ازيكم الاول
وطبعا وحشتوني
ان شاء الله راجعه مصر يوم الجمعه 13 اغسطس العصر(جميل)
حيث اني هاخد الطائره الخميس الصبح اللي هو في مصر الخميس بالليل
وبعد رحله لمدة 26 ساعه اصل برضه مصر يوم الجمعه العصر
ازاااااااااي؟
حد يعرف الاجابه :)
قالوا لي اصل انت هتسافري عكس الزمن!!!!!!!!!!!!!
صباح الخير يا برنسيس :)
ردحذفتيجى بألف سلامه اٍن شاء الله و تنورى مصر و البلوجر و القلوب ..
هو الحقيقه أنتى مش مسافره عكس الزمن لكن مسافره عكس خطوط الطول اللى عبرتيها من مصر لأمريكا من الشرق للغرب لكن فى رحلة العوده حتعبريها من الغرب للشرق ..
حد القياس الزمنى هو خط جرينتش فى اٍنجلترا و خطوط الطول شرق خط جرينتش تسبق فى التوقيت خطوط الطول غرب خط جرينتش ..
و هى كلها مرتبطه بالشمس و ده بيفسر ليه مثلا التوقيت فى مصر بيسبق ليبيا و ليبيا بتسبق تونس و تونس بتسبق الجزائر و الجزائر بتسبق المغرب .. و هكذا ..
فيعنى أنتى مش مسافره عكس الزمن و لا حاجه ماتقلقيش :)
لأن السفر عكس الزمن بيدخل ضمن نطاق نظرية أينشتاين فى السفر عبر الفضاء الكونى و حيث ينعدم الزمن أصلا و ده موضوع تانى خالص ..
توصلى بالسلامه اٍن شاء الله ..
الأمر لله أكون التانى
ردحذفعمنا عمرو دايما الأول
السلام عليكم ورحمة الله وبركاته
ردحذفازيك يا جميلة
استاذ عمرو كفى ووفى
توصلى بالسلامة ان شاء الله
وتنورى مصر
طبعا باحنى راسى لفيلسوفنا العظيم
ردحذفجاوب السؤال صح جدا
واحسن منى عل الرغم من التخصص
بس فذلكه كده ادى مثال احلل بيه القرشين اللى والدى دفعهم كده فى الكليه
حطى قدامك الكرة الأرضيه وانت طبعا الشمس
وخليها تلف بحيث الشمس تتحرك من الشرق للغرب
واتخيلى ان الطيارة طايره ناحية أمريكا من مصر هتلاقى إنك ماشية مع اتجاه دوران الأرض إنما وانت راجعه من هناك لهنا هتلاقى انك ماشيه بالعكس
وبكده بتختصرى مسافات مقطوعه من الزمن
فهمتى المثال ؟
اتمنى
لانى بصراحه مش فاهمه
انما قالوا لنا فى التوجيهيه كده
وعموما ترجعى لنا بالف سلامه
ان شاء الله تيجي بالسلامة
ردحذفتنورى مصر
اعتقد الاستاذ عمرو جاوب على السؤال صح
اعتقد فرق التوقيت بين مصر وامريكا 8ساعات تقريبا
كل سنة وانتى طيبة
ياااااااااااه أخيراً
ردحذفحمد الله علي السلامة مقدماً
التفسير زي ما قال أستاذ عمرو بالظبط
حضرتك بتسافري عكس إتجاه الشمس
المهم إن حضرتك توصلي بالسلامة
لا لانك كنت مسافرة عكس رغبتننا
ردحذفو ده يفرق بالنسبه لاشتياقنا لوجودك بمصر
ترجعي بكل سلامة و لا تنسينا بدعائك فدعوة المسافر مجابه
بدات مصر تنور
تحياتي
عزيزتي شمس النهار
ردحذفترجعي بالف سلامة وفعلا كدة مصر هتنور بجد
واتمني اننا نلتقي باذن الله
تحياتي
تامر الحسيني
انسان عاشق حر
تؤصلي بالسلامه ياشموسه مستنينك تطمنينا علي وصولك بالسلامه :)
ردحذفتحياتي :)
توصللى بالسلامه يا شموسه
ردحذفبس اوعى تنسى الهدايا
مستنين جديدك
توصلي بالسلامة ان شاء الله
ردحذفالسلام عليكم ورحمة الله وبركاته
ردحذفتيجي بالسلامه يا شموسه
