
ونشيل حتى ايد هون
تحية للمهندس البطل الذي لم يذكره احد
ردحذفوان كان المتوقع من كل مصري ان يظهر بطولة في موقعه
اما الأنذال فهم الأستثناء وان كانوا اكثر ظهورا لأنهم مثل البقع السوداء في الثوب الأبيض
تحياتي لاختيار الموضوع وتهنئة علي البوست الخاص بك علي مدونة عمرو
وكلامه اللي يخلي كل واحد يتمني يشوفك
دي مش معاكسة ..دعابة خفيفة بس
*رومنسي
ردحذفلاشكر علي واجب
ماينفعش سفينه تجاريه تشيل سلاح والا حتي ايد هون ده قانون دولي
بس المصريين اهمه اتصرفوا برضه
*طارق
ردحذفاهلا ياحاج انت فين مستخبي
انت بتمتحن والا ايه
خلاص ياحاج احنا تعدينا سن المعاكسه
واخي وصديقي عمرو اثني علي بما ليس بي
هو مجامل مش اكتر كتر خيره
عاش الرجال
ردحذف*موناليزا
ردحذفايوه عاش الرجال
صدقتي
الله اكبر
ردحذفانا احى القبطان والمهندس وكل ما على السفينه
انا احى السفينه نفسها
اجمل موضوع قريته عن الخراطيم فى حياتى
بجد رائع
وبجد بجد بجد بطوله كنا محتاجين نسمع عنها دلوقت
..............
شموسه بخصوص الموضوع اليى قلتلك عليه
رجع يرفض حتى بالتنازل عن كل شئ لمجرد العند وزيادة القهر
بيقول مش دلوقت لما احس انى عايز اخلص هخلص..ده للعلم بس..خليها فى سرك
الأخت / شمس
ردحذففكره هذه التدوينه رائعه
وتحيه للأبطال الذين قاوموا القراصنه بما هو متاح .. أبطال فعلاً .. أشكرك على المعلومه
----------
والمدونه رائعه ومطبخك يجوع
سعدت وأستمتعت بزياره مدونتك
الرقيقه الرشيقه
ومطبخ الشهى .. جوعتينى
وسأعود لأستكمال جولتى
ودمتى بخير
شمس النهار
ردحذفيا ضياء الشمس المنور بين المدونين
دا شئ عادى منك انك تظهرى الايجابيات
الجميلة بنا وربنا يجزى هؤلاء الابطال
عن اعمالهم
ودا شئ متوقع من ابناء مصر
smilyrose
روح الحب الصادق
تحيا مصر
ردحذففين الناس اللى تظهر الايجابيات دى وتشوف اللى حصل مش فالحين انهم بيمسوا اسم مصر فى الخارج فالفاظ مش كويسه وخلاص
اشكرك كل الشكر انك عرضى علينا معلومه بجد اول مرة اسمعها
تحيه وتعظيم سلام لكل من كان على هذة السفينه
واليكى ايضا لنقلك هذا الخير الجميل
*محاسن
ردحذفمعلش ربنا يهدي
حاسه بيكي وبالقهر اللي انت فيه
بس صدقيني ربنا هيعوضك خير
ودايما الصابر المحتسب لله في جرحه ومحنته ربنا بيعوضه اذكري الله هتلاقي خير وقلبك يبرد
وحاضر هخليها في سري
*واحد من العمال
ردحذفاهلا بيك في اول زياره
وشكرا علي المجامله اللطيفه
واهلا بيك في اي وقت وان شاء الله هنفتح المطبخ تاني قريبا
*سميلزروز
ردحذفانت دايما كده رقيقه في تعليقاتك
شكرا
والحقيقه انا حسيت الناس دي اتظلمت في وسط الاحباط المحيط بينا فاحبيت اعمل حاجه لهم ولو علي المحيط بتعنا اهو كل واحد مننا هيحكي عليهم لحد
*فارس القمر
ردحذفالشكر ليك علي كلامك اللطيف
بجد الناس دي تستاهل كل خير
والبطل المهندس بيتعالج لحد دلوقتي
ندعيله يقوم بالسلامه
السلام عليكم ورحمة الله وبركاته
ردحذفسيدتي ليس هناك من عجب فهذا هو المصري مهما ضاقت بيه الدنيا ومهما حس انه مسلوب الاراده بس المصريين اشاد بجنودهم الرسول صلى الله عليه وسلم هو يمكن مش جندي جيش لكنه جندي في عمله دافع عنه بحياته
بس ياتري هو عامل ايه علي قيد الحياة ولا ..........
