السبت، 26 أبريل 2014

حفل تأبين

ان شاء الله 
سيقام حفل تأبين
للأستاذ عمرو بدر
بمقر راديو ارابيسك
بشارع قصر النيل ممر بهلر
الله يرحمه ويسكنه فسيح جناته 

السبت، 19 أبريل 2014

عمرو بدر

توفي الي رحمة الله
الزميل والاخ
عمرو بدر
صاحب حبشتكنات فلسفية
واللي مايعرفوش كتير 
ان عمرو كان زميل لي في فنون جميلة
فاهو دارس للفن
وكذلك دارس للغة العربية في كلية الاداب 
وكان دارس للموسيفي وعازف بيانو
ربنا يرحمه ويدخله فسيح جناته
ويتقبله في عباده الصالحين
آمين

الخميس، 10 أبريل 2014

مرشح الكيف للرئاسة :)

صباااااااااح الخييييرررر
:)
وانا رايحة علي الورشة قلت اعدي علي
 البااااااش مهندس صلاح 
اجيب صبار
من هو هذا الصلاح
؟؟؟؟
هو مهندس زراعي عاش في هولندا فترة
وللأمانة هو اروبه وشااااااطر جدا في مهنته
المهم
يادوب بركن العربية وبتلفت لاقيته معلق اليافطتين دول
!!!!!
صورتهم ومشيت مادخلتش المشتل اصلا
خلاص كده هونتي يامصر
بقا كله 
هزار وافتكاسات وروشنة
 الي اخر الكلمات الغريبة دي
 !!!!
اسيبكم مع الصورتين

الأحد، 6 أبريل 2014

الكنتاكي وخلطة عبد العاطي :)

طبعا الكتاب بيبان من عنوانه
ونبتدي الكلام 
بالصلاة علي خير الانام سيدنا محمد
عليه افضل الصلاة والسلام
وبمااني مهندسة ديكور تخصص موبيليا
يعني مابفهمش غير في الخشب والدهانات والمسامير
وماحبتش اتكلم في موضوع جهاز القوات المسلحة 
الا لماافهم كامواطن عادي ايه الموضوع
ده لينك حوار مع فريق العمل
واتكلمت انا بقا مع تلاته دكاتره في مستشفي القوات المسلحة تربطني بيهم صداقة
و دكتورة من خارج القوات المسلحة
 يشهد لها بالتفوق العلمي
خرجت انا بقا من ده كله
ان الاخ كنتاكي 
لحد دلوقتي مااداش سره لحد 
علشان ما يعملش نفس طعم الكنتاكي بتاعه الاصلي
وان الفراعنة ماكتابوش ازاي بنوا الاهرمات 
علشان ماحدش يقلدهم
ولا كتبوا سر التحنيط علشان ماحدش يحنط زيهم
وان عبعاطي لما عمل الجهاز
مااستخدمش الطب !!
دخل علي الفيزيا عدل
فك الكهرومغناطيسية بتاعة الفيرس وعرف الباند بتاعها
علشان يعرف مكانه ولو الفيرس لسه داخل الجسم امبارح
وده مش كلامي 
ده كلام الدكتورة ناهد اللي مش قوات مسلحة
وبعد شرح منها طويل قالت لفك التكوين بتاع الفيرس وعمل خلل بيه علشان نقضي عليه
لازم نعرف شفرته وكهرومغناطيسيته
لأن لكل جسم هاله من الكهرومغناطيسية
فالموضوع كله فيزيا
وبعد شرح طويل
قالت ان الجهازين لو صحوا هتبقا فعلا طفره جامدة 
وهيدخل مليارات للبلد
وشركات الادوية هتحاربه بالسخرية والتشكيك
وهو حد كان يسمع عن الفيمتو ثانية
يعني الموضوع هندسي اكتر منه طبي 
وتعاون بين دكاترة في مجال الطب ودكاترة في مجال الهندسة الطبية
***
اما دكاترة القوات المسلحة قالوا 
ان الجهاز لا يعالج الاثار ولكن يعالج الفيرس
ومش هيعالج كل الحالات
لأن العلاج صعب جدا
 وبيسبب اجهاد وارتفاع في درجة الحرارة واسهال 
ولازم المريض يمشي وقت طويل علشان يحرك العضلات والدورة الدموية
وفي ناس الفيرس هلكها تماما ومش هتستحمل
 زي اللي جاله خلاص استسقاء
علشان كده الجهاز الاول خطير 
لانه هيكتشف المرض في اوله 
قبل مايبوظ حاجة والمريض يتلحق
زي جهاز الكشف المبكر عن سرطان الثدي
وكلام كتييييير
وفي مستشفي بتتبني جوه مستشفي الجلاء 
ان شاء الله
هتفتتح في يونيو علشان العلاج
يتعمم لأن المرضي اللي اتجرب عليهم خفوا تماما
وادينا مستنين 
وربنا يكرم
وربنا يشفي كل مريض