الأحد، 30 نوفمبر، 2014

العنجهية والخرااااااااااااب

سؤاااااااااال
الخراب اللي في الوطن العربي ده 
ليييييييييييييه 
؟؟؟
طب نجيب من الاول
وكلام مش جديد
بالعكس متكرر
بس كل ماتحصل حاجة نجيبه
نرجه يمين شمال 
يمكن ينزل لنا اجابة
العراق
مالها في ايه ؟
علي الهادي واحده واحده
اتخربت ليه؟
ياتري
من اول الحرب مع ايران 
وظهور قوة الجيش العراقي
ولا علشان هي من ضمن الدول العربية
اللي كانت مع مصر في حرب 73
السودان
واحدة واحدة علي الهادي كده
اتفككت وبقت اتنين
اووووم لما تشعللها تعرف تشعلل علي رواقة
وقضية نهر النيل
اكبر دليل
وماخفي كان اعظم
الجزائر 
واللي حصل فيها سنين
بس هنا فرنسا ليها مصالح هناك
فا اتلم الدور
بس برضوا اتعاقبت حبه
ماهي من ضمن الدول اللي ساعدتنا برضوا في 73
سوريا
حدث ولا حرج
مش عارفة اقول ايه عنها
ربنا يتولاهم برحمته
وتعرف تجمع الجيش تاني
ليبيا
نفس القصة بتتكرر بالحرف
فين الجيش 
فين الشرطه
اليمن
واللي لحد دلوقتي مش فاهمه
اللي بيحصل هناك
وكل ماافهم الاقي لغز جديد
زي الحيثين اللي ظهروا
فاجأتااااااا
وعلي حين غره بعد التقسيم
ماعلينا
كل الدول دي
كان يحكمهم بني ادم
متعجرف ظالم
عارف انه لو ساب الحكم
سوري
هياخد بالجزمة
وانه من غير الكرسي ولا حاجة هيتسحل
وكمان اللي حواليه نفس القصة
والغرب الملعونين عرفوا ده كويس
ولعبوا عليه
طب نشوف كده لو كل واحد من دول قال 
طيب همشي بس عايز كذا وكذا
كان حصل ايه
ماتفرحوش اوي كده
كانوا هيدوروا علي حاجة تانيه يخربوها بيها
والخونة كتير في الوطن العربي
الوطن العربي لازم يفضل مفكك
مهلهل
علشان لما اتحد مرررررررررره
حصل ايه
اسرائيل اتسكت علقة موت
واتخدت منهم اسيناء 
اللي بيعتبرها اليهود قدس الاقداس
يبقا علشان امن اسرائيل لازم نفضل مفككين
طيب ايه الجديد في كلامي 
ماهي المشكلة ان مافيش اي جديد
واصغر عيل في الوطن العربي في اصغر حارة
عارف الكلام ده
طيب ايه
ماحدش بيعمل بيه حاجة ودوخيني ياليمونه
وصباح العنجهية والخراب
واهو طق حنك

هناك 10 تعليقات:

well يقول...

علشان احنا وطن فاقد الهوية لاننا لو وطن ديمقراطى مكنش هيبقى فيه فى زمنا ده ملوك او امراء او رئيس من الجيش وبرضوا منوفى او ان مبارك ياخد براءة او ان الاخوان يتاجروا بالمصحف علشان يحشدوا الناس
....وبسبب قلة العلم والوعى وكثرة الفقر
تحياتى

ولسه بحلم بيوم.... يقول...

المخطط ده بعد حرب 73 ومنع عنهم البترول
فأراد الغرب أن يسيطر على منابع البترول
وأشعل الحرب بين العراق وإيران بحجة منع المد الشيعى واسنمرت الحرب ثمانى سنوات واخذ الغرب فى امداد الطرفين بالسلاح حتى تستمر الحرب مشتعلة بين الطرفين ثم بعد ذلك اشعل حربا جديدة فى المنطقة وهى الخوف بأن صدام حسين سيحتل دول الخليج وقاموا بتشجيع صدام حسين بدخول الكويت باختلاق مشكلة منطقة البترول فى المنطقة المحايدة بين العراق والكويت وكانت لمدلين اولبريت التى عينت وزيرة خاجية لاسرائيل بعد ذلك دورا فى هذه الحرب واستغل الغرب غباء صدام حسين واستطاع الغرب بعد ذلك ان يسيطر على منابع البترول بالمنطقة واقام القواعد العسكرية حتى يضمن امداده بالبترول وامن اسرائيل

ذو النون المصري يقول...

كل عام انتم بخير
واحشاني المدونة و كل المدونين
................
لا اظن ان الامر له علاقة بالدعم العربي في اكتوبر
العرب كلهم دعمونا منهم السعودية و الامارات و غيرها
اعتقد الامر يمكن يكون له علاقة بفكرة الفوضي الخلاقة و الشرق الاوسط الجديد
لان كان فيه افكار عن اعادة تقسيم الخريطة العربية ( سايكس بيكو الجديدة ) لاغراض مختلفة

قمر وليل وغيوم يقول...

كلنا عارفين الكلام ده ياشموسه لكن. .... مش عارفه والله اقولك ايه
انا عندى احباااااااط

واحد من العمال - جلال كمال الجربانى يقول...

بصراحه مش عارف أقول أيه
حاجه تقهر

شمس النهار يقول...

* well

بالظبطت كده
الفقر
الجهل
وطبعا قلة الوعي

شمس النهار يقول...

*ولسه بحلم بيوم

صح طبعا

ماهو لو ماكنش لاقوا عنجهية وطمع ماكانوش قدروا يعملوا حاجة

شمس النهار يقول...

* ذو النون المصري

وانت بالف خير وصحة وسعادة اهلا بيك

اقرا التعليق السابق ليك (ولسه بحلم بيوم)

هتعرف ان اتحادنا خضهم جداااا
وكان لازم نحتل بطريقة اخري

شمس النهار يقول...

* قمر وليل وغيوم

مايجبش ان نحبطت اوي يعني :)

بس عايزة اقولك
ان مافيش حاجة بتحصل في ملك الله الا بامر الله

شمس النهار يقول...

* واحد من العمال - جلال كمال الجربانى

ايوة بالظبطت كده
القهر
كلنا مقهورين