وده الحاجز الخرساني اللي اتفرم بينه وبين الاوتوبيس اللي توفاهم الله والاحمر ده دمهم
ده مكان ماالاوتوبيس اتقلب اول مره
ده الاوتوبيس بعد مااتعدل
ودي مقالتين عن الحادث
الاولي
التانية
وماعرفتش اجيب لينك بتاعة الاخبار
اما اليوم السابع ماهنش عليهم يصححوا الخبر
ان شاء الله هيترفع قضايا كتير علي الشركة اللي مشغلي السواق المستهتر
صحيح انه مقبوض عليه بس هنتابع هيتعمل فيه ايه
الشركة فرنساوي ومش هتفرط في الموضوع ده
كل اللي همهم انه يبقا في تواجد امني في المطار علشان خايفين من اهالي المصابين
السلام عليكم ياشموسة
ردحذفقلوبنا معاكي
عايزين نطمئن علي اقربائك
ربنا بأذن الله هينتقم من كل من استهان بروح بني ادم
تحيتي
شمس الشموس
ردحذفربنا يرحم من توفوا
و اتمنى ان يدفن مع من توفوا الاهمال و الاستهتار
الف حمد الله على سلامتهم
تحياتى
*سواح في ملك الله
ردحذفوعليكم السلام ورحمة الله وبركاته
الحمد لله بخير
الحمد لله دول طلعوا منها بفضل الله وكرمه عليا
نفسيتهم تحت الصفر طبعا
ومهدودين اجسامهم كلها كدمات وجروح
وبنتي مش عارفة تمشي من ضهرها
ان شاء الله هنعمل لهم اشعات كامله تاني بكره
الحمد لله علي كل شئ
ردحذفوالف سلامة لابنتك العزيزة
وبأذن الله ستكون بخير
تحيتي
الحمد لله ياحاجه .. دائما المؤمن مصاب .. ربنا يرحم الضحايا وتطمئنى على بنت حضرتك وطمنينا .. بلدنا يا حاجه ما عدتش بلد زى بلاد خلق الله .. الاهمال فيها هو القاعده والهمه هى الاستثناء .. الحمد لله قدر الله وما شاء فعل
ردحذفلا حول ولا قوة الا بالله
ردحذفربنا يرحمنا برحمته والف سلامة على الأسرة
تحياتى
لا حول ولا قوة الا بالله
ردحذفربنا يقومهم جميعا بالسلامة
و يتغمد من توفى برحمته يارب
مساء الغاردينيا شمس
ردحذفلاحول ولا قوة الا بالله
بجد اتضايقت وخفت اكتر وانتي بتقولي بنتي مش قادرة تمشي من ظهرها
طمنينا عنها وعن كل الي كانو في الاتوبيس ربنا معاكم "
؛؛
؛
لروحك عبق الغاردينيا
كانت هنا
reemaas
حمدا لله على سلامتهم
ردحذفوربنا معاكي متسيبيش حقك
حمدالله على سلامتهم وربنا يطمنك وتطلع نتائج الاشعة خير
ردحذفربنا يصبر الأهالى
وربنا يستر
دمت بخير
*ابراهيم رزق
ردحذفالله يسلمك ياابراهيم
الاهمال عمره ماهيندفن الا لو
صحي ضمير الناس
اتفعل قانون العقاب علي المهمل
بس يتفعل علي الكل
*سواح في ملك اللــــــــــــــــــه
ردحذفالحمد لله
شكرا ليك ياخالد
ربنا يكرمك
*فشكووول
ردحذفشكرا علي سؤالك
والحمد لله هي بخير وزوجها وابنها
ربنا يكرمك
*Foxology
ردحذفشكرا ياابو يوسف
ربنا يكرمك
ويبارك لك في يوسف
*جارة القمر
ردحذفشكرا علي دعواتك
ربنا يكرمك
*ريـــمـــاس
ردحذفشكرا علي سؤالك
الحمد لله هي احسن كتير
ربنا يكرمك وان شاء الله خير
*mira@
ردحذفالله يسلمك وان شاء الله حقهم وحق اللي ماتوا مش هيروح
*رؤى عليوة
ردحذفالله يسلمك ويخليكي
دعواتك ليهم وللمتوفين
بنتي احسن الحمد لله
شكرا علي سؤالك
الحقوق محفوظة لا صحابها وان ضاعت فى الارض فهى باقية عند الحق معطى الحقوق ...فلا تقلق
ردحذف*كلام على بلاطة
ردحذفالسواق ده ربنا ينتقم منه
حرم ام من ابنهااللي عنده سنة
وحرم بنت عندها اربع شهورمن امها
وحرم اسرة من ابوهم الشاب
وقهر قلب ام علي بنتها الشابة اللي ماتت وابنها اللي ياعالم ممكن يمشي تاني ولا لأ
الي اخر قائمة المصابين
و يبقى الاهمال سيد الموقف
ردحذفو تبقى ارواح الناس اخر ما تفكر فيه شركان النقل و المواصلات
لا حول و لا قوة الا بالله
*AHMED SAMIR
ردحذفتخيل ان السواق لما الموضوع فلت منه قالوا له اخبط في الحاجز الخرساني علشان نقف او تخف سرعة الاوتوبيس يقول لهم الاوتوبيس عهده
قد كده هان الانسان علي الانسان باللاوتوبيس