الأربعاء، 13 يوليو، 2011

المجلس العسكري

اللي سألوني ليه ماعملتيش بوست عن بيان المجلس العسكري
والمؤتمر الصحفي اللي عملوه
معلش
اصلي مابحبش حد يزعق لي كله الا الزعيق
:(
وكمان مانزلتش ترجمة مع البيان وانا مابفهمش غير عربي
وكمان امبارح ماكنتش لاقية النضارة
مش عارفة اعمل ايه
طيب الموبايل لما مابلاقيهوش برن له
النضارة اعمل فيها ايه لما ماالاقيهاش اجيب لها موبايل
:))
تعليقات البوست اللي فات رائعة وهرد عليه واحدة واحدة

هناك 37 تعليقًا:

Tarkieb يقول...

بصراحة كان ناقص يسيبلنا التين بالمرة او نظام انصراف يا دفعة.....بالزمة دي ناس تقود بلد؟ الغريب الناس اللي معاه وفرحانه انها حتحكم بعد كدة...وربنا ح يكونو شرابة خرج زي عصام شرف بايديهم ...طمعنجي بناله بيت فلسنجي سكنله فيه...

Foxology يقول...

انا علقت على موضوع الصباع ده لأنه بيفكرنا بالغير مبارك لكن باقى البيان كان مثير للفتنة والدليل المؤتمر الصحفى اللى اتعمل علشان يمتص غضب الشعب

الظاهر ان المصير واحد ومحتوم

ربنا يسترها علينا

تحياتى

مصطفى سيف يقول...

المفروض الفنجري قبل ما يبدا الخطاب كان قال على اصحاب القلوب الضعيفة عدم الاستماع
هو المجلس العسكريبيعاملنا كده ليه؟
اومال لو مكنش واخد شرعيته مننا كان عمل فينا ايه؟

لـــولا وزهـــراء يقول...

ست الكل شمس النهار

بالنسبه لموضوع النظاره ههههههه ماساه اعيشها مع ماما لما تخلع النظاره وتقولى انا حطتها فين ^_^

بالنسبه بقى للصوت العالى اللى مش تحيبه ولا انا والله بس تصدقى ان فى ناس مش بتفهم غير لو صوتك كان عالى وفى ناس مش بتيجى غير بالعين الحمرااااا لكن الادب والهدوء والذوق مش ينفع مع كل البشر

زهـــراء

اغانى الشتاء يقول...

المرة دى انا هكتفى بتهديدكم المرة الجاية همنع عنكم المصروف و اللى بعديها هطردكم بره البلد
ماشى يا شعب تييييييييييييييييييييييييت

هو ده اللى كان ناقص يقوله
و بعدين قولنله تلميت مرة بلاش الصباع دة و هو مصر بنفس الصباع

سواح في ملك اللــــــــــــــــــه- يقول...

بمناسبة الامثال الي كنتي طرحتيها

ياشموستنا المنورة فيه مثل معمول بيه

في بلدنا واثبت نجاحاته

((((اضرب المربوط يخاف السايب ))) تحيتي

fafy يقول...

ياترى هو بيعمل كده من دماغه او بيقول كده من دماغه ولا الكبير اوى هو اللى بيخطط والفنجرى بينفذ

لا تسألونى من أنا يقول...

ولا حد فينا والله لاقى ليها رد او تعليق

غير معرف يقول...

للاسف انتم اعبط من انجبت مصر انتم ستكونون سبب خراب مصر ساعدتم الفوضي الخلاقة ببلاهة غير طبيعية والغريب انكم حتي الان لاتفهمون ولاتعون اي ثورة انها فقط ثورة البانجو نسبة لخالد سعيد بانجو اللهم في علاك ارحم مصر من هؤلاء البلهاء ويا انتي شغلي عقلك شوية وحاولي توزني الامور ووالله انا لست حزب وطني ولا كنت في النظام ولا لية حد في النظام ولم استفد ابدا من النظام فقط انا مصري ويحزنني ان اعرف حقيقة ما حيك بمصر والبلاد العربية واجد من اهل بلدي من يساعد وادعو الله سبحانة وتعالي في علاة ان يقي مصر شر المدبر لها وان يمحق امثالكم وان يرينا فيكم عجائب قدرتة فانتم وللاسف لا يصح ان تنتموا لهذا الشعب العظيم المعروف بذكائة الفطري وللاسف انتم اغبي من انجبت مصر

طالبة مقهورة ..درجة أولى يقول...

شوفتي انكل الفنجري وهو قوي الشكيمة كده هههههههههههه

لا ألذ جملة بحبها ف الخطاب اللي سمعته كتير معرفش ليه

لما قال ف الاخر حتى يعود البلاد إلى وضعها الطبيعي

والوضع ده لا يتحقق غير بالعودة لأيام حسني وما تشكله من تعذيب وديكتاتورية حمقاء وغيره

....
طب انتي نضارتك ضاعت
انا عدسة وقعت مني النهارده اتكسرت ع الارض وبقيت بشوف بعين واحدة :)
بس الحمد لله لقيت النضارة التانية سليمة

الازهرى يقول...

