اللي بيشوه الاسلامينرغم تحفظي علي الاسم
همه نفسهم
الولد اللي قتل الشاب بتاع السويس
طلع انه فعلا متشدد واتطرد اكتر من مره من الجامع
واسمه الشيخ وليد
قال شيخ قال
هواسلامه قاله يقتل النفس التي حرم الله الا بالحق
وهو الحق انه يقتل شاب ماشي في الشارع
ده الزاني له طقوس ومراحل قبل ان يرجم
واصلا مين اداله الحق هو او غيره ان يعمل كده
يبقا مين اللي بيشوه الاسلام
تصدقوا اشد اعداء الاسلام مابيضروش الاسلام كده
انا غيرانه علي ديني
دين الله السمح
الاسلام مش كده ابدا
والاسلاميين زي مابيسموا نفسهم كده
لو عايزين يفلحوا يدوروا بنفسهم علي الناس دي
اللي همه اصلا اللي عملوهم كده
يدوروا عليهم ويعرفوهم الأسلام الصح
يعني يعملوا لهم اعادة تأهيل
قبل مايخربوها
ويشوفوا الدين الحنيف كان الانبياء بيدعوا اليه ازاي
(ان كنت فظا غليظ القلب لأنفضوا من حولك)
ربنا يهديهم ويهدينا
ويحفظ الاسلام ومصر من امثالهم
نقول آمين
والاعلام مش برئ
وهمه اللي ادوله الفرصة يعمل كده
بعمايلهم
يعني المذيع ماجبش حد وادعي انه ملتحي وقتل
الواقعة حقيقيه
واحنا عارفين الاعلام عايز يعمل شو ويجيب اعلانات
وهمه بيدوه الفرصة
وشوه في الاسلام ياجدع علي قد ربنا مايقدرك!!
الاعلام بقا خاص وكل قناة بتبقا مراية لصاحبها
اتجاهات مختلفة
وعلي حساب الحقيقة
لكن في حقائق ماينفعش تتغير
في قتيل ايوة في قتيل
واحد ملتحي قتله ايوة صح
طيب هو من المتشددين
ايوة من المتشددين
من هنا بقا نبتدي وكل قناة وشطارتها
اللي عايز يسب في السلفين والاخوان ينسب لهم الكلام
واللي عايز ينال من امن الدولة يبقوا امن دولة ومربين دقنهم
طيب كده الحل ايه؟؟
الحل بسيط بيان من الحكومة
زي الناس المتحضرة
يشرح ايه الموضوع
ويعرض الحقائق
وبرضوا عسكرون لو قعد برضوا هيبقوا همه السبب
معلوم اومال
بيحموا مصر منهم تقدر تعترض
البيت لما بيولع بيولع كله
النار مابتولعش في اوضه وبتسيب التانية
عايزين سماحة الاسلام تعود
مجتمعنا فيه حاجات كتير مش صح
ومش من الدين في شئ
عايزين نصلحها بس ازاي نصلحها هو ده السؤال
اللي ربنا ادانا مفتاحه
ادعوا الي سبيل ربك بالحكمة والموعظة الحسنة
وخصوصا انك بتدعوا في مسلمين مش كفار مكة
اعتقد ان لو الناس اللي في الشارع
اتحدت وتصدت
لهذا التيار اللي عايز يولع في البلد
هتعدي علي خير
مش مصدقة ان البنت تستنجد بالناس والناس ماتغيتهاش
مش مصدقة ان مافيش اي حد رضي ينقله المستشفي
هقول ايه
ربنا يصلح الحال
ويحفظ مصر
قولوا آآمين
بصراحة يا شموسة متابعتش الحكاية
ردحذفقلبي اصلا خلاص زي متقولي بقى جبلة.. معدش فيه خلايا تتوجع تاني من كتر متوجع على امهات الشهدا والمصابين والمعتقلين اللى مستقبلهم ضاع
ممكن نتناقش ع حاجات كتير فى الاعلام واللى بيعمله بس فى الاخر المشكلة ان القانون مع النيابة مع القضاء بقو مجرد لعبة فى ايد العسكر بيخربو بيها البلد
صباح الغاردينيا شموسه
ردحذفآآآآمييييييييييييييين
ربنا يحفظ مصر من شر الفتن "
؛؛
؛
لروحك عبق الغاردينيا
كانت هنا
reemaas
اللهم آمييين
ردحذفحاسه بجد بالوجع اللى جواكى من كلامك