على فكرة نسيتي تقولي عن دور الخراطيم في المدارس ياما انضربنا بيها واحيانا في البيت :)
تحياتي
الي اللقاء
*كيمت
ردحذفالمهندس حي يرزق وبيتعالج الحمد لله
اما خرطوم المدارس ده
ماسمعتش عنه
بس ممكن نعمل له تحديث
اهو خرطوم برضه
والله المصريين دول ام الاختراعات كله
خرطوم يطلع منه ده كله
انا اول مره اعرف الخبر ده وبجد برافوا عليهم
ردحذفسيدتي الفاضله
ردحذفان التركيز علي السلبيات يجعل الناس في حاله من التهاون و اللامباله م انتشرت جملة و احنا مالنادي بلدهم و هما حريين فيها
و اصبح قدوة الشباب مغني بشعر صدر كثيف ماهر بالايحاءات الصفيقه او ممثل دميم ناهز السبعين و يتمطع بين الحسناوات كديك البرابر
و لكن حينما تظهر بطوله او مثل حي للشجاعه ينزوي الخبر في ركن مهمل خوفا من انتشار عدوي الشجاعة و النخوة في صور الشباب
تحياتي للابطال و لشخصك الكريم
الله الله شوفتى بقى يا شموس لما حد بيقاوم حاجه بتنجح ازاى بس احنا اللى واخدين على الكسل
ردحذفوبعدين يا ستى ما الخراطيم لها فايده بجرى ورا العيال على السلم بيها علشان ميقعدوش على السلم يوسخوه ضيفى دى بقى لفايده الخراطيم
وان اشتد البرد بك يوما"
ردحذففدافع عن شرفك فاءن الدفء غالى
عملوها المصرين
هو احنا عندنا سلاح بحريه
ولا لسه بيعوم فى الملاحات ؟
*حاسوبتيه
ردحذفشوفتي انت اول مره تعرفي الخبر ده يعني كان عندي حق
ماحدش بيظهر الحاجات الجميله عندنا
مع ان دي قدوه طيبه يجب اظهارها
*احوال الهوي
ردحذفعندك حق
مافيش قدوه حسنه امام الشباب
وطبعا ماحدش جاب سيرة هذا البطل
سمعتش انهم استضافوه في اي قناه
والا حتي حد عمل معاه حوار
لكن اللي بيعمل عمله هباب كل القنواة تستضيفه والجرايد
لنا الله
*ابي
ردحذفشفتي كل شويه نكتشف فايده وعايده جديده للخراطيم
حاولت اعرف المهندس ده بيتعالج فين عشان نكون مجموعه نروح نزوره ماعرفتش
*ابو علي
ردحذففي سلاح بحريه بس ماينفعش يتحرك الا تحت مظله وخد بالك من مظله دي شرعيه دوليه
وكمان السفن التجاريه محظور انها تحمل علي متنها اي سلاح
السلام عليكم ورحمة
ردحذفالله تعالى وبركاته
فعلا ياحاجة شمس النهار
احنا كمصريين بنحتفل (بالموت )
اكثر ما احتفالنا بالفرح والحياة
ولما بنفرح او بنضحك على طول نفتكر
ونسكت ونقول اللهم اجعله خير وكأن الضحك لابد ان يعقبه حزن سبحان
الله!! .لكن والله جزاكى الله كل
خير على التدوينة دى
وجزاهم الابطال
دول الخير
كله
بجد هو دا الشعب المصرى وهو دا الشباب المصرى اللى بيظهر بجد وقت الشده ومابيبانش معدنه غير فى المحن ربنا ينصرنا ويثبت اقدامنا ديما وتحيا خراطيم جمهوريه مصر العربيه
