الجمعة، 31 أغسطس، 2012

كافيه اسلامي يابوي:)


ديكابتشينو
ده اسم كافيه اسلامي
ايوة
استنوا بس
الكافيه شيك جدا جدا
اولا لايقبل نظرية اتنين اتنين دي خالص
ركن للبنات بس
ركن لشباب بس
ايووووووووة
يعني مافيش اختلاط
اصحوا معايا كده
و
ركن للعائلات
ومشغلين اغاني اسلامي بس
زي سامي يوسف
ومغنين تانين اسلامي
اغلب الويتر ملتحين
المكان لطيف جداااااا
نظيف جداااااااااا
الخدمة اكتر من ممتازة
اديني ماحرمتكمش من حاجة اهو
:))

الثلاثاء، 28 أغسطس، 2012

بلوجر عااااااااااشر

عملنا حملة علشان الطيور المهاجرة ترجع بلوجر تاني
وكمان بل
وجر يرجع زي الاول
ومايبقاش
الغربال الجديد له شدة
وخلااااااص
نهجر بلوجر وخلاص
وعملنا شهر التدوين اليومي
وبجد كان جميل وناجح
وبعد ماخلص خلاص
بلوجر ات
هجر تاني
الا من الانتحارين الصامدين
ملاحظاتي
اكتر المدونات مهجوره
ماحدش
بيقرا لحد
يمكن علشان ساعات التدوينات بتبقا طويلة ومافيش وقت
يبقا ممكن اصحاب التدوينات الطويلة ينشروها علي يومين
حتي الفكرة تاخد حقها
ماحدش بيعلق عند حد
الا لو صديقه يعني
حتي بلوجر بقا فيه شلل
واللي بيعلق بيعلق لزوم التواجد
مابقاش في مناقشات حامية زي الاول
حد قالي بلوجر راحت عليه
والفيس وتويتر رد الفعل فوري وانجااااااز
بس هنا الاصل والمرجعية لأي فكرة في يوم كتبناها

الاثنين، 27 أغسطس، 2012

لو عايزين نحل


اي طريق في مصر لازم تلاقي فيه ردم مرمي علي الجانبين
وخصوصا الطريق مابين م نصر والمعادي
وتلاقي في النص يادوب يعدي عربية
مع العلم ان العربيات دي بتاخد فلوس كتير جدا
علشان تشيل الردم ده من البيوت اللي بتتوضب
وبعد كده يرميها في اي حته ويمشي
وده جهل وجشع
الطرق دي بتتكلف مبالغ هائلة ومن قوت الشعب
والدولة بتتكلف تاني علشان تنضف الطرق دي
طيب ايه الحل
شركة للم الردش من البيوت اللي بتتوضب
اي حد بيوضب بيته يطلب الشركة دي
تيجي تاخد الردم وتوصله للمقلب العمومي
وتفضل الطرق دي زي الفل
بس اللي عايز يحل بقا

السبت، 18 أغسطس، 2012

يارب عيد سعيد


ان شاء الله
عيد
سعيد
عليكم كلكم

السبت، 11 أغسطس، 2012

لسه بدري

الايام بتجري
والله لسه بدري
ياشهر الصيام
الاغنية دي مرتبطة معايا بالبيت الكبير
بيت جدي لأبويا
وكل اعمامي وزوجاتهم واولادهم وعماتي وازواجهم واولادهم
وجدي وجدتي الجميلة جداااا
ايوة كانت ست جميلة
شديدة البياض وانفها كانت صغيرة جدااااااااا
وكلنا ملمومين حوالين التربيزة الكبيرة جدااااااااا
والاغنية دي شغالة في الراديو الجميل
اللي كان علي رف خشب ورد
وعليه مفرش ابيض جميل
عليه رسم بالحرير ومنشي ومكوي
الراديو كان شكله جميل حاجة تفرح
بالرغم ان اللمة اتفركتش
وانا كبيرة وام كمان
الا اني الي الان لو سمعت الاغنية دي
احس بحنين كبير للبيت الكبير اللي اتباع اصلا
والي التربيزة الكبيرة
ولجدي اللي كان بيقعد علي راس التربيزة يضحك معانا
فاكرة ضحكه وكلامه لحد النهاردة
رغم مرور 29سنة
حتي بعد مابقيت تيته
ابكي لمجرد سماع الاغنية
الحنين للبيت الكبير
ولجدي ولجدتي
ولأعمامي وابي وعمتي
اللي رحلوا عننا
وتركوا لنا الذكريات ِ
لنترحم عليهم وعلي زمن اللمة
الجميلة الدافية
والله لسه بدري بدري
ياشهر الصيام

