السبت، 26 فبراير، 2011

ثورة كاش فوري+تحديث

بالنسبه لكلام القوات المسلحة اللي هو:
(اللي فضيناهم ما كانوش متظاهرين، دول كانوا متواجدين بعد حظر التجول وعادة مافيش تظاهرات بعد حظر التجول، وقالوا قبضنا على 27 واحد طلع منهم تمانية بلطجية، وكان فيه ناس بتحدف ازايز فارغة على الجيش، واحنا بنأسف اذا كان سباب حد من شباب الثورة اتأذى بس كان فيه بلطجية مندسين وسطهم)
بالنسبه للنص الاحمر الغريب
بس معلش كله منك حلو ياجيشنا
بس يعني يوم الخميس احنا فضلنا للساعه واحده ونص بالليل
في ميدان رابع العدوية امام مسجد رابعه العدويه
في حملة تجهيز قافلة مساعدات لليبيا
والجيش كان واقف حوالينا ماحدش قال حاجه بالعكس كانوا مبسوطين من الشباب وهو بيسلم بعضه الكراتين علشان يرصها في الكونتينر
وبالنسبه لباقي الكلام
ماحدش من الشعب كله يرضيه ان شاب يرمي زجاجه او طوبه علي الجيش
ووارد طبعا ان يندس شباب بلطجية من بتوع الحزب الوطني
وسط المتظاهرين
لكن متظاهر مصري حر يزعل الجيش
مااعتقدش
وحصل خير
===================================
نداء ورجاء وطلب لقواتنا المسلحة الجميلة

الشعب يريد ثورة
كاااااااااااااش فوووووري مش قسط

مش علشان مش واثقين فيكم
حاشا وكلااااااااا
جيشنا الحر فوق مستوي الشبهات

لكن علشان خفافيش الظلام اللي صعبان عليها ان الثورة نجحت
وانهم اتقفل عليهم النهيبه اللي كانوا بينهبوا فيها

وكراسيهم اللي فقدوها وكشك الحراسه اللي اتشال من تحت البيت واستبدل بالزنزانه

اللعب ابتدي ياجيشنا

ياريت نلحق نقطع الازرع الرئيسيه للأخطبوط قبل مانندم وتروح دماء الشهداء والمصابين هدر

وعرفاك ياجيشنا مالكش في اللوع ولا شغل البلوتيكا لكن همه تمرسوا وتربوا علي الدسائس والمؤمرات
انت واحد +واحد =اتنين
لكن دي ناس عندها يساوي مليارات

معلش التحرك يكون بسرعه علشان نقطع عليهم خط الرجعه
والشعب يطمن
ونشوف شغلنا
(ولو ان الشعب ماشاء الله عليه ناس بتشتغل وناس بتبني وناس بتتظاهر)

ونلحقهم قبل مايولعوها فتنه
واول الغيث احداث امبارح واول امبارح

ويعني شفيق من بقيت اهلنا مايمشي هومافيش غيره
هو كويس علي عيني وراسي
بس هو لسه بيفكر بالطريقه القديمه
اوقف البرنامج وهو يعني البرنامج مش علي اليوتيوب من يومها
ده كده اللي ماتفرجش اتفرج
شكرا شفيق بصراحه اللي كان مش مؤمن بنزول التحرير الان بعد الحركة دي هينزل
وماتخافش ياجيشنا
دي مصر فيها ८० مليون وزير ومحافظ
مانشيل امن الدولة ايه اللي هيحصل
كل واحد في مكانه عارف فين الفساد

انا عارفه انك خايف وعايز تخلص وتسلمها مدنيه مش عايز تكرر اللي حصل في ५२
بس الشعب هو اللي بيقولك خليك معانا شويه
ماهو مش هينفع نعمل انتخابات دلوقتي المجالس هتبقا يااخوان يا حزب وطني

ومش معترضه علي الاخوان بس مش بعد ده كله المجالس برضوا مايبقاش فيها الناس كلها مش كتله ولا كتلتين
والا القرارات هتبقا عوجه ومايله علي جنب

ودي مطالب الثورة اللي من اول يوم بنقولها
-حل حكومة شفيق(اللي اصلا حلفت اليمين لمبارك)وتشكيل حكومة انقاذ وطني من الكفائات(ومااكثرهم)
-الغاء جهاز امن الدولة(اللي قاعد في كل حته حتي النت)
-محاسبة رموز الفساد بداية من مبارك الي امن التليفزيون
-الافراج الفوري علي المعتقلين السياسيين قبل وبعد २५ يناير
-محاسبة خاصه وعااااااااجلة للمسؤلين عن مجازر الثورة واللي اصلا معروفين وبيستهبلوا
-اطلاق حرية تكوين الاحزاب
-الغاء قانون الطوارئ ولو ان دي فيها كلام علشان اجرائات القبض علي الفاسدين يتم بسرعه بس يعني له درجات
-حل الحزب الوطني سريعااااااااااااا صحيح همه هيغروا اسمهم وبيعملوا الحزب من جديد بس علي الاقل مايبقاش موجود
هي دي الطلبات اللي علشانها استشهد كثير
وناس اترفدت من شغلها كتير
وخسرنا اقتصاديا والي اخر الخسائر
يبقا بعد ده كله ماتتعملش
ونلوم الشباب انه نزل التحرير تاني
الشعب ماعدش ينفع يضحك عليه لامن حكومة ولا من اي حد ولا حتي من خفافيش الظلام مش هيعرفوا
عايزين سرعه مش علشان حاجه اكتر من اننا عايزيين نخلص
ونفوق لحاجات تانيه

عارفه ان الضغط كتير ان النائب العام مسحولين علشان الفساد اكتر واكبر كتير من اي تصور
بس سرعة البتر مطلوبه

الجمعة، 25 فبراير، 2011

صباح الخير يامصر

الصورة دي المفروض تكون مع الكلام
عن القوافل اللي مسافره ليبيا بس مش راضيه تتحرك من هنا
والصورة دي للنصب الاعلامي المفروض ان السرير ال
جميل ده النضيف ده والجو الشاعري ده اللي ناقص نولع فيه شمعه مع موسيقي هاديه المفروض انه في القصر العيني نصب نصب يعني
=======
صباح الخير يامصر عايزة علي الصبح كده اشكر قواتنا المسلحة الجميلة القوية

ليه؟؟
التلات والاربع كنت مع مصابين الثورة اللي اصيبوا في المطريه في مستشفيات

القوات المسلحة

ماشاء الله علي النظافه والتعامل والهدوء والراحه

الكل هناك عارف قيمة هذا البطل اللي بيعالجوه
ده غير النظام

الناس هناك جميلة وقالوا لي نحن نقدر ونعرف قيمة الشهيد والمصاب

تحيه عطره لقواتنا المسلحة

تاني حاجه ان لسه

المستشفيات اللي فيها مصابين بتتعرض للبلطجه

واللي بيشكك

ومش

عارفه ليه اصلا بيشكك معلش هنتعبه معانا شويه ينزل من بيته ويروح يشوف بنفسه

ومايخفش الكرسي والكمبيوتر ماحدش هيسرقهم علي مايرجع

يعني ايه ابقا في مستشفي المنيره والاقي بلطجيه اكلم عادل اقول لها انشر الخبر علي

تويتر الاقي ضد بتكلمي وبتقولي الناس بتتخانق مع عادل وبتقول له ماحصلش واننا

نبطل نقول اكاذيب وكلام غريب مش فهماه

هو لسه في حد في

مصر بيحاول يداري علي الفساد

ماشي بس احنا بقا مش هنداري علي الفساد تاني

واصلا مستشفي المنيره مافيهاش دلوقتي غير اتنين والاتنين اهلهم معاهم

ناس طيبين

وزي الفل ومحتسبين وعارف

ين ان ده وسام والحالتين خلصانين اصلا بيتكلموا بالعافيه

البلطجيه اللي راحوا دول مش اهل المرضي لا اللي ماتوا في المنيره ولا اللي اتعالجوا

ومشيوا دول للأسف تبع بلطجية النظام الفاسد اللي غار اللي لسه عنده امل يرجع

وبصراحه مستشفي المنيره علي قد ماهي حكومه بس التمريض هناك واخد باله جدا من

المصابين واهلهم شكروا جدا فيهم لكن الامكانيات تظل الامكانيات

(مش سوق القصر العيني)



