السبت، 30 يوليو 2011

مصر هتفضل غالية عليا

مصر هتفضل مسلمة مؤمنة معتدلة وسطية متدينة اكتر من اي دولة في العالم
مصر فرمت وهضمت اعتي الحضارات
اخدت اللي هي عايزاه ويوافقها ورمت الباقي
احتفظت بهويتها ولهجتها واعتدالها
وماحدش قدر عليها
وان شاء الله خير
وعندي امل كبير في ربنا
يارب احفظ مصر
اسلمي يامصر
========
ملحوظة
عملت اشراف علي التعليقات
علشان في مدونين مستائين من غير معرف
مع اني انا مش مستائه
علشان انا اصلا مش بقرا اي تعليق بغير معرف
:))
انبسط ياابراهيم ادينا قفلنا دكان التعليقات
:))

الخميس، 28 يوليو 2011

اسلمي يامصر

يامسااااااااء التفاؤل
مش قلت لكم اني عندي امل كبيييييييير
في ربنا
امبارح الاخبار بقت ورا بعضها تفرح
القبض علي قتلة اهل السويس
اجتماع جميل لمجلس الوزراء
خرج عنه بعض القرارات اللي ان شاء الله تتنفذ
حورات امس كلها علي جميع الفضائيات بما فيهم المصرية كانت معقولة
واللي اسعدني اكتر ان التيار الاسلامي ظهر وبان عليه الامان بقوة امبارح
وعرف الناس انه مش امنا الغولة ولاحاجة
وان حتي السلفين منهم مش بعو
ايوة في جزء صغننننننن منهم متطرف وده عااااادي بس برضوا مقدور عليهم
الاعلام شوه صورة هذا التيار تماما
واظهر عمايل المتطرفين منهم بس وهات يااشاعات
لما خوفوا الناس ورعبوهم
عندي يقين ان كله هيبقا تمام
وطيور الظلام اللي بتنقر في ثورتنا
ربنا هيبعت لهم انفلونزا طيور تلمهم لمه ووووووووووواحدة
ودي حلقة الداعية حازم ابو اسماعيل
اللي كانت رائعة واعتقد من خلال ملامح يسري انه انبهر
وماكنش فاهم ان ضيفه بالشخصية الجميلة دي
واسلمي يامصر

الثلاثاء، 26 يوليو 2011

الحلقة دي اتفرجت عليها بالصدفة يوم الاحد
وفضلت ادور عليهل علي اليوتيوب لحد مالاقيتها
الحلقة بتتكلم ليه قسم الاربعين في السويس اتحرق
ياريت تشوفوها

ان شاء الله هكمل رد تعليقات البوست اللي فات بكره
النهاردة كده خلاص البنزين خلص

الأحد، 24 يوليو 2011

يارب


مش لاقية حاجة اقولها ابلغ
من كلام فاتيما في بوست
كمين العباسية
حزينة جدا وخصوصا لما شوفت الفديوهات اللي ماليه الدنيا ودليل ان الشعب اضرب من اللي المفروض يحميه
ونفسي اكدب اللي بيقولوا ان المجلس بيعمل كده علشان اللامبارك هددهم يفضحهم وبالمستندات
مش مصدقة ان بعد الثورة يتقال كفايه خواجات مش مصريين
و6ابريل بيتمولوا من الخارج واتدربوا في الخارج
فاضل مين عليه الدور يتخون
ولما الشعب كله كده طلع خاين واجندة وبيتمولو
الجيش حمي الثورة ليه وقال انه شريك فيها
7 شهووووووووووور
ومافيش اي انجاز للثورة
ونقول يمين يقولوا شمال زي الشريك المخالف
كل القوي السياسية والناس المستقلة اللي هترشح نفسها والناس اللي هتروح تنتخب قالوا مش عايزين نظام فردي عايزين قوائم
عملوا العكس زي مايكونوا عايزنها والعه
حتي العصابة لسه بتحرك البلد
ولسه الاعلام المصري زي ماهو اللي فيه فيه
اعلام العصابة

