اليوم السابع كتبت الخبر
ده
كله غلط في غلط
الاوتوبيس ده لونه اصلا برتقالي
والناس اللي فيه كانوا من ضمن قافلة اربع اتوبيسات تابعة لشركة سياحة
تقل عائلات شركة فاليو رايحين يقضوا اجازة شم النسيم في دهب
وسواق الاتوبيس نمرة 4 اللي كانت فيه اسرة بنتي
كان بيسوق بسرعة جنونية
وقالوا له اكتر من مره ومافيش فايدة
وفي منحني شديد الفرامل سابت وانقلب الاتوبيس
ومات اربعة فعلا وقطعت ارجل شاب
واتنين في حالة خطرة
وطبعا اترموا علي الرمل بعد مااتنطروا من الاتوبيس وهو بيتقلب اكتر من مره
ومافيش عربية اسعاف الا بعد ماالمصابين وقفوا العربيات علشان يكلموا الاسعاف علشان المكان مافيهوش شبكة
وطبعا عربيات الاسعاف فيها مسعفين الله اعلم بيهم
واللي انقذ الموقف مرور دكتور ايطالي يعم
ل بالمستشفي الايطالي بالقاهرة مسافر
اسعف الناس علي قد ربنا ماقدره
وذهبوا الي مستشفي طابا اللي مافيهاش اي امكنيات
والحالات الحرجة راحت مستشفي شرم الشيخ
طبعا المصابين رجعوا بالطيران ليلا واخدناهم لمستشفي كيلوبترا اللي عملنا فيها خناقتين تلاته
لتعامل بعض العاملين معانا بغرابة وتناحة يحسدوا عليه
وطبعا ازعجنا دكتور الاطفال من نومه علشان يكشف علي الاطفال
ورجعنا بعد الفجر
ومش هقول غير حسبي الله ونعم الوكيل في كل اهمال فيكي يامصر
ده
كله غلط في غلط
الاوتوبيس ده لونه اصلا برتقالي
والناس اللي فيه كانوا من ضمن قافلة اربع اتوبيسات تابعة لشركة سياحة
تقل عائلات شركة فاليو رايحين يقضوا اجازة شم النسيم في دهب
وسواق الاتوبيس نمرة 4 اللي كانت فيه اسرة بنتي
كان بيسوق بسرعة جنونية
وقالوا له اكتر من مره ومافيش فايدة
وفي منحني شديد الفرامل سابت وانقلب الاتوبيس
ومات اربعة فعلا وقطعت ارجل شاب
واتنين في حالة خطرة
وطبعا اترموا علي الرمل بعد مااتنطروا من الاتوبيس وهو بيتقلب اكتر من مره
ومافيش عربية اسعاف الا بعد ماالمصابين وقفوا العربيات علشان يكلموا الاسعاف علشان المكان مافيهوش شبكة
وطبعا عربيات الاسعاف فيها مسعفين الله اعلم بيهم
واللي انقذ الموقف مرور دكتور ايطالي يعم
ل بالمستشفي الايطالي بالقاهرة مسافراسعف الناس علي قد ربنا ماقدره
وذهبوا الي مستشفي طابا اللي مافيهاش اي امكنيات
والحالات الحرجة راحت مستشفي شرم الشيخ
طبعا المصابين رجعوا بالطيران ليلا واخدناهم لمستشفي كيلوبترا اللي عملنا فيها خناقتين تلاته
لتعامل بعض العاملين معانا بغرابة وتناحة يحسدوا عليه
وطبعا ازعجنا دكتور الاطفال من نومه علشان يكشف علي الاطفال
ورجعنا بعد الفجر
ومش هقول غير حسبي الله ونعم الوكيل في كل اهمال فيكي يامصر
للاسف هوده حال الاسعاف واالطب عندنا
ردحذفالدكتور بيتعاملمع المريض علي انه حالة
ومش فارقة معاه ينقذه بقه ماانقذوش
مش فارقة معاه حاجة
لسة قدامنا كتير اوي عشان نعرف
قيمة البني ادم اللي ربنا كرمه ياشموسة
قلوبنا معاكي ياست الكل
على فكرة بالنسبة لصورة الاتوبيس مكتوب في الخبر انها صورة ارشيفية يعني مش الصورة الحقيقية
ردحذفبالنسبة للاهمال فهو مستشري اكتر من الفساد في مر
كل مواطن فينا جواه كائن مهمل و نادر اللي بيشوف شغله و يخاف على غيره
حمد الله بسلامة اسرة بنتك و ربنا يرحم المتوفين و يسكنهم فسيح جناته و يشفي المصابين اللهم امين
تحياتي
طمنينا طيب على الاقارب
ردحذفالسلام عليكم
ردحذفارجو انك تطمنينا
لان البوست مش مطمنى
حسبي الله و نعم الوكيل بالفعل على هذا الأمر ..
ردحذفآه ..
أسأل الله أن يصلح حال مصرْ ..
دمتِ بخير شمس ..
تحيآاتي لكِ ..
معظم الصحف المصرية بتكتب الاخبار خطأ وتحس انها بتكتبها على مزاج محرريها..
