ازمة المرور عندنا في مصر
ازمة سوء خلق مش اكتر
اول امبارح خرجت رحت كارفور اللي في صن سيتي اللي علي الدائري بتاع شيراتون المطار
المفروض الطريق ده بالعربيه ياخد ربع ساعه
اخد ساعتين ونص الطريق كان مغلق تماما من اول نزلت كوبري الماظة
ماعلينا عدي ياليله
امبارح كان عندي مشوار في شارع الاربعين
واللي مايعرفش شارع الاربعين ده شارع في اخر جسر السويس قبل سوق القنال قبل طريق العبور والسلام والعاشر من رمضان والاسماعيليه طريق يعني بتاع كله موصل لكله
اوم انا بقا بسزاجتي انزل من البيت الساعة اربعة ونص وقلت اخطفففففففففففف
المشوار ده واطلع علي المعرض اللي في مصر الجديده
خادتولي بالكم بقا من المثلث اللي عايزه اعمله
م نصر جسر السويس مصر الجديده
ده انا طيبه بشااااااااااااااااكل
المهم اخدت معايا تمرتين وشوية مايه وقلت ابقا اكل اي حاجه في المعرض
معايا ياحضرات
وصلت انا بقا الساعة كام شارع الاربعين
الساعة تسعة ونص
واللهم صل وسلم علي حبيبنا المصطفي محمد
خمس ساعاااااااااااااااااات
ده مش ازمة مرور دي ازمة اخلاق
تلاقي علي الرصيف اللي يمينك اوتوبيس جاي عكس الاتجاه ماشي علي الرصيف وينزل منه تلاته اربعه يوقفوا العربيات علشان البيه السواق ينزل من علي الرصيف ويعدي للأتجاه التاني في اليوتيرن
عربيات ساده اليوترن اصلا عامله صف خامس فاطبعا سادين الطريق علي الجاي وهيمشي طوالي
طبعا عربيات بالكوم اتعطلت
طبعا انهيار وخناقات بين السواقين مين يعدي الاول
حاجه غير ادميه
وطبعا بنزين اتهلك في غير موضعه
ويقولك وفروا في البنزين والكهربا
وده مننا ويقولك مرسي قال هيحل ازمة المرور في 100 يوم
ده عايز 100 سنه علي مانهذهب من نفسنا
ونتصرف كابني ادمين مع بعض
وكل واحد يلتزم ببحر الطريق ماتبقاش سواقه في سيرك
لو احترمنا بعض واحنا سايقين
الشارع هيحترمنا وماهيبقاش في زحمة
هيكون في زحمة منظمه ماتتعبش الاعصاب
ونظم المواعيد
مايبقاش الشعب كله في الشارع في معاد واحد
كله بيفتح في نفس الموعد وكله بيقفل في نفس الموعد
وكله بيخلص شغل في نفس الموعد
شمس الشموس
ردحذفههههههههههههههههههههه
دى مصر يا شمس
البنى ادم فى مصر بيقضى تلت عمره فى العربية
فعلا هو سلوك لان فى الغالب لا نعرف سبب الازمة
تحياتى
للاسف في كل مكان حاجة غير طبيعية أزمة المرور
ردحذفكل سنة وأنت طيبة وبخير يا رب شموسة أنت وكل حبليبك يارب
حاجه غير ادميه
ردحذفوطبعا بنزين اتهلك في غير موضعه
ويقولك وفروا في البنزين والكهربا
وده مننا ويقولك مرسي قال هيحل ازمة المرور في 100 يوم
ده عايز 100 سنه علي مانهذهب من نفسنا
ونتصرف كابني ادمين مع بعض
>>>>>>>>>>>>>>>>>>
عندك حق !!!! الايد لوحدها هتعمل ايه لكن لو كلنا شربنا جرعة الاخلاق اللي من ايام ارض النفاق كنا اتقدمنا
مش ازمة بلدنا هتتحل في 100 يوم
ممكن تتحل في 100 دقيقة بس كل واحد يبدأ بنفسه
كنت بعد الثورة بقول ان ممكن مصر كلها تتبيض في 10 دقايق لو كل شارع ادهن في 10 دقايق مصر كلها هتكون في خلال 10 دقايق مصر جديدة
المشكلة اننا نبدأ من جوا الاول ننضف القيم اللي مش كويسة
لولا
و الله يا شموسه أنا بقى بيجيلي كرامب أو شد عضلي في رجلي من كتر السواقه..
ردحذفمن مدينة نصر للمنيل يومياً
زائد الدقي في الويك إند
دمار شامل يعني
باخد معايا مية و بسكوت و كل حاجه
و الناس كتيييير في كل مكان و مفيش أي إحترام أو ذوق في المرور إلا حالات نادره.
بس أفتكر ممكن تتحل برضو لو في قوانين مرور صارمه.
