المجلس العسكري يقرر انه مش هيكون في ميدان التحرير
ومش هيحرس حد
ده جد ولا هزار
يعني عايزين تولعوها ولعوها
يعني يابلطجيه اتفضلوا بالهنا والشفاء واللي خايف ماينزلش
ويا متظاهرين تستهلوا اللي هيجري لكم
وياثورة مالحقناش نتهنا بيها
وشكر الله سعيكم
ومش هيحرس حد
ده جد ولا هزار
يعني عايزين تولعوها ولعوها
يعني يابلطجيه اتفضلوا بالهنا والشفاء واللي خايف ماينزلش
ويا متظاهرين تستهلوا اللي هيجري لكم
وياثورة مالحقناش نتهنا بيها
وشكر الله سعيكم
الجيش بيتصرف صح
ردحذفلان فيه ناس عايزة توقع مابين الجيش والشعب
وقد يحدث احتكاك يؤدي الي امور لاتحمد عقباها
تحيتي
سواح في ملك الله
ردحذفمعاك في اللي بتقوله
بس ليها الف حل وحل
مش الانسحاب الا لو عايزين يربونا بقا
زي ما الشرطة عملت وانسحبت وسيبت علينا البلطجية
وداروا همه في الشوارع يخوفوا الناس واللي اتمسك منهم طلع من الشرطة
في ايه في البلد
خلاص بيخوفونا يانقعد ساكتين ونستقر وناخد علي دمغنا
يايسيبوا علينا البلطجية في كل حتة
هما قالوا ان الشرطة
ردحذفستنزل للتامين
لما نشوف
بس انا متطمن
السلام عليكم
ردحذفلو هى دى الطريقه والاسلوباللى بيتبعوه من اجل عدم تحقيق مطالبنا بمحاكمه عادله
يبقى من الاخر كده ده مخطط ضد الثوره
اذا نزلت الشرطه يبقى خير وبركه بس الخوف بقى
..................ربنا يستر
تحياتى لكى
*سواح في ملك الله
ردحذفتفتكر ان الشرطة هتأمن حد
ولا الجيش هيسبنا مننا لبعض
ماهو مش معقول الشرطة تضرب والجيش هيتفرج
شكلهم اتفقوا علينا
يخربيت كده
*شريف صابر
ردحذفوعليكم السلام
زي ماقلت لسواح
الشرطة عمرها ماهتأمن المتظاهرين وكل اللي نزل جمعة الغضب عارف الشعب عمل ايه في الشرطة
وربنا يستر بقا
فى ناس بتقول ان الجمعه دى علشان الجيش يتنحى وانه كمان متواطئ مع مبارك وشلته علشان كده هو عامل بالعند وبيقولكم يا شاطرين ويا حلوين ما دام انا وحش اعملوا ما بدالكم انا مش ح احرسكم ولا احميكم وان كنت شاطر احمى نفسك من البطجيه وشوفوا ح تعملوا ايه من غيرى
ردحذفودمتم
هما عارفين احنا عاوزين ايه على شان كده لابد انهم ينفذوا المطلوب وفى اسرع وقت علشان الامور تنتهى والعجلع تمشى تانى
ردحذفلازم يعرفوا ان الناس هتعمل وقفات احتجاج لغايه ما يينفذ المطالب المشروعه ليهم تحياتى لقلمك الجرىء تقبلى تحياتى الاحــــــــــــلام
من ينزل التحرير غدا عليه ان يحمى نفسه بنفسه
ردحذفويكون ناضج ومدرك ان مواطن وتلك بلده
والجيش سيحمى يقيينا ولكن بلا تدخلات
نتمنى اننا نحب البلد وننتظر الى الامام
ونكون عقلاء فى اتخاذ القرارات ونقدر انى علينا مسئولية ليست فقط لمصر ولكن لكل بلد بيعتبرنا قدوة ليه