وللعلم في

مستشفي احمد ماهر وفي نفس اليوم

اضرب دكتور في جنبه بمطوي من بلطجي

وعلي فكره كل دي بلطجه علشان الاحراز الشرطه عايزة تاخد الاحراز مش الوزير قال

مش شرطه اللي ضربت النار ع

لي المتظاهرين مين اللي هيثبت ده غير الاحراز

ياريت نفوق ونبقا يد واحد وبدل مانتخانق علي تويتر والفيس نروح نشوف الناس دي

ونواس

يهم وعلي فكره الدكاتره والتمريض اغل
بهم

مسحول

وكانوا بيشتغلوا في ظروف مش حلوه

وامبارح حاولنا ننقل مريض من مستشفي الزيتون علي مالمينا التبرعات وخلصنا

الورق

كان خلاص ماينفش ينتقل الا الي رحمة ربه

(اسمه محمد رمضان علشان اللي بيكدبوا كل حاجه)

والنهارده واخدين وعد من دكاتره في الحسين الجامعي هيستقبلوا مننا حالات بكره

الصبح من اللي

روحت البيوت دون استكمال العلاج

وفي دكاتره متطوعين ربنا يكرمهم هيجوا معانا البيوت يكشوفوا عليهم علشان يحددوا

اللي

محتاج يدخل منهم المستشفي تاني

====

وبالنسبه لسوق القصر العيني

برضوا برنامج 48 ساعه سجل مع المرضي


بعد ماكانت اتغيرت الملايات و


البطاطين والمخدات وده لينك الكليبين


واحد علي الطبيعه والتاني متزوق ومع نفس الشخص

=====
===


اكتر حاجه عجبتني في تسجيل 48 ساعه البطانيه المبمبي


مع ان واحنا هناك ماكنش في بطاطين اصلا وان كان في كانت رمادي مقطعه


ماعلينا لسه في ناس بعد الثورة بيتعاملوا بمنطق الفساد

مع البوست الفديوهات بتاعت مرضي المنيره اللي مافيش غييييرهم هناك

==
=======
========

حاجه اخيرة قبل مااقفل البوست

موضوع ليبيا

مش فاهمه يعني ايه لما نحاول نبعت ادويه ومعونات عاجله لليبيا نتهاجم ويتقال لنا

الاقربون اولي

ولما سألت اللي هجمونا ياتري اتبرعتوا للأقربون دول اللي همه المفروض مصابين

الثور اتقال كلام اقل مايقال عنه انه اهبل

القافله كانت تفرح في ميدان رابع العدوية

شباب الوطن العربي كله فيها

ايوه في عرب كانوا موجودين

اصل مصر من كتر مااتعمل من تخازل وتهميش دورها نسي شعب مصر موضوع الرياده

والدور الكبير اللي بتقوم بيه مصر في الوطن العربي

ونسي اغلب المصريين

موضوع العروبه

دي صورة الساعه واحد ليلا والشباب بيحملوا الكونتينر علشان يطلعوا علي ليبيا

والجميل ان الجيش واقف حواليهم

يحرسهم علشان ده كان طبعا وقت حذر التجول

عظيمة يامصر

وكل اللي عايز يشارك الناس كلها موجوده هناك ليل نهار لتقبل التبرعات

همه بيحتاجوا ادويه ومستلزمات عمليات

وامبارح كانوا محتاجين لبن اطفال

واللي هيروح هناك هياخد ورقه بالمطلوب

ربنا يرفع البلاء عن اخوتنا في ليبيا

الاثنين، 21 فبراير، 2011

سوق العبور للخضار فرع القصر العيني+تحديث لليبيين

إلى الشباب الليبي ...أنترنت مجاني وغير مراقب في ليبيا اتصال بالرقم
+494923197844321 begin_of_the_skype_highlighting +494923197844321 end_of_the_skype_highlighting
User: Telecomix
Password: Telecomix
الرجاء النشر في كل المواقع حتي يتمكن ابناءنا الليبيين في الداخل من التواصل وارسال الفيديو

