ياصباح التهييس
في ايه يامدونيين مصر
كل ماادخل عند حد يالاقي حزن وفراق وهموم
ياناس خايفه تحب ماله الحب الحب جميل بس لما بيكون صح هو احنا نحب غلط وبعد كده نلوم علي الحب وكماقالت الست العيب فيكم يافحبايبكم اما الحب اما الحب ياعيني عليه وفي روايه اخري علي لسان الست برضه ياروحي عليه
واللي عايز يعرف الحب صح يسمع الست(ام كلثوم طبعا)
ومن محاسن ونورهاتي الخيفين الي كيارااللي كتبت وصيتها الاخيره وضد التيار اللي مهييسه علي الاخر ونعزيها في موبايله المنتحر من الدور التالت
مرورا بالازهري اللي عنده الحرب التدوينيه وقبيلة فشكول الاعظم اللي واقعين في حرب اهلييه مش عارفه ليه
لرومنسي وروقانه ومجنون اللي كان نفسه يطلع احلا دكتور عيون واحوال الهوي واشعاره واختنا حبيبتنا ابي وبوستها الحزين الشقي زيها اول مره اشوف حزن شقي
وعاشقه وغلبانه اللي الحب محيرها اليومين دول وعامله بوستين احلا من بعض
وحبيبتي عاشقة الرومانسيه اللي كاتبه رسائل رقيقه تقطع القلب عشان الريس يرجع ومابيرجعش
وست الكل صبرني يارب اللي لاقتها عايزه تولع في البلوجر باللي فيه اظاهر من كتر ماجت علي اطفش (الشهير بأشرف ) بتاع القصه لعنته طالتها
ومخنوقه اللي ربنا يشفيلها عينها ويفك خنقتها...وجت اينو(رقة الاحساس) كملت المنظر ولاقيت حتي الاطفال مهييسين ده غير (الغد ات )المهيييسه ياجدعان... وسمكه واحده واعلان التهييس
ودواير دعاء مواجهات.. وليلة العمر اللي عند فاروق اللي قلبها غم علي دماغ العروسه
والرايق دائما عمرو بدر حبشتكانات اللي كتب لنا بوست النهارده اخر رواقه يابخته
تحسوا ان البلوجر كله مهييس الناس كسلانه خالص في ملل
طب ايه رئيكم لو نعمل بوست مشترك كل واحد وواحده يدخل يعلق ويكتب موقف حلو كده مضحك نفتكره مع بعض ونقراه ونضحك مع بعض يمكن التهييس ده يفك
في ايه يامدونيين مصر
كل ماادخل عند حد يالاقي حزن وفراق وهموم
ياناس خايفه تحب ماله الحب الحب جميل بس لما بيكون صح هو احنا نحب غلط وبعد كده نلوم علي الحب وكماقالت الست العيب فيكم يافحبايبكم اما الحب اما الحب ياعيني عليه وفي روايه اخري علي لسان الست برضه ياروحي عليه
واللي عايز يعرف الحب صح يسمع الست(ام كلثوم طبعا)
ومن محاسن ونورهاتي الخيفين الي كيارااللي كتبت وصيتها الاخيره وضد التيار اللي مهييسه علي الاخر ونعزيها في موبايله المنتحر من الدور التالت
مرورا بالازهري اللي عنده الحرب التدوينيه وقبيلة فشكول الاعظم اللي واقعين في حرب اهلييه مش عارفه ليه
لرومنسي وروقانه ومجنون اللي كان نفسه يطلع احلا دكتور عيون واحوال الهوي واشعاره واختنا حبيبتنا ابي وبوستها الحزين الشقي زيها اول مره اشوف حزن شقي
وعاشقه وغلبانه اللي الحب محيرها اليومين دول وعامله بوستين احلا من بعض
وحبيبتي عاشقة الرومانسيه اللي كاتبه رسائل رقيقه تقطع القلب عشان الريس يرجع ومابيرجعش
وست الكل صبرني يارب اللي لاقتها عايزه تولع في البلوجر باللي فيه اظاهر من كتر ماجت علي اطفش (الشهير بأشرف ) بتاع القصه لعنته طالتها
ومخنوقه اللي ربنا يشفيلها عينها ويفك خنقتها...وجت اينو(رقة الاحساس) كملت المنظر ولاقيت حتي الاطفال مهييسين ده غير (الغد ات )المهيييسه ياجدعان... وسمكه واحده واعلان التهييس
ودواير دعاء مواجهات.. وليلة العمر اللي عند فاروق اللي قلبها غم علي دماغ العروسه
والرايق دائما عمرو بدر حبشتكانات اللي كتب لنا بوست النهارده اخر رواقه يابخته
تحسوا ان البلوجر كله مهييس الناس كسلانه خالص في ملل
طب ايه رئيكم لو نعمل بوست مشترك كل واحد وواحده يدخل يعلق ويكتب موقف حلو كده مضحك نفتكره مع بعض ونقراه ونضحك مع بعض يمكن التهييس ده يفك
ملاحظاتك فى محلها يا برنسيس
ردحذفأنا برضو ملاحظ حاله غريبه كده بتسرى بين المدونين شويه بشويه و عاوزين نخرجهم من الحاله دى بقى :)
لو كنتى شايفانى رايق اليومين دول فدى الحقيقه حاله كده مستجده عليا و كله من فضل الله
