السبت، 12 فبراير 2011

نصره قويه+ تحديث في ندااااااااااااااء



التحديث
ياريت نقدر نعمل تجمع كبييييييييييير
لكل المدونيييييين
علشان نحتفل كلنا مع بعض
احتفال يكون منظم جميل
وممكن نأجر قاعه
ونتجمع
===========
مش عارفه ليه واحنا نازلين نحتفل بالنصره الجميلة دي
لاقيت نفسي بغني الاغنيه دي وببكي(ده طبعا بعد فاصل من الدعاء لله مع البكاء)

لما كنا في التحرير اخر مره يوم الخطاب الاخير
لما رجعت كتبت البوست
ده

ولما اتقهرت واتغميت
حسيت اني محبوسه جوه وطني محبوسه جوه فكرة

والحمد لله لما اتفك حبسي وحبس كل المصريين الاغنيه جت علي بالي
نصرة قوية وفرحة

هناك 32 تعليقًا:

Haytham Alsayes يقول...

مش عارف اعلق
بجد مش عارف
بس فرحان
عاوزين نشتغل في البلد دي لغاية ملتبقي اعظم بلد في العالم

elsha3er يقول...

الحمد لله دى أكتر حاجة أقدر أقولها دلوقتى لفترة لحد ما اعرف أعبر باى كلام تانى

موناليزا يقول...

الحمدلله:)

باحث عن حب يقول...

مبرررررررررررررررررررررررررررروك
كان عندك
حق

الازهرى يقول...

انتصرنا
انتصرنا
انتصرنا

اللهم لك الحمد حمدا كثيرا طيبا مباركا فيه

Foxology يقول...

الحمد لله انتصر الشعب

الحمد لله لأول مرة احس انى فخور بمصريتى

الحمد لله لأول مرة احس انى حر

كلمات من نور يقول...

مبروك النصر ورفع الراس عاليه وسط كل الدنيا ......الناس في كل بلاد العالم فرحانه علشان فعلا مصر أم الدنيا

صيدلانيه طالعه نازله يقول...

و الله و انا بكتب البوست بتاعى كانت فى دماغى الاغنيه دى بس اما لقيتك نزلتيها اكتفيت بالصوره
مبروك علينا يا شموسه رجوع بلدنا لينا

eng_semsem يقول...

مبروك علينا كلنا
وتحيه غاليه للشهداء
ولكل اللي وقفوا في الشوارع والميادين
وبعلو صوتهم قالوا
مش هنمشي هو يمشي
الف مبروك

قوس قزح يقول...

مبرووووك

Unknown يقول...

السام عليكم

الف ألف مبرووووك لينا جميعا ولكل عربي ومسلم فرح معانا على امتداد العالم..

اللهم أدمها نعمة علينا واحفظها من الزوال.....

تحياتي أختي شمس.

Eno يقول...

الف مبروك ياشمس البلوجر
عاوزة اقولك انك نورتي في قلب كل البلوجر
وفهمتيني حاجات كتير انا مش كنت فاهماها اووي انا متباعة بوستاتك بستمرار والله

ربنا يباركلك وكمان الف مبروك

shoshta_ joker يقول...

السلام عليكم ....



الحمدلله يا شموسة ربنا نصرنا وقبل دعاء كل المصريين

الحمدلله

وان شاء الله دا بقى دلوقتى وقتنا ودورنا اننا نشتغل ومنسكوتش ع اى غلط او فساد ونعمر البلد دى
وكل واحد فينا يبدا بنفسه ويغيرها


ربنا يكمل فرحتنا ع خير ويكرمنا

دومتى بخير
فى رعاية الله...
shemo

ذو الوجه المبتسم يقول...

الف مبروك علينا مصر

الف مبروك لمصر عودة ابنائها المخلصين


ياريت لو هتعملو تجمع للمدونيين تعرفونى بجد

انا حاليا بمصر
اوعى تنسي تعرفيني

أع ـقل مـ ج ـنـونــة يقول...

الف مبروووك ياشمس
احلي ايام الفرحة
ويارب تكمل
ويديم علينا الحرية
:)

جلال كمال الجربانى يقول...

