الاثنين، 21 فبراير، 2011

ليبياااااااااا+تحديث


الدور الدور الدور الدور موعوده ياللي عليكي الدور

ان شاء الله بكره هكتب بوست عن اللي حصل يوم السبت والاحد في جراج القصر العيني
كنت هكتبه النهارده بس اليوم طار هناك وكمان القذافي ابن الايه مش عايز ينجز ويقصر مع اني نصحته وقلت له كان غيرك اشطر
مش ممكن الحكام العرب حاااافظين مش فااااهمين
نفس الكلام هوهو
سيف الاسلام بن القذافي
بيقول
ليبيا مش مصر وتونس
ونفس الكلام اللي قاله بن علي وبن مبارك
ونفس التنازلات
من امتي ليبيا بيعترفوا بموضوع الدستور
مش دستورهم الكتاب الاخضر
لله في خلقه شؤؤؤؤؤن
بس صدقني يااخ سيف بن القذافي
الشعب الليبي فااااااااق
وياريت تقول للسيد الوالد يقصر مش فاضيين
ورانا القصر العيني بنحرره
من البلطجيه


شكلهااااااااااااااااا باي باي قذافييييييي ياولااااااااد
ونبي شكلها كده شكلها ليبيا عملتها
الله حي والتالت جاااااااااي
وشكل ابو الصلح اليمني بيقول استنوني
انا جاااااااااي ونبي اناااااااا جاي

هناك 33 تعليقًا:

الازهرى يقول...

فاكرك المشهد بتاع نجاح الموجى

فاضلك زلطة وتطلع بره
وفاضلك زلطة وتطلع بره

سواح في ملك الله- يقول...

المعتوه القذافي بيحارب شعبه
بالطيارات
ده قافل عليهم وعايز يعمل ابادة
وبيقول انا هموت في بلدي

MR.PRESIDENT يقول...

كما قلنا وسنجول
في كمان هنجول
القذافي أحد العشرة المبشرين بجده

شمس النهار يقول...

انت فيييييييييين

ماعرفتش اللي حصل في القصر امبارح

بعد مامشينا

وكمان الساعه تلاته بالليل دخلوا عليهم بلطجيه متعورين
وطردوا بتوع الثورة كلهم مع البلطجيه بعد التوقيع بين الجيش ومصابي الثورة
والنهارده الدنيا كانت ثورة بجد لحد من ساعتين
واتعملت مظاهره علي صغير علي الكوبري
والدنيا هاصت

ورحنا الصبح مستشفي المنيره

انا صوتي رايح خالص دلوقتي
هكلمك الصبح احكيلك اللي حصل بالتفصيل الممل

اما معمر القذافي مالاقاش حتي الظلته
خلاص هو بيحضر الشنطه
بس لسه ماحددش جده ولا شاااااارم

شمس النهار يقول...

* سواح في ملك الله

ما هو هيموت الشعب
ويحكم نفسه بنفسه

ومش فاهمه ايه موضوع هموت في بلدي دي

وعلي فكره الليبيين غيرنا مش هيسيبوه يروح اي حته
هيموتوه حتي من غير محاكمه وابقا قول شمس قالت ده

VÖltaa يقول...

الله اكبر

الشعب يريد اسقاط العبيط

شمس النهار يقول...

* MR.PRESIDENT

ضحكتني ياريس بعد يوم حافل

بس بجد هو لسه ماحددش جده ولا شارم
ولا سكة اللي يروح مايرجعش

شمس النهار يقول...

* VÖltaa

ليه كده بس هتزعل العبط مننا

ده ماحصلش اصلا

الازهرى يقول...

امتى كل ده ؟
النهاردة أساسا كان يوم مليان جدا
بنخطط لحملة كبيرة عندنا
وكان فى اجتماع مع مجلس المدينة للتنسيق والإمداد بالمعدات
يا دوب راجع من ساعة مهدوووووووود

حقيقي الدنيا بقت أصعب بكتير والبلد محتاجة مجهود كبييييييير علشان نقدر نخليها بشكل آدمى

وجيت لقيت تعليق حرق دمى فى ذكريات
بجد الناس اتجننت وبقى الموضوع داخل فى منحنيات أسوا وربنا يسترها

ثـــوره الــغضب يقول...

بأزن الله هيمشى انا متابع الموقف جيدا

دا انسان مجنون دا هيفجر الشعب ابن الهبله

ربنا يستر وميكنش فيه خسائر اكتر

شمس النهار يقول...

*الازهرى

الموضوع ابتدي من بعد مامشينا بحوالي ساعتين لحد النهارده

وماتزعلش من التعليقات

ارجع للبوستات اللي قبل تنحي المتنحي
هتلاقيني مشتومه للصبح

شمس النهار يقول...

