صباح الخير
كل ماتكلم حد وتقوله تصدق
طلعت الزكاة دي قامت عليها حرب
يقولك اللي يعوزه البيت يحرم علي الجامع
:)
وناس تقول حرام
وناس تقول لا الجامع الاهم
ودخلت منتدي لاقيت خناقة طويلة عريضة
وتراشق بالكلمات ان الجامع بيت ربنا اهم من اي حاجة
واننا امرنا ان نعمر مساجد الله
:)
عايزة بس افهمكم
ان الجامع هنا مش الجامع اللي بنصلي فيه
زماااااااان في مصر
كان في رجل مهمته جمع الزكاة المفروضة
اسم وظيفته كده
(جامع الزكاة)
سبحان الله
وطبعا الزكاة انواع واحكام
اهمها ان الفقير والمديون ماعليهوش زكاة
ده بياخد زكاة اصلا
فاكان الحكم الشرعي
ان اللي يعوزه البيت يحرم علي جامع الزكاة
يعني مايخدش من البيت ده
مال الزكاة
وبمااننا كامصرين نموت في الاختصار
بقت بدل
اللي يعوزه البيت يحرم علي جامع الزكاة
بقت
اللي يعوزه البيت يحرم علي الجامع
:)
والناس اللي بتتخانق دي
ماحدش فكر يجيب اصل الكلمة
المهم نتخانق وخلاص
بس خلاص
:)
فوتكم بعافية
اساسا الزكاة ركن من اركان الاسلام
ردحذفوليها احكام وليها نسبه
مش فاهمه ليه يحصل مشكله علشانها
اما بقى المصريين من قديم الازل بيحبوا يبسطوا اى حاجة لحد ما هيضيعونا ^__^
حلوة المعلومة
ردحذفأول مرة أعرفها فعلا :)
سبحان الله هما كده المصريين
ردحذفبيتخانفوا بدون فهم
تحياتى ليكى وموضوعك جميل ياقمر
زمان كان كل شىء جميل ومع مرور الزمن شعرنا بالمراره بافتقادنا كل شىء جميل تمنياتى بان يعود لنا كل شىء جميل وتعود لنا الابتسامه الرقيقه
ردحذفتحياتى ابوداود
حلوة التدوينة
ردحذفوالغريب أن حتى البرامج الدينية اتكلموا في النقطة دي من غير مايقولوا أصل الكلمة إيه :)
* Aya Mohamed
ردحذفعلشان كل واحد متكبر يسأل
وعامل نفسه بيعرف كل حاجة
ده ينفع في اي حاجة الا في الدين
بس هو احنا لسه هنضيع :)
* !!! عارفة ... مش عارف ليه
ردحذف:))
طيب الحمد لله طلعتوا مني بحاجة اهو :)
* قمر وليل وغيوم
ردحذفلا ماالخناق دلوقتي وخصوصا بعد الثورة بقا عادي :)
ربنا يكرمك
*الاحلام
ردحذفزماااااان كان شئ والان شئ
ساعات كتير باشفق علي احفادي من اللي جاي
*موناليزا
ردحذفعارفة ليه علشان كله بيستسهل
ماحدش بيراجع
ولا يبحث ولا يدور
كله حافظ كلمتين يطلع يقولهم في البرنامج وياخد القرشين ويمشي
أموال الزكاة حق ولا تفرض سوى فى المال الفائض وبنسبه معينه فيه أى ليس كل مال فائض يبلغ نصاب الزكاة
ردحذفأما بالنسبه للمسجد فقد جعلت الأرض للمسلم مسجدا وظهورا أى يجوز الصلاة فى اى مكان حتى لو على التراب مادام طاهر فليس هناك ما يجعل الأموال تذهب للجامع من الذكاه فليس من مصارف الزكاة بناء المساجد لان الأرض كلها مسجد
وللأسف تبنى المساجد بكثره ولا تجد من يعمرها
الزكاه فرض ولا تجبى من الأموال الضرورية إنما من المال الفائض بشرط مرور حول ( عام ) كامل
تحياتى
* Gamal Abu El-ezz
ردحذفتعليقك اثري التدوينة
وهنا انا لااتعرض للزكاة
ولكن للمفهوم الغلط لكلمة اللي يعوزه البيت يحرم علي الجامع