تحياتى لك يا برنسيس على تفاؤلك اللى بينتقل لكل من هم حولك و بتجعليهم سعداء عن صدق
لو ملاحظ نكد بص على اخر بوست عندى
ردحذفوسلملى على النكد :)
افضل موقف انى اسمى مش مكتوب
ردحذفههههههههههههه
وده احلى تهيسسسسسسسسسسسسسسسسسسسسس النهارده
انا عندى فزورة واللى يحلها ليه يبقى هنيالك يا فاعل الخير والثواب
ردحذفالفزورة بتقول
ماسورة تصل بين حائطين
لا نرى اول الماسورة ولا اخرها
المطلوب
هو معرفة اتجاه الماء الجارى فى الماسورة
من الشمال الى اليمين على اساس انك قاعدة فى المقصورة يعنى
ولا من اليمين للشمال
كله ده من غير ما نبوظ الماسورة
احلى صباااااااااااح
طب يا شموسه ملاحظاتك ثاقبه زى ارائك يا دافئه
ردحذفبس انا نسبة النكد عندى منخفضه وانتى عارفه مبتعلاش الا لما بيرو بيدخل فى النص اصل الكون عندى متمركز عليه
بس بخصوص الدعوه للبوست فشئ حلو قوى يله نعمل احلى بوست يبسط البلوجر فى الدنيا
طب ااقول ايه ااقول ايه
ردحذفمش فاكره حاليا بس هفتكر موقف وااقولك يا جميله
ما قلتيش ايه موقفك من الحرب ؟
ردحذفيعنى معانا والا مع الناس التانيين
انا راجع تعبان وعلى غدا امبارح
اروق نفسى وارجع
السلام عليكم
ردحذففعلا عندك حق انا ملاحظة ان كل الناس زعلانة وبتشتكى من الحب
وكل الناس مضايقة
انا لسة حالا سامعة خبر سئ جدا
فمش عارفة او مش فاكرة لو افتكرت هابقى أقولك
تحياتى
ههههههههههههههههههههههههههههه
ردحذفايوة ايوة انا عايزة الكل يعزينى فى الموبايل اللى راااااااااااااااح
و ينصرنى على ازهرى اللى بيحربنى فى المدونة و عايز يحتل مدونتى باى طريقه
لا بس بجد فعلا بلوجر فيه حاله من الكسل و الحزن و بوستات بحس انها جايه فى وقت غير طبيعى معايا و طبعا المقصود بيها بوستات عمرو و محاسن ):
بس ان شاء الله الواحد هيطلع من الحاله دى قريب
و ان شاء لله بلوجر هيرجع تانى فرحان و يشيل الفيرس اللى نشره مابين المدونين ده
وطبعا الحيره اللى انا فيها للأسف قافله دماغى على الاخر و مش عارفه افتكر اى حاجه
بس ان شاء الله الواحد يفتكر و يرجع يقول (:
تحياتى ليك ياشموستى ياجميلة انتى
طبعا .. العيب في الناس الوحشة اللي بتحسد الحبيبة .. اصل الحب ممكن يتنظر بعيد عنك .. المهم الخوف من المستقبل هو اللي مسبب حالة القلق .. ويمكن عدم التوكل علي الله حق توكله .. واصبحنا نؤمن بالمادية اكثر من الروحانيات والغيبيات ,. نؤمن بأن كل شيء يمسك .. ويقبض عليه .. لذا لا مكان لحب في هذا الوضع إلا حب الجسد الفاني .......
ردحذفممممممممممممم صديقي العزيز ازهري اشكرة انه خلاني اجي عندك وسعيدة اني جيت فعلا في حاله ملل منتشرة
ردحذفموقف مضحك موقف مضحك موقف مضحك يابت يا حروووووووف
مش عارفه الصراحه حفكر واجييلك تاني
اولا احب انوه عن مصدر الفيروس يا جماعة
ردحذفانا كنت ساكت من زمان
فاكرين الناس ام قلب اسود اللى حطولى الفيرس فى الدعوة ايام الامتحانات
وعطلوا الدنيا
انا كتمت فى قلبى وسكت وقلت يا جدع بلاش فضايح احنا عندنا ولايا برضه
وان الله حليم ستار
لكن هى تتمسكن فى الخر وتقول ان فى حد غيرها حط الفيرس ونشره بين المدونين
يبقى لازم اتكلم بدل ما الناس تدعى على حد غلبان ويروح فيها بسببها
اقول الاسم والا عرفتوه
اكيد مفيش غير قلب اسود واحد بس
*********************************
المهم كفاية جد ونتكلم بقى فى التهييس
انا جاى من عند نو ر شاهين وهى فكرتنى بذكرى حلوة قوى
من سنتبن كنا بع ما ننزل من القطر نركب اتوبيس 912 للجامعة وفى مرة من المرات كان الاتوبيس فاضى جدا وانا قلت يا جماعة انا هاقف على الباب علشان الهوا
المهم وبحسن نية طلع الاتوبيس بينا وبدأت الناس تركب
واحنا فى السيدة عائشة كان الموجود منى جوه الاتوبيس هو دراعى الشمال وطرف رجلى الشمال والباقى كان بيرفرف برة الاتوبيس احسن من راية مصر على خط بارليف يوم 6 اكتوبر
وربنا يخلى بيوت المحسنين عمار
هههههههههههههه
ردحذفالكل مولع علشان مصر مش عايزة تصحى
ولله لو صحيت هيحصل حاجات كتير