ومن كل الاحداث اللى بتحصل ده
الواحد موجوع على دينه وعلى بلده اووى
يارب احفظ الاسلام اللهم آمين
مصر اصبحت سيما كبيرة فيها العديد من الصالات
ردحذفمش عارف بقى هترسى على ايه ادينا قاعدين لما نشوف اخرتها
و اللي بيعملوه بعض المتطرفين اللي بينسبوا نفسهم للاسلام غلط هيفضح وجههم الآخر
تحياتي ليكي
شموستنا
ردحذفكلامك جميل جدا انا مبسوط من البوست ده اوي
وحاسس انه بوست قوي فيه رسالة جميلة لجميع التيارات
شموسة قتل النفس التي حرم الله قتلها دي جريمة لابيقرها دين ولا شرع
ولا حتي عقل
((المسلم من سلم الناس من لسانه ويده ))
هكذا قال رسولنا الكريم
ولكن اللي عايز اقوله انه مش صعب علي اي انسان انه يربي دقنه
ويقول انا شيخ
يمكن يكون عامل بلاوي ونصايب قبل كدة
وبلطجي
وراح تاب وربي دقنه يومين
وبعد ماتمر ازمته النفسية
يرجع يحلقها تاني ويعيش حياته
فيه شباب كتير بيعملوا الحكاية دي
ويمكن تكون خناقة فعلا عادية تطورت وأدت الي القتل
بس الفرق ان المتشاجرين واحد بدقن وواحد تاني معاه خطيبته
مش عارف افضل انتظار التحقيقات
اكتر تلات حاجات بخاف منهم على مصر ( التخوين - التكفير - المزايدة )
ردحذفاستفزاز و تخلف و رجعيه !!
ردحذفالله عز وجل عندما أرسل موسى و هارون لفرعون و هَو طاغي
ادعى الألوهية قال لهما : ( فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَى ) .
( قول لين ) أين الناس الآن يقتل على أساس انه طاهر من الذنوب
منزه يمتلك صك غفران و دخول الجنة يقتل المسلمون و كأنه ملاك من السماء
موكل بتطهير الأرض .. حسبي الله و نعم الوكيل لكل شخص يسيء لهذا الدين
و لكل شخص يحاول تشتيت شمل المسلمين و كل شخص يحاول نشر العداوة بينهم
أسأل الله أن يردَ كيده في نحره و يحمي مصر و أهلها من كل شر و فتنه يآرب ~
انا خايفه علي مصر اوي يا شمس
ردحذفعليه العوض ومنه العوض
اللهم آمين..
ردحذف...
إنه الجهل بكل شئ،جهل بتعاليم الدين،و جهل بالمنطق،و جهل بالانسانية و كل هذا في ظل حالة من التأجيج و الكذب الاعلامي،و المد الجاهلي بانتشار هؤلاء و الصمت ممن هم المفروض الممثلون لصحيح الدين،و كسوف من الدولة..أخشى ما أخشاه ان اصبحت الدولة مرتعا لهؤلاء-سواء كانت هذه أيدلوجيتهم في الاساس أو هم صنيعة جهة معينة- أن تتم تصفية الحسابات في الشارع بعيدا عن سلطة الدولة و تتحول مصر لا ساحة للاقتتال الفكري بل سوق للجثث البشرية !!
و لكن هذا لن يحدث بإذن الله..أقول ثانية بإذن الله..فأنا أحيانا أشك في قدرتنا التي نتغنى بها عن وعي هذا الشعب..فليس لنا الا الله !!
تحياتي
كل واحد فاهم الدعوة حسب مزاجه
ردحذفونسوا ان ربنا قال ادع الي سبيل ربك بالحكمة والموعظة الحسنه
عندنا قران سمح وعقيدة سمحاء بس عندنا عقول ملأها الغباء
من الذي يحاسب الناس علي افعالها
من يعطي هذا الحق لهم
ربنا يستر ع اللي جاي
MaNoOoSh
ردحذفاللي بتقوليه ده هو المشكلة
ان ده بيحصل من اول يوم
وماحدش عمل حاجة
فاخلاص كل شئ فقد قيمته
ومابقاش يأثر في حد
*ريماس
ردحذفصباح الفل
ان شاء الله مصر حروسة
وعندي امل كبير في ربنا
*Bent Men ElZman Da !!
