الثلاثاء، 31 ديسمبر 2013

النقابة تاني

صباح الخير عليكم
امبارح كان في اجتماع في نقابة الفنانين التشكيلين
اللي همه المفروض ناس مميزة
ليييييه؟
اي حد متفوق جاب 100% ممكن يروح اي كلية يشاور عليها
لكن ماينفعش يروح اي كلية فنية الا لو يمتلك الموهبه
الانسان الذي يحمل موهبه هو انسان مميز
ميزه الله عن باقي الخلق
ماعلينا
ابو الكباتن النقيب بقا المميز بتاع الفن التشكيلي استاذ الجامعة في نفس واحد
عمل ايه بقا في النقابة
ماشاء الله
هيعلن افلاس النقابة علي ايديه
الجهاز اسم الله علي مقامكم بتاع المحاااااساااابااات
قالك انتوا هتفلسوا وتقفلوا
ليه ياعم الحاج
قالك ماعندكمش موارد
(ياليله بيضة)
ده احنا كلنا موارد وربنا
الموارد بتروح فين
ماعلينا
انتوا فكيتوا وديعة من ودايعكم اللي في البنك علشان تصرفوا المعاشات
اللي هي اصلا (100جنيه للفنان)
ومش كده زبس لا 
ده انتوا نقلتوا وديعة من بنك بفايدة كبيرة
 لبنك تاااااني بفايدة اقل ليييييه عملتوا كده وانتوا في عرض قرش
انتوا ضيعتوا النادي النهري بتاعكم 
وكمان في فاتورة مضروبه ب12 الف جنيه 
لازم يتم التحقيق وتحويل الموظف اللي عملها للنيابة
اوم اييييييه؟
الموظف ده يترقي ويبقا مدير عام النقابة!!!
قالك انتوا ماعندكمش نظام اداري اطلااااااقا
ولا ظبطت ولا ربطت
انتوا شكلكم هتتحولوا كلكم للنيابة
في عرضك في طولك ادينا فرصة
اوم عملنا جمعية عمومية طاااااارئه
اوم ايه بقا
ابونا الحاج النقيب يعمل ايه
 في شوية الفنانين المشاكسين دول
راح مبلغ عننا ان احنا 
اخواااااااان
وجاين ندمر النقابة
شوفتوا الحلاوة بقا
ياليلة بيضا
طبعا الحق بان وطلع البلاغ كاذب
وعملنا الاجتماع في حراسة الشرطة 
معلوم مش الشرطة في خدمة الشعب
الاجتماع ابتدي وابتدي المشوار
وتم استعراض المستندات
وطبعا النقيب دخل علينا في حركة تمثيله اخدله كلمتين في الوريد انسحب
وبعتلنا بقا اتباع واحد ورا واحد 
علشان يفركشوا الليلة
بس ماعرفوش
طولت انا بس حابة اسجل ده للتاريخ مش اكتر
الاجتماع خلص 
وان شاء الله نسمع خبر خير
حيث تم ابلاغ النيابة عن كل المخالفات المالية
وبقول للنقيب واعوانه
السجن للجدعان
فوتكم بعافية

الجمعة، 27 ديسمبر 2013

ابداع المعطف

صباح الخير عليكم
:)
معطف من قيود
هذا
العقد الماسي
اللي ابتدته الرقيقة شيرين سامي
واللي التقطه الفنان ابراهيم رزق
واثقله الاديب مصطفي سيف
ثم تتابع عليه ادباء بلوجر
وجيت انا بقا تجاسرت
:)
في وسط كل دول وحطيت الماظة صغيرة كده علي قدي
وجه المبدع الاستاذ فتحي ودار ابداع
لتلتقط منا هذا العقد الجميل
لتنشره
الشكر كل الشكر لمن شارك في المعطف
وخروجه للنور
واشكركم انكم سمحتوالي اشاركم 
في هذا العمل الجماعي 
الرائع
طبعا ابطال المعطف كتير
مبروك ليهم كلهم 
ولأبطال المعطف المنشور
وهم
شيرين*ابراهيم*مصطفي*
صابر*سهير*دعاء*محمد
ريماس*نسرين*شمس
وان شاء الله بالتوفيق 



