الثلاثاء، 29 يناير، 2013

هلاوس 2

مصرفله 
ناس هايصه عندها افراح وليالي ملاح 
وناس في المولات
وناس في معرض الكتاب 
وناس في حزن علي اللي ماتوا 
وناس عماله تعمل حاجات في الضلمه
 هنتفاجئ بيها بعدين واحنا ملهين
******
ويقولك الطوارئ هي اللي رفعت البورصه !!
 ولمااقول ان في حد بيلعب في البورصه بيكدبوني 
الدليل اهو 
المفروض ان البورصه تخسر ده الطبيعي 
وضع غير مستقر وتخريب في كل حته
وطوااااارئ
*****************            
مصر بتضرب في الخلاط 
حد يحضر المصفي بسرعه عشان نصفي العصير 
نخلي الصح ونرمي التفل
هو في ايييييييييييييييييه 
يامصر
 ايه كل اللي بيحصل ده 
ده ماحصلش في ال18 يوم الاولي في الثور
ضرب وحرق وقتل في كل حته والاسعار عماله ترتفع وحاجه فله علي الاخر

*********
يعني لما سرقوا مبني المحافظه كده بقا هبطوا !!! 
مادي اموالكم بتاخدوها ليه
 ماهيتجاب غيرها من قوتنا
 نظريه غريبه
طيب يعني مجهولون من الفضاء مش متشافين 
ماتقبضش عليهم ليه 
ماتخطفوش زي مابتخطفوا الشباب ليه
 *******
طيب يعني الخطاب جاب العكس مع اهل بورسعيد والاسماعيليه والسويس
*********

مرسي والحكومه نايمين وموصين نصحيهم لما المصرين يخلصوا علي بعض
  ********
بس ماشاء الله الحظر
اللي اتعمل علي بورسعيد والسويس والاسماعيليه
طلع احتفال جميل
والناس نزلت في الشوارع تحتفل
كويس الناس دي في الشوارع
خلت البلطجيه والخفافيش والتعابين ترجع الجحور
استرها علي مصر يارب

هناك 10 تعليقات:

zizi يقول...

ماتستغربيش من احوال مصر ..مصر ماحدش يقدر يهزمها ولا يقهرها ..مصر اللي بناها كان حلواني وعشان كده حاتفضل طول عمرها حلوة الحلوات ..والغمة حاتنزاح وحاتغسل كل الجراح وحاترجعلنا من تاني بهية ..وبكرة نفرح سوا عشان هي احلى واغلى واعلى اسم في الوجود ..ومهما كان هيا مصر ..تحياتي

well يقول...

مصر اتخانقت من الغاز المسيل للدموع
واتخانقت من الرصاص الخرطوش
والطلق الحى
والحجارة اللى بتتحدف على العساكر
مصر .. هتوفرج ان شاء الله

د.آيه يقول...

السلام عليكم

أنا مع رأى زيزي إن شاء الله مصر هتعدي من الأزمة على خير .
و إحنا لازم نجتهد فى مجالاتنا و ندعي ربنا كتير و هتعدي إن شاء الله
" و لينصرن الله من ينصره "

تقبلي مروري

فافى يقول...

اولا وحشتينى
ثانيا بهلاوس دى تبقى دخلتى على تخصصى :)
ثالثا انا زيك مش فاهمه حاجه بس هاقول ايه
لكى الله يامصر :(

بحر الالوان يقول...

اظن اننا نعيش في ازهي عصور الانتهازية ... من اول الجماعة المتسلطة ... الي رابطة اصحاب المصالح والاعمال .. الي فئة العسكر وحلفائهم .. الي اعيان الدولة العميقة زي ما بيقولوا :)) .... للحرامية ... للمعارضة العاجزة ..وتجار الصنف والسلاح .. والباحثين عن الاثار في جوف الارض ... والبلد مفتوح علي البحري للاجانب ... وعلي راي عمرو اديب ... اظن ان من يموت بالسكتة القلبية .. افضل كثيرا ممن يموت نزفا ... ونحن ننزف بشدة ... وبانتظار الطبيب الماهر .. او .. قابض الارواح

عموما ... ربنا يستر ... ومصر بلد كريم ... وفي رباط الي يوم الدين ان شاء الله .


ملحوظة صغنونة .. بقالي كذا مرة عند حضرتك في المدونة ... اجي ادخل علي البوست الاقيه محذوف ... ومش عارف دا شئ من عندي ... ولا ايه بالظبط .

واخيرا ... تحياتي وتقديري لكلماتك .

شمس النهار يقول...

* zizi

اهلااهلا ياجميله مبسووووطه اني سمعت صوتك النهارده

وكان نفسي اشوفك بس الظروف
:)
مصر قاهرة الغزاة
مش شوية سياسين علي قدهم

شمس النهار يقول...

* well
مصر اكبر واقوي من ده كله
وهتقوم اقوي من الاول
وبكره هتبقا الدنيا زي الفل

شمس النهار يقول...

*د.ايه
وعليكم السلام ورحمة الله وبركاته

ان شاء الله خير وبكره هيكون احسن

شمس النهار يقول...

* فافي

انتي كمان وحشتيني
انتي فين اصلا

ان شاء الله بكره احسن

شمس النهار يقول...

* بحر الالوان

ان شاء الله مصر هترجع اجمد من الاول
وكل الرابيش ده هيبقوا في خبر كان

بالنسبة للبوست جيت انشره لاقيته اتنشر 7 مرات فضلت احذف فيه لحد ماخاليت بوست واحد بس:))