*ثـــوره الــغضب

ياله ياادم نلم الرجاله وعلي ليبيا

نخلص المواضيع

ونرجع

الازهرى يقول...

الكارثة إنها مش شتيمة
لو شتيمة كنت عديتها من غير ما أخج بالى أساسا

عارفة فى واحد كبير زمان قال لى يا ابنى غوعى تدوق الدم وإلا لسانك هيسلاه ( هيتعود عليه ) وسمعت كلامه من غير ما أفكر
حاليا فهمت معنى كلامه
الناس هزمت خوفها وطلعت الشوارع وقدرت تعمل حاجة
الكارثة إنهم فاكرين إن ممكن بالعصبجية والاستعجال ممكن نعمل كل حاجة وهيودوا البلد فى داهية وداهية كبيرة كمان
الكل بقى بيطالب بالشغب والاعتصام وتولع البلد بعد كده و
واللى أنا متأكد منه إن أغلبهم كان مستخبى وقت الأحداث اللى فاتت وببيحاول يعوض وخلاص وكإنه ماتش كوره وحالفين ليعيدوه غتاته

الدعوات بتاعتهم دى لو اتنفذت هتبقى كارثة على البلد
الخساير بتزيد والنهاردةواحد اتصل بى وبلغنى إن أبو العينين وكل المتهمين قفوا شركاتهم وسرحوا العمال فى محاولة للضغط على الحكومة تلغى الموجه ضدهم
يعنى البلد مش ناقصة قلة عقل ولازم نتعامل مع الموقف بأسلوب أحسن من كده ألف مرة
بس برضه لا حياة لمن تنادى
وعلى فكرة كتير من اللى كانوا فى القصر امبارح فى حد مالى دماغهم إنهم يقعدوا برضه لحد ما التعويضات تيجى لهم
والدليل على كده واحدة لا لها فىالشمال ولا اليمين وبتقول إحنا متصمين لحد ما يجيبوا لنا حقنا
وأنا متأكد إنها ولا تفهم يعنى إيه اعتصام أساسا
وكمان ناس من الشباب سألتهم حقكم إيه هو ؟ التعويض ولا محاكمة اللى اتسببوا فى الإعاقة ؟ فاتلجلجوا فىالكلام وبدأوا يلاحقوا بعض
أنا تاجر وأفهم الناس اللى حد ملى دماغهم وبيحاولوا يخبوا بسهولة جدا
أنا عارف إنه حقهم بس فى فرق كبير بين إن مطالبى نابعة من جواياوإن غيرى محفظنى كلمتين وجاى أقولهم
وكمان كان فى جورب هناك ما استريحتش لكلامه نهائى

بجد دماغى هتنفجر

شمس النهار يقول...

اومااااال لو تعرف اللي حصل

بكره هحكي لك

دي كانت هوجه ولا هوجة عرابي التاريخيه

بجد ربنا يستر من الاصابع الخفيه
للحزب الوطني

sony2000 يقول...

وانعمه كتبتها ستيتو عندي
الاول:تونس..التاني:مصر..الثالث:ليبا..الرابع...loading:)
يلا خير خييييييييييير

شمس النهار يقول...

* sony2000

الاول تونس
التاني مصر
التالت ليبيا
الرابع اليمن
الخامس سوريا
السادس البحرين
السابع الجزائر
الثامن المغرب
وهلوووووما جرجر

وطني حبيبي الوطن الاكبر يوم علي يوم احلامه بتكبر

والحمد لله الاحلام بقت حقيقه

سواح في ملك الله- يقول...

ابن القذافي بيقول في خطابه التونسيين
والمصريين هيحتلوكم ههههههههه
الواد اتجنن

عمرو يسرى يقول...

المفروض بعد كده الشعوب عندما تطالب باسقاط النظام تطالب ايضا بتغير الطريقه التى يسقط بها النظام علشان المتابعين من الشعوب الاخرى لا يشعروا بالملل
تونس و مصر و ليبيا ولسه ولسه

شمس النهار يقول...

* سواح في ملك الله

طبعا مجنون من شابه اباه ماظلم
:))

شمس النهار يقول...

* عمرو يسرى

تصدق فكره

نعمل لهم خطط زي الكورة 424
او مثلا
شارم رايح جاي
او جده ون واي

:))

المصوراتي يقول...

بحب في تدوينك البساطه

بتجيبي من الاخر

انا معرفش اعمل كدا

انا مكتبتش الي الان عن ثورة مصر

و مكتبتش عن رئاستي للوزراء الواجب التدويني الخاص بالاخت ام هريرة شفاها الله
لازم احضر و اجهز و اكتب و انا رايق كدا

بجد منكِ نتعلم يا شموسة

شمس النهار يقول...

