ولما قريت الخبر ده اتغميت
وصعب علي الناس برضو
صحيح مافيش حد مات بس برضوا اتشردوا وطلعوا من البيت من غير اغراضهم
ومش عارفه ليه ربطت بين الخبرين
الناس من الفقر وضيق الحال والازمه بيفضلوا يموتوا تحت العقار المنهار علي انهم يعزلوا
ماهو يعني هيروحوا فين اصلا؟؟
الحي يقول كلام والناس تقول كلام تاني
والحقيقه انهيار عقارات علي دماغ اصحبها
مافيش ثقه بين الناس والحكومه وقرارات الاحياء
فين رجال الاعمال اللي اغتنوا علي حساب الناس دي
فين حق الفقراء والمساكين
رايحه علي فين يامصر
؟؟؟؟؟؟
_____________
حتي المصانع كمان!!!؟؟؟؟
***********
مش عارفه هو في ايه؟؟
2010
مش عايزة تمشي الا لما تهدلها كام بيت علي مصنع علي الماشي
بعد مانشرت البوست
لاقيت الخبر ده
وصعب علي الناس برضو
صحيح مافيش حد مات بس برضوا اتشردوا وطلعوا من البيت من غير اغراضهم
ومش عارفه ليه ربطت بين الخبرين
الناس من الفقر وضيق الحال والازمه بيفضلوا يموتوا تحت العقار المنهار علي انهم يعزلوا
ماهو يعني هيروحوا فين اصلا؟؟
الحي يقول كلام والناس تقول كلام تاني
والحقيقه انهيار عقارات علي دماغ اصحبها
مافيش ثقه بين الناس والحكومه وقرارات الاحياء
فين رجال الاعمال اللي اغتنوا علي حساب الناس دي
فين حق الفقراء والمساكين
رايحه علي فين يامصر
؟؟؟؟؟؟
_____________
حتي المصانع كمان!!!؟؟؟؟
***********
مش عارفه هو في ايه؟؟
2010
مش عايزة تمشي الا لما تهدلها كام بيت علي مصنع علي الماشي
بعد مانشرت البوست
لاقيت الخبر ده
لسه فيه امل
ردحذفاهمالنا فى بعض اكيد ليه نتائج
بتظهر لينا كل فترة
يمكن نفوق لما نشوف
اننا لما بنبعد عن الطريق السليم
بيحصل كده ده
الشيخ الشعرواى يقول
القبح فى الوجود جمال
يعنى لما نشوف شيىء مش مظبوط ده دليل اننا مش ماشين كويس فى حتة معنيه وعطلنا حاجة امرنا بيها ربنا
تفائلى سيدتى ان شاء الله خير
والله ماعرفه اقول حاجه
ردحذفبعد ماشفت الاخبار دي
انا نفسي بس
نقدر نعمل حاجه
نلم فلو او حاجه زي البؤجه كدا ليهم
ياريت
* SHAPE YOUR LIFE (ABOALI)
ردحذفاكيد لسه في امل
اهمال اجرامي
الضماير نامت حبتين
ده كده احنا معطلين مليون حاجه
لازم احنا الاول نتغير
ونغير اخلاق الزحمة اللي طفت علي السطح دي
بس برضه انا عندي تفاؤل
* sony2000
ردحذفالناس دي مش هينفعهم غير انهم يلاقوا حته تبقا سقف يناموا تحته
ابسط حقوق الانسانيه
مصر مشيت طريق طويل أوي للاشئ