هاتنوري مصر
كل سنة وانت طيبه
ترجعى بالف سلامة وتنورى مصر يا شموستنا
ردحذفاشكر الناس الطيبة اللى فسرت السؤال شكرا ليكم
توصلى بالسلامة ربنا معاكى
لا اله الا الله محمد رسول الله
اهلا بالقمر
ردحذفتيجى بالف سلامه وكل سنه وانتى طيبه
انتى شكلك كدا ناويه تسافرى عبر اله الزمن
ههههههههههههههههه
تنورى مصر ياقمر
حنين
حمدلله على السلامة يا جى من السفر
ردحذفوحشانى الابتسامة وشك ولا اقمر
يا شموسة يا قمر
وحشانى جدا جدا جدا
مستنية تليفونك بالسلامة لما ترجعى
شمس النهار هتنور مصر
ردحذفالحمد لله وان شاء اله ترجعى بألف سلامه
وبالنسبه للإجابه على السؤال اعتقد ان مفيش اجابه احسن من اللى الناس قالوا عليه وخصوصا عمرو
المهم انك تنورى مصر الجمعه الخميس المهم انك تكونى معانا
حمد لهل على السلامه يا شموس وابقى نامى وخلاص بقى
ردحذفشمووووووووسه راجعه
ردحذفهيه هيه
الحمد للللللله
ترجعي بالف سلامه يا جميل
عقبال انا ما ارجع من المعتقل بقى
هههههههههههههههههه
توصلي بالسلامه يا قمر
اخيرااااااااا ياشموستي هتيجي مصر مفتقدااااااكي جدا جدا جدا
ردحذفوطبعا مش في اجابه وافيه زي استاذ عمرو
السلام عليكم
ردحذفحمداً لله على سلامة حضرتك مرة ثانية
وإن شاء الله ترجعى بألف سلامة
دمت بكل الخير
حمد الله على سلامتك
ردحذفمصر هتنورررررر اخيييييرا
ليكى وحشة بجد
ترجعلنا بالسلامة يارب
تحياتى
ايمى
توصلي بالسلامة إن شاء الله ...
ردحذفمصر هتنور ...
ازيك يا شموسة
ردحذفربنا يجيبك بألف سلامة يارب
وتنوري بيتك وبلدك
أمى الحبيبة
ردحذفالسلام عليكم
ترجعى لينا بألف سلامة إن شاء الله
خالص تقديرى
توصلى بالسلامة ان شاء الله
ردحذفاولا انا بعشق الاغنيه دى، ثانيا ليه بس الاسئله المحرجه دى احنا ادبى يا جدعان ههههههههه،طبعا استاذ عمرو عمل اللى عليه و زياده بحييه على حضور ذهنه
ردحذفتوصلى بخير ان شاء الله
ردحذفوكل عام وانتى بخير
توصلى بالف مليون سلامه
ردحذفحمدا لله علي سلامة العودة مقدما
ردحذففين اللاب لابلغ البوليس
تحياتي
تيجي بألف سلامة وتنوري مصر يا عثولة
ردحذفالسؤال ده جامد جاد... عروستي
هههههههههههههههه
أاااااااه
ردحذففهمت
الموضوع كده بقي تبع أونكل جرينتش ... كده بقي فهمت ........
السلام عليكم ورحة الله وبركاته
ردحذفكل يوم وانتي طيبه وكويس انك هاتقضي رمضان في مصر
يارب تكوني وصلتي بالسلامه
تحياتي
الى اللقاء
بغض النظر عن حكايه خطوط الطول والعرض دي
ردحذفعايز أقول إن مصر حتنور بشمس نهارها
يجعله ربنا جل جلاله سفرا مريحا آمنا
وغالبا أنا بأكتب ده وإنت وصلتي بالسلامه
فحمدا لله على السلامه وكل عام وأنتم بخير... يدوب تعملي الكنافه
اكيد وصلتى بالسلامه
ردحذفنورتى الدنيا كلها
كل سنه وحضرتك طيبه
منتظرينك تنورى الدنيا من تانى
مودتى
عارف انى ندل
ردحذفوحمدلله بالسلامه
ومش هقولك غير راعى ظروف ابنك
يارب تكونى وصلتى بالسلامة انشاء الله
ردحذفكل عام انت بخير شموستنا العزيزة
حمدلله على سلامتك يا قمر
ردحذفوكل سنه وانتى طيبه
تحياتى