=========
البوست ده منشور بشكل غريب للي بيستخدم متصفح فير فوكس
==========
حته علي الماشي كده :بالنسبه للشخصيه الكرتونيه
اللي عاملي فيها زعيم مافياولا السقا في فيلم ابراهيم الابيض(ابن القذافي)
وخط
بته الكرتونيه مش فهماه هو بيوقع بين الليبيين والتوانسه والمصريين
يازين ماربيت ياقذافي
ماعلينا ندخ
ل علي البوست
------
لست من الشخصيات الزنانه او الندابه
لكن دلوقتي عايزة ا
رتدي الزي الرسمي المعتمد لستات الصعايده اللي ميت لها ميت واربط راااااااسي ولا الاخ رامبوا وهو داخل علي حرب
لييييييه؟؟
من اللي شفته في سوق ال
عبورللخضار فرع المنيل(القصر العيني سابقا)
-------
نبتدي الحكايه
الاعلام استفزني جداااا كل
ه شهداء شهداء مافيش سيرة عن المصابين
غير شوية ارقام وكلام
قلت لا نروح نشوف ايه الموضوع ونزور الناس دي
احترنا ناخد ايه معانا قلت يعن
ي الاول نروح نعرف محتاجين ايه
وبعدين نجيبله
م هي يعني هتبقا زيارة واحدة
المهم كلمت
مندوبتنا في القصر العيني كيارا
قالت اوك تعالوا قسم الرمد في القصر القديم
رحنا والدتي
وصحبتي وحصلنا علي هناك ازهري وكيارا
ومن اول م
ادخلت هناك حصلي حاله من
الهلع والزه
ول مع قليل من الانفهاش
اولا علشان تدخل المبني لابد ان تدفع خمس جنيه تذكره
(ده عل
ي اساس اني داخله الملاهي)
المشكله ان اصلا ده مستشفي حكو
مي المفروض انه شبه مجاني يعني لمعدومي الدخل
كمان كدابين كاتبين ان الخمس جنيه من الساعه تلاته للساعه خمسه واحنا كنا هناك الس
اعه واحده ودفعنا
ودي اليافطه المتعلقه علي الباب الداخلي للمستشفي يعني بعد البوابه اللي بتدفع عليها
ماعلينا
المهم اتف
سحنا في المستشفي علي ماوصلنا
ليييي
ييييه؟؟
علشان بنسأل علي قسم الرمد يعني جرحي الثورة
حد يصدق اني اسأل ممرضه عن قسم الرمد تضحك ضحكه خبيثه وتقول لي مااعرفش هنا نطت من
ي جدتي الصعيديه وشخطت فيها شخطه رعبتها
(مااعرفش عملت كده ازاي اصلا)
راحت قايله من الناحيه دي
المهم وصلنا اخيرا
ومن
هنا كانت البدايه
اللي ثبتتني يومين هناك وهنشر البوست وطالعه تالت علي هناك
دخلنا غر
فه مترين في مترين فيهاتلات سراير
وماحدش يقول لي
ازاي علشان انا مهندسة ديكور ومااعرفش حطوهم ازاي
اللي اعرف
ه اني ماكنتش عارفه اقف فين
التلات سراير عليهم اربع ابطال بمرافقينهم بالزوار
كان ز
مان بيخوفوا الاطفال باوضة الفيران
بس عمرهم ماشافوها كده شفتها خلاص
المهم يادوب بنتعرف ونسلم لاحظت
ا
نهم مش طايقنا ومش عايزين يتكلموا معانا اصلا
وكنت مستغربه جدا وقلت لهم في ايه احنا جايين نزوركم ونشوفكم عايزين ايه
في نفس واحد مش عايزين حاجه
بصراحه ضحكت
قلت
لهم لا كده فيها قاعده
قالوا لي انتوا تبع ايه قلت لهم تبع ربنا
وعرفت ان الناس بتيجي من جمعيات غريبه ويتكلموا معاهم ويمشوا مايرجعوش
لييييييييييه؟
اللي عرفته ان الادارة السبب
ماعلينا المهم
واحنا لسه بنتكلم
اذ فاااااااااجأتا
يدخل علينا ش
اب من المصابين برضوا وبيزعق حد يشوف ايه الورق اللي عايزينا نمضي عليه ده كمان وكان منفعل جدا وبيشتم
قلت له وريني قالي انتي مين بقا ؟
قلت له ياعم هات وبعدين ابقا اعمل لي كشف عيله
ايه الورق ده
توك
يلااااااااااااااااااااااااااااااااااااات
عايزنهم يمضوا علي توكيلااااااااااااااات
علشان يرفعوا قضايا ياخدوا تعويضااااااااات
بس وبمااني ماافهمش في القانون
رحت طالبه المحامي الخ
اص بي وجبته علي الاسبيكر وقريت له الورقتين والناس اتكلمت معاه واتكلم معاهم وفهمهم ان دي توكيلات هبله وماحدش يمضي ولا يعمل توكيل لمحامي الا لو كان يعرفه معرفه شخصيه
علش
ان ممكن يجي لهم حد من بتوع مافيا التعويضات
من هنا اطمنوا لينا
والورقتين معايا واتضح ان الاسمين دول تبع محامي معروف وكان ضد الثورة اصلا
سجلت مع المصابين وكلهم اجمعوا علي انهم مش عايزين حاجه ومش عايزين فلوس
عاز
ين كل اللي ضرب عليهم وخسرهم نور عيونهم
يتحاكم
ودي احدي اليفط المعلقه هناك
معلقنها المصابين هناك
وعايزين يكملوا علاج ويتعاملوا معامله كريمه وينقلوهم عنبر ادمي لوحدهم
وزعلانين
ان الناس سيباهم ونسياهم
ده حمام العنابر
انا نقيت انضف صورة مارضتش احط صورة اصعب من كده
علشان لوحد بيقرا البوست وهو بياكل ولا بيشرب
انا
سجلت فديوهات كتير جدا
بس م
ش هتقدروا تشوفوا غير १८ بس
ربن
ا قدرني ورفعتهم علي اليوتيوب
المهم
انتقلنا للعنبر الكبير بقا
ساحة السوق الاصليه اللي علي حق ربنا بقا
امي انفعلت وطق فيها العرق التركي وكانت هتتجنن
وازهري اختفي في ظروف غامضه
واتضح انه كان قاعد مع المصابين بيحكي
واكيد عنده حكايات كتير واكيد هينشرها
كياره رغم انها اصلا بتشتغل في القصر العيني
بس كنت كل ماابص عليها الاقي علي وشه تعبير غريب جدا
مش قادره احدد زهول ولا زعل ولا هيغمي عليها
بس كانت ساكته وكلامها قليل
وصديقتي اللي كانت معايا مالقيتهاش
اللي حصل اننا تفرقنا في العنبر وكل واحد بقا في حته مع مصاب شكل
المصابيين شباب من اول تسع سنين طفل وطفله
ماقدرتش اسجل مع الولد اكتر من ३६ ثانيه واغلبهم صمت علشان كنت هعيط
ومش معقول الولد يقول لي كنت رايح اسقط مبارك مع بابا
وانا اعيطله
اما البنت ماقدرتش ابص لها اصلا كنت هنهار ومش هكمل
المهم
اتصاحبنا كلنا وبقينا عيله
اه وربنا العنبر مرضي ومرافقين بالزوار بقوا اصحبنا وعرفناهم بالاسم
وسجلنا في الخباثه علشان مااتطردش
واحنا بنسجل في البلكونه اذ فجأتا نسمع خناقه جوه وشتيمه
وطبعا صورتها فيديووووون
الخنااااقه ليه بقا(علي فكره دي كانت رابع خناقه بس دي خناقه مخصوص شويه)
اسباب الخناقه
التمرجي مع واحد تاني شكله غريب مريب
عايزين يغيروا الملايات والبطاطين لييييه؟؟
الاخوة في التليفزيون المصري تحت عايزين يطلعوا يصوروا
الله مش التصوير ممنوع واي وكالة انباء او فضائيه تيجي مابيطلعوهاش اشمعنا بقاااااااااا
وطبعا عايزين يفرشوا ملااااايات بيضا وجديدةويحطوا مخدات
ويغيروا البطاطين المقطعه ويطردوا المرافقين والزوار
وقفنا مع الشباب ورفضنا انهم يعملوا ده
وقلنا اللي عايز يصور يصور علي الطبيعه وتم طرد التمرجي والشخص الغريب المريب ده
ودخل دكتور ومعاه شباب من شباب २५ يناير بس مش مصابين
وواحدة منهم قالت لي في ايه بس ليه بتعملي كده وبتقومي الناس علينا
احنا عايزين مصلحتهم وعايزين نوصل صوتهم للناس
حضرتك مين قلت لها انا مصريه مش مهم اكون مين
انتي اللي مين قالت احنا شباب تحالف 25يناير
اتكلمنا وفهمتها اللي حصل
وانضمينا مع بعض ووقفنا وماخليناش حد يصور غير الحقيقه وعلي الطبيعه
اه نسيت اقولكم ان بتوع جمعيات خيريه جم واحنا هناك جايبين لهم ورد
ومارضيوش يتكلموا معاهم
وانا بتناقش مع واحده منهم وانتوا تبع ايه وبتاخدوا اساميهم وارقام بطاقتهم ليه
وقالت لي اسم جمعيه وهميه عمري ماسمعت عنها اصلا ولما قلت لها كده
وشها اتغير وقالت لي يعني تعرفي كل الجمعيات قلت لها اه
لما حاصرتها بالكلام اتعصبت وقالت احنا جايين نخدم ومافيش ثواني لاقيتها كأنها ماكنتش هنا اصلا هربت من العنبر
ولحد دلوقتي مش فاهمه الموقف ده ايه
؟؟؟؟؟
وخلصنا الزياره وروحنا واحنا راجعين عرفنا ان في خناقات بتم في بعض الاحياء الشعبيه ولسه سواق التاكسي بيحكي لنا
وهوب
لاقينا الشارع اللي يوصلنا علي م نصر مقفول الحته بتاعت الدويقه
ولما استفهمنا قالوا بلطجيه واقعين في بعض ومع السكان
مارتحتش خالص للموضوع
يادوب وصلت البيت لاقيت شاب من المصابين بيقول لي في حاجات غريبه بتحصل
في مرضي شكلهم غريب بيدخلوهم العنبر واصلا العنبر الكبيرده كل اتنين علي سرير
قالي شكلهم بلطجيه وبيجروا شكلنا وفعلا علي باليل لاقيته مكلمني بيقول لي ان بيمشوا مصابين من الثوره علشان يدخلوا مصابين الخناقات
وعلي الصبح كانوا مطلعين ناس كتير وطبعا من غير تقارير
وربنا يكرمهم شباب التحالف الصبح
راحوا علي هناك ومعاهم جرائد مستقله وحكوميه (اخبار اليوم) وبعض التليفزيونات تصور
كده بقا رسمي كل شئ انكشفنننن وبان
وعلي مارحت مع بنتي والبنوته اللي اتعرفت عليها من التحالف
كان الاعلام مشي
وبعدها
كان البلطجيه تمكنوا من العنبر تماما
ولاقينا الشباب بتاع التحالف تحت مارضاش يطلعونا وقالوا المنظر فوق مش مظبوط وهنروح نعمل بلاغ في الشرطه(مارضيوش قالوا لو دخلنا العنبر هنتقطع)المهم راحوا للشرطه العسكريه وقدموا بلاغ بالحالة والوضع
ورحنا احنا الباقي علي مستشفي المنيره نشوف المصابين هناك
(وهنتكلم علي الموضوع ده بعدين)
المهم خلصنا الزياره وروحت علشان بنتي كان عندها دكتور(ماهي كمان عينيها تعبانه من القنابل المسيله للدموع)
ويادوب روحنا البيت ولاقيت تامر (شاب من المصابين)بيكلمني وهو منفعل جداااااااااا(وده اصلا غلط علي العمليه اللي في عينه)
الحقونا الجيش جوه العنبر وبيهددنا وبيخرجونا وبيقولوا انتوا بلطجيه
والدنيا بقت غريبه وانتوا مش مرضي ولازم نفضي العنبر دلوقتي
قلت له طيب اقفل واكيد في غلط
قال لي انا هعتصم قصاد المستشفي ومش هنمشي
قلت له ماشي ده احسن حل علي ماالناس تجيلكم
وفعلا اخدوا بعض واعتصموا امام المستشفي وكل اللي يشوفهم من الناس يركن عربيته ويقف معاهم بعد مايعرف
الموضوع لحد مالكوبري بقا كله متظاهرين ضد المستشفي
كلمت احد شباب التحالف ولاقيتهم جزء في احمد ماهر وجزء في النقابه بيتظاهروا علشان ليبيا
قلت لهم علي اللي حصل وقلت لهم الحقوا الناس اكيد في غلط لايمكن الجيش يعمل كده
وربنا يحميهم لموا بعض وكلموا دكاتره من شرفاء القصر العيني وطلعوا علي هناك
ايه اللي حصل بقاااااااااا
مانعرفش مين من المستشفي راح للجيش اللي بيحمي المستشفي وقال له البلطجيه من اهل بعض المرضي احتلوا العنبر وبيبرشموا وبيعملوا حاجات مش مظبوطه وبيهددوا المرضي والدكاتره تعالوا اطردوهم علشان نعرف نشتغل
طبعا دخل الجيش وجد ان الكلام صح
وطرد الكل اللي في العنبر
شباب التحالف فهموا رئيس القوة العسكريه بتاعت المستشفي
الموضوع والدكاتره كشفوا علي الممرضي وطبعا همه عارفين بعض
والحمد لله المصابين رجعوا العنبر علي مسؤلية هذا الضابط الشجاع
بعد ماكنوا قعدوا في الجو السئ بتاع امبارح اكتر من تلات ساعات
عايزة اقول لكم ان مابيرضوش يدوا اي حد تقرير بالحالة
ولا حد عارف اي حاجه في اي حاجه
وعاجزة عن الكلام وهسيب الفديوهات تتكلم
والمقاله دي
والمقاله دي
وعشان هي كتير هحط اللينك بس مع فيديو واحد بس
http://www.youtube.com/watch?v=SNCKVtNdUqM

