وادي اول بوستر في الحملة الانتخابيةرشوة من فوكس مدونة الكيت كات
معلش اصله راسم علي وزراة الداخلية:)
ان شاء الله ندخل انتخابات الرياسة
برجلنا اليمين
ونقول يارب
وعلشان نبقا علي نور (طبعا مش نور حفيدي)
هنشكل الوزارة سوا
طبعا انا الريسة
وان شاء الله التشكيل الوزاري البوست الجاي
يبقا كل اللي في نفسه وزراة يجي يقول لي عايز ايه
وطبعا علشان سواح في ملك الله اتنازل لي يبقا هعمله النائب الاول
وكمان الموجي اتنازل هعمله النائب التاني
وعلشان ابراهيم رزق تعبنا من اسم مدونته هديله وزارة الثقافة علشان انتقم منه
وماما مازن هتاخد السياحة
وبيوتيفول مايند عايز البيئة
هيعمل بيها ايه مش عارفة
بس يمكن السحابة السودا تمشي علي ايده
وكل شوية هدخل اوزع الوزارات كده كل مااتشاور
والله الموفق والمستعان
حد هيقول ولزمت التيجان دي ايه ياشمس
هقولك طبعا مش هبقا الملكة
ماانا ماقلتلكمش
انا اول ماابقا الريسة
هعمل جلسة مشتركة بين مجلسي الشعب والشوري
وكل ترزية القوانين اللي حدانا في بر مصر وهنقلبها ملكية
:))
والملكة لازمها تاج طبعا
وده برضوا هنبقا ننقيه مع بعض
شوفتوني انا ديمقرطية ازاي
فين بقا البوستر ان ماحد بعتلي بوستر واحد
برجلنا اليمين
ونقول يارب
وعلشان نبقا علي نور (طبعا مش نور حفيدي)
هنشكل الوزارة سوا
طبعا انا الريسة
وان شاء الله التشكيل الوزاري البوست الجاي
يبقا كل اللي في نفسه وزراة يجي يقول لي عايز ايه
وطبعا علشان سواح في ملك الله اتنازل لي يبقا هعمله النائب الاول
وكمان الموجي اتنازل هعمله النائب التاني
وعلشان ابراهيم رزق تعبنا من اسم مدونته هديله وزارة الثقافة علشان انتقم منه
وماما مازن هتاخد السياحة
وبيوتيفول مايند عايز البيئة
هيعمل بيها ايه مش عارفة
بس يمكن السحابة السودا تمشي علي ايده
وكل شوية هدخل اوزع الوزارات كده كل مااتشاور
والله الموفق والمستعان
حد هيقول ولزمت التيجان دي ايه ياشمس
هقولك طبعا مش هبقا الملكة
ماانا ماقلتلكمش
انا اول ماابقا الريسة
هعمل جلسة مشتركة بين مجلسي الشعب والشوري
وكل ترزية القوانين اللي حدانا في بر مصر وهنقلبها ملكية
:))
والملكة لازمها تاج طبعا
وده برضوا هنبقا ننقيه مع بعض
شوفتوني انا ديمقرطية ازاي
فين بقا البوستر ان ماحد بعتلي بوستر واحد
صباح الفل ياجلالة الملكة
ردحذفطيب الحقي قبل ميعملوا بقي الدستور
نروح نبلغهم ان هنقلبها ملكية
هههههه علشان ميلخبطوش الدنيا ونقعد
نعمل خناقات علي دستور تاني
احنا نحط مادة في الدستور
كل ((رئيس او رئيسة يقعد في منصبه
اكتر من تلات مدد متصلة من حقه
او حقها يقلبها ملكية ))
ههههههه
تحيتي ياجلالة الملكة
*سواح في ملك اللــــــــــــــــــه
ردحذف::))
صباح الهنا علي اول من علق من الرعية
:)))
ايوة ماانا واخدة بالي من موضوع الدستور ده
علشان كده عاملة استدعاء لترزية القوانين
:))
وبعدين ياسيدي خاليهم يتسلوا علي مااجلهم