ان شاء الله الامور تعدى على خير
كل التقدير لانسان قدير
ربنا يستر يا شموسة
ردحذفربنا يستر
ردحذفأنا بجد خايفه أوى
ومتلخبطه ومش فاهمه
ربنا يسترررر
معتقدش ان الخبر ده بجد
ردحذفولا زي ما بيقول سواح؟
لولا
*mrmr
ردحذفالجيش عمره ماهيتنحي
وبصراحة الجيش مش مفهمنا حاجة اصلا
ماقمناش بثورة ومات اللي مات واتصاب اللي اتصاب وكل الخساير دي
وبرضوا مش فاهمين
*الاحلام
ردحذفالمشكلة انهم عارفين الشعب عايز ايه
والثورة من اول يوم مطالبها واحدة
الشعب يريد اسقاط النظام
النظاااااام
مش يسقط حته ويخلي حتة
وادينا نازلين
*SHAPE YOUR LIFE (ABOALI)
ردحذفقبل كده البلد حمت نفسها بنفسها
ومش من بعض حمينا نفسنا من عصابتهم اللي سلطوها علينا
ان شاء الله الثورة تكمل ورؤوس الفساد تطير كلها
*ماما أمولة
ردحذفان شاء الله خير ياماما امولة
*دعاء العطار
ردحذفماتخافيش اللي في الميدان مصريين بجد
مش زي مابيقولوا عملاء
وان شاء الله خير
لـــولا وزهـــراء
ردحذفلا الخبر جد ونزلوا بيه بيان
بس مش مهم قبل كده الجيش كان واقف والجمال والحصنة دخلت
ونقووووووول يااااااااارب
سيدتي الكريمة شمس النهار
ردحذفتحية طيبة
يسعدني زيارة مدونتك بعد أنقطاع طويل
الحقيقة أنا لا ألوم الجيش
صار الناس يأخذون الثورة إلى طريق بعيد جدا عن مسارها المفروض .
لابد أن يمنحوا الحكومة متنفساً حتى تحل هذه المشاكل الكثيرة جداا
هم ـ ومهما كانوا مخلصين ـ لا يملكون عصى سحرية .
حتى المحاكمات لابد ان تكون عادلة ونزيهة حتى تؤكد للتاريخ أن الشعب كان أعدل بكثير من حاكميهِ .
لك تقديري
معذرة لي أضافة أخر
ردحذفأن الأوضاع الحالية من فوضى وفتن ومظاهرات كثيرة هنا وهناك لا فائدة منها
بل هي تسبب خراب للبلد أكثر مما نفعه ، ولقد أصبح هذا الأمر تسلية للكثيرين للأسف .
أعرف كثيرون من أهل بلدي يرغبون للسفر لمصر لأسباب كثيرة تتراوح بين علاج ودراسة وسياحة وعمل . لكن للأسف كثير من هؤلاء أن لم يكن أكثرهم متخوفون بشدة من الوضع في مصر ، ولقد ألغى كثر سفرهم رغم ضرورته .
هذا الحال في سلطنة عمان ومثله ـ لاشك ـ في باقي الدول الأخرى ، إذن أنظروا كم يخسر الأقتصاد المصري بسبب هذا ، بالتالي يؤثر الأمر سلبا على السياسة وغيرها .
السلام عليكم
ردحذفأختي شمس.. مش معاكي في أن الجيش أراد بهذا التخويف والترويع بقدر ما هو يسحب البساط من تحت أي قوى تريد إفشال التظاهرات باستفزاز الجيش.. خاصة أنه أخبر بعدم تواجده في ساحة الميدان، لكنه أخبر أيضا أنه جاهز للتدخل إذا حدثت أية اضطرابات.
عامة الحمد لله.. أحسب أن اليوم شارف على الانتهاء دون مشاكل.. وربنا يتم الساعات القليلة الآتية على خير.. يااااا رب.
تحياتي أختي الكريمة.
