الورد ده لأبني عادل (البلد دي فيها حكومه )اللي رفع راسنا مع الاوروووبيين وحضارتهم ونجح واتخرجالف تشليون مع تريليون مبروووووووووك
مبرووووووووك
***************************
حرب الاستنزاف اخدت وقت والساحة المصريه اخدت وقت عشان نستعد للحرب
وفي يوم 6 اكتوبر صباح زي اي صباح رمضان ومدارس وشهادة الاعداديه وشدة اول السنه
كنت مقيمه في بيت جدي لسفر والدي و والدتي يقع بيت جدي علي بعد خطوات من مدرستي و انا راجعه حاسة ان في شئ غريب
دخلت البيت علي صريخ خالي وهو بيتنطط عبرناااااااااااااااا لا بجد عبرناااااااااااااا
استغربت من رد فعله
هو معروف عنه وقار العلماء(كان يحضر وقتها الدكتوراه في العلوم)
وبدور وشي لاقيت جدي رافع يده الي السماء يشكر ربنا ويدعي لخالي الاخر اللي كان علي الجبهة
ولخالتي التي في احد الدول الاوربيه تدرس الماجستير في العلوم
حتى الشغالة كانت بتعيط وبتدعي لقرايبها الشباب المجندين في الجيش
والراديو شغال والتليفزيون شغال والناس في الاول كانت فاكره زي 67 لكن الاخبار من علي الجبهة ابتدأت توصل شويه بشويه
وشفت بعيني الشربات بيتوزع بعد الإفطار
شفت ستات كانت لابسه اسود علي جوزها او اخوها قلعوه ولبسوا ملون حسوا ان اتاخد بتاره
الشوارع هاديه الناس ملتزمة بتعليمات الدفاع المدني شعوووووور جميل شعب فرحان كله وكل شويه صفارات الانزار تصفر نطفي النور وننزل الخندق الا جدي ماكنش يرضي ينزل ويقول انا قاعد هنا زي ماابني علي الجبهه بيواجه انا قاعد هنا بواجهه
مش عايزة احكي لكم عن موضوع الخندق واللي ماعندهمش خندق بينزلوا البدروم واللي ماعندوش بيتجمعوا في مدخل العماره اللي اصلا امامه ساتر من الطوب
الناس اللي خايف واللي بيعيط واللي بيدعي
اتصلت بي صحبتي قالت لي الاستاذة فلانه هتقابلنا امام المستشفي العسكري اللي عايزة تيجي الموعد الصبح (طبعا المدارس اغلقت) والدها جاب لنا تصريح بالزيارة
رحت الموعد اصل المستشفي جنب بيت جدي يادوب اعدي الشارع (علي فكرة كل ماكان يجي جرحي للمستشفي يطفوا النور علي المنطقه)
اتجمعنا ودخلنا المستشفي نزور الابطال ونكتب لهم رسائل لأسرهم ونسمع منهم
مواقف كتير حصلت بس في مواقف اتحفرت
جندي نايم في سريره عمال يصرخ ويزعق رجعوووني جبتوني ليه عايز ارجع الجبهه احارب لسه ما خدتش تاري كفايه
وطبعا بيحاول يقوم مش عارف علشان ماعندوش اطراف اصلا
الموقف التاني كنت في احد العنابر بكتب رساله لجندي ماعندوش يد يكتب بيها وفجأة لاقيت السيدة جيهان السادات داخله علينا العنبر معها الهدايا للأبطال
وقعدت تتكلم معاهم وتشكرهم وبطل من الابطال ملفوف ومتربط كله او الباقي منه وطت علي الباقي من ايده باستها وقالت له انتوا رفعتوا راسنا ومصر مدينه لكم بالعزة والكرامة
ولمحت في عيونها دموع
للأسف ماكملتش المهمه الجميلة دي علشان انتقلت من بيت جدي لولدتي لبيت جدي لوالدي حتي اكون مع اخوتي بأمر من بابا بما ان المدارس قفلت