ها فاكرة لما قلت لك الإنتخابات هتتأجل من شهرين تقريبا

http://www.alkhaleej.ae/portal/c7df3d0a-d2e2-4779-bc44-2799cb9123d5.aspx


أستاهل شيكولاتايه بقى ؟؟؟؟؟؟؟؟؟؟؟؟؟؟

حاتم عبدالفتاح يقول...

وأنا كمان مبحبش حد يزعلقي
عشان كده بطلت أسمع لهم

تحياتي للبوست الرائع

rack-yourminds يقول...

المفروض ان لا ننساق الي انفعالات وتشنجات البرامج المسائيه التي سلطت الضوء فقط علي الصوت الجهوري للبيان ,ولكن يجب ان ننظر الي مضمون البيان ,اتمني تسميعه مره اخري

سيدتي يجب ان لا ننسي الدور العظيم لهذا المجلس في حماية الثوره وحراستها اليوم

شمس النهار يقول...

*Tarkieb

ضحكتني بجد حلو موضوع طمعنجي بناله بيت فلسنجي سكنله فيه دي

:))
ابراهيم عيسي قال كلام عجبني
ان المجلس ماكانش كده واللي حواليه همه اللي عملوه كده
يعني اي حاجة عايزين يعملوها يروحوا يسألوا المجلس
الله والمجلس ماله مش في قوانين في البلد تحكمها

وواخدة واحدة المجلس اعتقد انه لازم يدخل في كل كبيرة وصغيرة لحد ماعصام شرف وجد نفسه في جزيرة

والبيان ده لو فصصته هتلاقيه نظرية حسنة وانا سيدك
يعني انت عايز كده ماشي هديهولك بس ماتنساش ان انا سيدك وبزعق لك
:))

شمس النهار يقول...

*Foxology

ايوة انت جبت الفايدة لو همه حسوا ان البيان كان كويس
ماكانوش عملوا المؤتمر الصحفي اللي اللهجة كانت فيه اهدي بكتير
يعني مؤامر مصالحة انا اعتبره كده

بس برضوا عندي امل وامل كبير
وموضوع تأجيا الانتخابات ده مؤشر خير عكس ماالناس فاهمة

شمس النهار يقول...

*مصطفى سيف

:))))

اصل بتوع الجيش دول ماعندهمش غير الشخط والنطر
اسألني انا العيلة عندنا ناقصها كام عسكري ونعمل كتيبة
:)))))

وكلهم كده لما يتكلموا جد يشخطوا وتلاقي اللي في البلد المجاورة سامعين المناقشة وبيشتركوا كمان
:)))

هو ليه بيعاملنا كده علشان احنا نستاهل
مش احنا اللي اتفرقنا وكل تيار راح يدور علي الغنائم
زي غزوة احد بالظبط

شمس النهار يقول...

*لـــولا وزهـــراء

:)))))

يعني كل الامهات كده بقا
:))
انا البيت كله بالشغالة بيدوروا عليها وهي كمان شفافة يعني كمان مش بتبان
ويتحيلوا عليا اغيرها وانا ابدا
انا لسه عملااها
:)))))
بالنسبة للعين الحمرا
ده كده كانت حمرا وزرقا
:))))

شمس النهار يقول...

*اغانى الشتاء

:))))))
لا ونسيتي واخد منكم الموبايل ياكلاب

:)))))

فكرني بتمثال ابو اصبع
:))))

شمس النهار يقول...

*سواح في ملك اللــــــــــــــــــه

:)))))

تصدق صح

بس برضوا مايزعقليش

:))))

شمس النهار يقول...

*fafy

ماهو ده اللي بسأل عليه من يوميها
مين اللي بيحكم مصر
مين اللي بيشور علي المجلس العسكري اللي بيعمله ده

شمس النهار يقول...

*لا تسألونى من أنا

فعلا بصراحة لاقيت اي كلام مش هيرتقي للحدث بالنسبة لي انا كنت مصدومة فعلا

شمس النهار يقول...

*غير معرف

اهلا اهلا فينك مابتعلقش من ايام الثورة

لعل الغيبة خير

شمس النهار يقول...

*طالبة مقهورة ..درجة أولى

:)))

لا انا لمااضيع اضيع النظارة كلها
:)))

هو يقصد الوضع الطبيعي لأي بلد يعني
مش اللامبارك
والا يبقا بيهزر

شمس النهار يقول...

*الازهرى

انت انضميت لحزب الشوكلاته
:)))

انت فين يوم الجمعة مالاقيتكش ليه مع الشباب

شمس النهار يقول...

*حاتم عبدالفتاح

لا
اسمع لهم بس ماتركزش
لو ركزت اليومين دول هتزعل

:))

شمس النهار يقول...