نحمد الله على هذا النصر
ورحم الله شهداء الثوره فدمائهم لم تذهب هباءً ولهم منا جميعاً الفاتحه
وأحتفال المدونين وتجمعهم سيكون حدث جميل ونتمناه

ودمتِ بخير حال وبفرحه ونصر

الازهرى يقول...

امممممممممممممممم
نأجر قاعة ؟
بس نفسى أعرف انت بتبصى لى ليه وإنتى بتقولى الكلام ده
شكلك طمعانة فى مكافة نهاية الخدمة بتاعتى
ما أنا غنى بقى
قبضونى 13 جنية قد النخلة مش أى كلام

على العموم انا متبرع للقاعة ب35 قرش مرة واحدة وبلاش تقعى من طولك بسبب الكرم المفاجىء كله علشان الثورة

أنا طبعا أول الملبين بشرطين
الأول يبقى بعيد عن يوم الخميس لإنى غالبا بأكون مسافر فيه اسكندرية

ثانيا ودا الأهم وأهم الأهم كمان
ممنوع حضور أى عضوة من عضوات حزب الشر والأذى أو جمعية المرأة المتوحشة
أقول لك بلاش أى حد من حزب اكس اكس على الرأى الدكتورة زعيمة الجمعية
طبعا باستثناء شموستنا ونور حياتنا

فى انتظار التفاصيل

ghada mOhsen يقول...

ألف مبرووووووك ماما شمس

وأخيرا البهجه حلت علينا

وعقبال كل الدول المكبوته

ونفسي أشوفكم وأحتفل معاكم أوووووي أوووووووي

يارب دايما يكتبلنا الخير

تحياتي لروحك الحلوه
^_^

راء يقول...

الحمد لله الناس بقالها كتير مش بتفرح
جت الفرحة ديه غيرت طعم مصر كلها

وياريت يبقى فيه تجمع مدونين قريب اوي وان شاء الله المرة ديه اكيد اكيد انا معاكوا :))

الحمد لله يارب

سمكه واحده يقول...

انا فرحانه
انا مبسوطه
انا في حجات كتير جوايا كان بتمناها متهيقلي لا اعتقد لا متأكده انها بعد انهارده هتحقق
مبروك ياشموسه مبروك لينا كلنا
صباح جميل صباح زي الفل
كان عندك حق وعند فاتيما حق وعند الناس الحلوه كلها حق والحمد الله محصلش حجات كنا قلقنين منها
كفايه رجعلنا كرمتنا وحريتنا ورجعت لنا مصر تاني ودم الشهداء مرحش هدر
الف حمد وشكر ليك يارب
ياريت بقي نستغل كل ده وكل واحد فينا يغير من نفسه ونتغير لافضل والاحسن
ويكون صباح جديد

غير معرف يقول...

كفاره

Unknown يقول...

ياريت ياشمس تكوني سمعت حديث كمال الجنزوري مع مني الشاذلي اهو دة كمال الجنزوري الا قالوا ان مبارك شالة وحدد اقامتة عشان مبارك مبيحبش حد ناجح حولة اهو الراجل بيقول عمرة معمل كدة وبشكر في مبارك اعملي بقة اسقاط علي كل الشائعات الا علي مبارك وتعرفي الحقيقة منكم لله خسرتونا راجل كان محترم منكم لله

Unknown يقول...

وياريت تكوني سمعت كلام احمد شفيق منكم لله خربتوا البلد

Kiara يقول...

نصرررررررررررررررة قوييييييية

امممممممممممموه

مبروووووووووووووووووووووووووك

الازهرى يقول...

هى النقطة اتمسحت وألا إيه

عاشقة القمر يقول...

الف مبروك النصر عقبالنا يارب بجد
انتم أبطال
لم ينسكم تاريخ ابدا
يارب عقبالنا

عالم حبيب يقول...

الحمد لله نجحت الثورة ,, وتحققت المرحلة الأولى وهي هدم النظام الفاسد ,, وبقيت المرحلة الأهم وهي بناء بلدنا من جديد ,, يارب وفق مصر وأهلها لما تحب وترضى

وأنا معك في أن يكون هناك تجمع للمدونين عن قريب ,, ياريت نجمع تصور للتجمع من حيث المكان وتفاصيل اليوم

شمس النهار يقول...

