طلعنا علي المركب بعد واقعة المطعم
قلنا ماشي
طبعا عايزين ننام احنا في المطار من الساعه اتنين ونص بالليل
نمنا وفي عز النوم لاقيت صبرني يارب بتتصل بيا وصحتني خير اللهم اجعله خير
اليوم ان شاء الله هيكون جميل
المهم علي الغدا اتصلت بيه( رشا دودو) وبعدها (ورد شان)
الكل كان عايز يطمن ربنا مايحرمني منكم
ابتدينا اول زياره للمسله الناقصه
يعني ايه المسله الناقصه يعني كانت تحت الانشاء ولم تكتمل لعيب في الرخام
وهي دي اللي لما اكتشفوها عرفوا ازاي كانوا بيعملوا المسلات الطويله دي وحته واحده
بصراحه اعجاز الناس دي كانت عندها دماغ عاليه وبيشتغلوا بدقه وذكاء
مش هعرف اشرح الطريقه بس هي موجوده علي النت بكل تفاصيلها الدقيقه المزهله
وبعد المسله اخدنا الباص وعلي السد العالي
بجد حاجه جميله جدا وفخر للمصريين انهم عملوا حاجه زي دي
المكان جميل ونظيف جدا جدا
الصورد دي من فوق جسم السد شايفين لون النيل جميل ازاي والا بحر مرسي مطروح
علي فكره احلي لون للنيل في المنطقه دي
لكن الحلو لازم في مصر مايكملش
شوفت بحيرة ناصر اكبر بحيره صناعيه في العالم
طيب لما هي كلها خير كده ليه مابنعملش مصانع اسماك علي حدودها والسد موجود والكهربا موجوده والايدي العامله العدد في الليمون
لأ وايه فيها حوالي 35 الف تمساح الله الله
طبعا بيتغذوا علي الاسماك
طيب ليه مانصيدهمش والتمساح كله فوايد
جلود ولحم يتم تصديره للخارج ماهو في بلاد
بتاكل التماسيح
ولما قلت كده للمرافق اللي معانا وهو من اهل اسوان قال لي بطيبه شديده ماهو مصنع السمك هناك اهو
مصنع يتيم واحد
احنا بنتكلم علي ملايين الاطنان
تحسوا ان مصر دي ماشيه بالبركه
عندنا كنوز كتير ومش عارفين نستغلها ونقعد نندب في حظنا
لا عارفين نستغل بحر احمر ولا ابيض ولا نيل ولاحتي البحيره اللي غرقت الدنيا
ومليانه سمك سيبينه
بعد السد العالي قال ايه عايزين يرجعونا المركب
قلت لأ طبعا فين المتحف النوبي
قالنا انه مش في البرنامج ولو عايزين تروحوا ترحوا لوحدكم
قلت ماشي وعلي عهد المصريين لم نتفق علي كلمه
ناس رجعت المركب وناس جت معايا علي المتحف النوبي الجميل جدا جدا جدا
ده المدخل الخارجي
امامه ساحه كبيره والارضيه من الرخام وتصميم جميل جدا فخر لأسوان
وده المدخل الداخلي
المتحف منظم جدا ومبني علي التراز النوبي من الخارج
ومن الداخل متقسم بطريقه ماتتوهش وكل حاجه مكتوب جنبها ايه الموضوع
ومن اجمل الحاجات فيه التماثيل اللطيفه اللي بتمثل حياة الانسان المصري النوبي
وهسيب الصور هي اللي تحكي
بعد كده رجعنا علي المركب اتعشينا ونزلنا البلد نتفرج عليها
والبوست الجاي نتكلم عن معبد فيالا اوفيلا وجزيرة النباتات وصور تاني
::))
والمرافق بتاعنا قال لنا ممكن تناموا لحد الساعه 12 وبعد كده تتغدوا ونبتدي الزيارات علي الساعه واحده
قلنا ماشي
طبعا عايزين ننام احنا في المطار من الساعه اتنين ونص بالليل
نمنا وفي عز النوم لاقيت صبرني يارب بتتصل بيا وصحتني خير اللهم اجعله خير
اليوم ان شاء الله هيكون جميل
