الأربعاء، 9 فبراير 2011

اللي في التحرير مش مقطوعين من شجرة+تحديث

:))) الداخليه عملت ادارة جديدة اسمها ادارة مكافحة الفيس بوك
في سؤال بيتردد كتير اليومين دول
بيقول الناس دي بيروح لهم اكل منين
!!
!!!!!!!
؟؟؟
؟؟؟؟
لما قر
يت السؤال ضحكت بصوت عالي
سمعتني ام محمد (الست اللي بتشتغل معايا في البيت)

قالت لي مالك في ايه
؟؟
ق
لت لها
بصتلي بستغراب شديييييييييد وقالت

ليه همه
مقطوعين من شجرة ولا ايه يامدام
يعني اهلهم مش بيودلهم اكل

واللي مالوش
اهل احنا اهله نبعت له اكل

لاقي
ت ان ده اقوي رد علي السؤال
من س
ت لاتعرف في الحياة الا القليل

ودي صور للموائد هناك عليها مالذ وطاب من الاكل المصري الاصيل
الصور دي مش من علي النت
ولا متلفقه الصور دي من هناك
وانا اللي مصوراها

هناك 19 تعليقًا:

عالمى ازرق يقول...

على فكرة فيه ناس كتير بتودى اكل لناس متعرفهاش هناك
اعتقد التحرير اعادت صياغة وترابط علاقتنا ببعض كمصريين

Baskouta يقول...

انا مبسوطة اوي اوي ان حضرتك بقيتي كويسة وقدرتي تنزلي التحرير

حمدالله على سلامتك
وحمدالله على سلامة شعب مصر
وحمدالله على سلامة كرامتنا

عاشقه الرومانسيه يقول...

العيش الحاف هناك طعمه احلى بكتير من اللحمه والكافيرا
لانه متغمس بالحريه
انا بحسد الناس دى
لانهم عايشين الحريه بكل معناها وبيتنفسوها كمان

ربنا ينصرهم ويعزهم

شمس النهار يقول...

*عالمى ازرق

اللي معاه اكل بيدي اللي ماممعاهوش

ادينا واخدنا اكل من ناس مانعرفهاش

وتكلمنا وتناقشنا مع ناس مانعرفهاش

مصر بتتولد من جديد

بنعيد اكتشاف نفسنا من جديد كامصريين

بنزيح التراب عن الدهب

شمس النهار يقول...

* Baskouta

شكرا ليكي يابسكوته

وصدقيني

انا مش خفيت وبس انا رجعت 30 سنه لورا

شمس النهار يقول...

* عاشقه الرومانسيه

عندك حق يادودو

بس انتي مابتنزليش عندكم في اسكندريه

هتزعلي انك مانزلتيش

Baskouta يقول...

انا مش خفيت وبس انا رجعت 30 سنه لورا


طيب انا مش عارفة اقول لحضرتك الجملة دي عملت فيا ايه

يارب دايما في صحة وفرحة
ويارب دايما مصر منورة بحبايبها ومنورة قلوبهم وحياتهم زي ما وصلني احساس حضرتك كدة

تحياتي

شمس النهار يقول...

* Baskouta

انتوا اللي نورتوا لنا الطريق وفرحتوا قلبنا

صيدلانيه طالعه نازله يقول...

الله على الصور الجميله يا شموسه
ربنا ينصرهم ان شاء الله و يجمع حواليهم كل قلوب المصريين

حمد الله على سلامتك حبيبتى
انا عرفت انك كنتى هناك امبارح و بعتلك السلام يارب يكون وصل

شمس النهار يقول...

*صيدلانيه طالعه نازله

الحمد لله بروح علي قد مابقدر وعلي قد صحتي مابتجيب

والحمد لله ربنا بيقدرنا
واللي هناك دول ولادنا

واللي بعتي معاه السلام طمع فيه
وده اكيد المندس عادل

MR.PRESIDENT يقول...

تعرفي يا شموسة ، اللي في التحرير وغيره ، ليهم أهل قصدي اللي مش من دمهم ، أصبحوا اللي في التحرير دول أهلهم أهل مصر المحترمين ، مش الملونين ـ أو خدام النظام .

مصر كلها بتدعلي لهم .

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
شمس النهار يقول...

* MR.PRESIDENT

عندك حق

عارف كنت لما اقابل حد عند الاسانسير
واقول سلاموا عليكم
حد يرد وعشره لا

دلوقتي الشارع كله بيسلم علي بعضه
وبالليل والشباب تحت بيحرس الشارع
الاهالي بتيعت لهم الاكل وكله بياكل مع بعضه
البوابين والبهوات وتسمع الضحك والمناقشات السياسيه

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
نبع الغرام يقول...

ربنا معاهم وينصرهم يارب

صور جميله حركة جوايا مشاعر ياريت كنت معاهم بس انا من بعيد اوووووووووووووووى

الازهرى يقول...

أهو احنا كده يا مصريين زى القرع نمد لبره
مش انا اللى قلت لك الأول


آه رجعت ورجعت اللماضة تانى
فرحان كتييييييييييير
ومش قادر أعبر عن كل الى جوايا
بس بكره ييجى وقت الكلام
ونقدر نحكى ى بعدنا عن الأيام دى

ربنا يعين الجميع وهأحاول أشوف اللى ما أتبرعش وابعته بكره على هناك ول إنى استنزفت كل زمايلى فى الأيام اللى فاتت