الايام بتجري
والله لسه بدري
ياشهر الصيام
الاغنية دي مرتبطة معايا بالبيت الكبير
بيت جدي لأبويا
وكل اعمامي وزوجاتهم واولادهم وعماتي وازواجهم واولادهم
وجدي وجدتي الجميلة جداااا
ايوة كانت ست جميلة
شديدة البياض وانفها كانت صغيرة جدااااااااا
وكلنا ملمومين حوالين التربيزة الكبيرة جدااااااااا
والاغنية دي شغالة في الراديو الجميل
اللي كان علي رف خشب ورد
وعليه مفرش ابيض جميل
عليه رسم بالحرير ومنشي ومكوي
الراديو كان شكله جميل حاجة تفرح
بالرغم ان اللمة اتفركتش
وانا كبيرة وام كمان
الا اني الي الان لو سمعت الاغنية دي
احس بحنين كبير للبيت الكبير اللي اتباع اصلا
والي التربيزة الكبيرة
ولجدي اللي كان بيقعد علي راس التربيزة يضحك معانا
فاكرة ضحكه وكلامه لحد النهاردة
رغم مرور 29سنة
حتي بعد مابقيت تيته
ابكي لمجرد سماع الاغنية
الحنين للبيت الكبير
ولجدي ولجدتي
ولأعمامي وابي وعمتي
اللي رحلوا عننا
وتركوا لنا الذكريات ِ
لنترحم عليهم وعلي زمن اللمة
الجميلة الدافية
والله لسه بدري بدري
ياشهر الصيام
والله لسه بدري
ياشهر الصيام
الاغنية دي مرتبطة معايا بالبيت الكبير
بيت جدي لأبويا
وكل اعمامي وزوجاتهم واولادهم وعماتي وازواجهم واولادهم
وجدي وجدتي الجميلة جداااا
ايوة كانت ست جميلة
شديدة البياض وانفها كانت صغيرة جدااااااااا
وكلنا ملمومين حوالين التربيزة الكبيرة جدااااااااا
والاغنية دي شغالة في الراديو الجميل
اللي كان علي رف خشب ورد
وعليه مفرش ابيض جميل
عليه رسم بالحرير ومنشي ومكوي
الراديو كان شكله جميل حاجة تفرح
بالرغم ان اللمة اتفركتش
وانا كبيرة وام كمان
الا اني الي الان لو سمعت الاغنية دي
احس بحنين كبير للبيت الكبير اللي اتباع اصلا
والي التربيزة الكبيرة
ولجدي اللي كان بيقعد علي راس التربيزة يضحك معانا
فاكرة ضحكه وكلامه لحد النهاردة
رغم مرور 29سنة
حتي بعد مابقيت تيته
ابكي لمجرد سماع الاغنية
الحنين للبيت الكبير
ولجدي ولجدتي
ولأعمامي وابي وعمتي
اللي رحلوا عننا
وتركوا لنا الذكريات ِ
لنترحم عليهم وعلي زمن اللمة
الجميلة الدافية
والله لسه بدري بدري
ياشهر الصيام
البركه فيكي انتي بقي واولادك وتعملوا عيله كبيره
ردحذفكل سنه وحضراتكم بالف خير
شمس نهارنا وضياء انوارنا
ردحذفعزم شهر رمضان ان يرتدى لباس المغادرة
والله لسه بدرى والله ياشهر الصيام
خاطرتك حركت فىّ الشجون الى من غادرونا بدون عوده
رحم الله الراحلين واسعد الله الباقين
وكل رمضان وانت طيبه يا شمس
الذكريات تَتجددُ دائماً في هكذا مناسبات :"(
ردحذفو راح رمضان حاملاً معه الكثير ~
اسـال الله أن يتقبله منا
كل سنة وانتي دايما بخير ياشموسة
ردحذفوتعمليانتي نفس اللمة انتي والعائلة الجميلة
ونور الدين واخواته وولاد خالاته
تحيتي ياأطيب شموسة
رجعتيني معاكي لزمن جميل انا كمان بحس بالحنين لأيام زمان لما كنا بنتجمع مع اللي بنحبهم ومهما عدي من العمر برضه هنفضل نشتاق لأيام زمان.