بعد ماانتقلت لبيت جدي التاني مافيش يويمن وجوز عمتي وصل جريح علي احدي المستشفيات العسكريه
اتحايلت عليهم يخدوني معاهم اشوف الابطال
عايزة اقول لكم ان في المستشفيات دي كان في ناس بتبعت اكل ساعة الفطار للمرافقين
الدكاتره والتمريض شغالين مش بيناموا
المرضي المدنيين في المستشفيات المدنيه طلعوهم وماكانوش زعلانين بالعكس
الروح اللي عشتها في 73 مااعتقدش اني هاعيشها تاني في مصر التفاف الشعب والفرحه والعزة
ده نصر ورد كرامه لمصر كلهااااا
تعالوا نشوف خالتي اللي كانت في اوروبا حصل معاها ايه
هي شكلها خوجاتي حبتين تلاته اربعه فالما سافرت كانوا بيفتكروها منهم لما يلاقوها عربيه يعني مابيكونش زي الاول اوي وده طبعا من الصورة اللي كانت اسرائيل عملاها لنا اننا ضعفاء وجبناء…الي اخره
بعد الحرب بتقول الناس هناك كانوا بيباركولها ومبهورين باللي عملوه المصريين وازاي رشوا خط بارليف بالمايه:))
وسموها الفرعونه الجميلة
وهي راجعه في المطار كل اللي يشوف الباسبور يهنيها ويقول لها طلعتوا فراعنه وضحكتوا علي اسرائيل
العالم كله احترمنا عرف مين هي مصر
سلام علي شهداء هذا الوطن
ياريت تقروا بوست عمنا فشكول ماشاء الله لخص كتير من حوارات اكتوبر فهو قد شارك في تلك الحرب
وللحديث بقيه
الله
ردحذفالله
الله
ذكريات
جميله جدا
تعرفى
ساتر الطوب
ده لغايه تلوقتى
موجود
قدام العمارات القديمه فى البلد عندنا
ولغايه تلوقتى فى اسهم الى البدروم فى العمارات
والله
يارب يبارك فيكى يارب
يا شمس
فين هديتى
ردحذفهديه عيد ميلادى
http://bloggers-house.blogspot.com/2010/10/blog-post_20.html
تعالى زورينا
فى الحفله
حلو اوي الكلام ياشمس مااجمل زهو الانتصار فين الروح دي دلوقتي شكراليكي رسمتي لنا لوحه جميله بكلماتك
ردحذفتصدقي فكرتيني بالروح الحلوه دي
ردحذففاكر كويس لمة الناس حوالين اي راديو في الشارع علشان يسمعوا بيانات الحرب
فاكره الراديوهات الترانزيستور؟
شكلها كان عجب
والبطاريات لبره و رابطينها بأستك
فاكره الدبابات بتاعة العدو أما جابوها وحطوها عند جامعة القاهره؟
والخواتم اللي كانت مصنوعه من حطام الطائرات الصهيونيه
بس ما رحتش مستشفيات
رحت السويس في مرحله تاليه وشفت بارليف محطم
وعن نفسي
كنت زعلان جدا جدا
اه والله
ايه النداله دي
مش يستنوا كام سنه وانا اللي احارب
على فكره ملحوظه رفيعه كدا
كنت لسا في خامسه ابتدائي
كلما قرات عن تلك الايام تدمع عيوني بالفرحه و الفخر
ردحذفلاننا عاهدنا الكذب من الاذاعه فالبيانات الاولي لم نصدقها ثم بدانا نفيق انها الحقيقه
اذكر ان كل شئ اصبح ارخص و متوفر و كان الجشع قد هرب
سعادة في الشارع
و في يوم العيد كنت اري الناس يضعون صاجات الكعك و البسكوت في عربات الجيش وهم في منتهي السعاده
ربنا يكرمك يا شمس حياتنا فلقد ايقظتي شئ من السعادة التي دائما ما تختلط بالدموع