ردحذفما علينا
المنظومة الصحية فى مصر كغيرها من المؤسسات والمنظومات يعتيرها فساد كبير وخلل كبير..واللى بيضيع هو حق المريض الغلبان..من فترة قليلة جدا ومع بداية احتكاكى بتلك المنظومة كتبت ذلك المقال بعنوان تدنى مستوى الخدمات الصحية فى مصر!
من هنا
الف سلامة علي بنت حضرتك ... وربنا يلطف بيها ... واللي كانوا معاها ... ويقومهم بالسلامة ان شاء الله .
ردحذفوفعلا ... حسبنا الله ونعم الوكيل في كل ظالم ومهمل .
لا حول ولاقوة الا بالله
ردحذفطمنينا بليييز على اسرة بنتك
يارب يكونوا بخير
وفعلا حسبي الله ونعم الوكيل في الاهمال والتهور اللى ضيع ارواح ناس مالهمش ذنب
ربنا يتولاهم برحمته
*سواح في ملك الله
ردحذفالاسعاف قالتلهم ماكناش جاين اصل مافيش بنزبن
الحمد لله الناس اللي علي الطريق وقفتلهم علي ماالاسعاف باشا جتلهم
الحمد لله ياخالد همه كويسين بس نفسيتهم تحت الصفر من اللي شافوه
لا حول ولا قوة إلا بالله العلي العظيم ، ربنا يطمنك عليهم يا رب ويحفظهم لك من كل سوء آمين
ردحذفأولا : قدر الله وماشاء فعل وحمد الله على سلامة الأسرة.
ردحذفثانيا : الإهمال الطبى فى مصر تؤلف فيه مجلدات وانا شخصيا ليا معاه ذكريات أليمة للغاية ... مفيش فايدة بجد لأن المشكلة مش نظام وزارة صحة ولا نظام مستشفيات حتى لو خاصة .. المشكلة مزدوجة : وزارة وموظفين كمان
الحمد لله على كل شئ
تحياتى
*مصطفي سيف الدين
ردحذفان شاء الله نزل صور للحادثة
الله يسلمك يا مصطفي
وشكرا علي دعواتك
*مصري جدا
ردحذفالحمد لله عملنا لهم اشعات علي كل حته علشان همه اتنطروا من الاتوبيس علي بره
والحمد لله كله سحقات وجروح وكدمات
*ابراهيم رزق
ردحذفشكرا علي تليفونك
ربنا يكرمك
*dodo, the honey
ردحذفشكرا ليكي يادودو
ربنا يكرمك
*Dr Ibrahim Samaha
ردحذفالمشكلة ياابراهيم ان حتي علي مستوي الاشخاص مع بعض
بنتعامل ولا الكفرة مع المؤمنين
الاشخاص نفسهم غاية في الاستهتار
تخيل يدوني حقنة منزوعة السن
فيها مادة مخدرة ويقولي افضلي ادي للولد لحد ماينام علشان نعرف نعمل له الاشعات
تخيل !!!
هو انا دكتورة افرض اديت الولد اوفر دوز
ولما اخويا زعقلهم جت ممرضة تتعامل مع الموقف
ومواقف كتير مش ممكن مش مصدقة وده في مستشفي خاص وكمان من اللي بيتهدوا علي الاصابع
من فضلك طمنينا عليها يا حاجة شمس
ردحذفالله يعافي كل مصاب
لولا
الف الف الف سلامة على اسرة حضرتك حمد الله على سلامتهم
ردحذفانا اسف بجد لسة عارف انا كنت اغلقت المدونة الكم اليوم اللى فاتوا
الاهمام هيفضل موجود ياشمس طول مفيش حساب عسير للمهمل
مع خالص تحياتى
*اندروميدا
ردحذفالله يسلمك وشكرا علي دعواتك
السواق مقبوض عليه حاليا وهيترفع علي شركة السياحة كم من القضايا يبقوا بعدها يعرفوا يربوا السواقين علي الاستقامة وعدم الاستهتار
*Baskouta
ردحذفالحمد لله والشكر لله كوسين ماعدا بعض الكدمات والاجروح نتيجة طردهم من العربية عن طريق الشبابيك
وحسبي الله ونعم الوكيل في السواق المتهور المستهتر
*P A S H A
ردحذفشكرا ربنا يخليك ويكرمك
همه الان احسن وبخير
*Foxology
ردحذفالمشكلة مش في وزارة الصحة ولا في الجدران
المشكلة في الانسان المصري
اللي هو اساس اي شئ
تحس ان في استهتار بكل شئ
مافيش ضمير
ياريت الضمير يصحي هتصحي معاه كل الاشياء
*لـــولا وزهـــراء
ردحذفالحمد لله همه كويسين الان
الا من جروح وكدمات وبنتي مش قادرة تمشي من ضهرها
والحمد لله علي كل حال
*Tamer Nabil Moussa
ردحذفالله يسلمك ويباركلك
ايوة ياتامر طول مامحدش بيتحاسب هنفضل كده
بس هيترفع ان شاء الله كم من القضايا علي شركة السياحة هيعرفوا ينقوا السواق بعد كده
ليه كنت قافل المدونة؟
لا حول ولا قوة الا بالله
ردحذفطيب هما كويسين ؟