المهم علي الغدا اتصلت بيه( رشا دودو) وبعدها (ورد شان)
الكل كان عايز يطمن ربنا مايحرمني منكم
ابتدينا اول زياره للمسله الناقصه
يعني ايه المسله الناقصه يعني كانت تحت الانشاء ولم تكتمل لعيب في الرخام
وهي دي اللي لما اكتشفوها عرفوا ازاي كانوا بيعملوا المسلات الطويله دي وحته واحده
بصراحه اعجاز الناس دي كانت عندها دماغ عاليه وبيشتغلوا بدقه وذكاء
مش هعرف اشرح الطريقه بس هي موجوده علي النت بكل تفاصيلها الدقيقه المزهله
وبعد المسله اخدنا الباص وعلي السد العالي
بجد حاجه جميله جدا وفخر للمصريين انهم عملوا حاجه زي دي
المكان جميل ونظيف جدا جدا
الصورد دي من فوق جسم السد شايفين لون النيل جميل ازاي والا بحر مرسي مطروح
علي فكره احلي لون للنيل في المنطقه دي
لكن الحلو لازم في مصر مايكملش
شوفت بحيرة ناصر اكبر بحيره صناعيه في العالم
طيب لما هي كلها خير كده ليه مابنعملش مصانع اسماك علي حدودها والسد موجود والكهربا موجوده والايدي العامله العدد في الليمون
لأ وايه فيها حوالي 35 الف تمساح الله الله
طبعا بيتغذوا علي الاسماك
طيب ليه مانصيدهمش والتمساح كله فوايد
جلود ولحم يتم تصديره للخارج ماهو في بلاد
بتاكل التماسيح
ولما قلت كده للمرافق اللي معانا وهو من اهل اسوان قال لي بطيبه شديده ماهو مصنع السمك هناك اهو
مصنع يتيم واحد
احنا بنتكلم علي ملايين الاطنان
تحسوا ان مصر دي ماشيه بالبركه
عندنا كنوز كتير ومش عارفين نستغلها ونقعد نندب في حظنا
لا عارفين نستغل بحر احمر ولا ابيض ولا نيل ولاحتي البحيره اللي غرقت الدنيا
ومليانه سمك سيبينه
بعد السد العالي قال ايه عايزين يرجعونا المركب
قلت لأ طبعا فين المتحف النوبي
قالنا انه مش في البرنامج ولو عايزين تروحوا ترحوا لوحدكم
قلت ماشي وعلي عهد المصريين لم نتفق علي كلمه
ناس رجعت المركب وناس جت معايا علي المتحف النوبي الجميل جدا جدا جدا
ده المدخل الخارجي
امامه ساحه كبيره والارضيه من الرخام وتصميم جميل جدا فخر لأسوان
وده المدخل الداخلي
المتحف منظم جدا ومبني علي التراز النوبي من الخارج
ومن الداخل متقسم بطريقه ماتتوهش وكل حاجه مكتوب جنبها ايه الموضوع
ومن اجمل الحاجات فيه التماثيل اللطيفه اللي بتمثل حياة الانسان المصري النوبي
وهسيب الصور هي اللي تحكي
بعد كده رجعنا علي المركب اتعشينا ونزلنا البلد نتفرج عليها
والبوست الجاي نتكلم عن معبد فيالا اوفيلا وجزيرة النباتات وصور تاني
::))
جميلة يا شموسة
ردحذفمتبعاكِ
دمت بخير
السلام عليكم شموسه الحبيبه
ردحذفاولا عاوزه اعتذر عن تقصيرى الفتره اللى فاتت و ده كان بسبب زفاف اختى الصغيره ناديه و انشغالى معاها ..و الحمد لله الفرح كان امبارح و كانت عروسه زى القمر و احلى و الحمد لله بدأت أفوق و الاقى وقت اتابع المدونات و النت عموما تانى ..
قرأت البوست اللى فات و البوست ده واضح انها كانت رحلة ممتعه و جميله ما شاء الله ..متبعاكى اكيد و بأشكرك لانك بتأخذينا معاكى فى رحلاتك الجميله و مش نسيانا ..
