الخميس، 26 أبريل 2012

ايه الكلام الجميل ده!!

عاشق سارح في الملكوت
مايهموش العمر يفوت يدفع في الحرية حياته
ولو اتكتف للحظة يموت
قلبه بيبرق زي الماس
ولا يطلب غير الاحساس
غرقان في جروحه والامه وبيداوي في جروح الناس
بايع قلبه للي يحبه
وماعندوش للحب شروط
عاشق سارح في الملكوت ولو اتكتف للحظة يموت
طير في السما وما لوش عنوان
وفي ايده خاتم سليمان
كان عايز بالضحكة يغير ويدوب كل الاحزان
عاش الحلم كأنه حقيقة
وافتكر ان الدنيا بريئه
من طيبته سلم لحبيبته وحبيبته بتبيع في دقيقة
قوم واتحرر من اوهامك
العمر بيخلص قدامك
الطير مش هيطير في جهنم
ومافيش سمكه بتعشق حوت
عاشق سارح في الملكوت
مايهموش العمر يفوت
يدفع في الحرية حياته
ولواتكتف للحظة يموت

الثلاثاء، 24 أبريل 2012

البقدونس +تحديث :))

================================================
في مثل بيقول حاشر نفسه في كل حاجة زي البقدونس
:))
نشوف فوائد البقدونس ايه ؟
وليه اهل زمان قالوا عليه كده

1-يسكن الالم اللثة والاسنان ومطهر للفم
2-يحافظ علي نضارة البشرة والشعر والعين
3-
ويمكن تناول البقدونس بأي كمية لأنه لا يحتوى على دهون أو كوليستيرول
وتناوله مع اللحوم له أهمية خاصة، حيث يعادل حموضتها ويحث على إفراز العصارات الهاضمة خاصة العصارة الصفراوية مما يساعد في هضم الدهون التي تحتويها اللحوم।
4-
و للبقدونس العديد من الفوائد في تقليل الغازات والتقلصات المعدية المعوية الناتجة عن سوء الهضم والأكلات الدسمة،
كما أن له تأثيرا على العضلات الملساء كباسط لها ويزيل آلام المغص।
5-
بالإضافة إلى فائدته كمدر للبن الأم
وتخفيض الدهون في الدم وضغط الدم
وحمض اليورك الذي يسبب ارتفاعه مرض النقرس।
وكمان بيفيد الكلي جداااااااااا
يارب حد يستفيد من المعلومات اللي لطشتها من علي النت دي
واللي عايز يعرف اكتر النت مليان كلام عن البقدونس:)

الخميس، 19 أبريل 2012

غير معرف :) +تحديث هااااااااام

هنشر لكم تعليق غير معرف عن هذا البوست
وده غير المعرف المؤدب اللي فيهم
بس عايزة اقوله
ان غير المعرف اللي قال اصلي الفجر كان في القاهرة
علشان قالي انا كنت في التحرير الصبح ماشوفتش اللي بتقولي عليه ده
ومااعتقدش انه بخطوة الصبح في التحرير والفجر في امريكا مثلا
وكمان علي النت
:)))
ونبي غير معرف دول مسليني
وادينا كلنا علي رأي السيد المخلوع خاليهم يتسلوا
اه بالمناسبة المخلوع دي مش شتيمة دي صفة
:))
=============================
اظرف تعليق قابلته من غير معرف
بعد ماشتمني وشبع شتيمة يعاقب عليها القانون
قالي جتك القرف هضيعي عليا صلاة الفجر
ابص في توقيت نشر التعليق الاقي الفجر كان عدي عليه 3 ساعات
علي راي بنوته علي تويتر
اسلام ايه الل
ي بيدافعوا عنه
يوكنش اسلام ابن اختي
انتشر الاسلام بحسن خلق المسلمين وصدقهم وطهارة تعاملهم
لكن انسان مسلم عارف ان( لاتنابزوا بالالقاب)
ويشتم ويقول بد
افع عن الاسلام
!!!!!