عموماً احنا عملين جمعية علشان نشترى منبه
بس المدونة اكثر من رائعة والبوستات اجمل
تسلم ايدك
مش معني اني نزلت الوصيه اني مكتئه لا خالث مالث انا فللللللللل يادنيا
ردحذفوالموقف اممممممممم
بصي هو الموقف دا انا قلته قبل كدا وهقوله تاني
**************
مش عارفه ليه وانا بكتب الموضوع مش فيه في ذاكرتي الا نونا اللي عندها 7 سنين
وهي في المدرسه والفصل عامل دوشه ميس امنه صممت تضرب الفصل وكعادت نونا
الشقيه المجنونه المروشه اللي كانت في اول دسك بقدره قادر بقت في اخر دسك و لما
الدور جه عليها فضلت تلفف المس الفصل كله وبعدها خرجت من الفصل والمس ورها
وجريت جريت نزلت السلم وراحت علي الحوش والمس وراها بتجري لحد اما لففت
المس الملعب ومش عرفت تضربها والمس راحت لمامتها وقعدت تشتكيلها (اللي هي
مامتي يعني احم احم )
*********
وافتكرت الموقف التاني لما كنت في اولي اعدادي والحكيمه جايه تشكنا عشان تعرف
فصيله الدم طبعا لففتهم الفصل كعاده شكلي بحب ادوخهم لا ومش بس كدا رحت لتيتا
سفتي ياتيتا اخدو مني دم وعملولي واوا وتيتا شربتني اللبن ونيمتني ومتوصتش بقي
لما ماما وصلت شفتي المدرسه عملوا ايه اخدوا دم من بنتك اللي لسه عندها 11 سنه
ماما بقي هاجت وصوتها جاب اخر الشارع ازاي ياخدو دم من طفله انا هوديهم في
داهيه هعمل واسوي وجت بقي تصحيني وتسالني وانا بوريها صباعي وبعيط ثفتي
ياماما الواوا ماما قالت واوا هي دي الواوا ماما بقي تنحت واوزيهلت وجالها فقدان
عام شامل للذاكره وقامت جبت لماما سكته كيكيكييكيكيكيكييكيكيك
******
وبرده وانا عندي 5 سنين بمناسبه رمضان بقي كانا كلنا عند تيتا واول يوم رمضان انا
بصوم من وانا صغيره المهم كااي طفله بحب المصاصه واللوليتا طبعا مش موجوده
دلوقتي بس كانت ببريزه المهم الكل بيستعد المغرب هياذن وانا فاتحه المصاصه
وموقفاها ومستنيه الادان والكل بيتفرج عليا كووووول قرايبي كانوا موجودين في اليوم
ده باخوات تيتا بولادهم وكوووووله وانا ماسكه المصاصه ولا هامنني وبابا يقولي
طب بعد الفطار اقوله تؤتؤتؤتؤتؤ هو دلوقتي يهديكي يرضيكي والكل يقول طيب نفسك
هتتسد انتي مش جعانه وهما بيدنوا في مالطه وانا ماسكه المصاصه ومستتتتتتعده
واول اما الاذان اذن قعدت امص المصاصه بقي وكلهم مش يفطروا لا فاطسنين من
الضحك عليا وتقولش بزغزهم ولا حاجه ايه ده بقي مخمصاهم هه بس
**********
دول 3 مواقف بجد مش بقدر انساهم في تاني بس دول اقربهم لقلبي
ياااااااااااخبر يابشمهندسة
ردحذفانتى شاغلة نفسك بىّ وبغيرى
من المدونين الغلبانين التعبانين
ربنايخليكى لنا يارب ويفرحك بصحتك وبعينك وبعافيتك وببناتك كمان تفرحى
بيهم يارب .
موقف مضحك
مممممممم
افكررر
وارجع
حاضر
اللى جاى على بالى الحين :
ردحذففى فرح بنت من بنات اخواتى
وفى عزالزيطة والزمبليطة وترم ترم
يجى اخو العروسة اللى هو برضة ابن اختى ينادى العروسة من بعيد ويشاور لها :بسسسس بسسسسسس بسسسسسسس بسسس
البنت الحقيقة اتخضت وسابت الكوشة
والعريس وجت جرى ؟خير فيه ايه؟
هو:احنا ماشربناش بيبسى!!
مش عايزة اقولك والله
البنت كانت حتروح
فيها من الغيظ
لكن ربنا ستر
الحمد لله.
عقبال يارب كل
البنات البنوتات البناتتتيت
و لو اني مش من المهيسييين و لا من مدونين مصر بس لو تسمحيلي حابة اشارك معاكم
ردحذفالنهاردة قاعدة انا و ابن اخويا و ماما
ماما بتقوله لما عمتك تخلف لازم تخلي انت بالك من اولادها من كتر ما خلت بالها منك
راح قالها ااه انا حتجوزها و لما تجيب عيال حبقى انا اخلي بالي منهم بس كل يوم هي تدرسلي و تاخدني لفة بالعربية
ههههههههههههههههههه انا مش حزينه
ردحذفانا فى فتره تحول يا حبيبى بس
وعموما كلها بكره او بعده وارجع لكم تاني ببوست بس جهزي ليه الدوست والمربى بقى وبلاش كنتاكي بعمل دايت بقى
وعموما انا النهارده بسمع اغنيه انا حبيت ولا ايه انا حنيت ولا ايه انا انا انا
ايوووون هى دي انا
أزال المؤلف هذا التعليق.