*rack-yourminds

صدقني لم انساق ابدا
ولا بحب ادي دماغي لحد
انا سمعت البيان اكتر من مره

وكل مااسمعه ازعل

ده ماكنش صوت جهوري
لا
ده كان صيغة وطريقة اداء تهديديه
وكالعادة من زمان اترمي لنا حته كده
ياله انبسطوا هنعمل لكم مبادء تتفقوا عليها علشان اختيار اللجنة التأسيسيه للدستور
وكمان هنأجل الانتخابات
طيب بزمتك لو مانزلناش التحرير كان حاجة هتحصل
وخصوصا الوزرا بتوع لجنة السياسات دول
وعلي فكرة انا بحب افرق بين اللي كان عضو رغم انفه في الحزب الوطني وبين اللي كان عضو فعال ومؤمن باللي كان بيتعمل وبيجري ورا مصلحته

شمس النهار يقول...

*rack-yourminds

صدقني لم انساق ابدا
ولا بحب ادي دماغي لحد
انا سمعت البيان اكتر من مره

وكل مااسمعه ازعل

ده ماكنش صوت جهوري
لا
ده كان صيغة وطريقة اداء تهديديه
وكالعادة من زمان اترمي لنا حته كده
ياله انبسطوا هنعمل لكم مبادء تتفقوا عليها علشان اختيار اللجنة التأسيسيه للدستور
وكمان هنأجل الانتخابات
طيب بزمتك لو مانزلناش التحرير كان حاجة هتحصل
وخصوصا الوزرا بتوع لجنة السياسات دول
وعلي فكرة انا بحب افرق بين اللي كان عضو رغم انفه في الحزب الوطني وبين اللي كان عضو فعال ومؤمن باللي كان بيتعمل وبيجري ورا مصلحته

الاحلام يقول...

عندى امل ان مطالنا كلها هتتحقق ان شاء الله لان هناك ناس متحمسين مثلك
دمتى بخير تقبلى تحياتى الاحـــلام

الازهرى يقول...

انا كنت هناك
وكنت مستنى تتصلى وانت نازلة زى ما اتفقنا

ولا ما اتصلتيش قلنا يبقى
فى حاجة منعتك تنزلى يومها


هتنزلى بكره ؟؟؟؟؟؟؟؟؟

شمس النهار يقول...

*الاحلام

ان شاء الله كل المطالب هتتحقق

لاتقلق ان الله معنا

شمس النهار يقول...

*الازهرى

الاتفاق انك انت اللي تتصل ياريس
:))

بس ماعلينا اللقاء نصيب
بس كان نفسي اشوف فاتيما
:(وحشتني الجميلة

لا مش هنزل بكره مش عارفة احدد موقفي لسه
موضوع قناة السويس ده مزعلني جدا حسيت اننا بنوحش صورتنا امام العالم
وكمان قناة السويس دي رمز لمصر والعالم كله بيتفرج علينا
حاسة اننا بنضرب في نفسا
صدقني النهاردة انا متلخبطة علي الاخر
في عز ايام الثورة كنا بنحافظ علي البلد
بس دلوقتي مش عارفة عندي شعور غريب
يمكن بكره اقدر الاقي اجابات ولو ارتحت للأجابات يمكن انزل
كمان حسيت ان بقا في تدي بين الثوار والمجلس
مابين طريقة البيان واللي اتقال فيه
ومابين اسم الجمعة الغريب هو احنا بننزر مين
ماكلنا مصريين
يعني ان شاء الله خير

حسن ارابيسك يقول...

أولا شكرا على مصريتك الجميلة
وبرغم تركيبة رجال الجيش لحياتهم الطويلة التي عاشوها في المري لها طابع معين في سلوكياتهم الا أنه يجب التفريق بين مخاطبة المدنيين ومخاطبة العسكريين لان لغة الخطاب تختلف بالتأكيد
تحياتي
حسن ارابيسك

شمس النهار يقول...

*حسن ارابيسك

صح
في فرق بين انك تكلم عسكري عندك
وانك تكلم شعب في وقت كمان الدنيا والعة
فاتولعها زيادة

ذو النون المصري يقول...

املي لا يزول في بقاء تلك الفئه من الشباب الذين قصموا ظهر البعير(مبارك) بروعه لم نصدقها نحن و لم يصدقها احد في العالم
املي في بقاء هؤلاء الشباب علي اهبة الاستعداد المستمر لاجبار كل من تسول له نفسه في تجميد الثورة لمنع الشعب من تحقيق اهدافه علي التنحي و ترك الشعب يحظي بانجازاته

شمس النهار يقول...

*ذو النون المصري

الامل في ربنا كبير

ان شاء الله خير

وعندي امل بعد الانتفاضة اللي حصلت في 8 يونية ان كله هيبقا تمام

ابراهيم رزق يقول...

قال يا فرعون ايه فرعنك
ملقتش حد يلمنى

نفس هوجة النفاق و المفسدون طب لو هما مخلصين ما يسمعوا النقد

اما النظارة حلعا بسيط اغمزلها هتيجى و راكى على طول

تحياتى

شمس النهار يقول...

*ابراهيم رزق

:)))
ضحكتني ياابراهيم

عايزين اغمز للنضارة
مااصفر لها احسن
:)))))

المدام اخدت خبر بالبوست الاخير ولا لسه
انا بس بطمن عليك
:))))