الاثنين، 16 أبريل 2012

الحادثة

وده الحاجز الخرساني اللي اتفرم بينه وبين الاوتوبيس اللي توفاهم الله والاحمر ده دمهم
ده مكان ماالاوتوبيس اتقلب اول مره


ده الاوتوبيس بعد مااتعدل

ودي مقالتين عن الحادث

الاولي


التانية


وماعرفتش اجيب لينك بتاعة الاخبار

اما اليوم السابع ماهنش عليهم يصححوا الخبر

ان شاء الله هيترفع قضايا كتير علي الشركة اللي مشغلي السواق المستهتر
صحيح انه مقبوض عليه بس هنتابع هيتعمل فيه ايه
الشركة فرنساوي ومش هتفرط في الموضو
ع ده


كل اللي همهم انه يبقا في تواجد امني في المطار علشان خايفين من اهالي المصابين

السبت، 14 أبريل 2012

حسبي الله ونعم الوكيل

اليوم السابع كتبت الخبر
ده
كله غلط في غلط
الاوتوبيس ده لونه اصلا برتقالي
والناس اللي فيه كانوا من ضمن قافلة اربع اتوبيسات تابعة لشركة سياحة
تقل عائلات شركة فاليو رايحين يقضوا اجازة شم النسيم في دهب
وسواق الاتوبيس نمرة 4 اللي كانت فيه اسرة بنتي
كان بيسوق بسرعة جنونية
وقالوا له اكتر من مره ومافيش فايدة
وفي منحني شديد الفرامل سابت وانقلب الاتوبيس
ومات اربعة فعلا وقطعت ارجل شاب
واتنين في حالة خطرة
وطبعا اترموا علي الرمل بعد مااتنطروا من الاتوبيس وهو بيتقلب اكتر من مره
ومافيش عربية اسعاف الا بعد ماالمصابين وقفوا العربيات علشان يكلموا الاسعاف علشان المكان مافيهوش شبكة
وطبعا عربيات الاسعاف فيها مسعفين الله اعلم بيهم
واللي انقذ الموقف مرور دكتور ايطالي يعم
ارتباطل بالمستشفي الايطالي بالقاهرة مسافر
اسعف الناس علي قد ربنا ماقدره
وذهبوا الي مستشفي طابا اللي مافيهاش اي امكنيات
والحالات الحرجة راحت مستشفي شرم الشيخ
طبعا المصابين رجعوا بالطيران ليلا واخدناهم لمستشفي كيلوبترا اللي عملنا فيها خناقتين تلاته
لتعامل بعض العاملين معانا بغرابة وتناحة يحسدوا عليه
وطبعا ازعجنا دكتور الاطفال من نومه علشان يكشف علي الاطفال
ورجعنا بعد الفجر
ومش هقول غير حسبي الله ونعم الوكيل في كل اهمال فيكي يامصر

الخميس، 12 أبريل 2012

نحكي شوية :))


ده لينك
تدوينة لطشاها من عند هاني

مصري جدااااااااااااااا
بس ياخسارة قافل التعليقات
-------
ان شاء الله التدوينة القادمة هتكون التشكيل الوزاري
اللي هكون ريسة عليكم فيه
ياسواح هاااااااااا

مش حد تاني
-------

النهاردة قابلت صحبتي
وكان معاها ابنها اللي كانت دايما تشتكي منه انه لعبي ومش بيصلي
وليل ونهار بيسمع اغاني ...الخ
وتفضل تدعي له ربنا يهديه

شمس:اهلا اهلا ازيك ياريس عامل ايه
ابنها:الحمد لله ياتانت بخير
شمس:ماشاء الله انت ربيت دقنك
ابنها :ايوة ياتانت الحمد لله
شمس :بارك الله فيك
ليه بقا ربتها
ابنها :ده موافق للمرحلة ياتانت
شمس :اه نيو لوكيعني :)) زي فورمة الساحل كده
ابنها :مش اوي يعني
شمس :طب علي كده بقيت بتصلي
ابنها :يعني مش للدرجة
شمس :طيب يابني ربنا يهديك وتواظب علي الصلاة والقرآن
ويكرمك ربنا وتحلق دقنك