خالص مودتى و تحياتى لكى
اممممممممممممم
ردحذفبلدنا فعلا بلد جميل لو لقت حد جميل يهتم بيها ويراعاه نبقى فعلا قطعة من الجنة
لاننا نستحق كل خير بس تاهين بفعل فاعل
الصور ماشاء الله تم التقاطها بعدسة فنان ماهر ولا دى صور متاءجرة (وش بيغمز)
وفعلا تحسى البلد ماشية كده مافيش تفكير ولا حاجة كله بيقضى اليوم ويكسر الوقت
والله يجعله عامر
ربنا يهب ليكى الصلاح والفلاح ويجعلك مصاحبة لكل ناجح
قااااااااااادر يا كريم
وعشانا عليك يا رب
منورة بجد يا مراسلة قطاع الاخبار من الاراضى الاقصرية والاسوانية
الله حلو اوى المتحف النوبى
ردحذفانا نفسى اروح اسوان
ازيك حمدالله علي سلامه شكلها رحلة جميل اوي
ردحذفوصورة جميل جدا
بجد حسيت بانو معاكم في هذه رحلة
في كل بلد في حاجة جميل بس عايزه احد يتطورها ويهتم به
السلام عليكم
ردحذفمتابع معك وسعيد بالطرح
بالمناسبة حكاية مصانع الأسماك هذه كثيراً ما أحلم بها .. أحزن كثيراً حينما أجد علب التونه والسردين المستورد
مع العلم أظن أن هناك مصانع تبني حالياً لأسماك التونة ببلطيم عندنا في كفر الشيخ وحابب أقلك إن الرئيس اليوم في كفر الشيخ ومن ضمن افتتاحاته ميناء للصيد في بلطيم والميناء ده له فوائد عظيمة جداً للصيادين وهو الأول من نوعه في المنطقة
لن عن صدق أسوان بلد جميلة أوي وإن شاء الله لي زيارة لها في الشهر القادم أو اللذي يليه
اللللللللللللللللللله
ردحذفكنتى خدينى معاكي يا شموووووسه
نفسي اروح بجد
انا شكلي اروح اخر الشارع واجي اصلا
حتى مش عارفه اروح حاليا يادوب اخر الشقه
ايه التصوير الجميل ده يا جميل مستنيه الباقي انا
ومعلش انى صحيتك والله ياقمر سووووووووري
الله عليكى يا شموسه
ردحذفبجد صور تحفه و احلى حاجه عجبتنى انك بتدرسى الرحله قبل ما تروحيها
يعنى المتحف النوبى مش كان فى البرنامج
بس ماشاء الله عليكى مذاكره
كان عندى سؤال صغنن
لو فيه اطفال سن 3 سنين معاكى
هايتحملوا الرحله دى و لا هايتعبوا و يتعبونا؟
لو السياحه انتعشت فى اسوان هاتكونى انتى السبب
و ساعتها حاولى تنصصى معاهم
هههههههههههههه
السلام عليكم
ردحذفمناظر أكثر من رائعة
وبالفعل ينقص هذه المنطقة
محتاجة لمجموعة من مصانع الأسماك
لتدر على البلد دخل
متابع معاكِ إن شاء الله
خالص تقديرى
اولا حمد الله على سلامة حضرتك
ردحذفانا عارفه انها جت متاخرة بس انا اسفه و الله غصب عني
كنت بقرالحضرتك كل البوستات بس ماكانش بيسعفني الوقت انى اعلق عليهم كلهم
ارجوكي اعذريني
اما بالنسبه للاماكن اللي حضرتك وصفتيها بجد جميله جدا و و الوصف مع الصور بجد حسسنى انى شوفتها بعيني
و بالنسبه لمصر و عدم استغلال الموارد فيها ده بئا شيء طبيعي جدا و اتعودنا عليه زي ما اتعودنا على اصرار دفع الملايين في حاجات مالهاش لازمة و تضيع الملايين في الهوا
الحمد لله على كل شيء
بالتوفيق
و سلامي
الصور رائعة
ردحذفواكيد رؤيتها على الطبيعة اروع
تحياتى
ماشاء الله الصور بجد تحفة
ردحذفربنا يكتبلي زيارة الاماكن الجميلة دي