اليوم احزن حينما اري الجيل الجديد لا يعرف عن اكتوبر الا انها كوبري او مدينه
مسئولية من؟؟؟
تحياتي
خلتيني أدمع يا شموسة
ردحذفأمتي بقي ؟؟؟
ديما بفتكر الذكريات معاكى يا شموسه
ردحذفبالرغم من زكرياتى مختلفه تماما
وانا محضرتش ولا ايام الهزيمه ولا ايام النصر
لكن كل اللى حوالينا بتفكرنا الايام دى
ربنا يملا قلبك بالسلام
لا تعليق
ردحذفمنبهر
ده بجد
--------------
مبسوط بس عشان البت ضد مجتش لسه
LOOL
الواحد نفسه يعيش الظروف دى بس اليومين دول
ردحذفتحياتى
جميلة جدا يا شموسة سلسلتك عن الأحداث
ردحذفرجعتي بي سنوات وسنوات
سلمت يدك حبيبتي
وكلمة مني
دعي مايقول يقول وما يخوض يخوض
فلنا رب كريم مطلع لا يغفل ولا ينام
اتركي امرك كله له كما فعلت أنا
ولا تكترثي
فحقنا لن يضيع وهو بين يدي الحق
تقديري وحبي لك يا شمس الشموس
مأساة جيلنا و الأجيال القادة يا من لم تعاصر حرب اكتوبر
ردحذفاننا عشنا و اعتقد سنموت بلا قضية وطن
تحياتي
:) عيشتينى معاكِ لحظة النصر ودمعت عينى لما حدث للابطال ومع ذلك رغبتهم فى العودة
ردحذفبجد ياشموسة تسلم ايدك
راقى جدا البوست ده
ردحذفوحسيت فيه فعلا بنموذج مميز لعيلة عاشت زمن ومحنة وتمنت من الله ان يفرجها وتى بسمات الفرحة
صور رائعة فعلا
فعلا كان فيه غل فينا ولازم يطلع
غل من اننا لم نحارب وكتبت فى التاريخ حرب
غل لاننا صرنا ملطشة لاقوال وافعال الصبيان
غل لاننا شايفين ارضنا اقذر الخلق موجودين فيها
فعلا كان غل
ولما كان وقت النصر كانت ثورة فى النفوس
كاءنها اتحررت من حر كان خانقها
الصورة اللى انتى رسميتها بقلمك اديه كانت راقية وفيها معانى
فعلا لك شكر خاص
على ما نثرتيه هاهنا
فى خلال حرب أكتوبر بالكامل لم يحدث انسحاب للقوات من أى موقع تم الإستيلاء عليه على الإطلاق وكان كل شبر يتقدموه معناإنه رجع تانى لمصر بدون نقاش
ردحذفحصل إنسحاب تكتيكى بس للواءاللى المفروض كان بيقابل القوات اللى اقتحمت الثغرة وكمان كان فى جزء من فرقة مش فاكر رقمها اتقدمت يوم مذبحة المدرعات واتبادجزء كبير منها وصل ساعتها سكته قلبية لقائد الجيش التانى
أما غير دول فكان الكل بيحارب بمبدأ واحد بس
للأمام وبدون رجوع مهما كانت الأسباب ودا اللى حصل فعلا وأفرز بطولات يشيب لها الولدان كتاب التقصير الموجود فى إسرائيل كتب عن ذهول القوات الإسرائيلية قادة وجنود من انتحارية وبراعة الجندى المصرى ومبدأ المشير أحمد اسماعيل اللى أثبت نجاحه وهو إن مش مهم المعدة إنما المهم الفرد المدرب تدريب جيد وكفاءة عالية وروح معنوية وإصرار نابعين من إيمانه بالله وإيمانه بحقه فى أرضه واسترجاعها مهما كان الثمن
شكل الكوسة بدأت تقل وألا اللهو الخفى اتقبض عليه أخير وخلصت منه ؟
انا جسمي قشعر وانتي بتحكي :)
ردحذفلا بجد اكيد كانت ايام حلوه
كان عام انتصار حقيقي
تحياتي
مش عارف اقولك ايه...