السبت، 23 يوليو 2011

اسلمي يامصر

يعني خلاص كده الشعب اتفرق
بين روكسي والعباسية والتحرير وسلفين واخوان وليبرالين ووفد وتجمع و.....الخ
يارب سلم يارب سلم
ياريت مصرتتوحد تاني
وحركة النهارده اللي في اسكندرية
والتانية بتاعت العباسية
مقصود بيها ايه!!؟؟
اجهاااااض مسيرة بكره السلمية
انا مابقتش فاهمة حاجة
اسلمي يامصر

الأربعاء، 20 يوليو 2011

القشة

اغلب الناس الان
شايفين القشة اللي في عين اللي قصادهم
ومش شايفين القشة اللي في عينهم

الاثنين، 18 يوليو 2011

ساااااااااكته +تحديث

ده ارتباطمعرض الميكروموزايك للفنان سعد روماني
في متحف محمود مختار
بالقاهرة
=======
انا ساكته وكافية خيري شري

ومش فاهمة حاجة
ومزبهلة من كتر اللي بيحصل حواليا
واللي بقراه علي تويتر
وبشوفه علي الفضائيات
ومش عايزة لااكتب ولااتكلم
قرفاااااااااااااااانة بصراحة
لكن علشان اليومين دول في وسط كل الهم اللي احنا فيه ده
وبنلصم في نفسنا
يطلع لي اللي بيتكلم ان لو اللامبارك فطس هنعمل ايه
يعني ايه هنعمل ايه هنعمل ملوخية بمناسبة ان ده الموسم بتاعها
معلش يعني واحد امر ان شباب البلد يضرب بالنار يايموت يايتعمي
ولم حواليه شلة نصابين وسرق البلد
واكلها لليهود والامريكان
لما يموت هنعمل له ايه
ماكفاية استفزاز لمشاعر الشعب بقا
مايموت ولا مايموتش هو ده دلوقتي القضية
يعني هيعملوا له جنازة عسكرية وهو متهم في جناية
اللي اعرفه ان العسكري اللي بيتهم في جناية او شئ اخلاقي خلاص بينزع منه الشرف العسكري
اقولكم ابقوا اعملوا له جنازة عسكرية خاللي اللي مانزلش مظاهرة ينزل واللي مااعتصمش يعتصم
ولعوها علشان ترتاحوا
الله يرحمك يامحمد يانجيب ياللي اخدوا منك كل حاجة وانت كنت ضفرك برقابتهم

الأربعاء، 13 يوليو 2011

المجلس العسكري

اللي سألوني ليه ماعملتيش بوست عن بيان المجلس العسكري
والمؤتمر الصحفي اللي عملوه
معلش
اصلي مابحبش حد يزعق لي كله الا الزعيق
:(
وكمان مانزلتش ترجمة مع البيان وانا مابفهمش غير عربي
وكمان امبارح ماكنتش لاقية النضارة
مش عارفة اعمل ايه
طيب الموبايل لما مابلاقيهوش برن له
النضارة اعمل فيها ايه لما ماالاقيهاش اجيب لها موبايل
:))
تعليقات البوست اللي فات رائعة وهرد عليه واحدة واحدة