الثلاثاء، 10 ديسمبر 2013

المواطن الصح

يارب 
يابتاع الغلابة
هو ده الكلام المظبوط
واغلب اللي علي الساحة
بيتاجروا بمشاعر واحتياجات وحياة الراجل ده
لمصالحلهم الشخصية



الاثنين، 9 ديسمبر 2013

التور :)

نشرتها علي مسلم اكاديمي
وماكنتش شوفتها من لينك المجل
دخلت اشوفها النهارد
لاقيتهم مغيرين العنوان
وكأن المقال بتتقال في حديق الحيوان
:)

 

السبت، 7 ديسمبر 2013

العصفور

اجمل الحان الحزن
تسمعها من العصور 
وهو حبيس القفص
واجمل الحان السعادة تسمعها 
وهو حر في الفضاء

الأربعاء، 4 ديسمبر 2013

نجم النجوم

احمد فؤاد نجم
نجم النجوم
مهما كنت ضده
او
مختلف معاه
ماتقدرش تنكر انه الوحيد اللي قابلته
مش تبع حد
ومابيطاطيش
وبيقول للغولة انتي غولة
وعينك حمرا
كان بيحب عبد الناصر
ولما عبد الناصر غلط انتقده 
وقت ماكان اللي بيفتح بقه بيتسحل
ومات عبد الناصر واحمد فؤاد نجم في السجن
معتقل
والتهمه حب مصر ونقد حبيبه
وقال احمد فؤاد نجم في رثاء عبد الناصر
قصيدة رائعة 
ولو دققت فيه
هتلاقي
ملامحه هي هي
لو شوفت له صوره قديمة وهو شاب
وقارنتها بصورة جديدة
هتلاقي شكله مااتغيرش
عجوز من يومه بحب مصر
 نظرة العين مااختلفتش
كلها شباب وحيوية
شعلت نار وحق وجدعنه
ولعت من مولده الي ان قابل ربه
السنين بتعدي
والقلب والملامح هي هي
الله يرحمه ويسكنه فسيح جناته
عاش فقير ومات فقير
ولكنه غني بضميره وحب الناس ليه

الثلاثاء، 3 ديسمبر 2013

شوفوا العجب :)

حكالي صديق 
انه راح مع شاب يخطب له بنوته خريجة هندسة
والشاب خريج كلية التجارة
وبيشتغل كويس ومرتبه كويس 
وشاب علي خلق ومتدين ولديه شقة وسيارة
والاهم شاري الناس والبنت
المهم
والد العروس بعد الترحيب بهم 
سأل الشاب 
انت خريج ايه؟
 قاله كلية تجارة 
مع انه والد العروس 
يعلم مسبقا كل المعلومات المتاحه والغير متاحة عن الشاب
المهم
بعد ماجاوب الشاب انه خريج كلية التجارة
راح والد العروس قايله
 انت كنت جايب كام في الثانوية العامة ؟
ودخلت تجارة بادبي والا بعلمي
الشاب قاله كنت جايب 79% وكنت ادبي 
ابو العروسة اتعدل له وقاله 
يعني انت كنت ادبي وجايب 79% ومتخرج من كلية التجارة
وعايزني اجوزك بنتي 
اللي كانت علمي رياضة وجايبة 96% وخريجة كلية الهندسة
انت لاترقي لبنتي في شطارتها وذكائها 
علشان تتجوزها
طلبك مرفوض
تذكرت هذه القصة الكوميدي جداااااا
وانا بقرا تويته علي تويتر
بنت بتقول ايه
بقا وكيل النيابة الفاشل اللي جاب 60% وزقوه في حقوق بيحقق مع طالب الهندسة المتفوق 
اللي قبض عليه فاشلين تانين 
خريجي شرطة وحربية ب60%
ولا حول ولا قوة الا بالله
ارحم مصر يارب
من العقول دي
:)

الخميس، 28 نوفمبر 2013

مشاعر

الاغنية دي
اول مره اسمعها النهاردة
جميلة اوي

الاثنين، 25 نوفمبر 2013

المعطف :)