ردحذفأنا فعلا ملاحظ زيك بالظبط
ردحذفبس أنا مليش دعوة بالعالم دى
أعملهم إيه تانى بس عمال أبحث أبحث
يلا يلا بكره يتعلموا إنى خسارة نضيع الوقت ده كله فى الحزن
أكيد لازم نزعل بس نرجع على طول
دمتى بكل الود
ههههههههههههههههههههههههه
ردحذفههههههههههههههههههه
والله عندك حق زي مانكون شربنا حاجه في مية النيل خلتنا كده
اشكرك انك ذكرتيني في وسط اسماء الناس الحلوين دول ياقمر
بس والله انا كنت فاكره البنت مهيسه فعلا لحد لما انتو فهمتوني بأه
انا موافقه علي البوست الجماعي
هروح الف شويه في الشقه وافكر في موقف
حلو واجي اقوله
تحياتي يارب يجعلك دايما مجمعنا
في كل حاجه حلوه :)
عايزه رأي جد ولا تهييس
ردحذفلو جد، ده شباب اليومين دول.. اللي حاجه من اتنين ونادرا ما تلاقس التالت:
* مش لاقي شغل ومكتئب وفاكر انه لازم يشتغل مدير يا إما بلاش
* بابي ومامي بيصرفوا عليه ، ووصل لحاله من حالات إكتئاب النرويج والدانمرك
* التالت ده الوسط الجميل.. اللي شاغل نفسه بحاجه بيحبها.. وفي طريقه إلى شعاده
لو تهييس:
بما إن ماحدش فاهم حاجه أصلا.. وبما إن اللي بيكتب مش فاهم إن اللي بيقرا مش فاهم... قام اللي مش فاهم.. حب يفهم.. وبرضه لسه مش فاهم
وقانا الله وإياكم شر الإكتئاب والحزن والتهييس
أمنياتي
الحمد لله انا مش مكتوبة فى المحضر هههههههه
ردحذفعموما هيا شوطة وان شاء الله تعدى
الفكرة حلوة اوى على فكرة:)
تحياتى
هههههههههههههههههههههههههه
ردحذفمعلش يا شموسه اصل فى ناس على البلوج زعلوووووووني اوي
وكدت اندم على ما فعلت لولا انى الحمد له فى ما فعلت كنت قصدي خير واخد ثواب الحمد لله فرجعت قلت لا مش ندمانه بس زعلانه منهم اوي
الله يهديهم ويسامحهم
المهم انا مش منكده والحمد لله بس بردانه يا شموووووسه هاموت من البرد هههههههههههه
وبعدين انا مش باخاف من الحب يا اختي انا باحب خالص مالص بالص ههههههههههههههه
وبالنسبه لموضوع بوست مشترك انا مواافقه طبعااااااااا
ومستعده استضيفكم عندنا فى مدونه الضاحكون
بعد اذن فرنسا والرايق مديرى المدونه
تحيااااااتي ليكى يا قمر
يا حاجة شمس وماله التهييس ؟ بشرط انه يكون فرايحى كدة وزى ما المثل ما قال :
ردحذفانا مهيس .. اذن انا موجود
مع الأعتذار لمسيو ديكارت
تحياتى :)
هوهو...يقول:ــ
ردحذفانا شمشمت في كل كلمه...في البوست ..والتعليقات...وبلا مجاملات ولا تجملات احلي كلام ...قاله الواد من غير عنوان..
ولا تقولي فلان ولا علتان..
كله عالم تعبان نيمان ...وجعان
شارب من كيعانه وسكراااان.