ردحذفانا بقى ولا عارفة الموضوع ولا تفاصيله
ردحذفالاعلام بصراحة مدهمش حقهم خالص
*نورهاتي
ردحذفلأ ونسيتي كمان اننا اقصد اغلبيت الشعب المصري
نفرح نبكي نزعل نبكي
تصدقي الناس يوم فرح بنتي الكبيره كانوا مستغربين ان انا في الفرح ماكنتش ببكي ولما وصلتها بعد الفرح ماكنتش ببكي
مش فاهمه طيب ابكي وافول علي البنت ليه
صحيح ان لما روحت وصليت لله ركعتين شكر بكيت بقا زي ماانا عايزه بس
المهم ان في الفرح ماعيطش
*طوبه دهب وطوبه فضه
ردحذفبجد ضحكتيني
بس عايزه اقول لك
تحيا خراطيم ج م ع المفيده
وتموت خراطيم ج م ع الضاره
*برينسس
ردحذفشفتي انت تاني مدونه تكتب انها ماتعرفش حاجه عن الموضوع ده
وهو ده اللي انا بقوله ابطال زي دول مايظهروش ليه والناس تعرفهم
بس اما نرجع بكاس خايب من دوره اخيب الجرايد تفضل تمدح والمسؤلين يتسابقوا في لقائهم
علي فكره انا مش ضد الكوره والا حاجه بس حاسه ان الموضوع بقه زياده حبتين
لا فعلا عمل بطولي يستاهلوا التحية علية :)
ردحذفواحنا مسمعناش عنهم يمكن عشان غزة زي ما قلتي
ربنا ينصرهم ويجازي البحارة بتوعنا خير .
كده الخرطوم ممكن ياخد وسام استحقاق :)
شكرا للإبلاغ
كويس والله لسة في حاجة كويسة عندنا الخراطيم سلاح المصريين
ردحذفكويس والله فرحتيني قوي
تحياتي
السلام عليكم
ردحذفبوست جميل جدا جدا واظهار هذه الحقائق لناس شيئ بجد يترفعلك علم مصر فيه انا كنت عارف الكلام ده لكن مجاش فى دماغى اعرضو على الناس بس بجد شيئ جميل اننا نقضر الوطن
اشكرك واشكر كل من علق عليكى
الحمدلله ان لسه فى امل اننا لسه زى مااحنا فى وقت الشدة
ردحذفبجد اشكرك ياشموستى على الخبر اللى اول مرة اعرفه منك و للأسف ان ماحدش قال عليه
بس هنرجع و نقول هو دا الاعلام عامة .. حلو قوى فى نشر الكوارث فقط
السلام عليكم
ردحذفتسلم ايديك يا سندريلا
موضوع جميل اوووووي
كلمات ذهبيه و معبره على اشايء كثيره
بوست مميز اووووووي
تحياتي
ده حتي الماصوره بتاعت البيت فرقعت ههههههههه
اتمني زيارتك الي مدونتي المتواضعه
تحياتي لك
القلب المنكسر
دمتي بكل خير و سعاده
و اخر حاجه بقي مش فاكر سوري ههههههه
سلاااااااااااااااااااام
سوووووري اووووي على الخطأ
ردحذفاتلخبط اسف
سلااااااااااااااام
تحيه لكل النماذج المشرفه دي
ردحذفوكمان تحيه ليكي يامدام شمس انك تفكرينا بيهم عشان نشكرهم :)
الواحد بيفرح والله من حاجة زى دى
ردحذفتحية ليهم والف شكر
تحياتى :)
السلام عليكم
ردحذفيمكن الواحد مذكرش الموضوع ده لان دايما بتكون السلبيات طاغية جدا علي الايجابيات