ليبياااااااااا+تحديث


الدور الدور الدور الدور موعوده ياللي عليكي الدور

ان شاء الله بكره هكتب بوست عن اللي حصل يوم السبت والاحد في جراج القصر العيني
كنت هكتبه النهارده بس اليوم طار هناك وكمان القذافي ابن الايه مش عايز ينجز ويقصر مع اني نصحته وقلت له كان غيرك اشطر
مش ممكن الحكام العرب حاااافظين مش فااااهمين
نفس الكلام هوهو
سيف الاسلام بن القذافي
بيقول
ليبيا مش مصر وتونس
ونفس الكلام اللي قاله بن علي وبن مبارك
ونفس التنازلات
من امتي ليبيا بيعترفوا بموضوع الدستور
مش دستورهم الكتاب الاخضر
لله في خلقه شؤؤؤؤؤن
بس صدقني يااخ سيف بن القذافي
الشعب الليبي فااااااااق
وياريت تقول للسيد الوالد يقصر مش فاضيين
ورانا القصر العيني بنحرره
من البلطجيه


شكلهااااااااااااااااا باي باي قذافييييييي ياولااااااااد
ونبي شكلها كده شكلها ليبيا عملتها
الله حي والتالت جاااااااااي
وشكل ابو الصلح اليمني بيقول استنوني
انا جاااااااااي ونبي اناااااااا جاي

الجمعة، 18 فبراير، 2011

الشرطه في عرض الشعب+تحديث مخلوط بوجع القلب

النهارده رحنا القصر العيني والدتي وصديقتي وكيارا وازهري
وده فيديو علي في الاوام اوام
علي ماانشر الباقي



عايزة صلح يادخليه عايزة صلح
اوك
دي طلبتنا علشان نتصالح
مش الاعلانات الغريبه الفهيشه المريبه اللي عمااااله تحاصرينا بيها علي كل القنوات
لدرجة اني خفت افتح التلاجه لا تطلع لي ايد شرطي تناولني اللي عايزاه من التلاجه
المهم
وبيني وبينكم اليوتيوب
جميل انكم قبضتوا علي العادلي (مش عارفه جاب الاسم ده منين)واخواته
لكن
عااااااااااااااااايزين
البهوات اللي ضربوا (مش رشوا) الناس بخراطيم الماء القويه جداااااااااااااااااااا
في عز البرد( مش مهم)
لكن وهمه بيصلواااااااااااااااااااا
عااااااااايزينه علشاااااااان
لااتصور ان مهما حد امرني اعمل حاجه في معصيت الخالق
اني اعملها
ايه بتعذبوا كفار مكه
ولا دي غزة وانتوا الصهاينه
عاااااااااااايزين
الجبابره اللي كانوا سايقين عربيات الامن المركزي
اللي دااااااااسوا المتظاهرين وقتلوهم بدم بارد ولا اللي سايق عربيه في الملاهي
ايه السااااااااااديه دي
وماحدش يقول لي مش لاقينهم دي كانت هوجه
نووووووووو ياجوني نووووووو
العربيات متصوره ومعروف في الخطه قطه بتاعتكم مين كان فين ساعة ايه
عاااااااااااايزين
البهوات والبشوات والافواااااات القناصة اللي نفذوا امر القتل العمد
وطبعا دول معروفين جداااااااااااا ليكم
عااااااااااايزين
الجهابزة اللي حبوا يجاملوا اليهود والامريكان فاقالولهم هاتو القنابل المسيله للدموع المنتهيه الصلاحيه اللي عندكم المتظاهرين عندنا عيونهم وصدورهم تاكل الظلت
عايزة اللي بوظ عيوووووووون شباب مصر
عاااااااااااااااااايزين
الجهابزة اللي اعطوا امر بضرب المتظاهرين بالرصاص المطاطي في العيييييييييييييين يعني غاز منتهي الصلاحيه وكمان مطاطي في العين
ورصاص حي
عااااااااااااايزين
اللي ضربوا الناس بالعصيان علي روسهم لحد ماماتوا
عاااااااااايزين
معدوم الضمير اللي ضرب الشاب بتاع اسكندريه اللي علي اليوتيوب
وده لاكان مظاهره ولا خناقه
عاااااااااااايزين
من الاخر كل الظباط معدومي الضمير اللي امروا بالانسحاب واطلاق سراح المساجين وروعوا الناس
وقبل ده كله مين وليه قتل المصريين اللي بيصلوا في كنيسة القديسين
ونكد علي المصريين
عاااااااااايزين نبتدي من اول السطر مااااااااشي
اثبتوا حسن النيه وراضوا امهات الشهداء والجرحي
ومش هنفتح في اللي فات علشان اللي فات تاريخ اسود كبيييييييييير
هااااااااااااااااتوا دول وحاكموهم وارضونا
هنبتدي صفحه جديده
مش هتعملوا كده ابقوا قابلوني بقا
ونفسي اعرف هو امن الدوله لسه بيعملوا ايه علي النت بيقدموا التقارير لمين دلوقتي
ماتلموا نفسكم بقا مصر بتتولد من جديد مابقاش لكم مكان
بكرر ياداااااااخليه صالحي الشعب بالاصول مش بالفهلوه
الشعب وقف زمااااااااان مع الجيش بعد الهزيمه علشان كان عارف ان الجيش ماحربش وانه اتظلم
والشعب حضن الجيش وعبرنا الهزيمة والقناةسوااااااا
لكن الشعب مش هيصالحكم الا لو نفذتم القصااااااص
والشعب المصري من الدلتا الي اقصي الصعيد
مابيسبوش تارهم
القصاص يادخليه الموجودين يثبتوا انهم شرفاء
وهنرجع مع بعض اجمل من الاول
لكن دلوقتي الشعب حاسس انه كان مستعمر من دولة الدخليه الدكتاتوريه العظمي
وحرر نفسه منهم
((اه نسيت حاجه الجمل
عايزة الجمل واللي بعتوه واظن ده علي اليوتيوب)))
---------
( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ )
صدق الله العظيم