===هوهو===
وحبيبتي عاشقة الرومانسيه اللي كاتبه رسائل رقيقه تقطع القلب عشان الريس يرجع ومابيرجعش
ردحذفانا اخدت الجزء بتاعى
ههههههههههههههه
جميله ملاحظاتك ياشموستى
اه شفتى الريس مش عارف يرجع مش مش عايز.. بس الظاهر انه نسى العنوان
والله عندك حق
واضح ان الاكتئاب ده عدوى
فيرس واصاب بلوجر على رأى ضد التيار
ياريت نبدأ بحاجه كويسه وكل الناس هتلاقيها اصابتها نوبة الضحك وتلاقى بلوجر مهيس كله وتشوفى بقى التهييس اللى على حق
والله انا فاتحه صفحته التعليقات قدامى من اكتر من ربع ساعه ومش فاكره موقف معين بس المواقف كلها بتكون غالبا مع ماما
لانها ست بسيطه جدا بس القعده قدام التلفزيون خلتها بقت مثقفه شويتين وبتطلع ثقافتها علينا انا واخويا
بتستعمل كلمات غريبه تحسى منها انها انسانه متعلمه وطبعا الكلمه بتكون فى محلها بس طريقه النطق بتكون فى الضياع
ههههههههههه
فبنضحك عليها كتيرونعلق على كلامها
السلام عليكم
ردحذفبوست حلو اوي ولا نشرة الاخبار
ربنا مع الكل
باين عليها موجه وان شاء الله تعدي علي خير
او واخدين عين ناس بدون بقا
وربنا يستر
جزيت خيرا
غربتي
دى بقت ظاهره بس الغلط بأدينا احنا
ردحذفواحنا الى صنعناه
واحنا الى بأدينا نصلح منو
بقى كده يا شمس
ردحذفرومانسى وروقانه
طيب قولى اعمل ايه
الناس كلها تعبانه ومخنوقه
طيب اقولك حل جميل
احنا بجد بجد نعرض مشكلنا عليكى
وياريت بقى لو تعرفى توفقى رووس فى الحلال
تبقى كسبتى ثواب
وتبقى ضربتى
بطتتين بحجر
انا تعبانه وزهقانه وعندي برد
ردحذفاهئ اهئ
عند حضرتك حق فعلا بس الحزت بيجي غصب عننا بالعافيه كده بس فكره حضرتك حلوه قوي بس محتاجه وقت اعد افكر ايه اخر حاجه حصلت كويسه او مضحكه لانها للاسف مش كتير
ردحذففعلا ديه ظاهره
ردحذفتقريبا زي مقالي حد قبل كده الشتاء والاكتئاب بتاعه
وزي مقولتي برده العيب مش في الحب العيب فينا احنا في اختيارتنا الغلط
لكن الحب ياعيني عليه
ياعيني عليه
تحياتي
ردحذففعلا الكأبة ظاهرة في المدونات يمكن للاحداث الجارية ...و الظروف الاقتصادية نتيجة الازمة المالية العالمية...
المهم...ربنا يفرج كرب الجميع.. و يسعد قلوب الجميع...
و لنستعين بالصبر و الصلاة....
تحياتي و تقديري
*عمرو
ردحذفربنا يديم عليك وعلينا السعاده
بس انت ماكتبتش اي موقف مضحك لو سمحت ارجع تاني واكتب موقف مضحك
*محمد حمدي
ردحذفمش ممكن انت مش ممكن انت ماحصلتش
تقليد بالكتابه دي عبقريه لطيفه جدا
انا ضحكت فعلا كنت هموت من الضحك
اهلا بيك نورتني واضحكتني
بس برضه فين الموقف اللي هتشارك بيه في بوستنا الضاحك
*ابو علي
ردحذفاسمك مش مكتوب اذا انت زي مش مهييس
اه
انت كده بالفزوره دي اسمك هيتكتب اول واحد حمدالله علي سلامة حضرتك في عالم التهييس
*محاسن
ردحذفربنا يكرمك ويجعل كل ايامك فرح
بس فين ياجميل الموقف الضاحك
مش هسيبك الا لما تحكي موقف حلو
*الازهري
ردحذفمش انا قلت الصلح خير يبقا الصلح خير وانا بعت اجيب كرتونة حبر علي حسابي ياسيدي عشان احل المشكله
اتغدي وارجع لي
*بنوته
ردحذفبنوتي خير خبر ايه يارب استر
صدقيني الحب جميل بس لما يكون صح
فين الموقف
انت بالذات بتكتبي حلو جدا اكيد هتكتبي كويس موقف اضحكك
*سويت فيوليت
ردحذفربنا يريح قلبك ياجميله
وازهري ده ابننا حبيبنا لازم نعمل معاه صلح والحبر ياستي هيوصلك ان شاء الله
ياله اكتبي موقف حلو بقا
*مستر بريزيدن
ردحذفانا موفقاك في كل كلمه
عشان الحب مابقاش زي الاول
فااي حد بيحب بياخد عين ميه ميه
بس انا بميل لحب الروح عشان ده اللي بيدوم طول العمر
فين الموقف الضاحك
*حرووف دلو مره تاني وجرح تاني سابقا
ردحذف---------------
كل ده اسم ايه ياحروف ماحدش عنده حرووف غيرك
اهلا بيكي واهلا بكل اصحاب ازهري الغالي
بس لازم ولا بد تفتكري موقف ضاحك وتكتبيه
*ازهري