بس فعلا الواحد كان لازم يذكر الموقف ده
*تيفا
ردحذفانت فين ياريس
حاولت اعلق عندك في المدونه ماعرفتش لاقيت حاجات غريبه كده
بصراحه مافهمتش حاجه
وانت عارف ست الحاجه مالهاش في الكمبيوتر اصلا
*كاتب مصري
ردحذفشفت المصري لما يحب يعمل حاجه بيعملها ازاي
صحيح فراعنه
ادم المصري
ردحذفاهلا بيك في اول زياره
طول عمري اقول ان المصري عظيم
وكل ما واحد فينا يعرف حاجه عن اي حد عمل حاجه لازم ينشرها
علي الاقل يعرف ان في ناس فخوره بيه
*ضد التيار
ردحذفازيك
سلامتك الف سلامه من البرد
دول ابطال يستهلوا مننا اغلا تقدير
*القلب المنكسر
ردحذفاهلا في اول زيار
بس سندريلا دي ماتمشيش معايا خالص انا قربت ابقا تيته(قول يارب)
*اينو
ردحذفاهلا بيكي
والله يااينو انا الود ودي ادور عليهم واسلم عليهم واشكرهم واحد واحد
*فوكي لوجيا
ردحذفمش انا قلت لك ساعة القطط
ان المصريين همه اللي دهنوا الهوي دوكو
شفت اهم غلبوا القراصنه بالخراطيم
مع ان القراصنه دول استولوا علي اعتي السفن
بس في سؤال خبيث كده بيزن في دماغي
هي الفتوه بتاع العالم وحامي الحمي ماما امريكا ساكته ليه علي القراصنه دول
قول انت بقا يافوكس
*صن ايجبت
ردحذففعلا لازم نلقي عليهم الضوء
لو كل واحد فينا حكي عنهم للمحيطين بيه
صدقني هيكون اقوي من اي حاجه
لو كل واحد بعد الصلاه دعالهم هتكون دعوه مستجابه ان شاء الله
بوست بسيط وهادى وهادف وكم شعرت بالسعادة وانا اقرأ عن هولاء الذين تمسكو بالدفاع عنانفسهم رغم انهم لا يمتلكون ما يدفعون به
ردحذففشعرت بعار واقعنا وكيف تخاذل حكامنا عن نصرة الضعفاء ضد قراصنة اليهود
تحياتى لك
...
نور الدين محمود
الدنيا مليانه امثله كويسه وحاجات تفرح بس زي مابتقولي الحزن بيسرق الاضواء
ردحذفواحنا شعب يعشق النكد والمصايب زي عنيه الجوز
لحد مابقتش راضيه تفارقنا
ربنا يكرمك ويكرمهم
*نور الدين
ردحذفاهلابيك في اول زياره
همه مجموعه امنوا بقضيتهم وشرف مهنتهم واحسوا بالمسؤليه واخلصوا النيه لله
فنصرهم الله
*عاشقه وغلبانه
ردحذفانت صح
الدنيا مليانه نماذج مشرفه بس ماحدش يعرفها مهمتنا احنا ندور عليها ونبرزها علي الاقل نجد قدوه صالحه لشبابنا
بدل القدوه الغريبه الموجوده
اول تعليق لى على مدونتك
ردحذفواول مره اتعرف على شخصيتك وكان اجمل تعارف من الموضوع اللى اتكتب عنك فى مدونه حبشتكنات فلسفيه
حسيت منه انى اعرفك من قريب
تحياتى
*عاشقة الرومنسيه
ردحذفاهلا بيكي في اول زياره
وشكرا علي الكلام اللطيف والمجامله
بصراحه عمرو قال كلام اكبر مني بكتير
بس هو شخص لطيف ومجامل
اعطاني اكثر ممااستحق
نورتيني