واعمل لهم مفاجأة اجمد من بتاعة الاخوان وسليمان
:))))
وبعدين انا لسه صغيرة يادوب 52 يعني بعمر اللامبارك قاعدة علي قلبكم اكتر من 30 سنة :)))
واوعدكم بالشهيصة بقا
:)))
شمس الشموس
ردحذفشمس الملكات
هو ايه حكاية وزارة الثقافة معايا
كل حد يشكل وزارة يجبنى وزير ثقافة
ههههههههههههههه
على العموم مقبولة منك يا شمس الشموس و الملكة التيتة
تحياتى
انا عاوز وزارة الداخلية :)))))
ردحذفأول حاجة هعملها .. هلغى الأمن المركزى وهلغى أمن الدولة (الأمن الوطنى حاليا) ده غير بأة حاجات كتيرة اوى ممكن تتعمل
البوستر فى الطريق يا افندم :)
تحياتى
أطالب بأنشاء وزاره للمرأه
ردحذفوطبعا وحنما ولابد من كل بد أكون أنا الوزير ومش عايز لا مساعدين ولا موظفين بعون الله ولوحدي هعمل عمايل وهسوي الهوايل
معلومه
هذه الوزاره لاتتبع أي من سلطات الدوله يعني تقدري تقولي كدا متشعلقه في الهوا كدا
وما تقلقوش خالص من حكاية الهوا دي
أصل الهوا هوايا
صباح الورد على ملكتنا الجميله
ردحذفوالله انا مش عايزة وزارة بس وظيفه محترمة والله بنت ناس ومعايا كوم شهادات والنعمه
:)
ومعاك ياريسه
اقصد يا ملكه
هههههههه
دمت بخير
انا عايز وزارة الطبيخ
ردحذفمش هيبقى في برضه وزارة طبيخ؟
أنا عايز رغيف حواوشي وأقعد جنب الشباك
ردحذف:)
انابقا بمااني اول مرة اعلق هنا لوسمحتي يامولاتي اتولي وزارة السياحة علشان اهيص واتفسح براحتي هههه ياسلاااام،واخلي الدخول مجاني علشان الشعب يهيص،ولونفذتي الفوكيرةدي محدش يفكر يعارضك ،اسمحيلي بالنصراف يامولاتي
ردحذففين الكومنت بتاعتي؟؟؟؟؟؟
ردحذفشوفي بقي يا جلالة الملكة..ان عايز منصب المعارض الاول لجلالتك ومايهمنيش لو هاتعتقليني بس بلاش توديني معتقل بعيد و اتعهد لجلالتك اني هابتدي ادعو لمليونية لخلع جلالتك و الله الموفق
ردحذفده كده هيبقى تمام اوى واضح هههههههههههههههههههه
ردحذف*ابراهيم رزق
ردحذفايوة ياابراهيم لايقة عليك
ووزارة كبيرة ومتشعبه
وهمها تقيل دي مسؤلة عن دماغ المصريين
وعلشان انت معذبنا من اسم مدونتك
قلت اعذبك انا في وزارة زي دي
:))
*Foxology
ردحذفايه ده انت داخل من اولها تبوظ الدنيا ولا ايه يافوكس
تلغي الحاجات اللي هتحمي ملكي من الرعية ولا يه
وبعدين لما تثوروا عليه مين هيضربكم ويسحلكم ويموتكم
ومع ذلك حلال عليك وزارة الدخلية
*مصري جدا
ردحذفتطاااااااااااالب
هو لسه هتطالب
يافندم دي اول وزراة اتعملت خلاص
وجاري البحث عن من تمسكها
وهتكون ست طبعا
وماتزعلش هنعمل وزراة للرجاله برضوا وهتمسكها واحدة ست برضوا
لاتقلق
مش بقولك هشهيصكم :)))
*رؤى عليوة
ردحذفصباح الهنا عليكي :)
انتي قنوعة خالص
وعلشان كده هتبقي مدير مكتب رئيس الجمهورية
وبعد شوية مديرة مكتب الملكة:))
*رؤى عليوة
ردحذفصباح الهنا عليكي :)
انتي قنوعة خالص
وعلشان كده هتبقي مدير مكتب رئيس الجمهورية
وبعد شوية مديرة مكتب الملكة:))
*مصطفي سيف الدين
ردحذفوزراة طبيخ ؟؟!!