ردحذفما فعله هذا الجيل في حرب الاستنزاف وفي حرب اكتوبر هو من قبيل المعجزات العسكريه.
____________
بارك الله فيكي وفي جيلك العظيم
اسفه ياقلبى اولا على التاخير
ردحذفمش كسل لا والله العظيم ما اخدتش بالى ان
ان الموضوع اجزاء بس تعرفى حلوة اوووووى الفكرة كتير
لازم نحكى القصه من البدايه
علشان الكل يفهم ويعرف مين هما المصريين
وايه اسباب النكسه والهزيمه
وقد ايه غالى علينا النصر
لازم الكل يعرف ان عبورنا وانتصرنا
وتحطيم خط بارليف ماكنش صدفه ولا حظ
ده كان نتيجه اصرار على كسر الهزيمه
وعبور النكسه
اكيد انا معاكى برغم انى ما حضرتش ده
بس قريت وشفت افلام
وعجبنى مصداقيتك
فعلا كان الجندى المصاب بيصرخ باعلى صوت
رجعونى اخد حقى
المصرى مصرى بشموخه وكبريائه وانتمائه
رجاله رغما عن انف الجميع
حقا خير اجناد الارض
حتى الاطفال والشيوخ والنساء
الكل كان قلب واحد وروح واحده
ربنا يبارك فيكى
وساكون اول من يتابع تلك السلسه العظيمه
سامحينى
واشكرك
تحياتى
جندي نايم في سريره عمال يصرخ ويزعق رجعوووني جبتوني ليه عايز ارجع الجبهه احارب لسه ما خدتش تاري كفايه
ردحذفلا بجد عظمة هما دول المصريين بجد
جيهان السادات امي بتحكيلي انها كانت محترمة وجابت حقوق الستات من الموقف اللي حكتيه باين عليها فعلا كدة
علي الاقل احسن من ماما سوزان
مش عارف ماما علي ايه لو امي كدة وابويا بقي بالمرة مسيو مبارك هتبرى منهم علي طول
ذكريات حلوة نفسي اشوفها
يارب يكون النصر والعزة علي ايدينا
ونشوفها كلنا تاني
تحياتي لكي
شاركونا بفكركم وآرائكم
ردحذفhttp://shlandsohila.blogspot.com/
أسعدونا بمشاركتكم
يا ست يا ستنا ياللى شمشك اعلى من شمسنا
ردحذفالسلام عليكم يا هانم
اشكرك .. اشكرك جدا وارجوا ان يقرأ البوست القديم الشباب حتى يستفيدوا .. فى البوست كانت مجرد نقاط اجماليه ولكن تفصيل هذه النقاط يستغرق مجلدات .. فمثلا قبل الحرب بحوالى خمسة ايام تم اغلاق المواسير التى كانت فى الضفه الشرقيه للقناه والتى كانت معده بالنابالم لتصبه فى مياه السويس ثم صاروخ طائره واحد وتلتهب مياه قناة السويس كلها ويحترق كل من على المياه سواء كان انسان او معدات او كبارى او غيره .. وتمت المهمه بنجاح كبير .. وكانت ليلة ليلاء عاشتها قوات الصاعقه والضفادع البشريه وسمرنا حتى الصباح فى داخل القشلاق ولم تعرف اسرائيل الا عند الخيبه الكبيره عندما فتحت الصنابير فلم تجد النابالم.