ياصباح الخير+تحديث

ان شاء الله التجمع امام القصر العيني الفرنساوي من ناحية النيل من 12 الي واحده الضهر
وهنزور جرحي الثورة الموجودين هناك
========
ياصباح الخير ياللي معانا

مش عارفه ليه قايمه النهارده عندي حنين شديد ليوم الجمعه في بيت جدي
اللي بيطلق عليه البيت الكبير
كان البيت كله بيصحي بدري علي ريحة البخور الجميلة المميزة لجدتي
واللي بستخدمها لحد دلوقتي
بخور الصندل
كله يصحي وتشرف هي علي اعداد الفطار رغم وجود الشغاله اللي بتحضر
ونتلم كلنا علي تربيزة كبيرة جدا
الجد الجدة الابناء والاحفاد والضحك والكلام
وبعد الفطار الرجال ينزلوا المسجد والنساء نفضل في البيت
مع ريحة البخور وصوت الراديو الخشبي( القيمه السيمه)

يمكن الحنين ده علشان رجعت متنكده من النقابه
فاحنيت لأصالة الشعب المصري والود والحب
وهبقا احكي ايه اللي حصل في النقابه
ربنا يحمي مصر
ويحمي شبابك من الغرور والجهل
ويرحم الاموات
ويرحم الشهداء

الخميس، 17 فبراير، 2011

كله الا الشخصنه +تحديث

ان شاء الله هنحاول نتجمع يوم السبت ونروح نزور جرحي الثورة
ارجوا نشر الموضوع واللي عايز يجي
اهلا وسهلا بيه
======
حزييييييييييينه جدا
مش مصدقه ان اللي بيتظاهروا دلوقتي وبيعملوا اعتصامات
دول يكونوا شاركوا في الثورة
مش ممكن ليه كده
كل واحد في مكانه عارف مين راس الفساد مش محتاج يتظاهر خلاص
يتجمع كل من له مظلمه داخل النقابه او الادارة او البنك او المصنع
وتتعمل شكوي جماعيه رسمي ويمضوا عليها وتقدم للنائب العام لو معاها اوراق
او للجيش
حراااااااااااام ماضيعوش الثورة
ماضيعوش الفرحه
ماتتدوش لبقايا جرزان الحزب الوطني
يسرقوا مننا الثوره
ويبقا في فوضي
ويثبتوا ماقاله الرئيس المتنحي انه نفسه يمشي بس خايف علي مصر من الفوضي
لما تنحي وعدي يومين من غير فوضي صعب علي بعض الناس
فاحبوا يعملوا فوضي
اخرت الفوضي دي ايه وقف الحال اخرته فين
في ايه يامصريين ياللي واقفين حال البلد
عجيبه مش كنتوا بتندبوا وتولولوا علي وقف الحال والخسارة الماديه والسياحه
والناس اللي باليوميه
والاقتصاد اللي وقع والبنوك والبورصه اللي قافله
مين بقا قافل البنوك دلوقتي؟؟
مين اتسبب ان المدراس تتأجل لتالت مره
مش انتوا
الحمد لله انهم مش متظاهرين الثورة
متظاهرين الثورة سواء شهداء او احياء اهدوا الشعب النصر
خلااااااااص رجعوا بيوتهم رجعوا مواقعهم علشان يبنوا ويراقبوا تحقق المطالب
كنا بننزل وبنحارب علي النت اللي بيهاجموا المتظاهرين
والبعض دخل هنا وفي الفيس وعلي الميل شتمنا
ودلوقتي مين اللي موقف حال البلد
اللي بيحب مصر يحافظ علي مصر
والحب مش كلمة الحب فعل

الثلاثاء، 15 فبراير، 2011

رجل شجاع من زمان من2009

المهندس حسب الله الكفراوي
مش زي ما الناس فاهمه انه اتكلم بعد ما النظام سقط
لا
الرجل تكلم في رمضان اللي قبل اللي فات
في برنامج من اجمل البرامج الرمضانيه
واللي كان السبب ان المذيعه تتحط علي الرف

ودي الحلقات اللي كانت في 2009





السبت، 12 فبراير، 2011

نصره قويه+ تحديث في ندااااااااااااااء



التحديث
ياريت نقدر نعمل تجمع كبييييييييييير
لكل المدونيييييين
علشان نحتفل كلنا مع بعض
احتفال يكون منظم جميل
وممكن نأجر قاعه
ونتجمع
===========
مش عارفه ليه واحنا نازلين نحتفل بالنصره الجميلة دي
لاقيت نفسي بغني الاغنيه دي وببكي(ده طبعا بعد فاصل من الدعاء لله مع البكاء)

لما كنا في التحرير اخر مره يوم الخطاب الاخير
لما رجعت كتبت البوست
ده

ولما اتقهرت واتغميت
حسيت اني محبوسه جوه وطني محبوسه جوه فكرة

والحمد لله لما اتفك حبسي وحبس كل المصريين الاغنيه جت علي بالي
نصرة قوية وفرحة

الجمعة، 11 فبراير، 2011

الله اكبر

الاخبااااااااار الحلوة هتهل
علي قناة الحياة مصطفي بكري يؤكد تجميد جميع اموال مبارك والعائله
في جميع البنوك وكذلك سويسرا
والاصول

الله اكبر الله اكبر

صبرنا ونلنا

اللهم لك الحمد والشكر يارب

ياشهيد نام واتهني
واستنانا علي باب الجنه

كل ام وكل اب وكل مصري له شهيد
ياااااخد عزااااااااااه

الله اكبر الله اكبر
والعزه لله وحده
سبحان المعز المذل

اخيرا فهمت حاجه

الدكتور عمرو حمزاوي كان بيتكلم من شويه علي العربيه
وقال كلام زي الفل بصراحه

وكذلك وائل غنيم كان علي العربيه وقال كلام برضوا زي الفل

اللي فهمتوا وتحققت منه من اكتر من مصدر

الرئيس مابقاش رئيس خلاص
يعني بقا رئيس شرفي ليس الا يعني يملك اللقب ولا يحكم الشعب خلاااااااااااص

ولا يقدر يقابل حتي مندوب دولة نيام نيام(اللي عايز يعرف ليه يقرا البوست السابق)

نرجع للخطاب الخطاب واضح انه معمول للقضاه والمستشارين والسياسيين واوباما وليس للشعب
لو سمعت الخطااااب بالراحه كده هتلاقي انه خطاب سكلانس حفظ لماء الوجه
يعني حتي وهو ماشي بيتنطط علينا

الخطاب مكتوب بطريقه انه مايتفهمش ليه مااعرفش
خطاب مكتوب بطريقه عنجهيه جامده
يااخواااااااانا ياللي في الحكووووومه عايزين حد يطلع علينا يكلمنا بالبلدي كده يفهم الناس اللي في الشارع راسها من رجليها الناس اللي في الشارع مش من المجمع اللغوي ولا استلفناهم من فقهاء الدستور والسياسه
اللي في الشارع دول خليط من المجتمع من اول بياع البطاطه الي وكيل الوزاره
حد يطلع يكلمهم ويكلمنا
حد يقول لنا ليه فتحي سرور قاعد علي قلبنا كام شهر تاني
ليه الشريف قاعد
ليه احمد شفيق متحدي الشعب وسايب وزير الاعلام قاعد في تكية التليفزيون المصري
ليه الناس اللي بتتحاكم دلوقتي زي مابيقولوا بيروحوا بيوتهم مع ان الريان اتحبس من اول يوم
حد يطلع يقول للناس ليه اللي قتلوا الشباب في المظاهرات مااتفضحوش لحد دلوقتي مع ان السادات اللي مش عاجبنا لمهم في ليلة واحده زي الفيران
ميت الف ليه حد يعبرنا ياحكومه الله يخربيوتكم الشعب كله في الشارع الا انتوا
مع ان انتوا اللي خربتوها