الاثنين، 11 يوليو 2011

عصام شرف واشياء اخري

هبتدي بالأشياء الاخري
نبتدي بسليم العوا
ارتباط
الخبر ده كان غريب من كل الاوجه
وخصوصا انه ماقالش الكلام ده وهو هناك في ميدان التحرير
فاعايزة اقوله
سعيكم مشكور ومانجيلكش في حاجة لاحلوة ولا وحشة ولا نجيلك اصلا
عالم ومفكر علي راسي مالكش زي
لكن سياسي
لالالالالالا
-------
الخبر ده ازعجني جدا مااعتقدش ان ثورتنا السلمية ممكن تتحول الي دموية
اناشد المجلس والوزراء وكل قاضي اسرعوا العدل لازم يتحقق
ثورتنا قامت علشان كده العدل الحرية المساوة
-------
نيجي بقا لدكتور عصام شرف
عايزة اعرف لو انت لسه بتنزل ميدان التحرير مع الشعب
كان رد فعلك هيكون ايه علي كلام زي اللي كل شوية تطلع تقوله لنا
واضح ان المجلس العسكري مش فاهم يعني ايه شعب مصر
وزعلانة منك انك بتشترك في اللعبة دي
وعاااااااااااايزة اقولكم انتم الاتنين
الشعب المصري مش هينفع يضحك عليه تااااااااااااااااااااااااااااااني
وايه موضوع تغيير الوزارة ده
بتضحكوا علي مين
----------
يامصريييييييين احضنوا ثورتكم ارجوكم ارجوكم
انا خايفة علي الثورة من بعض المصريين
من القلة الصامتة
والقلة الخايفة
والقلة المنتفعه من النظامن السابق
ومن القلة اللي بتفتي علي الفاضي والمليان
واللي هيقول لي ان العجلة والاستقرار يجاوب علي السؤال الاتي
كام عاطل عن العمل في مصر؟؟؟
لو تعرف حد مابيروحش شغله شاور عليه
لو تعرف طالب مارحش امتحن ابعت اسمه
لو تعرف اي حد معطل شغله بلغ عنه
لو تعرف حد ماقبضش مرتبه
الاجااااااااااابة مافيش
الثورة الوحيدة في الدنيا اللي شغالة والعجلة السودة دي شغالة
كفاية ترديد كلام من غير وعي
المتضررين من الثورة اغلبهم من الطبقة اصلا اللي مطحونة وهمه هناك كمان
-----------
بكره ان شاء الله 3مليونية لحد ماناخد حق كل المصرين

الأحد، 10 يوليو 2011

عصام شرف وراحت السكره وجت الفكره

امبارح كان يوم عصيب حبتين تلاته كده
من بعد الميسدات للحكومة والمجلس والدلع
اه والله حطيت لهم اغنية علي الفيس وتويتر
وجابت نتيجة بعدها علي طول قال لك بيان للأمة
استنينا لما استوينا
المهم
طلع علينا الدكتور عصام شرف ببيان كالماء لاطعم له ولا لون
طبعا اتحرق دمنا كالعادة
وصوتنا وندبنا وشجبنا علي الفيس وتويتر وبلوجر وفي كل حته
انا سمعت وشوفت البيان اكتر من 7مرات
وملاحظاتي :
عصام شرف طالع مضروب علي قلبه مش طايق نفسه
مكسور مهزوم بيقرا وهو متنح
اه سيبكم من ان شكله رايق كده وهادي
لا
كمان في حتت بيتكا عليه زي اللي عايز يقولنا
الحته دي بالذات ماتصدقوهاش
حسيته وهو بيلقي البيان انه عايز يغمز لنا بعينة ويقول لنا ماتصدقوش خاليكوا مكانكم اوعوا تفضوا الاعتصام
انا نفسي مش مصدق اللي بقوله
وهرجع اقول الشعب المصرررررررررررررري
مش هيغمض عينية
مش هيضحك عليه
تااااااااااااااااااااااني
-------
دي الاغنية اللي حطتها للحكومة والمجلس علشان يعبرونا
:)

رضا والله وراضيناه
دلع حتي ودلعناه
كافي لا لاتزودها
لو ندري مازعلناك
يعني وايش تبي منا اكتر يامتاعبنا
تقدر تسامحنا
مااحنا ياما سامحناك
:)))
وونبي جابت نتيجة مافيش ربع ساعة وقالك بيان
صبااااااااااح الخير علي بلادي
اجدع ناس

