الخميس، 26 أبريل، 2012

ايه الكلام الجميل ده!!

عاشق سارح في الملكوت
مايهموش العمر يفوت يدفع في الحرية حياته
ولو اتكتف للحظة يموت
قلبه بيبرق زي الماس
ولا يطلب غير الاحساس
غرقان في جروحه والامه وبيداوي في جروح الناس
بايع قلبه للي يحبه
وماعندوش للحب شروط
عاشق سارح في الملكوت ولو اتكتف للحظة يموت
طير في السما وما لوش عنوان
وفي ايده خاتم سليمان
كان عايز بالضحكة يغير ويدوب كل الاحزان
عاش الحلم كأنه حقيقة
وافتكر ان الدنيا بريئه
من طيبته سلم لحبيبته وحبيبته بتبيع في دقيقة
قوم واتحرر من اوهامك
العمر بيخلص قدامك
الطير مش هيطير في جهنم
ومافيش سمكه بتعشق حوت
عاشق سارح في الملكوت
مايهموش العمر يفوت
يدفع في الحرية حياته
ولواتكتف للحظة يموت

هناك 19 تعليقًا:

ابراهيم رزق يقول...

شمس الشموس

المسلسل ده من اجمل المسلسلات اللى استمتعت بها لدرجة انى شاهدته فى يومين رغم ما حدث من مشاكل انتاجية فى الفينال
للا ان اداء عبقرى من خالد الصاوى
فعلا الاغنية جميلة جدا
كلمات ولحن و اداء

تحياتى

سواح في ملك اللــــــــــــــــــه- يقول...

كلمات جميلة فعلا ياشمسنا

احيي اختياراتك

rona ali يقول...

الاغنيه دى بتغنيها ريهام وريهام
دايما متميزة ^_^

seo يقول...

فيه خلطة فى الآغنية
ومافيش سمكه بتعشق اخوه مش اخوه هى حوت
يعنى وما فيش سمكة بتعشق حوت

شمس النهار يقول...

*ابراهيم رزق

اناماكنتش اعرف انه مسلسل
انا سمعت الاغنية بالصدفة
:))

شمس النهار يقول...

*سواح في ملك اللــــــــــــــــــه

كلمات جميلة والتركيبة بتاعتها رائعة

شمس النهار يقول...

*rona ali

ايوة بحب صوتها جدا
وسمعتها في اغاني ام كلثوم رائعة

شمس النهار يقول...

*seo

شكرا علي التصحيح انا كمان كنت مستغربة التعبير
وكمان صلحتها في البوست

dodo, the honey يقول...

بالفعل هي جميلة جدًا ..

دمتِ بخيرٍ شموسة ..

تحيآاتي لكِ ..

Foxology يقول...

مسلسل خاتم سليمان رقى فنى بمعنى الكلمة للفنان خالد الصاوى اللى أعتقد أنه نضج فنياً وسيكون علامة كبيرة فى تاريخ الفن المصرى.

تحياتى

شمس النهار يقول...

*dodo, the honey

كلماتها راقية
وبسيطة وبريئه

:)

شمس النهار يقول...

*Foxology

انا عرفت ان الاغنية دي مسلسل بالصدفه
اصلي ماليش في المسلسلات خاااااااالص

:))

مصطفى سيف الدين يقول...

جميلة اوي الاغنية دي
بحبها جدا

شمس النهار يقول...

*مصطفى سيف الدين

كلمات خطيرة رائعة

نور القمر يقول...

كلمات رائعه بجد .. شكرا لك
مع تحياتى
نور

ماما أمولة يقول...

روعة يا شموسة
مساء الفل حبيبة قلبي :)

zeze يقول...

فلا انا بحب اسمع الاغنية دي
شكرا ليكي

Bent Men ElZman Da !! يقول...

كلمات الاغنيه دى تحفه
بتلمس حته جوه كده :)

Tarkieb يقول...

ولا سمعتها ولا سمعته ..ميرسي ع الاختيار والمعرفة