الخميس، 31 يناير، 2013

هلاوس3

يعني كده خلاص
الحظر راح في الباي باي
:)
طيب كان ليه من الاول القرارات الغير مدروسه
شكلك ياريس مش دارس الشعب المصري كويس
مش اي حد يقدر يحكم الشعب المصري
واقعد واتكلم مع كل التيارات كلام بجد مش ديكور
هاتهم واتكلم معاهم صح وفي الصح 
مش لزوم الوجاهه للتاريخ
عبد الناصر كان بيكلم الناس كلهم 
وانتوا يانخبه ويازعماء وياتيارات
خلافاتكم الان مش وقته خالص 
الخلافات الان هتلبسنا في الحيط 
زي ماعمل حمدين وابو الفتوح في انتخابات الرياسه

طيب الحل

ايييييييييييييييييييه

علشان نستقر

الناس لازم تحس بالامان والعدل

 وان كل حاجه في طريقها للحل



من الاخر لازم المواطن يحس بالامان والتغيير والعداله 



وانه واخد حقه 

وبعد كده كلمني عن الاستقرار


 الاستقرار ان المواطن يحس ان الحكومه منه وليه
 بتخدمه مش بتطحنه 
وان اللي في الحكم بيحلوا لحسابه مش علي حسابه


الاستقرار في العدل الاستقرار من الشعب



انا هكتب وصية لحفيدي ان الثورة بتاعتنا اللي باظت دي يعملوا 


زيها ويتجنبوا الاخطاء اللي حصلت


 خالتنا من اعظم ثورة في التاريخ



الي لاشئ حصل خالص


:)
 

الثلاثاء، 29 يناير، 2013

هلاوس 2

مصرفله 
ناس هايصه عندها افراح وليالي ملاح 
وناس في المولات
وناس في معرض الكتاب 
وناس في حزن علي اللي ماتوا 
وناس عماله تعمل حاجات في الضلمه
 هنتفاجئ بيها بعدين واحنا ملهين
******
ويقولك الطوارئ هي اللي رفعت البورصه !!
 ولمااقول ان في حد بيلعب في البورصه بيكدبوني 
الدليل اهو 
المفروض ان البورصه تخسر ده الطبيعي 
وضع غير مستقر وتخريب في كل حته
وطوااااارئ
*****************            
مصر بتضرب في الخلاط 
حد يحضر المصفي بسرعه عشان نصفي العصير 
نخلي الصح ونرمي التفل
هو في ايييييييييييييييييه 
يامصر
 ايه كل اللي بيحصل ده 
ده ماحصلش في ال18 يوم الاولي في الثور
ضرب وحرق وقتل في كل حته والاسعار عماله ترتفع وحاجه فله علي الاخر

*********
يعني لما سرقوا مبني المحافظه كده بقا هبطوا !!! 
مادي اموالكم بتاخدوها ليه
 ماهيتجاب غيرها من قوتنا
 نظريه غريبه
طيب يعني مجهولون من الفضاء مش متشافين 
ماتقبضش عليهم ليه 
ماتخطفوش زي مابتخطفوا الشباب ليه
 *******
طيب يعني الخطاب جاب العكس مع اهل بورسعيد والاسماعيليه والسويس
*********

مرسي والحكومه نايمين وموصين نصحيهم لما المصرين يخلصوا علي بعض
  ********
بس ماشاء الله الحظر
اللي اتعمل علي بورسعيد والسويس والاسماعيليه
طلع احتفال جميل
والناس نزلت في الشوارع تحتفل
كويس الناس دي في الشوارع
خلت البلطجيه والخفافيش والتعابين ترجع الجحور
استرها علي مصر يارب