الجمعة، 25 فبراير، 2011

صباح الخير يامصر

الصورة دي المفروض تكون مع الكلام
عن القوافل اللي مسافره ليبيا بس مش راضيه تتحرك من هنا
والصورة دي للنصب الاعلامي المفروض ان السرير ال
جميل ده النضيف ده والجو الشاعري ده اللي ناقص نولع فيه شمعه مع موسيقي هاديه المفروض انه في القصر العيني نصب نصب يعني
=======
صباح الخير يامصر عايزة علي الصبح كده اشكر قواتنا المسلحة الجميلة القوية

ليه؟؟
التلات والاربع كنت مع مصابين الثورة اللي اصيبوا في المطريه في مستشفيات

القوات المسلحة

ماشاء الله علي النظافه والتعامل والهدوء والراحه

الكل هناك عارف قيمة هذا البطل اللي بيعالجوه
ده غير النظام

الناس هناك جميلة وقالوا لي نحن نقدر ونعرف قيمة الشهيد والمصاب

تحيه عطره لقواتنا المسلحة

تاني حاجه ان لسه

المستشفيات اللي فيها مصابين بتتعرض للبلطجه

واللي بيشكك

ومش

عارفه ليه اصلا بيشكك معلش هنتعبه معانا شويه ينزل من بيته ويروح يشوف بنفسه

ومايخفش الكرسي والكمبيوتر ماحدش هيسرقهم علي مايرجع

يعني ايه ابقا في مستشفي المنيره والاقي بلطجيه اكلم عادل اقول لها انشر الخبر علي

تويتر الاقي ضد بتكلمي وبتقولي الناس بتتخانق مع عادل وبتقول له ماحصلش واننا

نبطل نقول اكاذيب وكلام غريب مش فهماه

هو لسه في حد في

مصر بيحاول يداري علي الفساد

ماشي بس احنا بقا مش هنداري علي الفساد تاني

واصلا مستشفي المنيره مافيهاش دلوقتي غير اتنين والاتنين اهلهم معاهم

ناس طيبين

وزي الفل ومحتسبين وعارف

ين ان ده وسام والحالتين خلصانين اصلا بيتكلموا بالعافيه

البلطجيه اللي راحوا دول مش اهل المرضي لا اللي ماتوا في المنيره ولا اللي اتعالجوا

ومشيوا دول للأسف تبع بلطجية النظام الفاسد اللي غار اللي لسه عنده امل يرجع

وبصراحه مستشفي المنيره علي قد ماهي حكومه بس التمريض هناك واخد باله جدا من

المصابين واهلهم شكروا جدا فيهم لكن الامكانيات تظل الامكانيات

(مش سوق القصر العيني)



وللعلم في

مستشفي احمد ماهر وفي نفس اليوم

اضرب دكتور في جنبه بمطوي من بلطجي

وعلي فكره كل دي بلطجه علشان الاحراز الشرطه عايزة تاخد الاحراز مش الوزير قال

مش شرطه اللي ضربت النار ع

لي المتظاهرين مين اللي هيثبت ده غير الاحراز

ياريت نفوق ونبقا يد واحد وبدل مانتخانق علي تويتر والفيس نروح نشوف الناس دي

ونواس

يهم وعلي فكره الدكاتره والتمريض اغل
بهم

مسحول

وكانوا بيشتغلوا في ظروف مش حلوه

وامبارح حاولنا ننقل مريض من مستشفي الزيتون علي مالمينا التبرعات وخلصنا

الورق

كان خلاص ماينفش ينتقل الا الي رحمة ربه

(اسمه محمد رمضان علشان اللي بيكدبوا كل حاجه)