ردحذفهتتجهللنقطه الصحيحه للبدايه
بس بشوية معاناه
اقري التاريخ
هتلاقيها قصه مكرره
ياست الكل
ردحذفهما بيستنوا ويناموا تحت بيوتهم المنهارة
عشان لو معملوش كده
الحكومة مش هتديهم حتي لوعشة يسكنوا فيها
* مصري جدا
ردحذفعندي امل
ان مصر تتجه للأمام
الناس دي ذنبها ايه
بقينا بناكل بعض
* سواح في ملك الله
ردحذفتصدق انا قلت كده برضوا
بس المقال بيقول ان الحكومه اخطرتهم
واديتهم تعويضات
بس لو ده حصل همه قاعدين ليه؟؟؟
ماحدش فاهم حاجه
انا الحقيقة والله محتار جدا هو دلوقتين فى 2 مصر مصر اللى بنسمع عنها فى التلفزيون انها جميلة وكل شئ تمام بس انا مش لاقيها ومصر اللى بتنهار المؤسسات بتاعتها وشعبها بيموت من الظلم والجهل والسلطة والنفوذ ودى تقريبا مصر اللى انا عايش فيها
ردحذفمحدش بقى لقى مصر تالتة يا جماعة
حسبى الله ونعم الوكيل
لك حق تزعلي وتتغمي ,الله معاهم يفرح لهم أزمتهم ولو الغني فكر بالفقير لأمطرت السماء ولكان الرزق أكبر وما فائدة كلمة لو مع هذه المآسي ,الله يحنن قلوب الأغنياء فيتحدوا ويعيدوا بناء هذه البيوت لأن انتظار حل الحكومة يطول ,لو فكر الأغنياء بما عند الله
ردحذفلتسابقوا لمساعدتهم .....
الله معهم ولن يتركهم فهم عباده وسيفرج عنهم ثقي بذلك .
خبر محزن الله يبدل أحزانهم أفراح
مدونة مميزة ولها طابع خاص شمس النهار
تقبلي مروري ...تحياتي .
لا حول ولا قوة الا بالله
ردحذفحسبنا الله و نعم الوكيل بجد
نظيف قال
نجاح الوزرا بالمنظر ده دليل على ان الشعب بيحب الحكومة
شوفتى بقا
اما بقا مصر رايحة على فين؟؟؟؟؟
مش عارفة اسألى السواقين اللى سايقينها
حاجة تفرس بجد
الفسااااااااااااااااااااد
اه و حاجة تانية
احنا ما عنذناش ثقافة الصيانة على فكرة....ليهم ربنا
بصي هو الضمير اللي مش تمام موجود في كل مكان
ردحذفبس الفكرة ان الشخص نفسه يكون عنده رقيب مادي غير ضميره طالما هو مش قادر يردعه
يعني فيه فساد ومحتاجين برضه قدامه رقابة
لكن فساد ضمائر منفذين مع عدم او استبعاد الرقابة فده بجد حرام
،،
وما زال هناك أمل
شكرا يا قمر للبوست الجميل
حضرتك كده شعوعيه رسمي :)
ردحذفرجال اعمال ايه اللي يوزعوا فلوسهم ع الفقرا دوووووول ..
هو سبحان الله كل ما الواحد يقرا خبر في البلد دي عن الفقرا يحس ان مصر فعلا بتتقدم بينا زي ما بيقول الحزب الوطني
بس غالبا بتتقدم في الفساد والفقر الجهل والمرض بس :(
تحياتي
استرها يارب..