بجد هكون سعيدة اوي لو شوفتها على الطبيعة
والبركة فيكي برضو لانك عرفتينا وورتينا حاجات جميلة مشوفنهاش قبل كدة من كلامك والصورة الرائعة اللي جبتيها
تسلم ايدك
تحياتي
* ماما اموله
ردحذفمنوراني دايما
يارب تكون صحتك بخير
سلامي
rovy
ردحذفوعليكم السلام ورحمته وبركاته
ياحبيبتي مافيش اعتذار والا حاجه
الف الف الف مبروك لأختك
شكرا علي متابعتك
وان شاء الله الباقي يعجبك
سلامي
ABOALI
ردحذف::))
مالحقتش برضه اول تعليق
:)
الصور دي صناعه شمسيه ميه ميه وفي صور منها كمان من وراء زجاج الباص
شكرا علي كلامك
سلامي
* قوس قزح
ردحذفازيك
يارب تكوني بخير
فعلا المتحف النوبي جميل جدا جدا
انا كنت فاخوره بيه وانا شايفه السياح مبهورين بيه
وكمان الموميات اللي فيه معروضه حلو وكمان مصاحب لها شرح جيد وفي حاله جيده كمان
لازم فعلا تروحي الرحله دي هتنبسطي جدا
بس من غير عيال طبعا:)
سلامي
عاشقة القمر
ردحذفشكرا علي كلامك
فعلا بلادنا جميله محتاجه حد يحبها فعلا
ان شاء الله الباقي يعجبك
سلامي
* احمد شريف
ردحذفوعليكم السلام ورحمة الله وبركاته
فعلا انا سمعت عن موضوع كفر الشيخ
وكمان سمعت عن المشاكل بتاعت المزارع السمكيه هناك
يارب خير ماهو مش معقول ان عندنا بحرين ونيل وبحيرات مابين صناعيه وطبيعيه
والسمك ياغالي ياملوث يامش موجود
اسوان فعلا بلد جميله جدا
اتمني ان رحلتك تتم
سلامي
* صبرني يارب
ردحذف::))
ياجميل انت تصحيني في اي وقت
وادي اللي بناخده من الشاطر عمرو
::))
ويااريت كنتي فعلا معايا كنا هننبسط جدا
وكنتي جريتي جري ورا العيال علي سطح المركب كانت ركبتك فكت بصحيح
::))
سلامي
* الجواز وسنينه
ردحذفازيك
بالنسبه للرحله درست الكلام ده كله في الكليه وكنت بمتحن فيه ازاي ماتسألينيش دلوقتي
وكنت مستمتعه جدا اني بشوف الكلام ده علي الطبيعه
اما المتحف النوبي فقال لي عليه تلاته من اصحابي
بصراحه هو جميل جدا طريقة العرض خطيره فعلا خلتنا نعرف نشوف كويس مش زي المتحف المصري المكدس زي السوق
بالنسبه للأطفال الحقيقه هيتعبوا جدا وهيتعبوكي
الجو حار جدا الصبح وبالليل سقعه جدا
كمان اغلب الاماكن مش هتعرفي تمشي فيها بيهم
وخصوصا وادي الملوك اللي فيه المقابر
::))
اللي انبسطت منه كمان ان فعلا السياحه منتعشه هناك والحمد لله
لكن برضه مايمنعش اني انصص برضه
:)
سلامي
* عمرو جويلي
ردحذفوعليكم السلام ورحمته وبركاته
بالظبطت مجموعه مختلفه من مصانع الاسماك مش مصنع واحد
انت ماعندكش فكره البحيره كبيره قد ايه دي لحد السودان
شكرا علي متابعتك
سلامي
dodoo
ردحذفالله يسلمك
ازيك يارب تكوني بخير
عذراكي وعارفه ان عندكم استعدادات قويه اليومين دول
مش عايزين مساعده
وشكرا علي كلامك ومتابعتك
سلامي
* ذو الوجه المبتسم
ردحذففعلا الحقيقه الطبيعه احلي بكتير
وطريقة العرض احلي
بجد فخر لأسوان هذا المتحف
سلامي
* زهور الامل
ردحذفشكرا علي كلامك
وان شاء الله تروحي تزوريها بنفسك ان شاء الله
سلامي
مجهود رائع يستحق التحية ......وفي انتظار المزيد .
