كل سنة وكلنا طيبين
وبخير وصحة وسعادة
وربنا يكرمنا ونفوز برمضان هذا العام
ان شاء الله كلنا
وان شاء الله الغمة تنزاح تماما
وترجع مصر بهية
عايزة اتكلم هنا عن صلاة التراويح والاكل والعزومات
اولا صلاةالتراويح
ياريت الستات اللي بتروح تصلي التراويح
ومعاها اطفال تصلي في بيتها احسن
علشان هي بتفقد الناس التانية روحانيات الصلاة
وده مش من الدين ان تفسد صلاة غيرك
عندها حل من اتنين
ياتقعد تصلي في بيتها ولها اجر رعاية اولادها طبعا
واجر صلاة التراويح في بيتها
حيث ان افضل صلاة للمراة في مخدعها
يااما تطلب من الجامع اللي هتصلي فيه
انهم يفتحوا الحضانة التابعة للجامع
لستقبال اولاد المصليات الساعتين بتوع الصلاة
في نظير اجر
اما بالنسبة للأكل
ياريت
ابوس ايدك ياست يامصرية لاتسرفي في الطبيخ
اعملي علي القد يتاكل في ساعتها
وباي باي
وخصوصا في العزايم ياريت مانعملش مليون صنف
ويقعدوا في التلاجة واهل البيت يزهقوا
والاخر يترموا في الزبالة
وكل سنة وانتم طيبين وبخير وصحة وسعادة
رمضان كريييييييييييم
كل سنه وحضرتك طيبه يا مدام شمس
ردحذفورمضان كريم عليكى وعلى اولادك واحفادك وكل اسرتك يارب
جزاكى الله خير على النصيحه والله ربنا يكرمك دايما يا رب
بس انا نفسى اصلى فى الجامع وخصوصا فى رمضان هى مش مكتوبالى ولا ايه انا من اول ما اتجوزت وكل رمضان يجى عليا اما حامل او معايا بيبى او تعبانه انا هروح يعنى هروح مش ليا دعوة بقى
والناس اللى مضايقه من ابنى تقعد هى تصلى فى بيتها هههههههههههههههه
بجد هجرب لو فعلا هيكون مزعج مش هنزل وامرى لله عشان انا اركز بردو
رمضان كريم
شمس الشموس
ردحذفالبوست ده للستات
خلاص امشى انا
يالله احنا بينا يا مسعد شارع التروماى
كل ستة و انتى طيبة
تحياتى
كل سنة وانتى طيبه وربنا يعيد عليكى رمضان بالخير والسعاده
ردحذفيارب الغمة تنزاح
ردحذفكل سنة وانت طيبة ورمضان كريم
رمضان كريم و بإذن الله ربنا يحمى مصر و يجمع أهلها على خير و على اللى ينفعهم دنيا و آخرة
ردحذفكل سنة وانت يا أستاذتنا وكل الأسرة وكل الاحبة بكل خير وصحة وسعادة.
ردحذفويارب يبقى شهر خير علينا وعلى بلدنا مصر وعلى كل الأمة الإسلامية.
كل سنة وانتى طيبة ياشموسة
ردحذفورمضان كريم عليكي وعلي كل حبايبك
دمتي بسعادة