يا حاجه شمس .. السلام عليكم
ردحذفانت عارفه ان الخراطيم دى عملنا بيها عمايل هايله وكان لها دور كبير فى حرب اكتوبر وذوبت اعتى القلاع الدفاعيه فى التاريخ (خط بارليف) طبعا انا كنت من جنود اكتوبر بس كل جنود اكتوبر خدوا صابونه
بس يا حاجه انت قلقتينا عشان قلت على البحار اللى وقف للقراصنه وامطروه بوابل من الرصاص ولا قلتيش حصل له ايه وهل هو عايش ولا لا سمح الله .. لازم تعملى تحديث وتعرفينا ايه اللى حصل له
تحياتى يا حاجه
فكرة حلوة دي
ردحذفلك كل التحية
*فشكول
ردحذفالمهندس عايش ويخضع للعلاج
ان شاء الله يتم شفاه علي خير
*مصطفي ريان
ردحذفاهلا بيك
بارك الله فى رجال الطاقم الشجعان و الله يكتب السلامه لطواقم السفن الأخرى و يخرب بيت القراصنه و يجيب عاليهم واطيهم
ردحذفبمناسبة الخراطيم فأنا ليا ذكرى برضو معاها لو تسمحى لى أحكيها
أيام مظاهرات جامعة الاٍسكندريه فى أواخر عهد الرئيس الراحل أنور السادات و كانت مظاهرات رهيبه و صاخبه و عنيفه كانوا برضو بيتصدوا لنا بخراطيم المطافىء اللى كانت بتضخ مياه مجارى رائحتها لا تحتمل و مش عارف كانوا بيجيبوها منين و اٍزاى كانوا بيعبوها جوه تانكات سيارات المطافىء
أيام بقى و راحت لحالها
*عمرو بدر
ردحذفيانهار ابيض
مش معقول الامن ده
المهم حمد الله علي سلامتك
نورتني
مستنيكى تشوفى البوست الجديد بتاعى
ردحذف*ادم المصري
ردحذفحاضر
وعلي فكره حاولت ادخل المدونه امبارح ماعرفتش بس هروح حالا
شارك معنا في حوارنا
ردحذفغزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
يا شمس دة فلكلور شعبى لابد منة مينفعش نعيش من غيرة
ردحذفتحياتى ليكى
شخابيط mahgoub
*شخابيط محجوب
ردحذفضحكتني فعلا
بالضبط مانقدرش نعيش من غير مانغسل العربيه بالخرطوم والسلم والشبابيك
هي كل الحكايه استسهال
مره ناقشت البواب ليه مايمسحش السلم بالجردل
قال لي السكان مش بيرضوا يملوهولي لما بخبط عليهم
قلت له ارحم اساس العماره هتتهد علي دمغنا كلنا
اخترعنا ايه انه يملا 4جرادل ويحطهم في الاسانسير ويطلب الاسانسير في الدور اللي هو عايزه ولما يخلصوا مراته تملاهم تاني
والحمد لله ماشيين بالنظام ده من اربع سنين
ازيك يا شموسة
ردحذففعلا انا شفت المهندس وهو بيحكي حكايته مع القراصنة وصموده هو وزملاؤه
امام نيران القراصنة بخراطيم المياه
بجد موقف مشرف والحمد لله على سلامتهم
دمتي بكل الخير اختي الغالية
شموسه
ردحذفانا اول مره ادخل عندك
بس بجد مدونتك حلوه قوى
وكويس انك حكيتى على اللى حصل فى السفينه المصريه دى
انا ماكنتش اعرف ومافتكرش حد كان عارف....