ردحذفانا متألمه جدااااااا
مش مصدقة ان شاب يخرج مع خطيبته
مايرجعش البيت
علشان واحد قعد مع شيخ نص كم علمه الارهاب
ولبس جلبية وربي دقنه
ام تتحرم من ابنها
وبنت تتحرم من حلمها
*مصطفي سيف الدين
ردحذفعارف المشكلة ان الدولة مش بتتحرك وبسرعة
كأن الموضوع جاي علي هواها
انت عرفت ان في القليوبية 1000 بلطجي طلعوا علي البلد بهدلوها
بأدبوا البلد علشان واحد بلغ عن بلطجي
الغريب ان الشرطة ماعنلتش حاجة واللي ادبس الشرطة العسكرية
هيودونا علي فين
مش البلطجية دول معروف بيوتهم فين مابيتلموش ليه
من اول يوم بنقول لموهم
*سواح في ملك اللــــــــــــــــــه
ردحذفممكن اي شئ
طول ماالحقيقة غايبة
هنفضل مش عارفين حاجة
وزي ماقلت الحل بسيط
بيان من الشرطة بالحقيقة هيسكت الهري اللي احنا فيه ده
*حمدي جعوان
ردحذف( التخوين - التكفير - المزايدة )
هو ودانا في داهية غيرهم
امبارح واحدة بتقولي اني بتكلم زي العسكر:))
تصدق دي
طيب ماشي همه العسكر دول من تنزانيا
خلاص يعني
كل ده علشان قلت ان الجيش نزل حمي الشعب من مبارك وزبانيته
وبعد كده ادور علي الثورة اكلها
يبقا انا كده خاينة للثورة
:))
*Miss Mystery
ردحذفتعليقك عجبني جدا
وان شاء الله مصر محروسة
وحق الناس دي
ربنا مش هيضيعه
ومصر الوسطية هتفرض نفسها تاني
*أحمد أحمد صالح
ردحذفوده اللي انا خايفة منه برضوا
ان الحقوق تتاخد بايدي اصحابها
ماهو مش المصري اللي يشوف قاتل ابنه بيتمشي قصاده حر تليق
ربنا يستر
*beautiful mind
ردحذفايوة بالظبطت كل واحد فاهم الدعوة علي مزاجة
وحسب مصلحته
ومايحقق رغباته
وكأن اللحية والجلباب والنقاب صك لفعل اي شئ
ومش فاهمين ان دول تمام الزهد
**كارولين فاروق
ردحذفاسفة ردي علي تعليقك مااتنشرش في دوره
النت كتير بيهنج مع اللاب توب بيعملوا واجب غتيت معايا
:))
ان شاء الله مصر محروسة
بس شكلها هتاخد وقت علي ماتطرد الغث
ربنا يحفظ البلد بجد من اللي عاوزين يؤذوها
ردحذفاللهم أمين يارب
:-))
الموضوع عادى ياشموسه
ردحذفوايه يعنى واحد اتقتل ولا الف واحد
شوفى الاول الرئيس مرسى التابع لجماعة الاخوان بيعمل ايه وانتى تعرفى كل حاجه
لقد اعاد مجلس الشعب المنحل .. وضرب بعرض الحائط احكام الدستوريه العليا ..متحديا اعلى سلطه قضائيه فى مصر
رغم انه اقسم ثلاث مرات ان يحترم الدستور والقانون
فإذا كان رأس الدوله بدأ فترة رئاسته بالبلطجه فلا تلومى اتباعه
عموما ربنا يحمى مصر
ولكِ تقديرى
لن يستطيع احد تكميم الأفواه
ردحذفوعلى الرغم من ذلك فإن الحوادث التى حدثت على مر الأيام الفائتة تبين للجميع انها إما مفبركة وإما إشاعات وإما فعلها أناس يندسون وسط التيار الإسلامى بصورة أو بأخرى..