والله بجد ربنا يسترها معاكم
ردحذفالجيش خايف انه تحصل حاجات مش كويسه فتنسب اليه ومن ثم تحدث فتنه بينه وبين الشعب ,عشان كده ترك تنظيم المظاهرات لشباب الثوره ,وتولي هو حماية المنشات
ردحذفسيدتي لا يجب ان ننسي الدور العظيم للجيش المصري ايام الثوره
الحمد لله مفيش اللي توقعناه .. المتضرر الوحيد كان شريهان بس :) والله صعبت عليا جداً لكن اجمالاً ربنا ستر
ردحذفتحياتي
كان يوم رااااااااائع
ردحذفبجد فاتك
وكل الكلام فى الهجايص بلا استثناء
العدد كان جميل فوق ما كنت متوقع
والأمن كان كويس
مجرد حالات فردية تم تسليمه لقوة الجيش عند عابدين
امشكلة الرئيسية كانت فى الصداااااااااع من اللى بالك فيهم
مهو ليه ؟؟
ردحذفعلشان محدش يقول ان الجيش بيقيد الحرية وبيعتقل الخ الخ الخ زى ما اتهامات سابقة مطعمة بأدلة ظهرت :)
اللى اتلسع من الشوربة بينفخ ف الزبادى
تحياتى
وإنتصرنا
ردحذفإنتصرنا
إنتصرنااااااااااااااااااااااا
والشعب نزل
صحيح مكنش المتوقع
لكن نزل
ازيك ياشمس يارب تكونى بألف خير مفتقدين حضرتك جداااااا
ردحذفبس سؤال صغير :
هو مش الشعب قال كلمته وكان فى استفتاء و77 فى المية اختاروا وضع الدستور بعد مجلس الشعب ؟
يعنى بقى ناس تعمل مظاهرات وتقول طظ للديمقراطية اذا كانت مش هتجيب ناس على هواهم ويطالبوا بوضع الدستور من دلوقتى
مش دة تهريج ثورى ؟
الحمد لله اليوم مر على خير
ردحذفوقد تصرف الجيش بحكمة وعقل
وللعلم الجيش كان يراقب من بعيد
وكان سوف يتصرف لو حدث لاقدر الله اى مكروه
تحياتى
* أفلح اليعربي
ردحذفاهلا بيك لعل الغيبة كانت لخير ان شاء الله
اتفق معك ان لايوجد عصي سحرية تحل المشاكل والكثير مثلي يثقون في ذلك
ولكن هناك اشياء استفزازية تحدث لانعرف اسبابها
كالتعامل مع مبارك ورموز النظام القديم
هل يعقل ان اكون اعمل في مصلحة اعلم جيدا ان من يرؤسها حرامي
واقدم الاف الشكاوي والحرامي متروك مكانه ينظم اوراقة ويجمع ويخفي الادلة علي انه حرامي
وكذلك التعامل مع ملف مبارك
هل يعقل ان نستفز اولياء امور الشهداء بهذه الاخبار المستفزة
الكل في المستشفي ليهم اهل وبيروحوا يحكوا لهم ان اللامبارك يتمتع بصحة جيدة
وتلاقي اخبار مستفزة ده ضغطه عالي ده قلبه مش عارف ايه وعلي فكرة انا عندي نفس المرض بتاعة وعايشة وزي الفل وبسافر كل حتة
المحاكمات بطيئه جدااااااا
مع وجود الادلة الدامغة اللي زي عين الشمس تخيل لما يكون شاب من الشهداء يجدوا انه علي موبايله صورة قاتله ساعة القتل
وهذا القاتل حر طليق وفي مكان عمله عادي خالص
ده غير ان من حق الشعب ان يري هذه المحاكمات او من ينوب عن المتضررين
او علي الاقل الصحافة
برضوا مافيش شرح ولا حوار ولا اي تفسير وتجاهل للشعب صانع الثورة
والخراب والبلطجة للأسف مش الشعب صانع الثورة هو السبب
شلة الحرامية اللي في السجن بيمولوا البلطجية علشان يقلبوها ضلمة علي دماغ اللي كانوا السبب في سجنهم
وياريت تقرا البوست اللي فات
نحن نثق في الجيش ولكن نحب ان نذكره من حين لحين بوجودنا
وبمطالبنا
شكرا علي تعليقك الثري
*ماجد القاضي
ردحذفوعليكم السلام ورحمة الله وبركاتة
الجيش شكله مش عارف يتعامل مع الشعب:))
ان شاء الله خير خير
عندي امل كبير
وان يكون طلعة امبارح وصلت صوت الشعب الحقيقي يعني لااخوان ولاسلفيين ولا تيارات كتير