تحياتى ليك
*ماما اموله
ردحذفالله يسلمك
ربنا يحميهم
كان لازم ناقي عليهم الضوء
وخصوصا في وسط الاحباط اللي احنا فيه ده
*بنت الغربه
ردحذفاهلا بيكي في اول زياره
وشكرا علي المجامله
انا حبيت اظهر ان لسه في رجاله شجعان بهزموا الخوف والشر بحاجات بسيطه جدا
بس يدعمها الايمان بنصر الله
اول مره اسمح عن هالقصه
ردحذففعلا موقف بطولي وانجاز :)
ندوينه جميله
تقبلي مروري :)
*اقصوصه
ردحذفازيك
شفتي حتي انت كمان ماتعرفيش عنهم حاجه
وهو ده اللي كنت اقصده من البوست الناس تعرف عنهم وتحكي عنهم
واذا كان الاعلام مااداهمش حقهم من التقدير احنا نحكي لكل اللي حوالينا عنهم
ههههههههههههه
ردحذفالبوست تحفة اوي علي فكرة
هههههههههههههه
لا بجد ضحكت اوي اوي لما قريته
الخراطيم برضة مهمة في الطب المصري
بيعملوا بيها قسطرة
مع انها اتلغت في العالم كله
ههههههههه
ازيك يا حاجه .. والله نسيت اقول المعلومه دى ان الازهر فى اوله كان عشان ينشر المذهب الشيعى .. بس طبعا الان بقى كله سنى
ردحذفتحياتى يا حاجه وشاكر لك تعليقك
السلام عليكم ورحمه الله وبركاته
ردحذف____________ ست الكل شمس الشموسه منوره...يا حاجه.
الحمد لله انت احسن حال النهارده عن آخر مره .موضوع القراصنه ده غير كتير في معنوياتك الحمد لله ...ومتهيأ لي كده خير اللهم اجعله خير ان القياده الفاشيه لما سمعت بالموضوع قالوا...قالواايه بقي ....القمح جراله حاجه؟
زي لما كان يموت عسكري قبل ما يسألوا العسكري مات ازاي وليه يقولوا ...والسلاح فين؟
لما خلاص ما بقاش فيه سلاح ...كفايه الخراطيم...وبعدين برضه ها يقولوا الخراطيم راحت فين؟
*عبد الرحمن
ردحذفاهلا بيك
والحمد لله اننا ضحكناك في الايام بتاعت الامتحانات الرهيبه دي
صح انا نسيت كمان الاسطره
شكرا
*فشكول
ردحذفلاشكر علي واجب
المفروض نتبادل المعلومات
*فركشاوي..ناوي
ردحذفالله يسلمك
بس انا الحمد لله نفسيتي كويسه
بس البنت بتاعت البوست السابق انا بحبها وكنت متأثره جدابحالتها
عندك حق المهم عندهم القمح عشان البني ادمين العدد في الليمون
وياريت يموت مننا شويه كده عشان نروق لهم الجو شويه
بس خاللي بالك ان الخراطيم بكره تشتهر اكتر وتغلا في السوق
السلام عليكم::
ردحذفشمس يا شموسة
اخبارك ايه؟
آسف على انقطاعي بس الدراسة بقى عياز اركزلها
دعواتك
كلها شهر تقريباً بإذن الله وأرجع أتابعكم موضوع بموضوع
شكراً على السؤال
*مفكر
ردحذفازيك انت يارب تكون بخير
ربنا معاك انت وكل الطلبه المجتهدين
انا بدعيلك والله
ترجع من الامتحانات ناجح يأذن الله
ذاكر واعمل اللي عليك والا تنسي ذكر الله
الايجابيات عمرها الصحفي قصير وكلامها قليل وهيفتح نفسنا اننا نغير ونحاول نزود الايجابيات وده ضد رغبة الحكومة
ردحذفتحياتي
*اناحر
ردحذفاهلا بيك في اول زياره
مش المهم الحكومه عايزه ايه
المهم احنا الافراد بينا عايزين ايه
يعني لما بيكرموا ابطال مسلسل تافه
في جميع النوادي والجمعيات واللي مش عارف ايه
بتكون الحكومه هي اللي قالت لهم
من يوم الموضوع ده ماسمعتش ان نادي والا جمعيه والا ساحه شعبيه حتي
جابت الناس دي والا كرمتهم
ليهم رب اسمه الكريم
لا ماهو فيه حاجات كتير
ردحذففيه معجزة الأرداة
وفيه شجاعة
وفيه ذكاء وحسن تصرف فى المواقف
امال ايه الفرق بينا وبين الحيوان
العقل وحسن التفكير على الرغم من وجود الفطرة عند الحيوان..
