الخميس، 22 أغسطس 2013

اللامبارك

في ايه ياخلق
انتوا خايفين من خروج مبارك
وخروجه منين
ده مخلي سبيله
يعني لسه بيتحاكم
واهو هيقعد تحت الاقامة الجبرية
يعني مسجون برضوا
ده اتفاق  مع مرسي
ادفع اللي عليك
واخرج
ودفع 18 مليون
ده اخلاء سبيييييييييييييييييييييييل
مش براءة
الحمد لله ان مرسي اتشال 
ولحقناه قبل ما كان فعلا ياخد براءة

الأربعاء، 21 أغسطس 2013

صفوت حجازي

الجميع 
ماعدا مريديه طبعا
فرحان بالقبض علي صفوت حجازي
ليييييييييييييه
؟؟؟
مش علشان هو اخوان بس 
لأ طبعا
علشان هو شعللها علي الاخر
وخلع
قالك لو وزير الدخلية راااجل يجي الاعتصام
وقالك انا قاعد هنا لحد ماانول الشهادة
وهو جري بعد تاني نداء من الشرطة في فض الاعتصام
ودلوقتي ظهر في نيو لوك وهو بيستعد للهرب
يعني انت تسببت في في كل بحور الدم دي
وبتهرب
قلت اللي هيرش مرسي بالمية هنرشه بالدم
والدنيا كلها غرقت دم
وبتهرب
حسبي الله ونعم الوكيل
والحمد لله انك اتكشفت وظهرت علي حقيقتك
فاااااااااار 
جري من السفينة اول ماغرقت
ان الله يمهل ولا يهمل
كان ممكن يتقبض عليك من اول يوم لولا انك هربت
بس كنت هتبقا بطل 
لكن ربنا لجل الفتنة اللي انت عملتها
حب يفضحك ويبينك للناس علي حقيقتك
ماانتاش بطل
انت بلونة 
وظاهرة صوتيه فقط لاغير
منك لله
مش ياشيخ
لأ
ياشبيح

الثلاثاء، 20 أغسطس 2013

محاكم التفتيش

كنت ناوية اكتب تدوينة
بس لاقيت الموضوع اكبر من تدوينة 
قلت اجيب لكم بعض الروابط
وادخلوا وشوفوا محاكم التفتيش في اوروبا
علي كل لون ياباطستا
يعني
مسحين ضد مسحين
ومسحين ضد مسلمين
قله بيقتل كله علشان مختلف معاه في الدين
او لو دين واحد مختلف معاه في المذهب
اللي قلبه ضعيف مايقراش
======

الاثنين، 19 أغسطس 2013

كفاية دم بقا

ايه العبث اللي احنا فيه ده 
نص الشعب متخانق مع نص الشعب 
والشعب متخانق مع الاخوان 
وملبسهم كل مصيبة 
دول مش اخوان بس 
نسيتوا الجهادين 
والتكفير والهجرة 
والسلفية الجهادية
الي اخر الرصة اللي مالهاش اي لزمة دي 
الاخوان جابوا الناس دي كلها 
علشان تثبتهم في الحكم ويرهبونا بيهم 
بس ماتوصلش لكده حرق في كل حته 
وكماااااااااااااااااان تقتلوا 25 بني ادم 
مالهمش ذنب في اي شئ في اي شئ 
والاقي ناس اخوان 
طالعين يقولك ده الجيش اللي عملها 
علشان يلهي الشعب 
وكمان يثبت علينا تهمة الارهاب 
وهو انت محتاج دم 25 بني ادم 
انت اصلا عملت الواجب وزيادة معانا
علشان نعرف انك ارهابي 
وحسبي الله ونعم الوكيل

السبت، 17 أغسطس 2013

ماشاء الله

ماشاء الله
امريكا بقا زيها زي طالبان 
ياحلاوة
بقا طااااااااالبان 
مش عجبها اللي بيتعمل في المتأسلمين
ماعلينا
ياخساره اهلي ربوني اوي
سوري بشرشح بيها امريكا
وبفكرها بمين اللي عمل واخترع الارهاب واحتضنه
بالوقائع والتواريخ
اه
انا لمااشرشح اشرشح بطريقة علمية معملية

الجمعة، 16 أغسطس 2013

سنة خمسة

للأسف بنعيش ايام
مايعلم بيها الا المولي
ان شاء الله تعدي علي خير
والشهر ده اول امس
اي يوم فض الاعتصام
المدونة دي تمت خمس سنوات
كنت محضرة تدوينة تانيه خالص
بس حسيت ان ماينفعش انشرها
كمان ازهري كمل علي
لما قالي ان ضياء مقبوض عليه
ومش عارفين هو فين
ربنا يطمنا عليه

الأحد، 11 أغسطس 2013

مسلسلات العار

شكرا للمسلسلاتيه
علي هذا الكم من اللااخلاق
شوهتونا
وصدرتم للعالم اننا زبالة
عيب عليكم

السبت، 10 أغسطس 2013

الخميس، 8 أغسطس 2013

عيد مش اي عيد



كل سنة وانتم طيبين وبخير وصحة وسعادة
العيد ده مختلف
زي ماكان رمضان مختلف
ربنا يفك كربنا 
والمصرين ترجع لهم ضحكتهم

الخميس، 1 أغسطس 2013

ابو الريش ان شاء الله تعيش

ان شاء الله 3 اغسطس 
يعني يوم السبت الجاي
في تجمع خير امام مستشفي ابو الريش
اللي نقدر عليه نعمله
ويارب الجميع يقدر يشارك 
واللي مش هيقدر يجي 
يبعت اللي عايز يبعته مع اي حد يعرفه