ان كيدهن عظيم


ده شعار المرحلة القادمة
بما اني ارشح نفسي يبقا نساء الدولة هيغلبوا علي رجال الدولة
ومش شايفة ناس كتير حجزوا وزارات
ياريت نخلص علشان نعلن التشكيل الوزاري
:))))
نيجي بقا
لحازم والست الوالدة الامريكية واللي هو بيلعب بالقانون في الحتة دي
وماحدش فاهم حاجة
وعلي فكرة اخويا امريكي من 25 سنة
ومافيش ورقة فيكي يامصر تقول انه امريكي
الا لو الخارجية هي اللي خاطبت امريكا
زي حسين سالم كده
اي مصري امريكي لما بيجي مصر بيدخل بالباسبور المصري
ولما بيروح اي حته في العالم بيروح بالباسبور الامريكي
الجرين كارد ده بيتاخد يااما انت مقيم اقامة كاملة في امريكا
يااحد الوالدين امريكي
بالنسبة للزيارة
والدتي بتزور اخويا بقالها20 سنة
وبتجدد التأشيرة كل 5 سنين
ومابنحتجش علشان نزوره الجرين كارد
لما كنت هناك اخر مره ادوني 6 شهور اقامة
ولو عايزة اقعد اكتر بعد الست شهور
اروح كندا وادخل تاني
انا مايفرقش معايا والدته امريكية ولا لأ
لكن يفرق معايا ان واحد عايز يبقا رئيس جمهورية
وبيلعب بالاجراءات ليه وعشان ايه
المقيمين في امريكا وخصوصا نيويورك
يعلموا تماما ان والدته دكتورة في الشريعة امريكية
تحمل جواز سفر امريكي
وللأسف ده ماينفعش يتثبت الا لو هي عملت جريمة وامريكا تقول لأ دي امريكية
زي اسبانيا وحسين سالم
او حد من اولادها او اخوتها يطلب اثبات تجنسها
وطبعا في طرق كتير
مش هتخفي علي اللي عايزين يطيروا
حازم ابو سماعيل
وطبعا الموضوع لازم يطول شوية ويبقا فيه ساسبنس
علشان نتلهي شوية عن اللي بيحصل
في التأسيسية والمحاكمات اللي شغالة اليومين دول
والمرشحين والحركات
والله الموفق والمستعان
:)))

السبت، 7 أبريل 2012

تشكيل شمس الوزاري :))+تحديث وهام كمان

وادي اول بوستر في الحملة الانتخابية
رشوة من فوكس مدونة الكيت كات
معلش اصله راسم علي وزراة الداخلية:)



ان شاء الله ندخل انتخابات الرياسة
برجلنا اليمين
ونقول يارب
وعلشان نبقا علي نور (طبعا مش نور حفيدي)
هنشكل الوزارة سوا
طبعا انا الريسة
وان شاء الله التشكيل الوزاري البوست الجاي
يبقا كل اللي في نفسه وزراة يجي يقول لي عايز ايه
وطبعا علشان سواح في ملك الله اتنازل لي يبقا هعمله النائب الاول
وكمان الموجي اتنازل هعمله النائب التاني
وعلشان ابراهيم رزق تعبنا من اسم مدونته هديله وزارة الثقافة علشان انتقم منه
وماما مازن هتاخد السياحة
وبيوتيفول مايند عايز البيئة
هيعمل بيها ايه مش عارفة
بس يمكن السحابة الس
ودا تمشي علي ايده
وكل شوية هدخل اوزع الوزارات كده كل مااتشاور
والله الموفق والمستعان
حد هيقول ولزمت التيجان دي ايه ياشمس
هقولك طبعا مش هبقا الملكة
ماانا ماقلتلكمش
انا اول ماابقا الريسة
هعمل جلسة مشتركة بين مجلسي الشعب والشوري
وكل ترزية القوانين اللي حدانا في بر مصر وهنقلبها ملكية

:))
والملكة لازمه
ا تاج طبعا
وده برضوا هنبقا
ننقيه مع بعض
شوفتوني انا ديمقرطية ازاي
فين بقا البوستر ان ماحد بعتلي بوستر واحد

الثلاثاء، 3 أبريل 2012

مابدهاش بقا :)))))


انا عايزة اترشح للرياسة ياجماعة

ايه قولكم بقا
يعني هي جت عليا

هااااااااااااا
نقول علي بركة الله

وعلي راي الكلمات الشبابية

هشهيص الشعب
وطبعا هخص بلوجر بأكبر قدر من الشهيصة
:))
بس لو اوكيه
فكروا بقا هنلاقي فين مكان للبوسترات
:))