ردحذفبس ملحوظة شريرة ..... فين صور التماسيح ؟
تحياتي
ازيك يا شموسه يا جميله يارب تكونى بخير وفى احسن صحه وحال
ردحذفوالله يا شمس انت شكلك حماه زي العسل
ويابخت اولاد بناتك بيكي
احنا في مصر مش بنعرف نستفيد من مواردنا ولا امكانينا كل الموارد
المائيه دي قال وبنستود سمك لواحنا في بلد بتحترم نفسها واللي ماسكنها بيراعو ربنا كان السمك ده بقي الاكله الرسميه والشعبيه للبلاد وكانت اسعاره بقت حاجه كده ببلاش وكنا صدرناه وجابلنا ملاين الملايين
وقال ويقولك وقفه مصريه وبطلو خلفه طب ماتبطلو انتو سرقه واتقو الله فينا
منتظرين البوست القادم عن بقيه الرحله ولك منى كل المحبه والموده
ملحوظه على جنب:
ردحذفانت مش مصدق اني التعليق رقم 26عندك متيالى دي اول مره اخد ترتيب متقدم كده
هههههههههه
يلا ان شاء الله المرات الجايه اجيب ترتيب احسن
تحياتى لك يا شموسه الجميله
علشان اتابع الرحلة نزليت قريت كل اللي فاتني لحد المتحف النوبي :)
ردحذفالرحلة فعلاً تحفة والحمد لله واضح إنك استمتعتي بيها اوووي
وده انعكس علينا بشكل مباشر
وفي إنتظار بقية التفاصيل
ومع الأسف لحد دلوقت معملتش الرحلة دي
إنما وصفك بصراحة حمسني أوووي إني أعملها قريب إن شاء الله
في إنتظار المزيد :)
وليد
واااااااو
ردحذفشكلها رحلة تجننننننن
عجبتني اووي صور المتحف وصور النيل
وقرات كل البوستات الي فاتت ومووت من الضحك على بتاع الفووول هههههههه
وحشاني جداااااا
وسووري عالتقصير ولهي غصب من عني
وميرسي على الصور الهايلة
دمتي بالف خير
ازى حضرتك اولا انا يمكن اول مره اجى هنا
ردحذفانا عشت معظم حياتى فى اسوان الحقيقه البلد دى ساحره بكل ما فيها الناس و الاماكن و المناظر تخيلى انا حتى سلبياتها بحسها مميزات
حمد الله على السلامه و رحله سعيده
السلام عليكم ورحمة الله وبركاته...
ردحذففعلا بجد في مصر أماكن حلوة قوي وحضرتك شوقتينا باننا نروح نزورها والتقاتك للصور جميلة قوي
بوست جمليل ومشوق
تحياتي
تحفة الصور بجد
ردحذفوكمان عجبنى اقتراحك بالنسبة للبحيرة
بس ياريت حد يسمع
السلام عليكم ورحمة الله وبركاتة
ردحذفجزاك الله خيرا على عزأك لى
شاكرة جدا لك اهتمامك بجد
ثانيا
فعلا مصر ماشية ببركة ربنا فى كثيرا من الامور لا استخدام مواردها وحسب !!
متابعة لباقى الرحلة
الله الله الله
ردحذفانا بدرس تاريخ العمارة الفرعونية
ونفسي جداااااااا اروووح هناك
(:
تحيتي
إزيك يا شموسة ، كيفيك أهم حاجة تكون الأمزج في الرحلة مية مية ، أمال احنا ريحين ليه ، علي فكرة بقي انا سمعت خبر كده وكده في الراديو بقولوا الأقصر منورة بعد ما كانت مضلمة ولما سألوا عن السبب مطلعش طاهرة طبيعية ده طلع انك نورتيها ، يارب تفضلي علي طول كده سعيدة وبفرح وهنا .
ردحذفPak Karamu visiting your blog
ردحذفيا بختك.....مش بحسد والله
ردحذفتحسوا ان مصر دي ماشيه بالبركه...