تصادف ان كنت فى 24 ساعه اجازه يوم 5 اكتوبر وتنتهى يوم 6 اكتوبر .. لم تكن طبعا مصادفه ولكن كانت البيات خارج المعسكر موجود والاجازات مفتوحه (من ضمن خطة الخداع الاستراتيجى) وفى صباح 6 اكتوبر وانا عائد لوحدتى كان معى خالى الله يرحمه هو صحيح كان خالى لكن كان عيل زى كدا وانا وهو راس براس .. لكن قدام امى طبعا اقول له يا خالى .. هو انا اقدر .. المهم ذهبت انا الساعه 6 صباح 6 اكتوبر الى طريقى .. وذهب هو الساعة 6 صباح 6 اكتوبر الى طريقه .. انا والحمدلله رجعت .. وهو لم يرجع ولم نعرف عنه شيئ بعد ذلك وكيف واين ومتى استشهد .. كنت أخر واحد اراه من جميع اقربائه ومعارفه ( رحم الله الشهيد سعيد عرفه محمد حرزوا) وجمعنا به يوم القيامه
ردحذفجسمى قشعر والله
ردحذفما اجمل النصر
وما اجمل دوام النصر
لو ان حرب اكتوب وانتصار اكتوبر حد فى بلد ميت لاصبحت دوله عظمى بروح اكتوبر فى عشر سنوات
بوستك رائع
تحياتى
عندك حق أكتوبر رفعت راسنا وفعلا صعب تعيشى لحظات زى دى يارب نرجع نرفع راسنا زى زمان
ردحذفلحظات جميلة جدا جدا
ردحذفبجد كان نفسي اكون موجودة بالفترة دي
فترة رائعة جدا
طبعا متأخر خالص خالص
ردحذفبجد البوست ميتوصفش صراحة
مش عارف اقولك بس بأمانة كنت بدمع
لأن كان اقرب شيىء لشرحك
فيلم العمر لحظة و انا كل ما اشوف الفيلم دة ببكى اساسا
رنا يرجع لنا حتى و لو ربع الروح دى
شكرا ع البوست الجميل دة
و هروح اشوف بتاع استاذ فشكول
* محمود(باحث عن حب)
ردحذفعارف يامحمود السواتر دي الناس كانت بتكتب عليها الموت لأسرائيل
هنحار هنحار اسرائيل الارانب
:))
شكرا ليك الشكر ليك
:))
وكل سنه وانت طيب وبخير وسعاده
* سواح في ملك الله-
ردحذفشكرا علي كلامك اللطيف
وان شاء الله هكمل
:)
* مصري جدا
ردحذفطبعا فاكره شكل الرديوهات واللي كااااانت صناعه مصري
وكانوا بيحطوا البطريات من بره علشان تقعد كتير
عندي دبلة منهم محتفظه بيها لحد دلوقتي
وكمان زرت بورسعيد بعد مااتحررت وهكتب بوست عن الزياره دي
:))
* أحــوال الهـوي
ردحذفشكرا علي كلامك ومجاملتك
الشباب الجديد مسؤليتنا احنا كمان
دايما اكلم اولادي عن البطولات دي وخصوصا ان في عائلتي كثير من من شاركوا في هذه الحرب
الاعلام مش فاضي للكلام ده
هو فاضي ازاي يغسلوا مخ الشباب بنتصارات الكوة
والكليبات والموبيلات
ياريت كلنا اللي كنا موجودين نحكي لولادنا ولصحبهم
مش كفايه النكران لأبطال النصر اللي خلاص قاعدين في بيوتهم منسيين
:)
* MR.PRESIDENT
ردحذفاهلا ياريس
ماسيادت الرئيس برضه بيدمع
:))
بس امتي ايه؟؟ ياريس
* mrmr
ردحذفاهلا يامرمر
اديني بحكي لكم ماما شمس شافت ايه
الموضوع ماكنش سهل
والابطال دول ليهم حق علينا برضوا
:)
* adel
ردحذفالناااااااجح يرفع ايده
:))