والنهارده واخدين وعد من دكاتره في الحسين الجامعي هيستقبلوا مننا حالات بكره

الصبح من اللي

روحت البيوت دون استكمال العلاج

وفي دكاتره متطوعين ربنا يكرمهم هيجوا معانا البيوت يكشوفوا عليهم علشان يحددوا

اللي

محتاج يدخل منهم المستشفي تاني

====

وبالنسبه لسوق القصر العيني

برضوا برنامج 48 ساعه سجل مع المرضي


بعد ماكانت اتغيرت الملايات و


البطاطين والمخدات وده لينك الكليبين


واحد علي الطبيعه والتاني متزوق ومع نفس الشخص

=====
===


اكتر حاجه عجبتني في تسجيل 48 ساعه البطانيه المبمبي


مع ان واحنا هناك ماكنش في بطاطين اصلا وان كان في كانت رمادي مقطعه


ماعلينا لسه في ناس بعد الثورة بيتعاملوا بمنطق الفساد

مع البوست الفديوهات بتاعت مرضي المنيره اللي مافيش غييييرهم هناك

==
=======
========

حاجه اخيرة قبل مااقفل البوست

موضوع ليبيا

مش فاهمه يعني ايه لما نحاول نبعت ادويه ومعونات عاجله لليبيا نتهاجم ويتقال لنا

الاقربون اولي

ولما سألت اللي هجمونا ياتري اتبرعتوا للأقربون دول اللي همه المفروض مصابين

الثور اتقال كلام اقل مايقال عنه انه اهبل

القافله كانت تفرح في ميدان رابع العدوية

شباب الوطن العربي كله فيها

ايوه في عرب كانوا موجودين

اصل مصر من كتر مااتعمل من تخازل وتهميش دورها نسي شعب مصر موضوع الرياده

والدور الكبير اللي بتقوم بيه مصر في الوطن العربي

ونسي اغلب المصريين

موضوع العروبه

دي صورة الساعه واحد ليلا والشباب بيحملوا الكونتينر علشان يطلعوا علي ليبيا

والجميل ان الجيش واقف حواليهم

يحرسهم علشان ده كان طبعا وقت حذر التجول

عظيمة يامصر

وكل اللي عايز يشارك الناس كلها موجوده هناك ليل نهار لتقبل التبرعات

همه بيحتاجوا ادويه ومستلزمات عمليات

وامبارح كانوا محتاجين لبن اطفال

واللي هيروح هناك هياخد ورقه بالمطلوب

ربنا يرفع البلاء عن اخوتنا في ليبيا

هناك 15 تعليقًا:

الازهرى يقول...

هييييييييه
الأول

جارة القمر يقول...

وحشتينى جدا جدا بجد

صباحك هنا وسعادة ان شاء الله

الازهرى يقول...

أيوه لسه برضه رغم كل اللى شفته طفل صغير وبألعب
وأضحك وأعمل كل حاجة حلوة

عمرهم ما هيخفوا ابتسامتى وفرحتى ببلدى
رغم كل الفساد الى فى كل حته وكل المآسى اللى قابلتها فى كل مكان رحت له وكل الدماغ الناشفة اللى لسه موجودة فى شعبنا
برضه بأضحك ومش هيهمنى هأحارب مع الناس الكويسة اللى موجودة فى كل مكان
هأعرف العالم كله مكانة مصر والمصريين من تانى
السلبيين اللى بيقولوا ويعيدوا ويقولوا وييعيدوا ولما بيحبوا ياخدوا قرار برضه بيقولوا ويعيدوا ويتفلسفوا فيه هيندموا فى النهاية

زى ما قلت طول الحرية لا تطلب وبالتالى لا تعطى الحرية والتغيير والفهم هى إرادة بذلك من الإنسان نفسه

وكما قال الدكتور ياسر ثابت فى بداية الثورة

في الثورة لا يسعك أن تبحث عن دور.. فالأدوار تبحث عنك : إما بطلاً مقاوماً يشارك أحبته الغناء.. أو خائناً لا ماء في بئرِ قلبه.. أو خائفاً يبحث عن طوق النجاة من نهايات مؤلمة