ردحذفليه كده مش انا دعيتلك دعوه مضاده للدعوات افسدت الدعوات الدخيله
والفيرس اللي انتشر بين المدوينين ادينا بنحاول نقهره
مش ممكن موقف لطيف قوي
ماخفتش تقع والا الصدمه خلتك تتماسك
*اصحي يامصر..اسلام ديو
ردحذفحلوه موضوع منبه دي
بس تفتكر ان مصر مش صاحيه دي صاحيه وفايقه بس بتستعبط
بس مره واحده هتلاقيها مولعه الدنيا صحيان
فين الموقف الضاحك
*كيارا
ردحذفواضح ان طول عمرك شقيه
ربنا يسعدك دايما
*نورهاتي
ردحذفطبعا لازم اشغل نفسي بيكم انا بعتبر كل اللي في البلوج اولادي وبناتي حتي اللي سنهم من سني
موقف لطيف جدا ربنا يسعدك
ويريح قلبك
*لييينو
ردحذفاهلا بيكي يامدونييين مصر دي اقتباس من محمد صبحي في التمثيليه كان بيقول يابنات مصر يارجالة مصر اي حاجه مصر
لكن انت تنوري في اي وقت
الموقف ضاحك فعلا ايوه كده
*ابي
ردحذفالاغنيه دي جميله بس خاللب بالك مياده الحناوي بتغني كمان انا بعشقك
ربنا يسعد ايامك ويخليها كلها فرح وحب(صح)
فين بقا الموقف الضاحك
*محمد غاليه
ردحذفكده يامحمد ده انا قلت انك هتكتب كتابه كده ماتكتبش احبطتني
بقا محمد صاحب السعاده كلها مايكتبش موقف ضاحك
*اينو
ردحذفربنا يسعدك وماتكونيش من المهييسين ابدا
فين الموقف الضاحك ياجميل
الأخت شمس النهار
ردحذفيسعدنى زيارة مدونتك لأول مرة
دعوة حلوة منك فى أول النهار وما أجمل الحب وما أسماها من كلمة
تحياتى
*من غير عنوان
ردحذفانا لوكنت قريت التعليق ده قبل البوست كنت وضعتك علي رأس القائمه كبير المهييسين
مين اللي قرا ومين اللي مافهمش مع ان قديما قالوا الحدق يفهم
وبعدين فين الموقف الضاحك :)
*برنسييس
ردحذفانت مش في القائمه عشان انت متفائله دائما
بس ده مايمنعش انك تكتبي موقف ضاحك واكيد عندك الكتير اكيد الاطفال عاملييين مواقف مضحكه كتير معاكي
*صبرني يارب
ردحذفماعاش اللي يزعلك ياجميل
قولي مين اللي زعلك واحنا نقطعهولك ياشابه
ربنا يسعدك
وبردانه ليه بقا مع ان الحب اللي انت فيه مالص خالص ده بيدفي اقولك حب اليومين دول مضروب اشتري دفايه احسن
شكرا علي الاستضافه
بس فيييييين الموقف الضاحك
*فوكس
ردحذفالمشكله يافوكس ان اغلب التهييس الموجود تهييس حزن واكتئاب
خفت لا تيقا عدوه جامده قلت ننزل بالتطعيم لا مانقدرش نسيطر علي الموقف ويخرج من ايدينا
فين الموقف الضاحك :)
*هو..مش نو
ردحذفنونو انت خبطت في الباشمهندس البنا(من غير عنوان)
بس فين الموقف الضاحك :)
اهلا بيك في اول زياره نونو
*عاشقة الرومانسيه
ردحذفمسيره يرجع هيروح فين يعني
بس بجد بجد تسلم ايدك علي اخر رساله حلوه جدا
*غربتي
ردحذفلا مااعتقدش انها عين هي زي ماتقولي كده اللي مستني النتيجه ده بالنسبه للطلبه واللي مستني نتيجة ابنه
واللي حب والا طالشي كده تعددت الاسباب والتهييس واحد
فيييين الموقف المضحك :)
*ادم المصري
ردحذفعندك حق كل حاجه الانسان السبب فيها قادر يسعد نفسه وقادر يتعس نفسه
بس فين الموقف المضحك والا انت بخيل
*رومانسي
ردحذفلا ياعم ده قاضي الغرام اشتكي يبقا انا الفقيره الي الله هعمل مع البط ايه
فيييييييييييييييين الموقف المضحك
*عاشقه وغلبانه
ردحذفسلامتك الف سلامه اتحسدتي والا ايه
خدي عسل وليمون يادكتوره والا باب النجار مخلع
حاسوبتيه
ردحذفانا مش معاكي في الموضوع ده مافيش حاجه اسمها ان الحزن بيجي بالعافيه
احنا في ايدينا نحوله من طاقه غلسه لطاقه مفيده
بسرعه اكتبي موقف ضاحك كده جميل زيك
*حواء
ردحذفاهلا بيكي في اول زياره
ايوه صح
اما الحب ياعيني عليه ياروحي عليه
في الدنيا دي مافيش اجمل من الحب
الاغنيه دي جميله جدا
فين بقا الموقف الضاحك
*الربان
ردحذفصح ياربان كل الكلام اللي قلته صح
بس فييييييين الموقف الضاحك ياريس:)
*اللؤلؤه
ردحذفاهلا بيكي في اول زياره
بس انت ليه مالبتيش الدعوا وكتبتي موقف ضاحك