ولكن استخدام الواسئل المتاحة للتغلب على المشكلة دا الذكاء بذاته..
اما الخراطيم فأنا دائماً أفضلها فى كل شىء عندما أريد غستخدام المياه..
شىء اساسى :)
بس احب اضيف حاجة..
انا مش عندى امتحانات :)
*د/ابراهيم
ردحذفماعندكش امتحانات طيب الحمد لله مش تقول وانا عماله ادعي
تفتكر الدعوات دي هتروح فين
خلاص امتحن اي حاجه بقا ماتكسفنيش
بس كويس ان هم عملوا كدا يعني مفضلوش مكتفين ايديهم عشان معاهمش سلاح فكروا وحلو المشكلة
ردحذفوعندك حق فعلا فإن إحنا مبنزكرش غير السلبيات
*********
تحيتي لك..
تحياتي
ردحذفأحييك لانك ذكرتي هذا الموضوع...الذي تغافل عنه الكثيرين...
يبدوا اننا من هواة جلد الذات..نري السلبيات...و نكرر النقد و الانتقاد
و نتجاهل الايجابيات....كأننا ننظر الي العالم من خلال عين واحدة....للاسف هذه العين قد تكون موجهه...
تحياتي و تقديري
*شوشو
ردحذفاهلا بيكي في اول زياره
فعلا الاعلام بتعنا بيتجاهل اي نجاح بيعتبره مافيش خبر
يعني مش الخبر ان الكلب عض رجل لكن الخبر ان الرجل عض الكلب
*الربان
ردحذفاهلا بيك في اول زياره
الحقيقه ان الرجال دول يستهلوا الكثير مننا بس طبعا غزه واخبارها غطت علي الكل
وكمان الاعلام مابيدورش غير علي الاثاره فقط
أزال المؤلف هذا التعليق.
ردحذفالاخت الفاضلة ، الحاجة / شمس النهار
ردحذفالسلام عليك ورحمة الله
صدق المصطفى صلى الله عليه وسلم ، وكما اشرت انه الضعف لاننا لانملك رغيف العيش ولا نصنع سلاحنا ، وان لم نبدل الحال بان نزرع وان نصنع ونخلع من العولمة فلا امل
شكرا لزيارتك بعد طول انتظار
والسلام عليكم
*بيرم التونسي
ردحذفاهلا بحضرتك
كل سنه وحضرتك طيب
بالنسبه للعولمه
فهي بالنسبه لنا نحن المسلمين من السهل علينا الخروج من دائرتها
بتمسكنا بالدين الحنيف
واتحاد الامه الاسلاميه والعربيه
وده من المستحيلات
اذا لانملك الا الدعاء
شرفتني بالزياره وكان يهمني اعرف رأي حضرتك في البوست الملحق بالتعليق هنا
الحاجه شمس .. تحياتى
ردحذفهى محاسن صابر ربنا فك غمتها بجد .. يا رب يهدى لها الحال
تحياتى
*فشكول
ردحذفالحمد لله ربنا كرمها وموضوعها خلص اول امبارح
عشان احنا يا شموسه شعب بيموت في الزفه
ردحذفبس احنا بنمشي بس فى الزفه انما ما نعرفش حتى نعملها
فى ناس بقى بيعملوا الزفه واحنا نطبل ونسقف ونرقص كمان
لو منى الشاذلي جابتهم هانسقفلهم
سقفي بقى
*صبرني يارب
ردحذفعندك حق
بس الغريب ان مني الشازلي واقرنهامن الطبلجيه
ماجابوش سيرتهم اصلا
موضوع جميل بس علي فكرة مش كل الناس بتعمل بموضوع الخراطيم ده
ردحذفهتسالي ازاي
هقولك
انتي بتقولي
يغسل بيه العربيه واصلا مفيش عربيه
يسقي بيه زرع الجنينه واصلا مفيش جنينه
يغسل السلالم واصلا مفيش سلالم
ههههههههههههههههههههه
يعني من الأخر البلد دي مش بلد خراطيم دي بلد مظاريب
تقبلي مروري
مجنووون
!!!