ردحذفاولا موضوع مثلث ماسبيرو الحكومة ماشية فيه من زمان اوى بس على نار هادية جداااا لدرجة ان قرار الازالة تم تنفيذه فجأة وبدون أى مقدمات وكالعادة زى ما حضرتك قولتى فى أزمة ثقة بين الحكومة وبين المواطنين ومفيش حد ميعرفش ان الحكومة عاوزة أرض مثلث ماسبيرو دى ليه واضح جدا انها هتتباع بمليارات لأن مساحتها كبيرة جدا على فكرة وانا اعرف المنطقة دى كويس
ردحذفثانيا موضوع انهيارات البيوت بسبب الأمطار فده شئ طبيعى جدا للآهمال والتسيب وجشع الملاك ودى عادة اصيلة فى مجتمعنا الرأسمالى والحمد لله لأنه مش منطقى انه يكون فى مصنع ولو حتى مصنع قماش فى قلب منطقة سكنية ولا ايه ؟؟
ثالثا مصر مش عارفة رايحة على فين ولا عارفة مين اللى عمال يزقها لأن الكل بيزق ومفيش حد محدد واضح انه هو السبب
تحياتى
ازيك يا شموسة
ردحذفاية اخبارك معليش انا مقصرة فى حقك جدا
بس انا كان عندى ظروف مش كويسة
لكن لله الحمد
بصى بالنسبة للخبرين اعتقد ان لو كل واحد عمل اللى عليه وحاول انه يتقى الله
ويشتغل بما يرضى الله لحلت الامور
كلكم راع وكل راع مسئول عن رعيتة
ثانيا عندى خبر حلو جدا ن شاء الله لكى
تدفعى كام وانا اقوله لك ؟؟
ليهم ولينا ربنا :(
ردحذفأنا خايف أخرج منها مرجعش
ردحذفربنا يهدينا في كل تفاصيل حياتنا
بعدها بس هيتغير الوضع للأحسن
موضوع يدل علي ان الشعب المصري شعب مطحون
ردحذف* elsha3er
ردحذفطبعا في مصر تالته ياشاعرنا الهمام
مصر اللي في الافلام والمسلسات
اللي هي رجال اعمل نصابين وراقصات وتجار مخدرات
واونطجيه وناس بتلعب بالملايين
* الحياة الطيبة
ردحذفاهلا بيكي في اول زيارة
تعليقك اثلج صدري ودعوت لهم كثيرا ان ربنا يفرح قلبهم ويرفع عنهم الغمه
نورتيني
* Mafrousa
ردحذفبجد ضحكتيني هو نظيف قال كده
:))
وشوفتي بقا اهو سرور جه تاني
الكنترول ماكدبش عليا
:))
اللي سايقين مصر همه نفسهم سواقين الميكروباصات اللي مبهدلين الشوارع
لا عندنا ثقافة الصيانه ولا ثقافة المتابعه ولا الاداره
والدي الله يرحمه كان لو حنفيه فكرة وسولت لها نفسها انها تحاول تنقط كان علي طول السباك يجي لها يعقلها
الناس دي ليهم ربنا
* تخاريف مترجــِــمة
ردحذفاهلا وسهلا بيكي في اول زيارة
الضمير اولا واخيرا
الحقيقه في ضمائر نامت
وفي ضمائر ماتت
وكل ماتعانيه بلدنا ازمة ضمير
مش عارفه هي الناس دي مش واخده بالها انها هتقابل ربنا ولا ايه؟؟؟
* فتاه من الصعيد
ردحذف:))
خير يافتاة خير
هتودينا في داهيه ولا ايه؟؟؟
:))))
شيوعية ايه بس
هو انا قلت يوزعوا فلوسهم كلها
دول بس يدفعوا حق الله
مش في زكاة مش في صدقات
لا طبعا في تقدم طبعا
اومال التقدم في الاسعار ده ايه؟؟
مش الحاجه بتغلي كل يوم عن اللي قبله تقدم ده ولا مش تقدم
:)))
* Dr Ibrahim
ردحذفلانملك لهم الا الدعاء
وفي ناس طيبين اتحركوا وراحوا ودولهم معونات
والناس دي من البسطاء مش رجال اعمال ولا حاجه
* Foxology
ردحذفعندك حق ياابو يوسف
موضوع مسبيروا ده عملوه علي نار هاديه
علي فكره مش عيب انهم يعملوا ده
لكن العيب انهم ياخدوا الناس علي خوانه ومايوفروش لهم البديل
احنا مش ضد التقدم ولا الارتقاء
ولكن ضد الظلم
خد حقك واديني حقي
موضوع المصانع ده للأسف في قانون يمنع اقامة المصانع في وسط المساكن
وعلشان احنا اللي غلط وبنحب نتحايل علي القوانين ماهو برضوا الشعب في بعضه بيلعب علي الحكومه والقوانين
بيعملوا ايه بقا بيطلعوا الرخصه علي انه مشغل علي انه اي حاجه غير مصنع
وده لو له رخصه اصلا!!!