بسرعه اكتبي موقف ضاحك
السلام عليكم
ردحذفالحاله دى واضحه و الظاهر أن أحنا بقينا شعب مكتئب من كل اللى بيحدث حوالينا الحاجات التى تفرح أصبحت قليله جداً
والحاله مش خاصه بالمدونين فقط
والعلاج بتاعى أنا عارفه
أغير النظام وأعمل أى حاجه خارج نظام الرتم الذى أعيشه مثلاً أقرأ أى شىء خارج أهتماماتى
وربنا يكفينا جميعاً شر الأكتئاب وتوابعه
السلام عليكم ومعلش علي التأخير كان عندي ظروف شويه
ردحذفالمهم طبعا كل وأحد له دماغه الخاصة بيه وإلي مريحاه
فلازم تلاقي كل وأحد بيكتب الحاجه إلي حاسس بيها
وبعدين الدنيا دي كلها مشاكل ووجع قلب والا انتي شايفه في حاجه عدله الواحد ممكن يفرح علشنها ؟؟
وانا بدعي لكل وأحد في ضيق أو زعلان أن ربنا يفك كربه وهمه يا رب العالمين
تقبلي مروري سيدتي
مجنووون
*واحد من العمال
ردحذفحمد الله علي السلامه
انا معاك الواحد لازم مايستسلمش لكده وكل واحد عارف علاج نفسه زي مابيقولوا الانسان طبيب نفسه
بس برضه فين الموقف المضحك :)
*مجنننووون
ردحذفحمدالله علي السلامه
لا انا مش معاك
في حاجات كتير في حياتنا جميله جدا بس انت عشان حالتك النفسيه مش شايفها
عارف لما كان الدنيا تكشر في وشي والاقي الحزن هيفكر وتسول له نفسه يقرب مني
كنت اروح اي عمل تطوعي في دار مسنيين او معهد الاورام وكنت اغرق نفسي معاهم وفي مشاكلهم واحلامهم اللي مش هتكون
كنت وانا راجعه سايقه عربيتي افضل احمد ربنا علي النعم الكتير اللي انا فيها وكنت اقول انا اجي ايه في الناس دي ده ربنا كارمني وانا مش حاسه
بقول لك ايه ياعاقل انت
فييين الموقف الضاحك اطلع بيه قبل ما اطلب لك البولييس التدوييني :)
موقف ضاحك
ردحذفموقف ضاحك
انا اقولك
الموقف ده حصل مع فاطمه بنتي
كنت انا وهي في غرفة اختي
انا علي الكمبيوتر
وهي بتلعب بالعروسه بتاعتها علي الارض
وكل شويه تقولي أم
انا افتكرها بتقول مم يعني عايزه تاكل
اروح احضر اكل واكلها
مترضاش
اقولها امال مم ايه ؟؟ مش انتي عايزه تاكلي تهز رسها وتقول لا
ادخل اقعد علي الكمبيوتر
تيجي ورايا وتقولي أم
استغربت جدا
وقولتلها قبل ما اقوم من قدام الكمبيوتر
عايزه تاكلي ؟
هزت راسها وقالت لا
قولت يبقي في اختراع جديد عنده اسمه أم
اجرب واشوف هو ايه
فين وفين وبعد ضحك استمر ساعه من بابا وماما واختي وبعد عرض كل محتويات الشقه علي فاطمه اكتشفنا ايه هو الـ أم
اتاريه طلع القلم
الهانم عايزه ورقه وقلم علشان تكتب زي اختي وهي بتذاكر
ههههههههههههههههههههههههههههه
هههههههههههههههههههههههه
ردحذفايه انتى مجمعه كل الناس كدا
بس بوست دمه خفيف والله معاكى حق يا جماعه العيب فينا احنا اللى مش بنعرف نختار اللى نحبه
ووكمان الفكره بتاعت البوست حلوه يلا نفذيها بسرعه
فعلا فكره جميله بتاعت البوست الجماعى ونظرتك فى محلها ربنا يفكها عليهم ويغيروا المود دا بقى
ردحذفشموسه
ردحذفتعالي عندي شويه فى اخر موضوع ايه ولا مافيش ورايا ستات فى البلوج ده سايبنى لوحدي
هههههههههههههههههههه
حبيبتى ياشموسه
ردحذفانا الحمد لله عينى خفت خلااااص
وشكرا ياقمر لسؤالك على
بس الظاهر ان الكأبه حاله عامه فى البلد...حاااااااله عااااااامه
وربنا يفكها عن قريب بأذن الله
تحياتى ليك ياعسل وسلاااام كبييير لست الحبايب
أولا شكرا على المنصب الجديد.. كبير المهيسيين... حلو...
ردحذفالموقف الضاحك..كان لازم بصوره... صوره بنتي الكبيره سلمى.. ( اللي فرحها إن شاء الله بكره) وهي سنتين تقريبا.. وكانت نايمه.. الضهر.. وأنا جيت من الشغل جايب لها شيكولاته.. وحاططتها جنب سريرها اللي بدرابزين من بتاع الأطفال... ودخلت ريحت شويه... وصحينا من النوم.. ونلاقيلك سلمى والسرير والحيطه والأرض... كلها شيكولاته...جبت الكاميرا وصورتها... وحاحط لها الصوره في الفرح... عقبال بناتك وكل البنات المدونات...