* المصوراتي

شكرا ليك علي كلامك ومجاملتك اللطيفه

انا مابعرفش اكتب انا بكتب زي مابتكلم

:))

وان شاء الله البوست القادم هنشر بعض الفديوهات
وياريت تقوللي رأيك فيهم

والزاويه التصويره واللقطه المتفرده
:))))
لا تفوقت علي نفسي في الفديوهات دي
تصدق من هوووول ما كنت بشوف وبسمع ماكنتش عارفه اصور
وده كان في القصر العيني

أنت...وأنا يقول...

لا تقول له اخ هذا يهودي واحنا مسلمين الله ينتقم منه ومن ابوه وحسبنا الله ونعم الوكيل ..

أنت...وأنا يقول...

لا تقول له اخ هذا يهودي واحنا مسلمين الله ينتقم منه ومن ابوه وحسبنا الله ونعم الوكيل ..

مصري جدا يقول...

أعتقد وأزعم أننا نعاصر عصر النهضه العربي

مصري جدا يقول...

أعتقد وأزعم أننا نعاصر عصر النهضه العربي

شمس النهار يقول...

*أنت...وأنا

لاتقلق ربنا هينتقم

عايزين يوقعوا الناس في بعض

شمس النهار يقول...

* مصري جدا

اي نعم الشعب العربي بيتحرر من الاستعمار الرئاااااسي

يخربيتهم مغششين بعض
مافيش حد فيهم فالح ويخترع له خطبه ولا طريقه جديدة

وردة الجنة يقول...

ربنا ينصرهم يا رب وينصر كل شعب

عاوز يطهر بلده من الظلم والاستبداد

وتتوحد الامة العربية ونرجع كلنا اخوات

مفيش اى حاجة تفرقنا

تحياتى ....

Foxology يقول...

انا بقيت مقتنع تماما ان اللى بيحصل ده مبدأ الفوضى الخلاقة اللى اتقال ايام بوش الابن ومحدش اداله اى اهتمام

ربنا يستر على البلد واصابع الحزب الوطنى الخفية اللى ريحتها بدأت تظهر انها ورا اللى بيحصل

ربنا يسترها

تحياتى

شمس النهار يقول...

* وردة الجنة

ربنا هينصرهم ويقف جنبهم ربنا بينصر المظلوم

وهنرجع شعب واحد يد واحده

شمس النهار يقول...

* Foxology

الحزب الوطني شغال الله ينور ياابو يوسف

لازم نصحي له اوي

وكل واحد في مكانه يدور علي الفساد ويقدمه

ليه تلات اصحاب ستات في مواقع مختلفه
قدموا شكاوي للمدعي العام وبالمستندات في الفاسدين في مكان عملهم

لو كل واحد عمل كده البلد هتنضف

IBN BAHYA - إبــن بهيـــــــــــــة يقول...

سنواصل الكفاح يا شباب
جمعة مليونية كل يوم جمعة حتى تتحقق أهداف الثورة التي لم يتحقق منها سوى 30% فقط فالنظام مازال كما هو وقتلة الشهداء كما هم في مناصبهم ، بل إنهم يمارسون أعمال البلطجة حتى الآن ويعتقلون من تصل إليه أيديهم ، لن يهدأ شهداؤنا ولا دمائهم الطاهرة قبل محاكمة قاتليهم

أهـــــــدافنـــــــــــا واضحـــــــــــــة
أولاً
مجلس رئاسي مدني
ثانياً
حكومة انتقالية تكنوقراط تحل محل الحالية التابعة للعهد البائد
ثالثا
تطهير البلاد من الفساد في الوزارات والمحافظات والمحليات ومحاكمة المجرمين علنيا سواء القتلة من الشرطة أو رجال الأعمال
رابعا
إقالة النائب العام واستقلال القضاء عن وزارة العدل
خامسا
إلغاء قانون الطواريء
سادسا
الإفراج عن المعتقلين

حتى تتحقق هذه المطالب سنظل نخرج كل يوم جمعة في مظاهرات مليونية للمطالبة بتحقيق أهداف الثورة .. فمازال الحزب الواطي يصول ويجول بطول البلاد وعرضها وكأن شيئاً لم يكن

لن نخذلك يا شهيد
لن نخذلك يا أم الشهيد
لن نضيع دمكم الذي دفعتموه لتحرير الوطن ونكتفي ببعض الفتات فتتقلبون في مرقدكم

والله لن يكون
http://ibnbahya.blogspot.com/