تم اليوم
وبحمد الله
توقيع عقد طبع المعطف
كان لقاء لطيف جدا
تم بدار ابداع للنشر 
مع المايسترو 
الاستاذ فتحي المزين
دينموا ابداع
ووجود
الدكتورة شيرين الرقيقة
والدكتور صابر
والمبدع ابراهيم رزق
والمقلبنجي اسامة ازهري 
احتفلنا بتوقيع العقد
واسامة عمل لنا مفاجأة لطيفة
جاب تورتة 
واحتفلنا كمان بعيد ميلاد شيرين وابراهيم 
الف مبروك للمعطف
وللي نسجوا خيوط المعطف
وللي حرروا قيود المعطف
:)
وجدير بالذكر 
اننا قعدنا في طريق الرجوع تلات ساعات
:)

555 :)

صباااااح الخير
عارفين الازازة دي
 
:)
دي كولونيا 555
انا مش بحبها ابداااااااااااااااااا
بتفكرني من صغري برائحة المرض والموت
ليه مش عارفة
:)
النهاردة بقا المدونة بتنشر التدوينة رقم
555
:)
يجعل كلامنا خفيف عليها
:)
ال555 دول اتعملوا في
5 سنين و3 شهور
ولسه مكمله
:)
ماعلينا عقبال مايبقوا 
5555
:)
 

الجمعة، 22 نوفمبر 2013

الذكريات والذاكرة

صباح الخير
وانا بدور علي ورقه تايهه مني
لاقيت ورقة صغيرة كاتبه عليها
(اذا كنت تمتلك ذاكرة قوية 
وذكريات مريرة فأنت اشقي اهل الارض) 
اكيد قريتها او سمعتها في اي حته وكتبتها ونسيتها
وطول عمري اقول ان الذكريات الجميلة
بتؤلم اكتر من الذكريات المريرة المؤلمه نفسها
لأن لو في افعال جميلة كده ليه الفراق والنكد
وبمرور الوقت المفروض والطبيعي
ان الانسان بينسي كل شئ مؤلم ومابيفتكرش الا الحلو
وخصوصا في الحب
لو فضلت فاكر الذكريات المؤلمه من حبيبك
وفضلت تنزنز ليه بيها
عمر ماهيستقيم الحال بينكم ابدا
وان دخل النكد من الباب هرب الحب من الشباك
وكلا الطرفين خسروا
بس واحد هيفضل عايش في الذكريات المؤلمة المريرة
والتاني عايش في الذكريات الجميلة المؤلمة 
برضوا 
بس علي الاقل ذكريات عندما يتذكرها يبتسم
ولتستقيم العلاقة وتدوم 
افتكر الاشياء المشتركة
و الذكريات الجميلة
استرجاع الذكريات الجميلة
بيرسخ العلاقة بينكم ويجلب السعادة 
ونقول الحمد لله علي نعمة النسيان
جرب كده يكون حد مات حتي لو شرير
هتلاقي انك مش فاكر له الا الحاجات الجميلة بس
:)

الخميس، 21 نوفمبر 2013

إغضب كما تشاء


بالصدفة لاقيت الاغنية الرائعة دي 
:)

الأربعاء، 20 نوفمبر 2013

الكابوريا

صباح الخير
عارفين الكابوريا
اغلب شعب مصر بقا ماشي بالورب زي الكابوريا
مافيش عدل خاااااالص
بعد اللي بيحصل اليومين دول
بقا كله بالورب
تيارات وقوي سياسية واحزاب
بس الاحزاب دي علي جنب ياسطي
زمان كانت ماشية مشية الارجوز علي الحبل
النهاردة ماشاء الله
ماشية ماشية الكابوريا بالورب
نرجع لمصر وماشية الكابوريا
ومش بس فيها ناس ماشية ماشية الكابوريا بالعكس
لا
دول وهمه ماشين بيلوشوا كمان
ماهي الكابوريا ليها مخالب قوية جدا
اللي بيقابلها بتلوشه
الامل في الله موصول
والدعاء لله بأن يحفظ مصر
يرفع بلا ملل و لا كلل
عايزين نمشي ماشية صح بقا
يارب احفظ مصر يارب