مافيش حد بيزق مصر
لكن في حد بيشده لتحت
* نهر الحب
ردحذفازيك ياجميلة
انتي فين؟؟
:))
مافيش تقصير ولا حاجه ربنا يطمني عليكي
والظروف تروح لحالها ويحل محلها ظروف جميلة سعيدة
وقولي بس انتي الخبر الحلو ده اللي انا مستنياه وانا اديكي اللي انتي عيزاه
:))
* adel
ردحذفانت فين ياعاااادل غايب ليه مش باين
شوفت فتحي سرور
:))))))
* Diyaa'
ردحذف:))
ماتخافش هترجع
هي دي المعادله الصعبه مهما قرفتنا في عيشتنا مابنقدرش نبعد
ومبروك علينا فتحي سرور
:))
كانوا مطلعين اشاعه ان العقده هيألف وزارة
يعني كمان رئيس الوزراء يبقا اسمه عقدة
:)))))
* المدفعجي
ردحذفلا لالالالا
الشعب المصري تعدي الكلمة دي بيجي ربع قرن كده
ده كان من ربع قرن
عندما كنت اتحدث الي صديق علي نفس موضوع البوست الاخير علي مدونتك قال لي عباره اسوقفتني " الذين يعانون لا يشتكون أو يتحركون والذين لا يعانون يشتكون ولا يتحركون "
ردحذفاتفق معه كثيرا فيما قال
يارب سترك يا رب
ردحذفوالله ظروف تشيب الاطفال ربنا سترك ربنا لا تعقابنا بخطايانا و اعفو عنا و اغفر لنا يارب
فعلا والله حاجه تحزن جدا وبجد كلنا بنسأل السؤال ده هو مصر رايحه على فين ومش عارفين ايه الحل وهل فى امل ولا كده خلاص والناس دى هاتفضل عايشه فى الشارع فى البرد ده
ردحذفعلى فكرة في أي دولة محترمة الأثرياء ثراء فاحش بيدفعوا ضرائب بتوصل ل 40% من الأرباح بتاعتهم
ردحذفلأن معلش واحد بيكسب ملايين كل سنة. كسبهم ليه إلا لو المجتمع والدولة سهلت له كده؟ وللمجتمع نصيب وحق المفروض ياخده من الربح ده أو يروح يورينا شطارته ويبدأ من الصفر في مجتمع تاني
مش شيوعية ولا ظلام. الكلام ده متطبق في الغرب
السلام عليكم ورحمة الله وبركاتة
ردحذفاخبارك اية
معلش امر المؤمن كلة خير كما قال رسولنا العظيم... وكمان الشوكة الى بتصيب الانسان مكفرة .. فالحمد الله على كل حال ..
ةكمان حاجة للتذكرة صوم التاسع والعاشر
صوم يوم تاسوعاء فسببه ما في صحيح مسلم من حديث ابن عباس ـ رضي الله عنهما ـ قال: صام رسول الله صلى الله عليه وسلم يوم عاشوراء وأمر بصيامه، قالوا يا رسول الله: إنه يوم تعظمه اليهود والنصارى فقال: إذا كان العام المقبل ـ إن شاء الله ـ صمنا اليوم التاسع. انتهى.
السلام عليكم ورحمة الله
ردحذفادعو الله ان يهدينا الي سبل الرشاد
فأذا كان في القلوب رحمة و ايمان قوي بالله...و ثقه فيما عند الله وعطائه
لكان الحال غير الحال
للاسف اختي شمس النهار قلوبنا تحجرت
و نٌزعت الرحمة والتراحم منها...فهي كالصخر او أشد قسوة.
كما فرقنا بين العبادات و المعاملات فنري المساجد ممتلئه في رمضان و يوم الجمعه و الاعياد و للاسف يخرج المصلون
و يتصرفون بعيدا عن اي قيم دينيه او
اوامر ونواهي الهيه...