ماشي ونبي ماانا كسفاك
شكلك قريت البوست وانت جعان يامصطفي
:))
طيب دي مهامها ايه بالظبطت يعني
هتطبخوا ايه ولمين
:))
*P A S H A
ردحذف:))))
رغيف حوواشي وتقعد جنب الشباك
اه بقا
ده انت راسم علي وزراة المالية
ماشي ياعم
حلال عليك وزراة المالية
:))
*zeze
ردحذفاهلا بيكي في اول زيارة
ومعلش جيتي متأخرة حبتين
مامة مازن اخدت وزارة السياحة
بس علشان انا بشجع الشباب
هخليكي وكيلة اول الوزراة
وابقي اعملي اعتصام علي وقفتين علي حتت مظاهرة وشيليها واقعدي مكنها :)) مش ده اللي بيحصل اليومين دول
:)))
*tarek momen
ردحذف:)))
ياحاج مااخدناش حاجة
ده تلاقي حضرتك اعترضت ولا حاجة
اوم ايه بقا اللجنةالالكترونية بتاعة جهاز المخابرات بتاعي
شالته
:))
ومع هذا نشرنا التاني اهو رغم تجاوزاته حد يكلم ريسته كده
:))))
وبعدين لاتقلق هعمل لك معتقل قريب من البيت في العاشر
علشان المدام والاولاد مايدخوش وهمه بيجولك:)))
شوفت قد ايه انا ديمقراطية
:)))
*Bent Men ElZman Da !!
ردحذفايه ده مش عايزة وزراة ولا ايه
:))))
فخامتك انا متشكر لعدلك و كرمك بس برضه مافيش فايدة ..لقد ولدت معارضا و سأحيا معارضا و أموت معارضا و ارجو ان أحشر في زمرة المعارضين و يسقط يسقط حكم شمس النهار
ردحذفمساء الغاردينيا شمس
ردحذفههههههههههههه
لا انتي جميلة بجد
بس عشان خاطري سيبي زيزي تمسك السياحة عشانها صاحبتي عشان لما اجي مصر اهيص معاها <<< بدور مصلحتها هههه"
؛؛
؛
لروحك عبق الغاردينيا
كانت هنا
reemaas
ايه الحماس ده
ردحذفطيب مافيش وزارة للفتوي (او الفَتيْ)
والتحريم
حلوة دي هتنفعك بعد كده
جربوها قبلك ونفعت بما لا يخالف شرع الله
والبوستر حلو جداً علي فكرة
سيري علي بركة الله
وشامسوووووووووون حتي النهاية
: ]
لا والنبي بلاش ملكية لاحسن عمر سليمان يخطفك ويتجوزك بالعافية ويبقى أيبك
ردحذفوانا فين بقي بالصلا علي النبي
ردحذف:)
حلو البوستر ياشموسة
ردحذفبس كان مفروض يحط التاج كأيحاء لما سيكون
تحيتي ياشموستنا
مش هقبل بأقل من رئاسة الوزار
ردحذفوان كانت محجوزة
نقبل بوزارة الصحة :)
*tarek momen
ردحذف:))
كده ياكبير؟
ماشي لما ابقا ريسة ثم ملكة
هنشوف مين اللي هيسقط
انت فاكر اني هبقا زي اللامبارك
نو
انا هاكل بعقل الشعب حلاوة
وهخليهم يحبوني ومايستغنوش عني ابدااااااااااا
ومن ناحية تانية اعمل بقا اللي انا عايزاة:)))
يبني ان كيدهن عظيم
ده شعار المرحلة
*ريماس
ردحذفحبيبتي تنوري مصر كلها
الريسة ذات نفسها تفسحك بس انتي تعالي
:))
وماانا مسكتها وكيل اول الوزارة وده اللي في ايده كل حاجة
يعني ضمنتي الفسحة ببلاش
:))))
*صاحب الحبر الأسْوَد
ردحذفحلوة وزارة الفتوي دي
فنكيرة برضوا
هي دي مش برضوا دار الافتاء؟؟
خلاص نعملها وزارة
واهو نسيطر برضوا علي العالم اللي بتفتي
مليون فتوي في الدقيقة
وناخد رسوم علي الفتوي
علشان نعرف نشهيص الشعب برضوا
:))))
*Tarkieb
ردحذف:)))
يخطفني!!