عايزة اتكلم بقاااااااا

امبارح كنا في التحرير والناس هايصه وفرحانه بالمعلومات اللي عماله تتسرب
قلت للبنات ياله بينا علشان نحتفل بالبيت وعندي بومب وصواريخ لزوم الاحتفال وربط في الطريق مع الناس اللي هنحتفل معاهم
وكمان لو اعلن التنحي مش هنعرف نروح ودخول م نصر صعب جدا جدا بعد حظر التجول وكان عدي عليه ساعه اصلا
وقد كان رجعنا البيت في سنه ومن طرق مختلفه وجميع الكباري مغلقه وكانت ليله بيضا
كملت بالخطاب الفريد الغريب المريب الفظيع
الريس مش في القاهرة من الضهر الريس في شارم الشيخ
مش قال لكم عشت وهموت علي ارضها

الريس تعبان وبيقاوح والخطاب اتسجل علي اكتر من مرحلة علشان الريس تعبان علشان كده الخطاب الاضاءه والتون والصورة ساعات بتبقا مختلفه والمنتاج واضح فيها اوي
بس ماشاء الله علي الدكاتره النفسيين المصريين اللي حواليه
الكلام اللي يمس القلب ويشتحف المسائل يقراه من علي شاشه قصاده علشان يبصلنا والعين تيجي في العين
واللي فيه تجبر وعند وتحدي للشعب يقراه من ورقه قصاده

ده ولا الافلام العاطفيه

المهم عايزة اقولكم حاجه
الريس خلاص مشي
بس ليه ياتري ياهل تري هو ماسك وقاعد ومتبت بيده وسنانه كده في الاربع خمس شهور الباقيه
هو خلاص مش هينفع يرجع ولا يرشح نفسه والموضوع خلاص
بس في انتخابات جديده وفي ريس جديد لأول مره في تاريخ مصر مايتفرضش علينا ولا يستهبلونا
المفروض ان في حفل عاااالمي للموضوع ده تسليم السلطه للريس الجديد وده هيدخل التاريخ من اوسع ابوابه
هو مش عايز بعد العمر الطويل ده يذكر في التاريخ بالرئيس المخلوع ومش اي شعب ده المصريين
وطبعا فبركت الضربه الجويه دي اول حاجه هتتشال من التاريخ طبعا علشان كلنا عارفين مين صانع مجد 6 اكتوبر

ومافيش صراع ولا ماصرعش علي السلطه والتورته
والجيش هيحمينا وهيحميه لحد ماده يتم
ماهو ماتنسوش انهم كلهم عساكر في قلب بعض وبيصونوا كرامة راجل منهم علشان المدني اللي يجي يعمل لهم الف حساب
سيبقا الحال علي ماهو عليه وعلي المتضرر يخبط راسه في راس اللي جنبه

حد فاهم مني حاجه انا شخصيا مش فاهمه حاجه من ده كله ومش عارفه هقدر اتغلب علي احباطي وانزل النهارده ولا لأ
منك لله ياحسني مش كفايه بقا ارحل ياكبتن عايزة ارجع اخد الدوا واتعالج

الخميس، 10 فبراير، 2011

مش لاقيه كلام اقوله+تحديث1+2+3+4+5

اكيد المخابرات قالت لمبارك ان في ناس مكسله تخرج مظاهرات بكره
قال طيب اشعللها اشعللها
علشان يخرجوا يتظاهروا
فيك الخير ماكناش عارفين نخرجهم بكره ازاي
======
طيب انا هضحك ومش هسمح له ينجح انه يحرق دمي
مبارك: إيه الأخبار يا عمر؟؟...
قال له: كله تمام يا ريس. بعنا المصانع وبعنا الشركات وهربنا الأثار وحولنا الفلوس بره و مش فاضل غير الشعب
مبارك: كويس كده، إنقل المسلمين السعودية و المسحيين أمريكا وإقفل وتعالى

=======
وبعدين يعني وبعدين
والحل
=======
يكونش ده الكاميرا الخفيه مش الخطاب
=====
هو في كده هو في كده
معقووووووووووووووووول
=======
يخربيته
ده كان فاضل يطلع لنا لسانه
ويقول هاااااااااا وضحكت عليكم ومش هتنحي
حرق دمي

ده كان فاضل يهنينا بالمولد النبوي والفلانتين
===========
بجد مش لاقيه كلام اقوله
تحدي للشعب بشكل غريب
مش مصدقه
هو في كده ياناااااااااااااااس
يااااااااااااااارب
رحمتك يارب
يسقط حسني مبارك
يسقط حسني مبارك
وتعيش مصر
ويعيش الشعب المصري

افراح ميدان التحرير

لسه جايين من ميدان التحرير

ميدان التحرير فيه اكتر من 2مليون مصري

واحنا ماشيين الناس اللي داخله ميدان التحرير بالالاااااااااااااااااااف

يارب الناس اللي هناك مستنين كلمة واحدة بس

ياااااااااااااااااارب

الناس هناك رافعين ايدهم ليك بالدعاء

يااااااااااااااااارب

والعشاء بيأذن النهارده في ميدان التحريردعيتك يارب
مايتولد حفيدي
ومبارك في الحكم
ياااااااااااااااااااارب

مشروع القرش

ملحوظة:في تعليق بدون معرف في البوست ده ياريت تقروه
======
هو التهديد ب يا الحوار او الانقلاب هو مين هينقلب علي مين
هي الحكومه ومبارك ونائبه هيعملوا انقلاب علي الشعب
ولا انا فاهمه غلط
حد يفهمني
وبعدين مش الاخ سليمان كان متبع نظرية اهري يامهري وانا علي مهلي
(ده مش كلامي ده كلام ام محمد)
======
المهم ندخل علي موضوع البوست
عارفين زمااااااان ايام ماكان القرش المصري بيشتري حاجات وله قيمه

كان بيعملوا مشروع القرش علشان يلموا فلوس يعملوا بيها حاجه مفيدة وقرش علي قرش يبقوا الله يرحموا الجنيه

النهارده هنعمل مشروع ال100 جنيه

يعني ايه؟

البورصه وقعت وقوع غريب طبعا من موضوع الثورة
وعايزين نسندها كلنا نسد البورصه يعني نسند مصر يعني نسند الثورة

كل فرد في مقدرته يشتري اسهم من البورصه بمقدار 100 جنيه مايترددش علشان نحمي الاقتصاد ونسند الدنيا
ومادام في شرا يبقا مافيش اسهم هتقع

ان شاء الله اكتر من فرد يلموا ال100 جنيه من بعض
واللي عايز يعرف تفاصيل اكتر يدخل علي جوجل او يقرا المصري اليوم
واعتقد ان الشراء هيكون من البنوك

اليابان اتجابت علي الارض بعد الحرب العاليمه وماشاء الله عليها دلوقتي
مااستوردوش ناس تبنيها وتبني اقتصادها اليابانين اتخلوا عن الانانيه وحب الذات وبنوها
ماحدش قال العيال عايزة تروح المدارس ولا عطلتونا
قال يعني العيال بتروح المدارس ماكله دروس خصوصيه

ولا اوروبا والخراب اللي حصل لها ماكانوش لاقين العيش حاف
وبيشربوا الشاي والقهوة ان وجد من غير سكر
ماعلينا
ماتنسوش موضوع التبرع بالدم

الأربعاء، 9 فبراير، 2011

عاااااااااااااااجل جداااااااااااا

للتبرع بالدم غدا الخميس
بجميع فروع رسالة

الشعب يريد .... انقاذ الحياة
نظرا للظروف التي تمر بها مصر
تنظم جمعية رسالة بالتعاون مع
المركز القومي لنقل الدم
حملة تبرع بالدم لصالح مرضى العمليات والطوارئ
...والمصابين في الاحداث الأخيرة
الحملة إن شاء الله الخميس من الساعة 11 إلى
الساعة 3
في كل فروع جمعية رسالة
للاستفسار 19450