بالبركة وبنكسب المطشات بدعا الوالدين
وعلي عهد المصريين لم نتفق علي كلمه
العهد ده اساسا بتاع العرب كلهم
تحياتى واتمنى ليكى التوفيق
بحر الالوان
ردحذف:)
لا ده انت شرير بجد
التمااااااسيح
ده انت كده ماكنتش عايزني ارجع بقا
سلامي
mostafa rayan
ردحذفازيك انت يارب تكون بخير ياكاتبنا الهمام
الحمد لله انا بخير
انا حماة نو لأ خالص
انا ام ليهم كلهم :)
عندك حق في كلامك بس هو انت عايز الناس ترتاح وتاكل وتنبسط وماتلفش حوالين نفسها
ده كلام يادرش
اومال الحرميه هتسرق مين ان شاء الله
:)
انت منزلتك عندي كبيره يادرش حتي لو كنت اخر تعليق
دمت ياريس
سلامي
!!! عارفة ... مش عارف ليه
ردحذفنورت البوست والبوستات اللي فاتت
الرحله كانت جميله جدا
والاماكن جميله والطبيعه ساحره
وبنصحك فعلا لازم تروحها هتنبسط جدا
ولو تقدر تعملها علي مركب هيكون اجمل
المناظر اللي بنعدي عليها واحنا مسافرين جميله جدا
اتكل علي الله وسافر
سلامي
ঔღঔ نـــوارة ঔღঔ
ردحذفنواره ازيك ياجميله غايبه ليه عن البلوجر
يارب خير
انتي كمان وحشتيني
الرحله كانت جميله والمناظر هي اللي حلوه مش انا اللي بعرف اصور
ان شاء الله تقدري تطلعي الرحلة دي
سلامي
*كلام عيب
ردحذفاهلا وسهلا في اول زيارة
اسوان جميله
النيل هناك جميل جداجدا
وهو كده الانسان لما بيحب حاجه بيحبها بكل مافيها
الصح بالغلط الحلو بالمر
سلامي
*المسلم الصغير
ردحذفوعليكم السلام ورحمته وبركاته
مش مصر ام الدنيا
يبقي هي علي حق جميله
نورتني
سلامي
mohamed ghalia
ردحذفشكرا علي مجاملتك اللطيفه
ياريت الاقتراحات دي تتعمل
سلامي
*نهر الحب
ردحذفوعليكم السلام ورحمته وبركاته
مافيش شكر ده واجب ولوكنت اقدر اجي كنت جيت
مصر عايزه معجزه تنتشلنا من اللي احنا فيه ده
يارب تكوني بخير
سلامي
*ميرام
ردحذفعارفه هتفرق معاكي كتير جدا
انك تزوري الاماكن دي دلوقتي
انا برضه درستها لكن من سنين كتير فاتت بطلت اعدها من كترها
بس برضه كان عندي فكره كبيره
لدرجة اني كنت بناقش الدليل بتاع الرحله وهو بصراحه كان بيرد كويس
سلامي
السلام عليكم
ردحذفمدام شمس كويس إنك رجعت من أسوان قبل السيول المدمرة اللي مرت بها أمس واليوم
ربنا يخفف عن أهالي أسوان والبحر الأمر وسيناء مما أصابهم من السيول
وبالمناسبة لم أفهم ردك بالأمس على تدوينتي الصوتية بخصوص زيارة الرئيس لكفر الشيخ
دمتِ بود
MR.PRESIDENT
ردحذفازيك ياريسنا
يارب تكون بخير وخلاص اخدت ورقة التنجيد
اوبس غلطه مطبعيه اقصد التجنيد
::))
شكرا علي مجاملتك اللطيفه
بس شوفت بعد مامشيت حصل ايه سيول وفياضانات ماحصلتش قبل كده
::))
سلامي
~PakKaramu~
ردحذفyou well be welcome any
time
and it is nice having you her
salam
well
ردحذفمش بتحسد
طيب خمسه وخميسه
احتياطي
::))
كل حاجه بتحصل في بلدنا بالبركه مافيش مستوي لحاجه خالص
مصر عايزه معجزه تعلمنا التخطيط والتنفيذ الجيد ثم المتابع ثم الاداره الجيده وسياسة الثواب والعقاب
ماتقلبش المواجع بقا
سلامي
احمد الشريف