ردحذفربنا يتقبل من ومنكم صالح الاعمال
الله على احلى الذكريات
ردحذفكتير بفكر فى لمتى انا واخواتى دلوقتى واقول يارب نبقى جدات وجدود ونقعد نفتكر
يمكن انا معشتش لمة الجدود ولا لمة الاعمام والعمات
لان ببساطة لا فيه اعمام ولا عمات ولا خالات والجدود الله يرحمهم :)
كل سنة وانتى طيبه
وهى الدنيا كده شهر ولازم تعدى
ربنا يعيدعه علينا سنين كتير
دمت بخير
ربما إنشغالنا بما هو آت أطال فترة تصفحنا لكتاب الذكريات، ربما هو سؤال احترت فيه -و ربما الجميع- و هو ، لماذا دوما الذكريات جميلة ؟!
ردحذفو الغريب اننا قد لانجد أيامنا أو حياتنا الأن جميلة و لكن ربما أولادنا أو أحفادنا من بعدنا يتغنون بجمال تلك الحياةو تلك الأيام التي قضوها بصحبتنا !
..
أشتاق لبيت جدي الذي أصبح مغلق خرب و لم أذهب - وربما غيري- إلية منذ سنوات طوال، أشتاق لجدي و حكاياته التي لم أكن أمل منها أبدا و لدروسه في الحياة التي تلقيتها في سن مبكرة جدا،و أشتاق لجدتي بطيبتها و جهلها الذي كانت تعتبره أكثر العلوم تقدما !!
..
كل سنة و انت بألف خير أستاذة شمس،و ينعاد عليكي و على كل الأصدقاء و على كل الأمة الاسلامية بالخير و اليمن و البركات..تحياتي.
كل سنةوانت طيبة
ردحذفالايام بتجرى
ست الكل
ردحذفكل سنه وانتى بخير وطيبه
باعشق الاغنيه دى بشكل غير عادى وخاصة لما بتقول يا هالل بفرحه ومفارق بفرحه
باخاف ان رمضان القادم اكون فقدت حد غالى عليا او حتى اكون انا تحت التراب ومش اقدر اصومه وارجع واقول كل ايام العمر بتجرى بسرعه بس على رأى ماما بتقولى احنا اللى بنحسب ايام رمضان ووقته عشان كده بنحس ان الايام جريت بسرعه
يارب تعود عليكى الايام بفرحه وسعاده وخير
زهــــراء
والله انا كمان نفس الحنين لايام زمان ... كل سنة وانتى طيبة
ردحذف:)
*rack-yourminds
ردحذفالله يبارك فيك
ايوة ماهي كده جيل يسلم جيل
كل سنة وانت طيب وبخير وصحة وسعادة
*faroukfahmy58
ردحذفرمضان بالذات مصدر شجون كثيرة
وقد ارحل انا واكون مصدر شجون لمن هم بعدي
هي دي الدنيا
جيل بيسلم جيل
المشكلة ان كتير الانسان بيحس بغربة من غير الراحلين
كل سنة وحضرتك طيب
*غفران
ردحذفحلو اسم غفران ده
:)
حولتيني كل شوية اسم
انا اعشق الذكريات
تقدري تقولي هي ونيسي الدائم
* سواح في ملك اللــــــــــــــــــه
ردحذفوانت بخير وصحة وهنا ياخالد
ربنا يكرمك
وان شاء الله انت كمان تعمل اسرة كبيرة جميلة
وشكرا علي دعوتك الجميلة:)
*semsma ahmed
ردحذفدايما زمان اجمل
علشان مش بنفتكر منه الا الحاجات الحلوة
كمان ذكريات الطفولة اجمل علشان من غير مسؤليات
:)
*رؤي عليوة
ردحذفربنا يكرمك وان شاء الله اللمة تكبر
وتتجمعوا مع الاولادكم واحفادكم