اللي في التحرير مش مقطوعين من شجرة+تحديث

:))) الداخليه عملت ادارة جديدة اسمها ادارة مكافحة الفيس بوك
في سؤال بيتردد كتير اليومين دول
بيقول الناس دي بيروح لهم اكل منين
!!
!!!!!!!
؟؟؟
؟؟؟؟
لما قر
يت السؤال ضحكت بصوت عالي
سمعتني ام محمد (الست اللي بتشتغل معايا في البيت)

قالت لي مالك في ايه
؟؟
ق
لت لها
بصتلي بستغراب شديييييييييد وقالت

ليه همه
مقطوعين من شجرة ولا ايه يامدام
يعني اهلهم مش بيودلهم اكل

واللي مالوش
اهل احنا اهله نبعت له اكل

لاقي
ت ان ده اقوي رد علي السؤال
من س
ت لاتعرف في الحياة الا القليل

ودي صور للموائد هناك عليها مالذ وطاب من الاكل المصري الاصيل
الصور دي مش من علي النت
ولا متلفقه الصور دي من هناك
وانا اللي مصوراها

الثلاثاء، 8 فبراير، 2011

غزة فرع ميدان التحرير


بما ان النائب عمر سليمان هيعمل خااااارطة طريق
اذا نحن في غزة فرع ميدان التحرير
واهديه هذه الصورة (معلش الصورة مهزوزه)دبابات وحواجز من حديد وخشب وصاج وثوار ومتظاهرين
فعلا كده نستاهل خاااااااااارطة طريق
صحيح الطبع غلاب ياحكومه والمهنة تحكم
المفتي يقول محسودين والنائب يقول طريق
الطريق الوحيد بقا معروف ياسيادة النائب

وبما ان المهنه تحكم انا عاجبني اوي ديكور ميدان التحرير كده
والشعب مش هيغير الديكور غير لما
الهدامين يمشوا ونجيب اجدع صانيعيه فيكي يامصر معلمين يعدلوا الديكور

الاثنين، 7 فبراير، 2011

همست عتاب بالقبقاب+تحديث في سؤالين وحته+تحديث

لا كده مش هينفع انا ممكن اطب ساكته في البلد دي
البلد فيها ثورة وبتتولد من جديد
والمفتي بيقول ان مصر محسوده
طيب ياريت يرقيه والبخور عليا
بجد احنا كده بنضحك الناس علينا
========
دلوقتي بيقنعوهم يروحوا القصر الجمهوري:))

مش هددوهم الاول لو راحوا ولو اتحركوا هيعملوا ويسوا
وحطوا حواليه حراسه مشدده

وسلك
ولا دي خطه قطه علشان يسيبوا الميدان
=========
للي بيشتموا في قناة الجزيرة هي الجزيرة راحت صورت في ميدان تاني غير ميدان التحرير ولا بلد تانيه غير مصر مش ده اللي حصل فعلا؟؟؟
ولا هنعمل زي الست الوحشه اللي راحت تتصور ولما طلعت الصورة وحشه مسكت في خناق المصور وكسرت له المحل!!؟؟
سؤال للحكومه هو 15%علاوة دي رشوة للشعب !!؟؟
ولا انتوا فهمتوا الشعب اوي كده!!؟؟
غلبان وبيرضي بقليله
اول مره في التاريخ يتخاف علي ثورة من شعبها
وتظل مصر ام العجايب
==========

للجيل الجديد اللي مايعرفش يعني ايه قبقاب
القبقاب ده عبارة عن مداس خشبي (شبشب) لزوم الحمام زمان
وهو السلاح الرسمي المعترف بيه زمان للعقاب
وهو السلاح المعتمد تاريخيا اللي اتقتلت بيه شجر الدر
المهم
احب ان اهمس همسة عتااااب(لحد دلوقتي) تحت تهديد القبقاب
لمين؟؟
للباشمهندسين
اللي في ايران احنا حبايب وحلوين
لكن تدخلوا في شؤنا وبينا وبين بعض
لا
مصر هي مصر لاهتبقا ايران ولا انتوا تلزمونا اصلا

والكباتن
اللي في امريكا الكابتن المتر اوباما اللي كل شوية طالع يقولنا ناوناو
والست كلينتون ناوناو
ياريت تبطلوا تنونو وبالتالي احنا هنسبكم تهوهو
مااااالكوش دعوه بينا
واديكوا شوفتوا مصر علي طولها وعرضها ايد واحده واتحمت من شبابها مش من الشرطه

والزغاليل اللي قبل كده دبحناهم وصدناهم زي العصافير في 73 بلاش انتوا بالذات
بلا امن اسرائيل بلا نيله
ولا تحبوا الشعب المصري يبعت لكم كام مليون من الشباب يحرس لكم امن اسرائيل ويجيب عليها واطيها والشباب اهو اثبتوا جداره في الحراسه والامن

ياريت العالم كله مالوش دعوه سيبونا نحل مشاكلنا بنفسنا
ومانجلكوش في حاجه حلوة

الأحد، 6 فبراير، 2011

الشهداااااااااء يابلد+تحديث في سؤال

سؤال علي الماشي كده
لو كان لسه فاضل لمبارك سنه ولا سنتين
كانوا هيعملوا ايه؟؟
كانوا هيستنوا برضوا؟؟؟؟
=========
اهالي الشهداء علي الحياة مع عمرو اديب

الشهدااااااااااااااااااء يابلد

مش المنتحريييييييييييين

يابلد خايفة من الحرية حتي لما اتفتح باب القفص خاييفين تطيروا بتمدوا جناحكم برعشه وخوف تقفلوه تاني عليكم وتفضلوا محبوسين

يابلد مش قادرين تفتحوا في النور

صحيح تمن الحرية غااااااااااااااالي اتضح ان اغلب المصريين مش قد ولا قدروا يدفعوه

صباح النوم+تحديث واعلان هام+تحديث كوميدي

عجائب وغرائب النظام
اخيرا اعترف النظام بالشهداء وطلب النائب قبل الاجتماع مع المعارضه ان يقفوا حداد عليهم
اول مره الحكومه تنافق المعارضه
المستفيد الوحيد للأن من دم هؤلاء الشباب
اللي ادوهم فرصه ماكانوش يحلموا بيها


تحديث من الفيس
مكاسب الثورة المصريةفي 25 يناير:
١. اقالة الحكومة الأردنية
٢. رفع قانون الطوارئ في الجزائر
٣. اعلان الرئيس اليميني عدم ترشيح نفسه للرئاسة
٤. تعديل الدستور الصيني
٥. قمع الشعب السوري قبل ما يفكر يثور
٦. بقاء الرئيس المصري ولا كأن حاجة حصلت
=====================
تحديث
اعلان هااااام ياعرب
ممنوع منعا باتاااااا
ان يظهر اي علم لدولة عربية او يتظاهر في ميدان التحرير
اي انسان الا المصريين
وكذلك لايذهب من يحمل الجنسيه المصرية حديثا
اللي يعني ابوه مش مصري وامه مصريه
اي ان لايتظاهر الا كل من ولد من اب وام مصريين
وفي راوية اخري من جد وجدة مصريين
ولمن يخالف
تقع عليه مسؤلية تفعيل نظرية الوحدة العربيه والقومية العربيه
ويعتبر خائن للنظام المصري
الله يرحمك ياسليمان ياحلبي
وقد ازعر من انذر
************
ماكنتش ناويه اكتب بوست تاني خلاص الي ان تنتهي الازمة
لكن
الخبر ده
استفزني حبيت اهديه لكل اللي بيقولوا ماخلاص بقا اخدنا اللي عايزينه
ياريت يعرفوا ليه مش عايز يمشي هو واللي حواليه
علشان ماتعرفوش تجمدوا كل ده زي بن علي واللي حواليه
عرفتوا الاستماته ليه
حلال فينا مبارك
يعيش حسني مبارك
اللي بكره يستخسر حتي الجزمة(اسفه مالقتش غير كده) يدينا بيها
البوست اللي فات شغاااااااال
الشعب المصري لطيف اوي وحبوب زي ما عمل اغرب حظر تجول علي مستوي التاريخ والعالم عايز يعمل ثورة من اغرب الثورات
عايز ياكل ويشرب ويتفسح ويعيش حياته طبيعي جدا
وفي نفس الوقت يعمل ثورة
وزي مابيشتري حاجه بالتقسيط
عايز يعمل ثورة بالتقسيط
كركركركركر
:)))))))
وواضح ان الحكومة هتضر تعمل وزراة لتسيير شؤن المتظاهرين والمحتجين والمعتصمين في ميدان التحرير
ويسموها وزراة ميدان التحرير