ردحذفوعليكم السلام ورحمته وبركاته
ايوه شفت موضوع السيول
كان قدمنا عليهم ادم السعد
ايوه المطر والسيول ده خير كبير اوي
بس في البلاد اللي بتعرف تتعامل مع هذا الكم من الخير والمطر
وتوظفه صح
لكن مع غياب الاداره والتخطيط بتتحول لكارثه
هروح عندك المدونه
انا ماعرفتش اشغل الفديوهات
خااالص
سلامي
بستمتع اوي يامامتي بكلامك
ردحذفوادتيني فكرة ان شاء الله اول اما ماما تقوم بالسلامه هنفذها باذن الله
المهم ياماتي البيت دا وحشني اووووووووووووووووووووووووووووووووي
الله الصور تحفه
ردحذفبقى ممكن الواحد ربنا يتوب عليه
ويروح يشوف الاماكن الروعه دى
ربنا يسعد اوقاتك
اشكرك على الصور الجميلة والبوست الاجمل
ردحذفنفسي اروح الاقصر واسوان عمري مارحتها
عن قريب ان شاء الله
السلامـ عليكمـ
ردحذفياااااااه وحشتني اوي المدونه
عودا حميدا
وربنا يبارك في حضرتك علي الصور بجد اتبسطت جداااا وكاني كنت في الرحله حلو اوي منظر السد حاجه تريح الاعصاب والهدوء نفسي اتنفس هدوء نفسي
دمت بكل خير
اول مرة اكتشف حكاوي السياحة دي
ردحذفوانا باموت في كدا
علشان اديلك الرأي السليم
هأقرأ الأول من الأول
وارجع
لكن شكل الموضوع بالصور بالتعليقات بالملاحظات
رائع
تحياتي ماما أمولة ...!
الله ياشموسة
ردحذفانا أخدت
جولة سياحية
جميلة فى المدونة
ورحت السد العالى
والمتحف النوبى ومطعم
عم أمين كمان ومن غير
تلوث الحمد لله:)
* كيــــــــــــارا
ردحذففكرة ايه
وسلامة ماما الف سلامه
انتي فين اصلا اليومين دول
سلامي
*ليس فقيرا من يحب
ردحذفازيك يارنيا
فينك
المناظر هناك جميله جدا جدا
ان شاء الله تروحي وتتفسحي
وربنا يسعد اوقاتك
سلامي
Muhammad Saber Abdou
ردحذفشكرا علي شكرك
انا بعتبره واجب ان نعرف بعض بالجمال اللي في بلدنا
وان شاء الله تروح وتشوف بنفسك
سلامي
ghorBty
ردحذفوعليكم السلام ورحمته وبركاته
ازيك انتي عامله ايه
واخبار الدراسه ايه
وحشتيني
ان شاء الله تنعمي بالهدوء النفسي
وهدعيلك ربنا يريح قلبك
سلامي
أُكتب بالرصاص
ردحذفشكرا علي متبعتك
بس لو انت بتحب السياحه يبقا لازم تجيب المدونه من اولها هتلاقي بلدان كتير
ماعدا بلاد بره مش بحب احط صور وحاجات
علشان الناس ماتفتكرش ان البلاد دي حلوه
البلاد دي قشره فقط
وعلي فكره انا ماما شمس ولي الشرف انك تفتكرني ماما اموله بالرغم اني اكبر منها سنا الا انها اكبر مني مقاما
نورتني
سلامي
norahaty
ردحذفازيك يادكتوره
غايبه فين
نورتيني
وكله الا عم امين
سلامي
يااااااااااااااه انا طلعت نفس الرحلة دى فى 2001 تبع برنامج اعرف بلدك
ردحذفو زرت نفس الاماكن دى
بس تصدقى بوستك الجميل ده عيشنى شوية من احساس الرحلة الحقيقية
بس انتى نسيتى تصورى الصخرة البيضا قوى الى فى النيل فى طريق معبد فيلة صخرة رائعة
رحلة سعيدة
رحله مميزه و رائعه
ردحذفشكلي هنوي و اروحها ان شاء الله
تاني بوست اقراه
لسه بقي هروح اقرا اول بوست بدايه الرحله ^_^
بس انتي كويس انك كنتي عارفه ايه الحاجات الى هناك عشان تشوفهيا كلها