الأربعاء، 15 يناير 2014

نعم نعم :)

من زمااااااااااااااااااان
كل ماانزل الانتخابات 
النتيجة تيجي عكس اللي انا قلته
:)
حتي بعد الثورة
نزلت اول استفتاء قلت
 لا
جت بنعم
ماقلتش نعم خاااااالص
في اي حاجة
ولا انتخبت اي اخواني
ولما صفصفت علي شفيق ومرسي 
رحت وقلت برضوا لا
ايوة كتبت لا
لا ده ولا ده
اسخم من سيدي ستي 
:)
والنهاردة قلت 
نعم
اما نشوف بقا النتيجة هتبقا ايه
سامعه حد بيقول ده كلام ياشمس
:)
ياسيدي معلش
:) 
اصلا انا ماكنتش هنزل اصلا
الانفلونزا قتلاني
بس اخدت انذااااااااااار
شديد اللهجة
من والدتي
وامرتني انزل ومااحرمش نفسي من العرس ده
ياستي البركة في الناس الكتير دي
قالت لي لو مانزلتيش هزعل منك بجد
طبعا انتوا فاكرين من زمان
الحاجة حزب وطني اي فلول رسمي
:)
وبالوالدين احسانا
ولا تقل لهما اف
نزلت وقلت نعم
وشوفت الهيصة والزمبليطة 
بجد ايه ده
اللي نزلوا نزلوا يحتفلوا
ويكيدوا العزال
:)
شعب كياد صحيح
النهاردة مصر كانت عامله كرنفال
:)
غلبتوا البرازيل
:)
الغريب الناس كانت نازلة للسيسي
كل استفتاء وانتوا طيبين

هناك 10 تعليقات:

  1. عجبنى جدا موقف مامتك ربنا يخليهالك ويبارك فيها وفى عمرها

    وإن شاء الله النتيجه معاكى المره دى لانها هتبقى المره الى كل حاجه فيها ماشيه صح
    لما تشوفى اراء الناس وكمية الناس الى بتقول نعم يبقى لازم نعرف ان النتيجه حتى قبل متتذاع

    تحياتى شمس النهار وتحية خاصة لوالدتك

    ردحذف
  2. كل استفتاء وانتى طيبه

    ويارب مصر دايما فى اعياد

    ردحذف

  3. وانتى طيوبة
    والمرة دى هتبقى نعم يا شموسة
    متقلقيش
    :)
    وصبرتى ونولتى يا شمار نهار المدونات وقمرها
    اخيرا هتشوفى نتيجة على مزاجك
    وربنا يطول ف عمر طنط
    وتعيشى وترضيها
    وربنا يستر ع البلد بقى من القادم

    بوسات وحضونات يا حبيبتى
    ووحشنى التعليق هنا




    ردحذف
  4. حمد لله على السلامه . عوداً حميدا

    ردحذف
  5. * Gamal Abu El-ezz

    هي موقفها ان لازم كلنا نشارك سواء موافقين او رافضين وانا من الاول مع نعم وكنت كاتبه تدوينة بكده
    بس الانفلونزا قاتلها الله
    :)

    ردحذف
  6. * toti yota

    وانتي طيبة :)

    يارب كتر اعياد مصر
    لحسن الحزن عشش اوي

    ردحذف
  7. *فاتيما

    فاتيما الحبيبة الجميلة

    لا انا مش قلقانة خاااالص
    مادام الناس نزلت اوي كده يبقا خلاص حسمت :)
    علي فكرة هي دايما بتسال عليكي واقول لها مين صحبتي الامورة دي تقولي اللي كانت لابسه احمر
    :) اه
    ماما تعز الست اللي بتلبس احمر اوي
    :)
    نورتي شمس النهار وانتي كمان وحشتيني

    ردحذف
  8. * Tarek Mageed

    الله يسلمك ويبارك في عمرك يادكتور

    شكرا ليك دايما منور شمس النهار
    :)

    ردحذف
  9. ياريت بقي مصر بعد كدا تبقي كويسه
    ياريت

    ردحذف

ياريت نعلق بالحقيقه اللي جوانا
وبضمير