الخميس، 9 أغسطس، 2012

تنبيه

ياجماعة
المدونين اللي هجروا مدونتهم
بلاقي طالع لي في القايمة انهم نشروا تدوينة
اروح الاقي اتهكر عليه من موقع مش ولا بد
ياريت كل اللي يعرف حد منهم يقوله
من المدونات دي
الشوكة الناعمة
تعالوا نرسم وطن
باراديس لوست
وغيره وغيره
مش عارفة اشيلهم من القايمة
ولا اعمل ايه

الثلاثاء، 7 أغسطس، 2012

حزينة

حزينة وحاسة اننا بنتعاقب
اننا قمنا بثورة علشان نطهر البلد من الحرمية
ونعيش بحرية وكرامة وعدالة اجتماعية
بنتعاقب علشان عايزين نعيش عيشة كريمة
زي خلق الله

يارب احمي مصر

الاثنين، 6 أغسطس، 2012

هو مافيش دم؟؟!!


هي خلاص بقت كده
مافيش دم خلاص
الفلوس عمت الكل
همه الجنود اللي اتقتلوا غدر دول
مش مصرين
مش اولادنا
مايستهلوش ولو يوم حداد
طبعا ماهو لووقفنا المسلسلات
يوم
حنفية الاعلانات هتتقفل
وهتتقفل معاها حنفية الفلوس بتاعتها
حسبي الله ونعم الوكيل
والمجد للشهداء
احياء عند ربهم يرزقون

الجمعة، 3 أغسطس، 2012

النور والكشاف والشموع


لما يكون الحمل تقيل علي شبكة الكهرباء
يبقا الحل مش انهم يقطعوا النور علي الناس
وهي بتتسحر
ولا وهي بتفطر
ولا اثناء صلاة التراويح
والدنيا حر نار
لأ
الحل ان عواميد النور اللي في الشوارع تطفي بالنهار
وبالليل تبقا عمود منور وعمود لأ
الحل ان المدرستين اللي امام بيتي
النور يطفي فيهم بالليل مش منور للأشباح
الحل ان الزينة الضخمة بتاعة رمضان تتخفض للنص
في حلول كتير
اخرها اني اقطع النور علي الشعب
وفي رمضان
!!
وطبعا النور لما بيقطع المية بتقطع
طبعا مش اكتر من نص بيوت مصر شغاله بالمواتير والخزانات
عموما حلال فيهم
الدعاء عليهم من الناس كلها
ليل نهار
:))
شكلهم لقوا الشعب بقا عنيف ومش طايق نفسه
قالك نخليهم يعيشوا شوية رومانسية علي ضوء الشموع

اشاعة وا لا :))


اغرب اشاعة سمعتها
ان مرسي هيزود طلاب الثانوية العامة
5
%
لو واظبوا علي الذهاب الي المدرسة
جميل
فكرة حلوة
طيب
وهيعمل ايه في المدرسين
؟؟؟
هيزودهم فلوس علشان مايدوش دروس
ولا هيعملهم غسيل ضمير
علشان يشرحوا للطلبة بزمة في المدرسة
اصلا المدرسين مابيرحوش المدارس
التعليم عايز وقت كبير
نصلح الضماير وبعدين نصلح كل حاجة
هي هتتصلح لوحدها

الأربعاء، 1 أغسطس، 2012

التوريث :)

ضيوفي الاعزاء امبارح من هواة المسلسلات
وعلي الافطار كان في عادل امام
من خلال الحلقة عرفت انها مهمة سرقة بنك في تل ابيب
اللي لف
ت نظري
ان ظابط البوليس اليهودي قال لاحول ولا قوة الا بالله
وكمان لفت نظري انه مسلسل عائلي
عادل وولاده الاتنين وبن السعدني
اومال زعلانين من التوريث ليه
:))
كله بيورث لكله
اما الملل الاكبر بقا الاعلانات يخربيت كده
ساعة اعلانات
اومال بيقولوا الاقتصاد واقع ليه
ماالاعلانا
ت زي الرز اهو
هو في حد مش بيبيع بيعمل اعلانات
بس اول مره يبقا عندي ضيوف واصلي التراويح
همه في المسلسلات وانا بصلي
وبين الركعتين والرك
عتين اطلع لهم

:))
المشكلة بتبقا مع الضيوف اللي بيصلوا العشا بس
:))
ومابيتفرجوش علي المسلسلات
رمضان كريم
:))