الجمعة، 8 يوليو 2011

الحاجة الحلوة؟؟ +تحديث

كده ياشرف ماكنش العشم ياحسين
لما ضغطي يتظبط هكتب فيك حتت بوست
ده انا ست كبيره والشمس الصبح اكلت دماغي
مع اني كنت واخدة شمسية العمدة
بس الشمس كانت بتدخل لي من تحتها
مااااااااااااااااااااااااااشي
ياشرف
---------
يافتاح ياعليم يارزاق ياكريم
هو المجلس العسكري لسه ماردش
علي الميسد كول بتاعة امبارح؟
معلش يمكن مامعهوش رصيد
نطلبه تاني الجمعة الجاية
-------
بسم الله الرحمن الرحيم
الاجابة
شعب مصر
الحاجة الحلوة الدافية هي شعب مصر
---
مش قلت لكم ان شعب مصر مش هينفع يضحك عليه
تااااااااااااااااااااااني
ميدان التحرير النهارده شكله يفرح القلب الحزين
تاني نزلوا المصريين بكل الطوائف بكل المستوايات
من اول بياع البطاطة لحد السفير
دم ولادك يامصر عنبر مش ميه
كنت رايحة وخايفة جدا المصرين ماينزلوش
وبقيت اقول يارب
الشهداء مصريين فتحوا صدورهم ياالشهادة ياالنصر علي الفساد
والفساد لسه موجود
والحمد لله المصرين نزلوا ومش هيرجعوا تاني غير بحاجة من الاتنين
والمعادلة سهلة خااااااااااااااااالص
المجلس العسكري اللي تعهد بحماية الثورة والمصرين
ينفذ الاتفاق ويخلصنا من الفاسدين في كل مكان
خلصت
والعقد شريعة المتعاقدين
ومش عايزة حد يدخل هنا يقول لي عجلة الانتاج والاستقرار والكلام الغريب المريب ده
انا لاشوفت عجلة انتاج ولا استقرار
ومش هيكون في
طول ماديول الفساد موجوده ومعروف مكانها
-----
مصر صحيت ومش هتنام تاني علي ودنهااااااااااااااا
دي مصر فيها حاجة حلوة
مصر دلوقتي الكل في وااااااااااااااااااحد

الخميس، 7 يوليو 2011

الله كبير

واناراجعة امبارح علي القاهرة قاطعة اجازتي
سمعت اغنية الله كبير لفيروز وكأنها جت في وقتها
مهما يصير الله كبير
-----
ان شاء الله غدااااااااااااا نازلين نقول ان الثورة موجودة ولسه ماحققناش حاجة
وانا عايزة اعرف مين بيحكم مصر دلوقتي
وياتري اللي بيحصل ده لصالح مصر
باقيين علي الفاسدين في جهاز من اهم احد اسباب قيام الثورة
-----
نازلين يارب مش عايزين لاجاه ولامال ولا اي شئ غير العيش بكرامة وحرية
نازلين يارب نرضي ضميرنا وفداء للوطن
نازلين ومحتسبين
----
وايه بقا موضوع الدية ده اللي ماشي في البلد
وان شاء الله الازهر ساكت ليه مش بيطلع بيان بالموضوع ده
ودار الافتاء ماطلعوش ليه بيان
مااحناش قد المقام
ماطول عمركم عمالييييين تطلعوا فتاوي مسيسه وغير مسيسه
الدية مش اني ازور الحق واغير اقوالي واضيع حق الباقيين اللي مارضويش يغيروا ضمايرهم ويشهدوا زور وبهتان
الدية ان القاتل يعترف بأنه قتل فاأهل القتيل يايطلبوا القصاص
بقتل القاتل يايقبلوا الفدية اللي هي الدية
ويادار مادخلك شر
لكن اللي بيحصل الان ده رشوة وشراء زمم واستغلال لفقر اهالي الشهداء
علشان اضيع حق الشهيد وغيره من الشهداء
طيب والجرحي هيعملوا فيهم ايه اللي فقد نور عينيه او الاتنين هيعمل ايه
حسبي الله ونعم الوكيل
ان شاء الله الحق مش هيضيع تاني فيكي يامصر الشعب المصري ماينفعش تاني يضحك عليه مفتح ومفنجل لكل حاجه
والله كبير