* Haytham Alsayes

ان شاء الله هتكون اعظم بلد زي ماكان طول عمرها

* elsha3er

لا ياشاعرنا الهمام ده انت اكتر واحد لازم تعبر وباحلي كلام

* موناليزا
الحمد لله

* محمود(باحث عن حب)

الله يبارك فيك يامحمود :))

* الازهرى
انتصرناااااااا
35 قرش؟؟ مش كتير كده؟؟
نقدر بس نجمع الناس وكله يهون فدا اننا نحتفل مع بعض
وانسي بقا مايبقاش قلبك موووف
اذا كان انا سامحت كل اللي زعلوني
:))
وبعدين نقطة ايه هو مين اللي اتنقط تاني:))))))))))

شمس النهار يقول...

* Foxology

الحمد لله عارف ليه معاك ذكري لطيفه جدا اول ما عملت المدونه الحاج طارق عابر سبيل قال ل ازور مدونتك علشان انت ناشر فيديو لطيف اوي
وكان علي الانتخابات
الحمد لله خلااااااااص
انتخاباتنا هتبقا فله اكثر بياضا

* كلمات من نور
الحمد لله عارفه الناس بتكلمني من كل حته تهنيني وتقول لي
رفعتوا راس مصر

* صيدلانيه طالعه نازله
مبروك يالولا مصر اليوم في عيد حقيقي

* eng_semsem
الحمد لله اننا ثبتنا
جوز بنتي يوم الخميس قبل التنحي بعد خطابه الملعون
قال لي خلاص يامام هو مش هيمشي احنا اللي هنمشي
قلت له لا هو اللي هيمشي احنا مش هنمشي
والحمد لله هو اللي مشي ومصر هي الباقيه

* قوس قزح

مبروك علينا

* ماجد القاضي

الحمد لله ربنا وقف معانا
والتحيه ليك وعلي مقالاتك الجميلة
اللي كانت خير عون

* Eno
الف مبروك علينا ياام يوسف
وشكرا علي كلامك الجميل

شمس النهار يقول...

* shemo_ joker
الف ميت مليون مبروك
وان شاء الله ايد علي ايد مصر تعلي وتزيد

* ذو الوجه المبتسم

الف مبروك علينا
وحمد الله علي السلامه وان شاء الله نقدر نجمع الناس وانت في مصر


* أع ـقل مـ ج ـنـونــة
الف مبروك علينا والفرح جميل اوي
وخصوصا بعد تعب وشقي

* واحد من العمال
مبروك علينا النصر
وان شاء الله نقدر نجمع اكبر عدد من المدونين

* نبع الغرام

مبروك علينا الحريه وان شاء الله تكون باب وردي انفتح لنا للتغيير

* ثورة الغضب
رحت واشتركت

* ghada mOhsen
الف مبروك نسايم الحريه جميلة
ان شاء الله نجتمع ونحتفل

شمس النهار يقول...

* طالبة مقهورة ..درجة أولى

خلااااص مافيش قهر خلاص
:))
وان شاء الله نتجمع وتكوني معانا


* سمكه واحده
الحمد لله مصر بخير وهتبقا اجمل
ربنا بينصر اللي بيدافع عن حق
وان شاء الله نتجمع ونحتفل سوا

* مصري جدا
كفاااااره
مش لمصر بس لينا كلنا

*mahmoued
برغم انك بتتكلم بلغه مش بفضلها
بس سيب الايام تثبتلك
ان ربنا اراد بمصر الخير
وياريت تكون سمعت رئيس الوزراءامس
ووزير الماليه اليوم
وشكرا ليك

*كيــــــــــــارا
مبرووووووك ياكوكي

*عاشقة القمر
الف مبروك للأمه العربيه
وصدقيني الشعب العربي كله جاي
والوطن العربي هيتحرر كله

*عالم حبيب
ان شاء الله الجاي يبقا اجمل واحلي
وان شاء الله هكتب تفاصيل اللقااء عن قريب
نحدد بس العدد علشان نعرف هنتقابل في نادي ولا ناخد قاعه خاصه

غير معرف يقول...

فيه تجمع مصري في اسكندريه

غالبا السبت