الجمعة، 4 فبراير، 2011

ونبي ماتمشي+تحديثات+تحديث جديد علي الصبح كده+تحديث علي المسا

الشباب اللي في ميدان التحرير ناس زي الورد والفل وبصراحة خسارة فينا واطالبهم بأن يسبهم مننا((اي يفكهم مننا ويحلقولنا ))ويطلبوا اللجوء السياسي من شعب تونس
وشكرا
======
نوارة نجم تحييكم وترد علي الخاييفين علي مصرمن ميدان التحرير
********
عايزة ابعت تحيه كبيرة لشعب تونس اللي صمد شهر ايد واحدة

وماخفش بالرغم ان السياحه عنده اتضربت وهي المصدر الرئيسي في الدخل القومي
وماعندهمش الخير اللي في مصر اللي بيتنهب علي مدار عقود طويله وماخلص
ونبي ماتمشي
علشان احنا هبل وبنصدق ان شهر ربيع شهر حرااااااااااام وحرام فيه القتال وده علي اساس ان المتظاهرين الكخه مقاتلين وان البلطجيه ياحرام مسالمي
ياريت يامصريين ترجعوا لجوجل تعرفوا الاشهر الحرم ومعناها قبل ماتدخلوا تتخنقوا علي الفيس
ونبي ماتمشي
علشان احنا شعب نستاهل كل اللي بيجري فينا
ونبي ماتمشي
علشان انا ضعفت اوي قصاد الخطاب اللي طلعت قلته
واول مره اعرف ان السادة الدكاتره النفسيين بيعرفوا يكتبوا خطب تؤثر في الناس اوي كده
ونبي ماتمشي
علشان رئيس الوزراء كان بيقول ماحدش هيعمل لهم حاجه وكانوا بيضربوا
ونبي ماتمشي
علشان الكبتن وزير العدل قال بمنتهي العنجهيه للبي بي سي انه ماعندوش قضاه ينزلوا مظاهرات(اصلهم المدام)
وبعدها بخمس دقائق كلموا (البي بي سي)المستشار مكي رئيس محكمة النقض جوه الميدان ومعه بعض القضاه
ونبي ما تمشي
علشان النايب بتاعك قال انه اتكلم مع الشباب المعتصمين وهو ماتكلمش
ونبي ماتمشي
علشان وزير اعلامك الكداب قال علي كل القنوات المصريه الصديقه
ان الشباب استسلم(تقولش في حرب)وخلاص هيعملو حزب وندموا علي مافعلوا
والنهادره الناس كلها في ميدان التحرير
ونبي ماتمشي
علشان عمالين يخوفونا بالاخوان المسلمين تقولش صهاينه والا ديانه اخري ولا هيحكومونا غصب عنا
ونبي ماتمشي
علشان النايب والجرايد والاعلام
الحكومي الصديق
طلع علينا وقال ان اللي حرر المساجين (سجون مصرررررررر)في اكتر من سجن في مصر في اكتر من محافظة هم ميلشيات من حماس وحزب الله
الله الله
يعني كمان جايب لنا نائب كان رئيس جهاز مخابرات فاشل
يانور النبي لا كده ونبييييييييي ماتمشي
ونبي ماتمشي
علشان ده ورث فينا بنحب خنقنا
ونبي ماتمشي
علشان اكتشفت ان الشرطه والامن المركزي اكتر من الشعب
ونبي ماتمشي
علشان احنا هاااااشين اووووي لما غزة تضرب نجري ونكتب تدوينات ونعيط ونتهم اللي مابيكتبش وينوح انه خاين وبيحب اسرائيل والاقي الستات والرجاله والشباب عايزين يجروا يروحوا يقعدوا معاهم واحنا مش عارفين نصمد لنا يومين
تحيه لأهل غزة اللي بيتسحلوا بقلهم 50 سنة ولسه صامدين
ونبي ماتمشي
علشان من غيرك هنضيع
مع ان جمال عبد الناصر الاسد المرعب بجد مش نفخ اعلامي راح يوصل الناس المطار رجع مات وكانت مصر في ايام سوده نكسه وغلب وقرف
والحمد لله مصر لااتخربت ولاوقعت وكان في اخوان مسلمين برضوا
ونبي ما تمشي
علشان من غيرك هنضيع مع ان انور السادااااااااااااااااااات طلع من بيته يحتفل
استشهد مات وبرضوا كانت البلد لسه بتفاوض في باقي سينا ومشاكل
وبرضوا مصر ماضعتش
ونبي ماتمشي
علشان الملك فاروق لما قامت الثورة والحرس الملكي واللي مايعرفش يعني ايه الحرس الملكي ياريت يدخل علي جوجل ويعرف
الحرس الملكي قال له نضرب
قال لا ولا نقطة دم واحدة وسلم السلطه في سلاسه
وخرج من مصر معزز مكرم ولم يسمحوا له بالبقاء في مصر
ولم تسقط مصر
ونبي ما تمشي
علشان وحشنا السيمون فيميه
ونبي ماتمشي
علشان هايبر وكارفور وسيتي ستارز قفلوا ومش بنعمل شوبنج
ونبي ماتمشي
علشان طوابير العيش اللي مزعله الناس مع ان سبحان الله طوابير العيش دي بنوح ونصوت عليها بقالنا من يوم الكابتن مصيلحي مانورنا وناس كتير ماتت
لكن دول الغلابه اللي بيدوروا علي الرغيف ابو قروش قليله هيكلوه حاف
لكن اللي زعلان دلوقتي من طوابير العيش الناس الهاي اللي بتشتري الرغيف ابو نص جنيه وبتبعت البواب يشتريه
ونبي ماتمشي
علشان الناس ابتدت تجوع ومافيش اكل ونسينا ان تلتين الشعب اصلا بيناموا من غير اكل
ونبي ماتمشي
علشان الثوار الكخه عكننوا علينا ومااتفسحناش وفسحنا العيال في الاجازة
ونبي ما تمشي
علشان بعض المدرسين الشرفاااااااااااء اوي اللي ان شاء الله هيولعوا
عداد الدروس توقف وسيل الفلوس اللي بتدخل جيبه نشف
ونبي ماتمشي
علشان خوفونا وطلقوا علينا بلطجيه وقطاع طرق
ونبي ما تمشي
علشان في مصر ام الدنيا لسه المصري بياخد فلوس علشان يقتل اخوه
ونبي ما تمشي
علشان احنا تافهين وبلا راي ومبادئ وخرعين وبنغير جلدنا اسرع من الحيه
ونبي ما تمشي
علشان نجحوا حاشيتك ان بعد ماالشعب رجع ايد واحده عرفتوا تضربوهم في بعض
ونبي ما تمشي
علشان انت كويس واحنا مانستهلكشك
وانت حلال فينا
يعيش حسني مبارك
وسمعني سلام خليك هنا خليك وبلاش تفارق
وكل ماهفتكر حاجه هدخل اكتبها
حزييييييييييينه

اسلمي يامصر
ولا حول ولا قوة الا بالله

حوريني ياطيطه

من علي الفيس
الشعب المصري فله شمعه منورة
***********************
أصحاب المؤامرة
الإيرانية الأمريكية الحماسية الإسرائيلية
القطرية الإخوانية
لتدمير مصر
يدفعون مئات الدولارات
للمتظاهرين في التحرير
ويبعثون لهم رسائل مشفرة بالأطباق الطائرة
ويتواصلون معهم بالتخاطر الذهني
وتحضير الأرواح
وكل متظاهر بياخد هابي ميل باللعبة وشقة في مدينتي
منقول