الف مبروك ياعادل الف الف تشليون مبروك
فرحتلك جداااااااا
شكرا علي كلامك انا بكتب ورزقي علي الله
وبعدين مالك ومال ضد مش كفايه عليها ازهري
وكفايه المسلسل اللي بتصورة
العريش رايح جاي
:))
اه بس لو ماكنتش ناحج
:))
* Foxology
ردحذفنعيش التحدي لظروفنا ونبني ونحارب الفساد ماشي
لكن نحارب تاني حرب زي دي
ماظنش
حتي الساحه العربيه الان ماينفعش تحارب
* ماما أمولة
ردحذفاهلا بيكي منوراني دايما
شكرا علي كلامك الجميل اللطيف
وياريت ياماما امولة
تكتبي عن بور سعيد عارفه انك كنتي صغيرة بس انتي عايشه في وسط ناس شاهدت هذه الاحداث وكثير من البطولات اللتي لم تسجل حتي الان
نوتيني
:)
* AHMED SAMIR
ردحذفصح كلامك صح
مشكلة الشباب الان ان ماعندوش قضية
ماعندوش هدف
ولا حتي في مثل اعلي وقدوة
:)
* موناليزا
ردحذفشكرا علي كلامك اللطيف
ماتعرفيش بيبقا حالي ازاي وانا بسترجع الذكريات دي
ولو سبت نفسي للحكاوي عايزة بلوجر لوحدي
:)
* SHAPE YOUR LIFE (ABOALI)
ردحذفشكرا علي كلامك
وفعلا هو ده كان الشعور
غل تجاه من اغتصب الارض
ومارتحناش غير لما الارض رجعت
:)
* الازهرى
ردحذفياساتر عليك ياازهري
هي موجوده مش نافع مش موجوده مش نافع
حرام عليك البنت رايحه جاي
عريش مصر-مصر عريش
شكرا علي تعليقك اللي دايما بيضيف للبوست
:)
* فتاه من الصعيد
ردحذفده شعورك وانتي بتقري تخيلي شعور من عاش هذه الايام الجميلة
انا بس بعمل نور حوالين الموضوع
واللي عايز يعرف اكتر هيلاقي طرق كتير
الناس الاكبر موجودين
وفي كتاب شرفاء كتبوا بضمير
:)
* rack-yourminds
ردحذفكل العمليات القويه الغير متوقعه في حرب الاستنزاف تدرس الان في الاكادميات العسكريه
طرقة اقتحام خط بارليف نفسها وهي عجب العجاب
تدرس بنبهار ايضا
حرب اكتوبر تدرس بكل ماحدث قبلها وبعدها
شكرا علي كلامك ودعائك
:)
* جايدا العزيزي
ردحذفاهلا بيكي وتنوري اي وقت
وشكرا علي تعليقك الجميل
وان شاء الله نكمل مع بعض
:))
* Haytham Alsayes
ردحذففعلا ياهيثم مواقف الست دي بتقول انها محترمه
ولسه هتكلم عن موقفها بعد الحرب
ورزقي علي الله
:))
ربنا يقدرنا ونحارب دلوقتي علي الاقل
ان شوارعنا تبقا نظيفه
ياراجل ده احنا ماعرفناش نهزم الزبالة
:))
* سهل وسهيلة
ردحذفاهلا وسهلا
شكرا علي المرور
:)
* فشكووول
ردحذفبشكر حضرتك علي تعليقاتك اللي بتضيف للبوست الكتير
وهي اهم من البوست كمان
علشان حضرتك بتحكي من موقع الحدث
ياريت حضرتك تفكر في موضوع سلسلة بوستات تحكي لنا عن الاحداث الهامه دي كلها
:)
* momken
ردحذفالحقيقه المصريين ماعرفوش يستثمروا الروح والنصر اللي كانوا موجودين
انقسم الشعب علي نفسه اقسام كتير
وهتكلم عن ده في بوست انش اء الله
:)
* elsha3er
ردحذفلو كل واحد فينا في موقعه صلح حواليه
