شكرا

بشكر كل من عزاني
سواء بتعليق او بحضور اوبتليفون
ربنا يكرمكم كلكم

النهاردة الخميس 5 ينااااااااير :)))))

ايه ده انا مااخدتش بالي غير دلوقتي بس
النهاردة الخميس 5 يناير
:)))
التاريخ ده تاااااااااااااريخ حيوي زي المضاد الحيوي كده
واول مره يتكرر كده :))
:)))
ده كان اول يوم ليه في كلية فنون جميلة
حلم حياتي من صغري
بعد معاناة مع الاهل :))
ايوة ايامنا ماكنش بالساهل كده بنت وكمان من جزور صعيدية تدخل فنون جميلة
يالاالعار وموديلز وعري وكده
وكمان ننزل نرسم في الشوارع
بعد مشاورات ومحايلات وشد وجذب واحيانا خناقات
اتحولت :))
:))))
المهم
علشان كده انا دخلت في يناير مش من اول السنة
علي ماامتحنت مليون امتحان
علشان يتأكدوا اني عندي موهبة الرسم مش اي كلام
مش زي اليومين دول
بنتي اللي مابتعرفش ترسم تجيب لائق
واللي بتعرف وموهوبة تبقا غير لائق
:))
المهم بعد الدوخة ودوخة الدوخة اخيراااااااااااااا
قبلوني ومااستنتش ليوم السبت
ورحت يوم الخميس 5 يناير 1978
وكان اول مشروع تصميم ورق لمحل خردوات
اللي هي دلوقتي المكتبات
اللي بتحط مع الكتب والادوات الدراسية عطور وبرفنات وبراويز:)))
كل سنة وانا طيبة طبعاااااااااااااا
بوست المطبخ والمجلة شغال برضوا
:))))

مطبخ شموسة :)))

اخيرا تم افتتاح مطبخ شموسة تاني
وبناء علي طلب الاخوات في تيوتر
عملنا عدس اصفر
بمناسبة البرد
:))
وادي اللينك هناك في المطبخ
وبالهنا والشفاء
والوجبة جاية سد الحنك بناء علي طلب برضوا صديقة علي تويتر
:)))
قاعدين نطبخ احنا علي تويتر
:)))
وبالمناسبة انا علي تويتر مش شمس النهار
علشان في شمس علي تويتر دي مش انا
==========
حته علي الماشي
مبروك لعكاشة علي السقوط المبهر
بجد اتطمنت علي عقول المصريين وخصوصا البسطاء
مش قلت لكم ماحدش هيقدر يضحك علي المصريييين ابداااااااااااااا

دقة جديدة :)+ تحديث مهم +تحديث اهمممممم جااااااامد:)

ده لينك موضوع غاية في الروعة عجبني جدا وجديد وفكرة جميلة

===============
وده برومو المجلة
:))
لأ شغل علي مية بيضة يعني
:))

ده لينك المجلة علي الفيس
==============
دقة جديدة
دي مجلة الكترونية
لمجموعة من الشباب الجميل
ياريت تشجعوهم وتتصفحوها
:))
واللي مايعرفش ايه معني دقة
زمان كان النحاس والدهب بيدق علشان يتصنع
فاكانوا بيقولوا علي الموديل الجديد من النحاس اوالدهب دقة جديدة
او دقة قديمة
:)))
يااااااااااااله علي المجلة
:)))

2011 باي باي + تحديث +تحديث 2

مش قلت لكم
اهي ابتدت
الصبح النور اتقطع بعد ماكتبت الكلمتين اللي تحت دول
وجه الساعة واحدة ونص الضهر
:))))
---------

يافتاح ياعليم يارزاق ياكريم اصطبحنا واصطبح الملك لله
وادي 1 يناير
لما نشوف اخرتها اييييييييييييييييه ؟
‎:)‏)صباح الخير

كل سنة وانتم طيبين
عام سعيد عليكم جميعاااااااااااااااااا
وان شاء الله السنة الجديدة تبقا اجمل
وتبقا مصر اجمل
وربنا يعدي يناير علي خير
ماانتوا عارفين ان انا ويناير مابنحبش بعض
كل يوم في يناير له ذكري انيل من اللي قبلها
حتي الذكريات الحلوة فيه بتقلب بعد كد غم الغم وتبقا ذكري مؤلمة
:))))))
حتي ثورة يناير قلبت غم عارفين ليه علشان قامت في يناير
:))))
طب كانوا خالوها فبراير
:)))))
وعلي ذكر الثورة
مش بحب المجلس العسكري علشان ضحك علينا
وبهدل الدنيا وماعرفش يعمل حاجة وغرق وغرقنا معاه
وياريت يرحمونا بقا ويخلعوا قبل ماالدنيا ماتغرق اكتر من كده
وربنا يرحم الشهداء
الكسبان الوحيد من الثورة
كل سنة وانتم طيبين

العجلة البيتسا الاستقرار !!