القمامة تلقي بالشارع مثلا...و التحرشات موجودة و الانا تعاظمت و بغير شرع الله و خارج اي قانون توحشت و سيطرت
و الحل ينبع منا نحن كأمه و كشعب لابد ان يراجع كل منا نفسه و يعرضها علي تعاليم دينه و يهجر النواهي و يلزم اوامر الله ويقتدي بالسنن.
اشكرك علي الموضوع لعله يرقق قلوبنا
ويردنا الي الله ردا جميلا...فنتعاون علي البر و التقوي...و اغاثة الملهوف
لك خالص تحياتي و تقديري
انا معاك يا ست الكل
ردحذفحالنا لاعاد يسر عدو ولا حبيب
وبسال معاك رايحه على فين يامصر
الناس بجد تعبت اوووووووووووى
ربنا يلطف بينا
طرح فى الصميم
اشكرك
تحياتى
* م/ الحسيني لزومي
ردحذفالشعب المصري يعاني ويشتكي ولا يفعل شئ
فعل الشئ هنا ليس الشغب والهرج
ولكن التغيير قبل مانطلب من الحكومه نطلب من نفسنا
لازم احنا نتغير ونتحمل المسؤليه شويه
يعني مبني مصنع وسط المساكن الناس كانت فين مابلغتش عنه ليه
طيب اهو مات اكتر من 16 نفس كل من عرف ان ده مصنع ومخالف للشروط وسكت هو مشترك في قتلهم
* مخبوطازاد
ردحذففعلا يامخبوطه لانملك الا النصح والدعاء
* bombona
ردحذفطول ما كل واحد بيقول وانا مالي
عمرنا ماهنتقدم
طول ماالانانيه هي المسيطره علي القلوب
مصر هتروح علي سكه مش حلوة
بس برضوا عندي امل
* Diyaa'
ردحذفضرايب ايه بس ياضياء
هو انت بتشوف حاجه من فلوس الضرايب
انا بتكلم علي الزكاة والصدقه
عارف في امريكا لما شاب زيك يروح يتقدم لوظيفه اول حاجه لازم يقدمها ورقة تفيد انه اشترك في اكتر من عمل تطوعي يفيد المجتمع
وعلي قد مااشتركت بيكون نسبة فوزك بالوظيفه اكتر طبعا مع باقي المصوغات
ولما رجل اعمال يتقدم لمناقصه برضوا بيدوروا عمل ايه للمجتمع
واحنا هنا عايزين الحكومه تعمل كل حاجه
* طهر فؤادك
ردحذفوعليكم السلام ورحمة الله وبركاته
انا الحمد لله بخير ونعمة من الله
شكرا علي التذكرة
وكل سنه وانت طيب
*الربان
ردحذفهو ده اللي دايما بقوله
لازم نغير من نفسنا
مايبقاش الدين مجرد طقوس وخلاص
يبقا فعل وعمل وتطبيق
كل سنه وحضرتك طيب
* جايدا العزيزي
ردحذفلازم نتغير ياجايدا
وكل واحد يحاول يغير في محيطه
نورتيني
:))
الخبرين أعراض للمرض
ردحذفللأسف مصر عيانه
وربنا حيشفيها مما هى فيه
انا بحلم أشوفها خفت وقامت من رقدتها التى طالت
ورجعت خطوتها تنزل على الأرض تدب
ماهو لو بطلنا نحلم حنموت
* واحد من العمال
ردحذفايوة عندك حق
مصر عندها مرض عضال
ان شاء الله هتخف منه
بوست جميل بحق ومؤثر جداً
ردحذفويستحق اعاده النشر
جزاكى الله خيراً
تحياتى
شموسة مش انا رديت عالبوست داه؟؟؟؟؟؟؟؟؟؟؟ انا مخي تعب الزهايمر ضربه؟؟؟؟؟؟؟؟؟؟؟ معموما اعلق تاتي
ردحذفمصر موجوعه من اللي بيحصل فيها بإيد ولادها مش بإيد حد غريب يمكن زمان أيام الإستعمار كانت بتعذرنا انما دلوقتي عذرنا إيه؟
f
ردحذف