ردحذفانا بحيى الخرطوم...
ردحذفالسلام عليكم
ردحذفمدونه جميله قوى يا استاذه شمس
احب افكركم ان الخراطيم لعبت دور كبير ف حرب 6 كتوبر و انها حطمت خط بارليف المنيع و كانت سبب ف تدفق الجيش المصرى واحد الوسائل ف هزيمه الجيش الاسرائيلى
كمان اخواتنا ف السودان بيحترموه بدليل انهم سموا العاصمه بأسمه
يا ترى ايه السبب ؟؟!!!!
أفكار نيره عند المصريين دائما... عدا رش الشوارع عمال على بطال
ردحذفتحياتي وأمنياتي
ما شاء الله عليك
*مجنون
ردحذفحمد الله علي السلامه
بس شفت العبقريه المصريه
والانسان المصري لما يحب يتصرف
*دودا
ردحذفالاسم كده صح
بس الاول نحيي اللي فكر ونفذ واستخدمها استخدام نافع
*بيبرس
ردحذفاهلا بيك
موضوع السودان ده مافكرتش فيه
بس ايه رأيك نسأل سوميه السودانيه
او انت تعمل بحث علي النت وتبلغنا
هيكون موضوع لطيف
نورتني
*من غير عنوان
ردحذفحمدالله علي السلامه
مستشفي فلسطين نورت بتواجد حضرتك :)
ردحذفوالمرة الجاية نبقي نجيب التبرعات نقدي عشان مش نتعب في تطبيق الهدوم :) خصوصاً إنهم علي حد علمي مش محتاجينها أوي والمهم الزيارة أو الفلوس
وأنا سعيد بالصدفة الجميلة إن حضرتك والدة دعاء وافتكرت الأيام الجميلة بتاعة الماك :)
نيجي لموضوع الخراطيم
مصر لسه فيها خير ده أنا شئ متأكد منه
بس بيحاولوا يدفنوه ولو ممثل عمل تمثيلية بيمجدوا فيه ولو لعيب كورة جاب جول بيعظموا فيه
يلا معلش..مثيرها تتعدل :(
سلام عليكم :)
ضياء
انتى فين يا شموسه؟؟ طمنينى عليكى
ردحذف*ضياء
ردحذفاهلا بيك المدونه نورت
انتم ماشاء الله عليكم وعلي اخلاقكم كنتم منورين المستشفي
ياريت كل شباب مصر يكون زيكم كده
والله كانت هتتغير حاجات كتير
ان شاء الله نتقابل تاني في الخير
ربنا يحميكم
*صبرني يارب
ردحذفازيك
انا الحمد لله بخير بس انت عارفه شؤن القبيله كتير قوي
شكرا علي سؤالك
ربنا يديم المعروف
انا المهندس وائل سعيد المصاب جراء عمليه القرصنه على سفينه وادى العرب اشكركم شكرا جزيلا على اهتمامكم بالسؤال عنى انا الحمد لله الاصابه كانت صعبه بسلاح آلى واخضع الان للعلاج ولم اتلقى اى اهتمام من قبل الدوله ولاتكريم ولم يعد احد يذكرنى وقد انقذت سفينه بافرادها وبملايين الدولارات ولم يسال احد
ردحذف*المهندس المصاب
ردحذفاهلا وسهلا بيك المدونه نورت فعلا
والبوست ده اقل حاجه من اقل حاجه ممكن نعملها لحضرتك
بس هي بلدنا كده نهلل لبتةع الكوره والمهيصه وخلاص
ربنا يتم شفاك علي خير
بس ليه مدونة حضرتك مغلقه هي تحت الانشاء ارجواان حضرتك تكملها ونرحب بحضرتك في عالم التدوين
ربنا يشفيك يارب ويشيل عنك وما تحتاجش لحد ابدا ولا هما ولا غيرهم
ردحذف