(:
أمنياتي
الملاحظ ان الكل بيعبر عن الحب بكل اطرافه و لو رجعنا لمراجعك الكلثوميه
ردحذفبتقول ياللي ظلمتوا الحب و قلتوا و عيدتوا عليه مش عارف ايه الي اخر الكلام
و الحب كده وصال ودلال و لقا
وانا اعترض علي وضعي بين قائمة المهيسين
و اوافق علي رابطة اراء المضحكين
تحياتي
السلام عليكم
ردحذفمتهيأليش ان فى حاجة ممكن اضحك عليها فى حياتى وعلى الرغم من كدة انا الابتسامة لا تفارق وجهى
انا عارف انى مقصر فى السؤال على حضرتك بس غصب عنى والله
تحياتى
احمد الشاعر
ازيك واحشتني اوي عايزه قوليك ربنا استجاب دعواتك لي اخوايا حمدالله في 3 شهور تقدير جيد جدا فب رابع ممتاز
ردحذفام عن بوست فعلا احد لم يحب صح انا منزل اغنيه ياريت تركزي فيها تقول لي رايك فيه ايه فهمتي ولا انا بحبها ام انا بالنسبه مخنوقه اوحزينه عشان عدم الشغل لان صحابتي كلهم اشتغلوا اختي صغير ايضا اشتغل ربنا يساعدها هي لانوظائفه وحيد موفر في بلدنا درستها
ام صحابتي كانوا عندهم واسطه استغلوا كلهم لم بشوفهمكلهم اناجالسه في البيت بيكون حزين حتي بطلت شوف اي احد ام عن الحب والله نحنا عدنا حتي الان بتجوز بدون الحب كيف يارشحوا العروس لي احد اذاقال عايزه عروس يرحوا يطلبوها علي تطول يحصل عرس بعني الحب بعد زواج داه بالنسبه لي اهلي اومن قبائلة بتاعتنا ليس السودان
اضافه بسيطة
ردحذفالاعراض التي تتحدثين عليها ليست مستجدة علي مدونتي فانا كئيب بطبعي و ده حال كل ما اكتب منذ البدايه يعني مش ظرف طارئ و لا حاله مستحدثه
تحياتي
*حواء
ردحذفمواقف الاطفال بتبقا مضحكه عشان بتكون بعفويه
والواحد عمره مابينساها
ربنا يخليها ويبارك فيها
*هايدي
ردحذفاهلا في اول زياره
وشكرا علي الكلام اللطيف وفين بقا الموقف اللطيف المضحك
*طوبه دهب وطوبه فضه
ردحذفازيك انت فين
وفين بقا الموقف المضحك ياله بسرعه اكتبيه فورا
*صبرني يارب
ردحذفاهلا بيكي معلش انا كنت مشغوله اليومين دول وكمان الللاب توب عطلان مابيدخلش علي النت ومش فاضيه اعمله بس هروح دلوقتي اشوف مين سولت له نفسه يدخل مدونتك ويقول كلام مايعجبكيش
احنا في الخدمه ياموووووووووودام
*بنت الغربه
ردحذفاهلا بيكي وحمد الله علي سلامتك والحمد لله انها عدت علي خير
وشكرا علي سؤالك علي ماما وهي الحمد لله بخير دلوقتي
فين الموقف الضاحك اكيد بيكون في الغربه مواقف كتير بضحك
*من غير عنوان
ردحذفالف الف مبروك
والله دي فرحه كبيره جداجدا
ربنا يفرحك بأخوتها يارب
وطبعا كارت الدعوه جميل جدا جدا مش هو ده اللي حضرتك حاطوه علي البوست
ربنا يبعد عنهم عيون الحاسدين
مبروك
*احوال الهوي
ردحذفليه زعلان ومعترض انا مخليياك مع شعراء الحب والفراق
وفين الموقف الضاحك ماكتبتوش ليه
*الشاعر
ردحذفاهلا بيك وحمد الله علي السلامه
انت ليه مش بتكتب اشعار كتير زي الاول
وبعدين فين الموقف الضاحك اكتبه بسرعه
وماتغبش تاني لحسن اجيبك بالبوليس التدوييني
*عاشقة القمر
ردحذفربنا يبعت لك الوظيفه الجميله اللي تحبيها
وكمان ساعات كتير الزواج اللي بالشكل ده بيكون ناجح اكتر من زواج الحب
فيين الموقف الضاحك
للاسف انا كئيب وحزين فعلا ؟؟؟؟!!!!!
ردحذفيا احلي شمس نهار في الكون اللي منوره الكون كله اولا
ردحذفالبلوجر وصاحبه البلوجر والبوستات اللي موجوده كلها تحت امرك ومن غير ما تطلبي انتي تأمري دي حجتك وحاجه الناس الجميله دي كلها قبل ما تبقي عندي ياستي انتي تشرفيني وتكتبي وتقولي اللي انتي عيزاه ده اصلا حاجه تفرحني انها تعجبك ياقمر
ثانيا
فكرهتك اكثر من رائعه واستني كده لما الواحد يفكر عن الموقف هي موقف كتير وكلها مهيسه
تحياتي ياقمر
بس بردو بخاف من ام كلثوم ومش بحب اسمعها وخاصه في الضلمه بتجبلي اكتئاب وانا صغيره وبحس بالوحدويه
ده زماااان يعني(وش بيستهبل)
مارس، 2009
ردحذفكله يهون الا التصعيب
الصعاب كلها تهـــــــــــون ولا يهون التصعيــــب
فقسوة الحياة فى حاجة الى حنــــــــــــية وترطيب
وتعقيد الامــــور قمة الجور والتعــــــنت والترهيب
فيا معقداتى بلاش شـــــــغل القراداتى الغريــــــــب
والباس الحق ثوب الباطل والباطل ثوب الحق الحبيب
بما يقلص الفرحة ويكــــــــتر من البكاء والنحيــــــب
فعد الى عقلك واسلك حســـــن المسلك تجد الترحيب
وبادل الناس حبا بحب بالرغبة الطيبة والترغيـــــــــب
مرسلة بواسطة ابو المفاصل الواصل في 01:32 ص 0 التعليقات