و متزعليش نفسك كلنا في الهم واحد :)
الله يعينكم والله الدنيا كلها زحمة مش بس عندكم والموسم على الأبواب .. كل عام وانت بخير
ردحذفالسلام عليكم
ردحذفآسف على التاخير في الرد ، معلش كان النت عندي فاصل اليومين الى فاتوا و لسه راجع
مدونتي انا غيرتها بس ان جوجل كان زعلان مني ، و على ما تصالحنابقي :)
مدونتي الجديده هي دي :
http://7ewratna.blogspot.com/
و لي عوده ان شاء الله و رد على هذا البوست :)
تحياتي لحضرتك
القاهره زحمه فعلا وفعلا الواحد لما بيركب بياخد وقت اطول من لو مشي :)))
ردحذفربنا معاكم :)
بصي ياشموسة
ردحذفاحنا شعب يعشق الفوضي
محتاجين نتربي من اول وجديد
* ابراهيم رزق
ردحذفبيبقا المشوار مايخدش نص ساعه بتعمله في اربع ساعات
ملل الصراحه
*امل حمدي
ردحذفالازمه بقت كل يوم وكل ساعه
مابقاش في وقت زروه بقا اليوم كله خالتي زروة دي
كل سنه وانتي غاليه وحبيبه
لولا وزهراء
ردحذفمابنعرفش نعمل اي عمل جماعي
اي حد بيسوق فاهم ان الشارع ده ملكه هو
كنت معديه من شارع مايخدش نص دقيقه لاقيته مربوك علي الاخر وعربيه عربيه بتعدي
لما وصلت لنقطة الاختناق لاقيت عربيه بيبسي بتنزل بضاع لسوبر مركت غايه في الصغر
شارع بحاله مسدود علشان محل صغير بتنزل له بضاعه
لازم قوانين وتطبق بصرامه علي الجميع
مش بس مشكلة المرور هتتحل لأ كل مشاكلنا هتتحل
*شيرين سامي
ردحذفبجد الله يكون في عونك وكل اللي شغله يبعد عن بيته كده كتير
ربنا يصبركم
انا كنت هموت جوه العربيه خمس ساعات علشان اروح مشوار
استهلاك وقت في الفاضي
استهلاك طاقه علي الفاضي
ده غير استهلاك الاعصاب في مالايفيد
كل سنه وانتي طيبه وبخير:)
*كريمه سندي
ردحذفكل سنه وانتي طيبه
طبعا مكه دلوقتي زحام شديد من ضيوف الرحمن
ربنا يتقبل منهم
*محمود احمد
ردحذفوعليكم السلام ورحمة الله وبركاته
ولا يهمك النت كاس وداير علي الجميع
:)
شكرا علي لينك المدونه ان شاء الله ازورها
كل سنه وانت طيب
*فتاه من الصعيد
ردحذفواي زحمه دي ماباقتش زحمه
اجمل نكته قريتها النهارده
ان هنغير اسم جمهورية مصر العربيه
ل
جمهورية مصر في العربيه
:))))
كل سنه وانتي طيبه وبخير
*سواح في ملك اللــــــــــــــــــه
ردحذفاعتقد ان احنا اللي بدعنا الفوضي
:)))
كل سنه وانت طيب وبخير وسعادة :))
انا معاكي ان السبب الرئيسي للازمه ازمة اخلاق وان احنا محتاجين نبص في المرايه ونعالج اخطائنا عشان الاوضاع تتحسن
ردحذفتحياتي
*eng_semsem
ردحذفولازم يتعمل دورات توعيه للسواقين بتوع الاوتوبيسات والميكروباص والنقل
ويتعمل عليهم حملات دوريه
اغلب دربكة المرور منهم
طبعا أزمة أخلاق
ردحذفبصى أمشى أو هاتى عجلة :)
صباح الخيييييييييييير
ردحذفسيبك إنتى
المهم أعصابك
بالدنيا وما فيها
كل لحظة وإنت وكل التيتات والبنات وإجوازهم وكل الحبايب فى خير وسلام ومحبة
*مسلم مصري
ردحذف:)))))
شوف هو حل جميل
بس كان ممكن من 30 سنه
:))
لكن دلوقتي لاينفع مشي ولا عجل
البركة فيكم انتم الشباب امشوا او اركبوا عجل وسيبوا لنا احنا الطرق نمشي فيها بعربياتنا
:)))
ده حتي الاتنين رياضة جامده ونافعه
*الازهري
ردحذفكل سنه وانت بكل خير وصحة وسعادة
والسنه الجايه افرح بيك في بيت العدل كده
:)))))
المهم انك بخيييييير
ردحذفكل سنه وحضرتك طيبه
عيد سعيد على حضرتك وعلى اسرتك يارب
كل سنة وحضرتك طيبة ... وعيد سعيد عليكي وعلي كل الاهل والاحباب ... وربنا يتقبل منك الصيام والدعاء وصالح الاعمال .
ردحذفتحياتي
علشان زحمه مصر مش بحب انزل فيها ابدا
ردحذفوبصدق ارجع البلد فى اقصى سرعه
كل سنه وانتى طيبه يا شموسه
ربنا يسعدك يا حبيبتى
*gogo!sf
ردحذفكل سنه وانتي طيبه وبخير وصحة وسعادة
*اندروميدا
ردحذفكل سنه وانت بخير
ويتقبل منك دعواتك الجميله:)
*mrmr
ردحذفالقاهره بقت فظيييييييييييييعه
ربنا يرحمنا
وكل سنه والقاهره زحمه وهده حيلنا وحيل عربياتنا:))
ردحذفHere is my homepage ... webpage