صدقني هنتصلح
احنا دايما محتاجين حد يصلح لنا
وللأسف بقينا كل واحد بيقول يالا نفسي
:)
* وداد
ردحذفاهلا بيكي
ياريت نقدر نعيشها بس في انتصارت سلميه
زي اننا نقدر ننتصر علي الزبالة اللي ملت شوارعنا
مع انضف شوارع كانت شوارعنا
ولو مش مصدقاني
شوفي الافلام الابض واسود
:)
* Ramy
ردحذفاتأخر براحتك احنا مش ماشيين قاعدين
:))
اهلا بيك
شكرا علي كلامك يارامي
حبيت اعمله اجزاء علشان اعرف ارغي براحتي
قريت اللي قبل كده؟؟
وطبعا بوست فشكووول وتعليقاته هنا تغطي علي اي بوست ممكن يتكتب
ياريت كمان تقرا التعليقات
:)
الف مبروك ياقلبى
ردحذفابنك هو ابن مصر كلها
رفع راسنا كلنا
ربنا يبارك فيه ويجعل ايامه كلها نجاح
بس عارفه ان دايما بتابع البلد دى فيها حكومه
لان مواضيعه كتير فى الصميم
بس اول مرة اعرف انه ابن حضرتك
بالتوفيق دايما
تحياتى
:$:$:$:$:$:
ردحذفدس معناها انس مكسوف قوي قوي وربنا
ايه كل ده :)
ربنا يخليكي ليا والورد وهمي بجد
الله يبارك في حضرتك
انا لو اعرف ان النجاح هيفرح ناس كتير كده كنت اتخرجت من 2 ابتدائي :)
ميرسي قوي قوي لحضرتك وميحرمناش ابدا من شمس التدوين وست الكل :)
--------
بالنسبة لضد فانا مسامحة خلاص يلا خليها عليا
واه صعبت عليا واخده الطريق رايح جاي
* جايدا العزيزي
ردحذفشكرا علي التهنئه
وفعلا مدونة عادل مدونته جميلة ومواضيعه مهمه ومكتوبه بعنايه
واي شاب في البلوجر ابني طبعا هو انا اطول
وخصوصا اللي زي عادل ادب واخلاق
وكمان عملهااااا فيناااا واتخرج
:))
كلكم اولادي وبناتي
:))
* adel
ردحذفمبروك ياعادل
والله انا اللي مكسوفه كان نفسي نعمل لك احتفال
بس معلش بقا
منهم لله اشرار الشاشه
النجاح عموما له فرحه
بس نجحااااك انت له مليون فرحه
الف مبروك
:))
تهنئة ححضرتك لوحدها احسن احتفال
ردحذفوهي ظروف وهتعدي زي ماحضرتك كنتي بتقوليلي والاشرار ملهمش مكان صدقيني
وهينقلب السحر علي الساحر
ده عادل نجح
الاشرار مش هيختفوا ؟
:)))
لالالا
ردحذفإنت فهمتينى غلط
مش شماته والله
بس إحنا برضه أصحاب واجب وإنت عارفة
يعنى نبعت عيش وحلاوة
تحتاج علبة سجاير تمشى بيها نفسها
ماعملة السجون هى السجاير
يعنى نساعدها
تحياتى دوما
فين البقية ؟ :)
ردحذفكانت أيام.....
ردحذفأيام بطعم النصر والعزة والكرامة
وكان الأمل يخطو خطواته أمامنا يفتح لنا ذراعيه ولكن يبدو أننا خذلناه.
ليته يعود
تقديرى واحترامى لقلمك الذى لخص مشاعرك الجياشة باقتدار.
بارك الله فيك وأعزك
ما أحلى طعم الانتصار
ردحذفالف تشليون مع تريليون مبرووووووك مش كفايه لـ عادل
ردحذفربنا يوفقه باذن الله
مبروك عليكى كمان يا شموسه
الله ياماما انا عنيا دمعت
ردحذفجدو كان حكالى حاجات مشابهه بردو
وحشتينى ياماما
???????????????
