سافرت الفيوم في عمري 3 مرات
اول مره سنة 70 وقعدت اسبوع
شوفت السبع سواقي الجميلة
وبحيرة قارون
ووادي الحيتان
والاوبيرج الي اخر المعالم الجميلة اللي في الفيوم
ورحت تاني في 78
بس ده كان يوم واحد ولما خيرت اروح مكان واحد بس
:)
قلت البحيرة وكان موسم البط
ومااجمل منظر البط وهو طاير في تشكيلات جميله في السما وخصوصا قبل الغروب بساعه ونص
وامبارح كنت هناك !!!
ان ديش ان ديش
لاقيت فيوم راااااااابع
:)
والصورة اللي فوق خالص اول واحدة
صورتها واحنا داخلين الفيوم علي الطريق
سألت السواق ياعم عزب انت متأكد ان دي الفيوم
ضحك وقالي ياباشمهندسه ايوة بس الخواجاتي :)
اعتقد ان الفيوم فقدت نص هويتها
زي كل مكان في مصر
فقد نص هويته
مليون استعمار من كل شكل ولون ماعرفوش يغيروا هويتنا وسحبناه وفرمناهم في هويتنا
ودلوقتي سبحان الله من غير استعمار ولا حاجه
احنا بنغير هويتنا وبمزجنا
عاااااادي كده
عارفين ربع الجمال اللي كان في الفيوم
واللي بقي ربعه
لو في امريكا كان بقا حاجه تانيه خالص
دول عندهم بحيرة كده شبه طشت الغسيل بتاع زمان
اللي ساعة الغسيل الاسبوعي يبقا طشت غسيل
وفي رمضان يبقا طشت عجن الكحك:)
وفي الطشت ده
قصدي البحيرة دي شوية بط شكلهم يجنن
وكاتبين ممنوع تأكل البط
علشان ماتغيرش طبيعته في البحث عن طعامه
يعني ماتلعبش في فطرة البط
وينهااااار ابيض
علي اللي عاملينه حواليها
دكك خشب جميلة اماكن للشوي
اماكن للعب الباسكت نضافه ايه
ومافيش كافيتريا ولا حاجه
عايز تيجي تقعد علي الليك هات حاجتك معاك
عملوا من الطشت مكان ساحر رايق
وقبل ماتمشي ياحلو لم اي شئ عملته
ونظف مكانك
والا هتاخد مخالفه توجع قلبك قبل جيبك
ماعلينا
انصحكم تلحقوا تروحوا الفيوم الساحرة
تستمتعوا بجمال الطبيعة والفطرة
و باللي باقي وموجود منها
قبل مايتغير هو كمان
وبدل ماتبقا محافظة الفيوم في جمهورية مصر العربيه
تبقا( فا يو مو)
الولاية ال54 من امريكا المحطة:)
من أيام الجامعة كان نفسي اروحها ولحد دلوقتي محصلش نصيب عادي من ضمن الحاجات البسيطة اللي مبتتحققش في الحياة
ردحذفمتي بخير
سماح
شمس الشموس
ردحذفانا اول مرة سافرت الفيوم مخرجتش من المحطة و رجعت تانى
اصلى كنت مزوغ من المدرسة
عندك حق و مش الفيوم بس
فى المطرية فى مسلة اللى هى مسلة الملك سوناسرت
ابص على المسلة دى و ابص على المسلة الموجوده فى باريس
مثل الفرق بين معاملة الكلب البلدى و الكلب الجريفون
ابص على المسلة و اقولها يعنى لو اى ملك اهداكى للندن و لا باريس كان بقى ده حالك كان زمانك عايشه فى دلع
تحياتى
شمس النهار البوست جميل وبصراحة أنتى شوقتينى لزيارة الفيوم ولكن لا أعتقد أن اليوم سوف ياتى عليها وهى فيومو ولكن للأسف مفروض نكتب للمصرين لوحة فى كل مكاان حتى على سريره نقولهمرفقا بالطبيعه
ردحذفلما الانسان نفسه في طريقه للاندثار بقيمه و اخلاقه و ابداعه
ردحذفيبقى هندور على الطبيعة؟
كله بيفقد هويته دلوقت انت اسلامي او ليبرالي
سعودي وقطري او امريكي و غربي
مفيش حاليا انسان مصري
كل حد بيبص للتاني بالشكل ده
*L.G
ردحذفصباح الفل ياسماح :)
ملحوقه خططتي لرحله مه الاهل ومش هتندموا
علي ضمنتي :)
*ابراهيم رزق
ردحذفكلامك مظبوط جدااااااا ياابراهيم
في سان فرنسيسكوا
تمثال تقليد طبعا لحورس كبير جدا
لو تشوف الناس بتتصور جنبه ازاي
تضحك لما تشبع
عارف انا مشكلتي في مصر اننا بندخل علي فطرة الطبيعه بنوئدها
زماااااان سنة 77 رحنا جمصة بابا وانا وصديق ليه علشان كان عايز يستثمر هناك
مش ممكن علي الطبيعه والجمال ومنطقة التقاء البحر بالنهر خرافه
رجعت احكي لكل الناس علي اللي شوفته سنة 90 ماما قالت ماتيجوا نشوف جمصه دي ايه طبعا انا وافقت علي طول من غير تفكير
ورحنا ورجعنا تاني يوم
ماتت جمصة
صباحك فل ياابراهيم
* Gamal Abu El-ezz
ردحذف:))
صدقني مش هتندم
منطقة وادي الريان دي كانت من اجمل الاماكن الطبيعيه اللي ممكن تشوفها