لألألأ
انا هيبقا عندي حرس ياكلو الظلط
واختصار للوقت
نخطفوا احنا ونتحفظ عليه ونخلص
:)))
*Haytham Alsayes
ردحذفموجود وحجزالك وزارة الاثار ياريس
الا لو انت عايز وزراة تانية
شوف اختار قبل ما يخلصوا
:))
*سواح في ملك اللــــــــــــــــــه
ردحذفلأ ياسواح تاج ايه دلوقتي
احنا هنبتديها رئاسية وبعدين نقلب علي ملكية
ونحط الواد حفيدي نور الدين هو ولي العهد
واهو اسم من الاسامي بتاعة الملكية
اصحوا معايا ربنا يخليكوا احنا داخلين هلي ايام صعبة
:)))
*Dr Ibrahim Samaha
ردحذفتصدق كنت جيالك اعرضها عليك
:)))
بس وزراة الصحة مش رئاسة الوزراء
دي هتبقا لست
ايوة اصل شعارة المرحلة ان كيدهن عظيم:))))
ههههههههه
ردحذفطيب والنبي يا ماما شمس في حد خد وزارة التلهية والتعتيم ...اقصد يعني التربية والتعليم
اصل انت زي ما انت عارفة شغالة ف التربية والتعليم والعيال مطلعين عيني فعايزة اعمل وزارة علي مزاجي...
ممكن بقي والا....؟
وبعدين بق ياحنا بنات زي بعض يعني لازم تقفي جنبي وتديني الوزارة
دي مش رشوة علي فكرة
هههه
مساء البنفسج
عايزة وزارة الزراعة او التربية والتعليم من فضلك بجد وحقولك مشاريعي
ردحذف*re7ab.sale7
ردحذفياصباح البنفسج ياجميلة
بس كده من عينية
بس تقريبا شيماء حجزتها
ممكن نعمل وزارة للتربية والتانية للتعليم
وبعدي ياحبيبتي شعار المرحلة الاقادمة ان كيدهن عظيم :)))
*L.G.
ردحذفممكن وزارة الزراعة
علشان التربية والتعليم خلاص اتحجزت
:))
بما انه اوكازيون مناصب وزارية و اللي نفسه في وزارة ياخدها
ردحذففاذا انا عايز وزارة الاعلام علشان اي حد يعمل مقالة في جريدة او حوار تليفزيوني ينافق سيادتك و يشيد بحكمة عظمتك هاشرده و اشرد اهله و كل المقالات و البرامج هاتبقي لنقد سياسة جلالتك
ايه رأيك بقي
مع تحيات المعارض الاول لحكم فخامتك
أنا عايزه وزاره العلاقات الخارجيه ... عشان لو قامت ثوره أفضل قاعده برضك :)
ردحذفسعدت بزيارة المدونة
ردحذفتحياتى
*tarek momen
ردحذفكده ياحاج ماشي
عموما الحمد لله
وزارة الاعلام اتحجزت
بس ممكن نستحدث لك وزارة جديدة تلم المعارضة كلها في مكان واحد
علي الاقل لما احب اقبض عليكم ماتعبش البوليس السياسي:)))
حتي اربعينات اهي
*فتاة من الصعيد
ردحذفبس كده من عونية
صحيح ان كيدهن عظيم
وده شعار المرحلة
:)))
*كلام على بلاطة
ردحذفاهلا وسهلا بيك نورتنا