ردحذفبصي مش عارفه بحسك كده بمبونايه
ردحذفوانتي في بالي علي طول علي فكره والله
رغم كنت غايبه بس كل مره عاوزه اجي عندك واعلق واقلك انك وحشاني
هتصدقيني؟
كل سنه وانتي بخير
*adel
ردحذفشكرا ياعادل علي كلامك
وان شاء الله الاشرار يمشوا ويعزلوا من البلوجر
وربنا يوفقك في حياتك العمليه
:))
*الازهرى
ردحذفكده برضوا عيش وحلاوة وسجاير
ونبي انت مش جايبها البر انت حر
هي مشكلتها انها مش فاضيه اليومين دول
رايحه جايه مسافرة
:))
* Diyaa'
ردحذفان شاء الله اكمل بس مشغوله اليومين دول جدا
:)
* محمد الجرايحى
ردحذفاهلا بيك
فعلا نحن خزلنا هذا النصر ولم نستثمره ولم نمجده ونحكي بطولاته لتكون قدوة لشبابنا
شكرا علي كلامك ودعائك
:)
* جمهورية فوضى
ردحذفاهلا بيكي في اول زياره
نورتي
:)
* mrmr
ردحذفالله يبارك فيكي
وشكرا ليكي
:))
* كيــــــــــــارا
ردحذفازيك ياجميلة
يارب تكوني بخير
انتي كمان وحشتيني
:))
* سمكه واحده
ردحذفاهلا بيكي ازيك يارب تكوني بخير
انتي فين غايبه كتير كده
انتي كمان وحشتيني
وشكرا علي كلماتك اللطيفه
نورتيني
وكل سنه وانتي طيبه
:))
اولا انا بحسدك انك عشتى الايام العظيمة دى
ردحذفكان فيه روح وامل وعزيمة ثم انتصار وعزة وكرامة وكبرياء لكن النهارده ايه ولاحاجة
عايشين بلا هدف بلا حلم بلاامل روح بلاجسد
ويؤسفنى انى اقول بلا كرامة كمان ولو لاحظتى حضرتك ان كل المعلقين بيتاسفو على الايام دى لان محدش فينا عاش ولاحس ولاكمان يمكن يصدق ان البلد دى كان ليهاروح وعزة وكرامة ويؤسفنى كمان انى بقول كان فعل ماضى (اسف كمان مرة لان اولا طولت شوية)
ثانيا
اسلوب حضرتك بسيط وعميق وجميل وفوق كده صادق وعلى فكره لو التاريخ بيتكتب بطريقه زى دى كانت الناس كلها عرفت يعنى ايه مصر
شكرا لحضرتك وتحياتى
ألف ألف ألف مبروك لعادل ويارب يرفعوا راسنا وراس بلادهم ولادنا الاحباء ..ونشوفهم من نصر لنصر يا أحلى شمس نهار ......عمار يا مصر
ردحذففين الجديد
ردحذفالله
ردحذفهى دى مصر وهما دول المصرين
يابختك بجد انك عاصرتى الايام دى .. لما الواحد يقرا غير مايعاصر
بس السؤال دلوقتى
هل مصر ممكن ترجع زى ماكانت ؟
هل المصرين حاسين بكرامتهم فى بلدهم ؟
عجبنى موقف السيده جيهان السادات اوووووى
انتى فين ياجميل.؟؟؟
ردحذفوحشتينى بقالك منقطعه فترة كبيرة
مستنيه زيارة ياقمر
تحياتى
* عباس ابن فرناس
ردحذفاهلا بيك
شكرا علي مجاملتك اللطيفه
وموافقاك علي كلامك
واضيف ان لازم يكون في قدوه
الشباب الان يفتقدوا للقدوة
وطول زي ماتحب المدونه ترحب بالنقاش والتعليقات الطويله
:))
* كلمات من نور
ردحذفاهلا بيكي ياجميلة
الله يبارك فيكي
منوراني دايما ياقمر اسكندريه
:))
* محمود(باحث عن حب)
ردحذفاهلا يامحمود
ان شاء الله هكتب البوست الجديد
بس كان في ظروف
:))
* دعاء العطار
ردحذفاهلا يادودو
اجابتي للأسف ان لا مش هنعرف برجع زي ماكنا زمان الا لو غيرنا مابانفسنا
ولا المصريين مش حاسيين بكرامتهم في بلدهم
بس عندي امل ان الحال يتصلح
:))
* بنت الغربة
ردحذفاهلا ياجميلة
انا هو موجوده تحت النظر
واديني باجي شويه وبمشي شويه
وزرت وعلقت من قبل مااجي هنا
نورتيني
:))
ياريت مصر تفضل مصر زى ماهيا :(
ردحذف