افهم من حكم البراءة بتاع ظباط السيدة زينب
ان المخلوع هياخد براءة هو والشلة
!!؟؟
لييييييييييييييييه؟؟
ماهو كده ماحدش قال لحد اقتل
الظباط كانوا بيدافعوا عن نفسيتهم
من المتظاهرين الوحشين الكخة
اللي اطاحوا بالعصابة
اللي لولاهم لولا لولا لولا
ماكانش التيارات اللي مايعلم بيها ربنا طلعت للنور
وماكناش عرفنا حجم النهب والسرقة وماهيات الكبار
الي اخر ماكشفته المظاهرات واتت بيه الثورة
اول مره في التاريخ يحصل ان معتدي علي ثورة يطلع براءة
بكره يرجعوا بالتعويض علي اهالي الشهداء والمصابين الكخة
ويلزموهم بمصاريف التقاضي واصلاح الاقسام
علشان كده بقا مافيش ظابط قعد في بيته
كانوا عارفين انهم هيطلعوا براءة كده كده
تصدقوا قالهالي ظابط من زماااااااااااان وماصدقتوش
قلت ده بيقول كده وبس
قالي مافيش ظابط هياخد حكم
بلاش اوهام وكلام فاضي
ولسه ياما هنشوف
علشان
العجلة البيتسا الاستكراد
ايوة الاستكراد
--------
سؤال علي الماشي؟
ايه موضوع الامر بالمعروف والنهي عن المنكر دي
--------
ممكن حد يصلي علشان خايف من حد واقف له بالعصاية بس الحد ده مش هيبقا عارف الحد ده بيصلي ولا بيعمل تمارين رياضية
حسبي الله ونعم الوكيل

آآآآآآآآه يابلد !! +تحديث

اسفة ياجماعة
برد علي التعليقات متقطع
مافيش وقت وان شاء الله هرد علي باقي التعليقات
سواء هنا او في البوستات السابقة كل مايسمح الوقت

============================================

امبارح كانت جنازة الشهيد محمد مصطفي
ايوووووووة الشهيد محمد مصطفي
ومش عايزة حد يدخل يقول لي عملتيه شهيد
هقوله ارجع لحديث الشهداء هتعرف ان الشهداء كتييييييييير
عارف لو حد جاله شوية مغص مات فيهم ده شهيد
ماعلينا
ام الشهيد الانسانة الجميلة اللي عرفت تربي شاب زي الفل
وهو طالع من زينهم زغرتة زغروته حلوة اوي
محمد مش بلطجي
محمد كان هيبقا مهندس يعني متفوق
محمد ابوه مهندس امه دكتورة اخته دكتورة والتانيه سياسة واقتصاد والصغري في المدارس
محمد من بيت طيب مش بلطجي
ورياضي من صغره
---
لما نكون في المسجد علشان مستنين محمد
وواحدة غريبة وهي في وسط اهله واصحابه
تقول ايه اللي منزلهم الي اخر الكلام الخايب
وترد عليها واحد تقول لها نازل ينضف البلد
سيبكم اننا في جامع ماينفعش الجدل ده اصلا
سيبك من حرمة الموت
هو ينفع الكلام ده في وسط ناس مكلومة
للدرجة دي في ناس مابتعرفش تميز
ولولا كلنا قلنا هششش كانت هتقوم معركة سياسية
ينفع والجنازة شغالة الناس تتزمر من تعطيل المرور
عجبت لبعض شعب مصر
مش هو ده ميدان رابعة
اللي كان بيتقفل يوم بحاله
علشان مسؤل من عهد اللامبارك
جوز بنت خالة مراته مات والعزا في رابعة
وماحدش فتح بقه ولو بكلمة
مش ده ميدان رابعة اللي كان بيتقفل قبل وبعد الماتش ب4ساعات
مش ده ميدان رابعة اللي اقل تشريفة كانت بتقفله بالساعات
احلف لكم لما كان ميتران هنا في مصر
وكان في قاعة المؤتمرات ان المنطقة اتقفلت
6 ساعات قعدتهم في الشارع جوه عربيتي
بلاش تصدقوا ان انا نقلت بناتي من مدرستهم
اللي بيحبوها وكانت ممتازة
لمدرسة قريبه من البيت
بسبب تشريفات اللامبارك ومراته اللي كانت مابتهمدش كل شوية تشريفة
لما يتقفل ميدان رابعة
علشان شاب زي محمد ده شرف لميدان رابعة
والميدان ماتقفلش كتير
اصل محمد طاااااااااار زي اليمام
محمد صلي عليه ناس كتييييييييييييييييييير
ربنا ينتقم من اللي قتله غدر
محمد مات ان شاء الله شهيد
ان شاء الله الجنة ونعيمها
ودخل التاريخ من اوسع ابوابه يعني دنيا واخره
واللي قتله دخل مزبلة التاريخ
وكفاية دعاء ام محمد عليه