* كريمة سندي
ردحذفشكرا علي دعواتك
واهلا بيكي
* rack-yourminds
ردحذفاللي ينكر الدور الخطير الكبير للجيش يبقا ناكر لأكبر جميل صنع في حق البلد
انا اول الناس اللي كتبت ان الجيش المصري رائع
ولي اخ ضابط في الجيش من يوم 25 يناير قلت له مش هتكمل غير بوجودكم انتوا فين
علشان انا عارفة ان الجيش المصري غير كل الجيوش
مافيش ريس يملكه هو ملك نفسه وبلاده فقط وهتلاقي الكلام ده في البوست القادم
* تامر علي
ردحذفالحمد لله حسب كلام بنتي والاخوة هناك اليوم كان من اجمل الايام
والحلو فيه انه من غير تيارات ولا اخوان يعني الاغلبية العظمي مصريين وبس
وزعلت اني مانزلتش هعمل ايه حكم القوي علي الضعيف
البرنس نور الدين حفيدي عامل عملية وماعرفتش انزل واسيبه
* الازهرى
ردحذفماتغظنيش بقا ياازهري
ماانت عارف نور الدين وامه
ودول برضوا صداع دول زهور الحياة
:))
* Foxology
ردحذفيعني الجيش يسيب البلطجية واعمال البلطجة
ويمسك المتظاهرين
اللي محزني ان البلطجية بيبرطعوا في البلد بأموال الحرامية اللي في طره
* MR.PRESIDENT
ردحذف:))))
انتصرنا في ايه ياريس
:)))
المهم ان ده الشعب مش الاخوان واغلب التيارات
*نور الدين
ردحذفاهلا بيك يانور الدين
انا الحمد لله بخير ويارب تكون بخير
علي فكرة انا مع النزول لتذكرة الجيش بالمطالب اللي من اول يوم بنطالب بيها
وضد ان اطالب باي شئ ضد نتيجة الاستفتاء ولو ان الاستفتاء الله يرحمه مااتعملش بيه حاجه اصلا واللي بيتعمل دلوقتي مزيج بين نتائج نعم ولا
ورغم ان الفقيه الدستوري اللي شارك في وضع دستور تركيا مش فاكره اسمه ابراهيم ايه
قال ان الدستور يصنع النظام ولا يصنع النظام الدستور
واغلب الناس اللي نزلت مانزلتش علشان الدستور
نزلوا علشان اللي بيحصل من استفزاز في المحاكمات والتسيب اللي حاصل سواء من البلطجة او رجال الشرطة وغيره من المطالب
* الجوكر
ردحذفانا لااشكك في الجيش
ولكن ارفض ان نتعامل معه علي انه ملهم منزل ونأله زي ماعملنا مع حكامنا السابقين
انا مع تذكيره بوجودنا اصحاب الثورة الحقيقيين
الحمد لله يا شموسة
ردحذفاهي عدت على خير
وكان اجمل يوم
يوم مصري خالص
من غير عسكر ولا محتكرين دين
يارب اليوم ده يحسس الناس بطعم الحرية علشان نفضل ماسكين فيها بايدينا وسناننا
اعتقد ان القرار ده صدر لان الجيش فاهم الشعب المصرى
ردحذفوبيقدرة لذا استوعب الشعب المصرى ذلك
ربنا يصلح احوالنا يارب
تحياتى
*MaNoOoSh
ردحذفاللي بتقوليه ده هو اللي خلاني امبسط جدا
يعني اللي كانوا موجودين دول شعب مصري بدون تيارات ولا اخوان ولا حاجه
*جايدا العزيزي
ردحذفحمد الله علي السلامة
نورتي المدونة
مافهمتش قصد ياجيدا
بجد انا احترت في الاخبار و ما تنقله كل يوم
ردحذفشيء غريب
كل دقيقة خبر شكل
واحد الجيش في صف الشعب
الاخر الجيش ضد الشعب
ما المطلوب منا تحديدا تجاه الجيش و الوطن
الامور كلها محيرة
الحمد لله ان اليوم مر بسلام
ردحذفوحشاني كتييييييييير
*ذو النون المصري
ردحذفهو المشكلة ان الجيش مش محدد ايه الوضع هل هو يدير البلاد اداريا ولا سياسيا
لو اتحددت المهام هيبقا كل تمام
وبجد انبسط جدا ان اليوم عدي وعلي الف خير
*sony2000
ردحذفالناس كلها عندها ارتياح تجاه الموضوع
ومبسوطين ان ماحصلش حاجة
انتي كمان وحشتيني
معلش مشاغل