واولادكم يبقالهم ذكريات معاكم
*احمداحمدصالح
ردحذفالانسان دايما بيفتكر الذكريات الجميلة والعقل ينحي الذكريات الغير جميلة جانبا اي بيعمل لها بلوك
البركة فيكم الاحفاد لموا بعض وروحوا نضفوا البيت وافتحوه واتجمعوا فيهم
امبارح كنا بنقول لو سابوالنا البيت الكبير كنا رحنا فتحناه واتجمعنا فيه
كل سنة وانت بالف خير
*حلم بيعافر
ردحذفاهلا اهلا
ازيك انت فين يارب تكون بخير
كل سنة وانت بخير وصحة وسعادة
*لولا وزهرا
ردحذفربنا يخليكي ويبارك لك في عمرك
وان شاء الله ماننقصش حد خالص
وربنا يكرمنا بصومه وقيامه ويتقبل منا
كل سنة وانتي طيبة وبخير وصحة وسعادة
*حمدي جعوان
ردحذفالذكريات هي عمر الانسان
والحنين ليها هو روح هذا العمر
كل سنة وانت طيب وبخير وصحة وسعادة
لسه بدري فعلا
ردحذفبنتمني ان السنه كلها تكون رمضان
بس يا خسارة
كل عام انتم بخير
تقبل الله منا و منكم
"والاغنية دي شغالة في الراديو الجميل
ردحذفاللي كان علي رف خشب ورد
وعليه مفرش ابيض جميل
عليه رسم بالحرير ومنشي ومكوي"
__________________________
الله بجد على الجمال .. وصفك في منتهى الروعة والله .. حلو جــداً .. ومعبر أوي :))
تسلمي ع الكلمتين الجامدين دول :))
* بس ما عرفناش برضة بيعتوا البيت على كام ؟؟
D:
روقااااااااااان
ردحذفكانت أيام جميلة
وذكريات رااااااااائعة
*ذو النون المصري
ردحذفنتمني ان نكون كل السنة في ثواب رمضان
كل سنة وانت طيب
*P A S H A
ردحذف:)
كل ايام ربنا جميلة بس الايام دي لما بفتكرها بطلع مني كلام انا بستغربني اني كتبته
:))
البيت اباااااااااااع ب.....
:)))
مش فاكرة :))
*الازهري
ردحذفايوة روقان الروقان
وجمال الجمال
:))
ردحذفالاغنيه دى بتوجعنى اووووى
مش بحب اسمعها خالص
بالرغم انها بتحسسنا بقرب العيد خلاص وده بالنسبه لينا من واحنا اطفال حاجه حلوه اوى
بس فكره ان رمضان خلص بسرعه كده مش بحبها
كل سنه وحضرتك طيبه :))
ازيك حضرتك يا فندم ... وفعلا ... رمضان زائر خفيف ... يمضي سريعا في كل مرة ... رغم ما يأتينا به من خيرات .... أسأل الله ان يتقبل منك الصيام والقيام وصالح الأعمال .... وان يرزقك الفرحة بالعيد المبارك ... انتي وكل اسرتك الكريمة .
ردحذفكل عام وانتم بخير ... وعيد سعيد .
كل سنة وانتي طيبة ياست الكل بمناسبة عيد الفطر المبارك
ردحذفاعاده الله عليكي وعلي اسرتك بالخير والبركة
كل عام وأنت بخير وسعادة يارب شموسة وكل حبايبك يارب
ردحذفأهلا
ردحذفكل عام و أنت بخير و عافية و رضاء
اللهم وحّد الأمّة و أزل الغُمّة
منجي
http://zaman-jamil.blogspot.com/
لما المشاعر بتكون حقيقية .. بتبقى كلمة واحده او لحن فى اغنية كفاية اوى عشان يرجع الحنين للماضى ..
ردحذف