فكن من الصنف الأول.. وقتها يكون الله خمس أصابع في كف كل ثائر

ولا تكن لص مقابر.. فتكتشف أن الجثة التي بعتها للتو كانت لأخيك

ولا تكن ضحيةً بلا سببٍ.. فالموتى لا تأتيهم الأحلام في نومتهم القسرية

فكما قال
فليبحث كل منا عن دوره
ومن يجلس جانبا ويكتفى بالكلمات
لن يكون فى الصورة معنا ولن يشعر باللذة والفرحة حين نحتفل بالنصر

ليكن الله تعالى معنا

الازهرى يقول...

اممممممممممممممم

طيب أحجز كمان تعليق
تبرع منك بقى لشخصى الغلبان

تخاريف مترجــِــمة يقول...

والله يا شهرزاد ناس غريبة اوي
مش فاهمه ازاي بعد ثورة بالحجم ده ضد الفساد والمواراة نلاقي نماذج تانية بالشكل ده
طيب لصالح مين دلوقتي
انا تعبت والله خالص من النفاق ده
حسبنا الله ونعم الوكيل
تسلمي للبوست يا حبي
تحياتي

MR.PRESIDENT يقول...

أخويا في ليبيا مستخبي الفرق بينه وبين المطار 25 كليو بس لو عرف يوصل ، حجاج العصر ومليشياته بيقتلوا في الأبرياء .

ربنا يستر .

وإن شاء الله مصر هتتصلح يا شموسة .. مصر هتتصلح وإلا دم الشهدا والمصابين هيروح هدر .

ماجد القاضي يقول...

السلام عليكم

ربنا يجزيكم كل خير على هذا المجهود الرائع ويكتبوا في ميزان حسناتكم..

وشكرا جزيلا على تعريفي من قرب على بعض إخواننا المصابين..

وشكرا كذلك على تعريفي على أسلوب قناة المحور الذي لم يتغير (!!!!!!!) لماذا لا أعرف؟!!!!

تحياتي أختي الكريمة.

سواح في ملك الله- يقول...

مش ملاحظة ان معظم الاصابات في العين اليمين

شمس النهار يقول...

* الازهري

:))

تعليقك رائع ياازهري

ربنا معانا ويستر

ويحمي مصر من خفافيش الظلام المتربصه بالثورة

شمس النهار يقول...

* جارة القمر

اهلا اهلا

انتي كمان وحشتيني

كنتي فين

صباحك هنا وغفران

شمس النهار يقول...

* تخاريف مترجــِــمة

ماهي اصل الثورة بتاعتنا عجيبه حبتين
ثورة بالتقسيط
ثورة قامت علي ناس نصها مشي والنص التاني بيحاول يرجع النص اللي مشي

شمس النهار يقول...

* MR.PRESIDENT

ربنا يطمنكم علي اخوك

ويرجع بالسلامة

وان شاء الله مصر هتبقا احلي
بس نخللي بالنا من خفافيش الظلام
لا يسرقوا ثورتنا

شمس النهار يقول...

* ماجد القاضي

وعليكم السلام ورحمة الله وبركاته

ده واجب كل مصري تجاه هؤلاء الابطال
ومهما عملنا مش هنعرف نرد لهم حاجه

والمحور وباقي القنوات مااخدوش خبر ان الثورة قامت وان ده عصر الحريه والحقيقه والصدق
انا اللي غايظني انهم مسشوارين له شعره
:)

شمس النهار يقول...

* سواح في ملك الله

هو الاوردر عيون

اغلبهم العينتين الاتنين

بس واحده خفت والتانيه لسه

بس السؤال يعني ايه ادي اوردر اني اضرب في العينين

عايزين شباب اعمي
اعمي الله قلوبهم

صوت من مصر يقول...

مامتى
فى حاجه مهمة انا كمان عاوزك فيها
ممكن تتصلى بيا بس لان معيش ارقام اى حد