المنظر راااائع
بس المشكلة مابنسبش حاجه علي حالها
حزب اعداء الطبيعة والفطرة :)
*مصطفي سيف الدين
ردحذفصباح الفل يادكتور
كلامك صح :))
يعني مثلا انت قناوي وانا منياويه:))
دي بقت خيبه عمر المصرين ماكانوا كده
مصر استضافت جاليات كتيييير
واي حد بيجي مصر مابيبقاش عايز يمشي من كتر مااحساسه بالغربه راح
السياحة بمصر رائعة جدا
ردحذفاليوم كنت اتكلم مع بابا وماما عن ريف مصر وازاى اتغيرت ملامحه عن زمان ومهما تعالوا فى البنيان وابتعدوا عن المظهر القديم للريف فكل جديد لن يكون له روح الماضى ورائحته الطيبة
ردحذفلكن مثل ماقال مصطفى ( سيف التدوين ) كل شىء بيتغير واولها الانسان :)
صباحك ياسمين اختى الحبيبة واشكرك على رحلتك الرائعة التى شاركتينا فيها والصور الجميلة بارك الله فيك
تحياتى بحجم السماء
للاسف يمكن ظروف الحياه مش مخلينا نستمتع بالاماكن الجميله في مصر رحلتنا الداخليه بالنسبه للاماكن الجميله الكتير في مصر تعتبر قليله جدا
ردحذفتحياتي
بيدى لا بيد عمرو
ردحذفمع الاسف نحن ننسلخ من ماضينا الجميل وتراثنا الرائع وهويتنا الجميلة الى اشياءغريبة ودخيلة علينا
عاااااااااااااااا
ردحذفبحقد عليك جداااا
نفسي اووي اني اروح هناك بس ازاي
اذا كنت اتحايلت علي بابا اني اروح لصاحبتي الي عشرة 17 سنة واكتر يقوللي لاء هي تجيلك انت متروحيش العريش
احمد اخويا راح الفيوم قبل كدة وجنني من كلامه عنها واتحايلت عليه اروح معاه بس بردو موافقش
شكلي بعد كلامك هتجنن واهرب م البيت واروح الفيوم واكون شهيدة الطبيعة هناك ^_^
يا شمس انتى بتعايبى عليا من كتر حزنى على مصرنا والاقيكى على نفس المنوال
ردحذفمصر لم يتغير مكانها ومكانتها ولكن الذى تغير الاحساس بها
لك الله يا مصر وما بها من فيومو قيوم
الفاروق
*online.lb7
ردحذفطبعاااااااااا
مصر فيها اماكن ساحره جميلة
* ليلى الصباحى.. lolocat
ردحذفصباح الهنا والياسمين
المشكلة ان في تراث كامل هنا بيندثر
يعني الفلاحه اللي بتخبز العيش الجميل هتبقا بس في المتاحف
احي اهل النوبه اللي محافظين علي تراثهم من الاندثار
نورتي
* eng_semsem
ردحذفمافيش في مصر حاجه اسمها سياحه داخليه اطلاقااا
حتي السياحه الخارجيه
بيجيبوا السواح يودوهم الاقصر واسوان وخلاص
* همس الاحباب
ردحذفاهلا اهلا ياابو همسه
فينك ايه الغيبه دي
بلوجر نور
:)
اكيد انت كمان لامس الموضوع ده بتنقلك بين القاهرة والاقاليم
* re7ab.sale7
ردحذف:))
اعقلي ماتهربيش واحنا ننظم رحلة للمدونين للفيوم
بس ياتري مين اللي يقدر يقوم بالمهمه دي:))
* faroukfahmy
ردحذفمين قال:)) انامااقدرش اعيب خالص
كلنا هذا الرجل
كلنا نحبها حب حزين
:)
فينك ياشموسه كل ده بترتاحي من رحلة الفيوم
ردحذفهو المشوار طويل شوية بس مش عايزينه ييجي علي حساب المدونه كده بقى مش هنطلعك رحلات تاني :))
تحيــــــــــاتي
شمس النهار ..
ردحذف..
رحلة سعيدة وان شاء الله تكرر تانى وتكون مصر والفيوم فى افضل حالتهم
..
والله معلوماتى عن الفيوم انها اسمها "الف يوم" .. ومؤسسها هو سيدنا يوسف عليه سلام الله .. وعرفت ناس كتير من الفيوم شاغلين فى القاهرة واستغربت انهم ما يعرفوش الكلام ده
..
رحلة سعيدة وربنا يقدرنا ونعمل بنصيحتك
..
تحياتى
* asmaa fathy
ردحذف:))
موجودة اهو بس تعبانه علي مشغولة :))
well
ردحذفماشاء الله علي المعلومات القيمة
انا برضوا اول مره اسمع موضوع الف يوم ده
بس عارفه موضوع سيدنا يوسف وكمان بحيرة قارون دي تحتها بيت قارون لما ربنا خسف بيه وبداره الارض وطلعت البحيرة دي وهي ليها سمك من نوع خاص وكانوا بيملحوه وقريت مره ان ده سمك موسي اللي كان مملح ولما لقي اليم صحي وجري عليه والله اعلم
الأماكن الجميلة مع الزمن تفقد جمالها ورونقها، لا أعرف هل هي السبب أم العوامل النفسية هي التي تظهر ذلك، أم أن الفعل البشري هو السبب...
ردحذفتدوينة تظهر وتكتم أشياء..
مودتي