الاثنين، 4 يوليو 2011

حرق الدم

ماكنتش ناوية ادخل النت
كنت محتاجة اجازة من كل حاجة
بس ازاااااااااي اخد اجازة واللخبطة السكلانس دي حاصلة
هقولها تاااااااااني وعاشر وللمره المليون
الشعب المصري ماعدش يضحك عليه
ماعدش يضحك عليه
يعني ايه دفاع يطلب صحيفة سوابق الشهداااااااااااء
يعني لوطلع سوابق مش هيتحاسب اللي قتله
طيب نقول تاني فرضنا انه كان سوابق وتاب
ماعلينا
خلاص كل شهداء الثورة بقوا سوابق وبلطجية
ايه البلطجية الثورجية الحلوين دول اللي نازلين من غير سلاح عزل
مع ان البلطجي مايمشيش من غير سلاح
خلاص كل الشهدااااااااااااااااء بقوا بلطجية
الرحمة من عندك يارب
يااااااااااااوزير العدل اين العدل
ياقضاة مصر اين العدل
شوية تغروهم بالمال وشوية تضربوهم وتصلتوا عليهم بلطجيتكم
محتارين تعملوا فيهم ايه
خلاص خالونا نقضيها هيصة وبلاش نبني مصر تاني ونفوق للي ورانا
علشان نعرف نبني لازم من القصاص العادل
وماحدش يلوي دراع حد
ارحموا دم الشهدااااااااااااااء
يعني ايه نفرج عن قتلة بكفالة هبلة عشرة الاف جنيه
مش كفاية استفزاز بقا للناس
يعني عايزين تسحلونا تاااااااااني ونسكت
لا المصريين ماعدوش يسكتوا
ماعادوش يبصموا
ماعادوش يسمعوا ويسكتوا
يااولي الامر ندااااااااااااااااااء من ام مصرية لفت علي جرحي الثورة وشافت امهاتهم وقهرتهم علي اولادهم
اومال امهات الشهداء حالهم ايه
ندااااااااااااء مني
كله كوووووووم ودم الشهداء وحقوقهم وحقوق الجرحي كووووووووووم
المصريييييييين مش هيرضوا غير بالعدل
ده لقاء مع احد جرحي الثورة اتجرح في السويس بالزمة ده بلطجي جزء اول
ده جزء تاني
يامثبت العقل والدين يااااااااارب

الجمعة، 1 يوليو 2011

العاصفة(يامصر قومي وشدي الحيل

الشعب المصري خلاااااااااااااص مش هيضحك عليه تاني
بالرغم ان في كتير من الشعب مش مع اللي بيحصل الان من الثوار
لكن برضوا الشعب المصري مش هيضحك عليه
ياشعب مصر انت اللي نجحت ثورتك لما حضنتها
ولحد النهاردة الثورة ماجابتش لك حاجة
حتي القصاص لم يحدث واللي حكمك بالحديد والنار وقتل ولادك
من اول اللامبارك لحد اصغر امين شرطة كان بيبهدل اولادك في الاقسام والكمائن
لحد دلوقتي مش عارفين راسنا من رجلينا في البلد دي
خلاااااااااص الشعب مش هيضحك عليه تاني
ياناخد حقوقنا كاملة يابلاش
وقبل كده قلت
عايزين ثورة كاش مش بالتقسيط
وادي اخرت التنقيط اللي احنا فيه
ده من فبراير لحد النهارده مافيش حكم واحد ظهر
هي الادلة والشهود علي امين الشرطة اقوي من الادلة علي حبيب العادلي وشركاه
وسايبين ظباط الشرطة اللي قتلوا الشباب في اماكنهم يطلعوا لسانهم لأهالي الشهداء والجرحي
ومستكترين علي اهالي الشهداء يقولوا
آآآآآآآآآآآه
وسايبين الناس اللي بتخرب في البلد
ونفسها البلد تولع
يعملوا فينا اللي همه عايزينه
هي دي اخرت مشي السحلفة
الشعب مش هيسيب ثورته لحد يختالها
-------
ودي موسيقي العاصفة ليني علي ماارجع باذن الله
---------
وماتنسوش الاستفتاء بتاع اختيار تدوينة من تدويناتي خلال شهر يونيو علشان ابعتها اشترك بيها في استفتاء 100 تدوينة الالكتروني
---------