الثلاثاء، 19 نوفمبر 2013

الوحدة

الوحدة !!
ياتري ياهل تري؟
الوحدة اختيار
ولا
اجبار
ولا
فرار
يعني ممكن الانسان يختار انه يبقا وحيد ويعيش في ملكوته الخاص مش عايز حد معاه في الملكوت ده
ولا طايق يشارك اي حد في اي حاجة
يعني مرتاح كده مبسوط كده
ماضيقونيش ياجماعة
وده الله يسهله 
يعمل اللي يعمله مادام مبسوط كده
:)
ولا اجبااااااااار 
بمعني ان الانسان مش عايز يبقا وحيد
 بس مش عارف يعمل ايه؟
مافيش حد يونسه 
ماحلتوش غير شوية ذكريات مونساه
او حد بيحبه ومش موجود وحبه مونسه
عايش لوحده مجبر علي ده
مش لاقي حد يشاركه فرحته 
ولا يقوله مالك لو زعلان او يقف جنبه لو في محنة
طيب ده بقا يعمل ايه؟
صراحة الله يعينه
:(
والاخيرة بقا
الفرااااااااار
وهي ان مابيحبش الوحدة ولكن 
هو كان عليه من الضغوط 
اللي خالته يقرر يعيش لوحده 
ويهرب من كل الضغوط دي
ويقول سيبوني في حالي 
انا بحبكم وعايز افضل معاكم العمر كله
بس انتوا خزلتوني وضغطوا عليا 
ودستوا عليا اوي
فا خلاص اكرم لي اعيش لوحدي من اني اعيش معاكم
وخد في وشه وفر
:)
الوحدة دي غووووووول
لما تبقا قاعد طول النهار في وسط الناس ومش حاسس بيهم
تدخل الدنيا وتخرج منها
بخ
مافيش
صراحة الله يعين الناس اللي فوق دول
فوتكم بعافية
واسيبكم مع 
ماجدة الرومي 
وهي بتقول التوبة
(متغرب والليالي مش سيباني في حالي )
(اديكي عمري بحاله يابوي واديني انتي الفرحة ياعين) 
(ولا قادر طول غيبتكم يابويا يشرب من بحر تاني ياعين)
ايه الجمال ده
الابنودي كان قاعد علي سحابة بيضا فوق خالص 
يكتب الكلام ده 
ولما خلص نزل ادهلنا نغرم بيها العمر كله
 :)

الأحد، 17 نوفمبر 2013

كلماااااات

التدوينة دي 
اهداء لشيماء
ليييييييييييييه
؟
:)
شيماء علي الفيس اللدود هنااااك
كانت ناشرة اغنية كلمات
غناء الاخت المناضلة
ماجدة الرومي
علي الصبح كده
اوم ايه بقا
انا قلت لها
انا لي راي في الاغنية هكتبه عندي في بلوجر
حيث ان
الاغنية طبعا بحبها وكل حاجة
وهي اغنية اختراع
ولكن
!!
الاغنية غرييييييييييييبة
لييييييييييييه؟
اسمعوها كده بتأني
هتلاقي ان اللي قعد يرقص معاها ده
باع لها التوروماي
والجيل الجديد اللي مايعرفش التوروماي 
:)
نقوله اكلها الاونطة
قعد يرقص معاها 
والناس في الحفلة عماله تنق عليها وتقر
ايوة ماهم شايفنها سعيدة اهو
وهو بيسمعها كلمات ليست كا الكلمات
ويزرعها علي احد الغيمات
ويحملها لمساء وردي الشروفات
وهي هبلة بقا
عامله زي الطفلة في ايده ومبسوطة ومصدقة
وطايرة في السماء زي الريشة
:)
وهو شغال بقا في الاسطوانة
وعمال يهديها شمسا (مش انا طبعا)
وصيفا
يالا ماحدش واخد منها حاجة ان شاء الله ماحد حوش
هو الكلام عليه جمرك
وعمال يسمعها
انت تحفتي :) وكنز الي اخره
طبعا لازم تكون كده
مش مصدقة كلامه :)
وسلامتها بقا من الدوخة 
الست داخت من الكلمات ونسيت نفسها
وقلبت تاريخها وجغرافيتها
واشتغل مقاول 
اه وربنا
وبنالها قصر 
وهي عارفه انه وهم ولم تسكن فيه الا لحظات
بس مكمله
المهم الست بعد ده كله
عادت الي طاولتها
ايييييييييييييه بقا؟
لا شئ معها الا كلماااااااااااات
صحيح هي كلمات ليست كالكلمات
بس اهي اونطة كلمات وبس
رجعتش بحاجة مفيدة؟؟ 
وهم كله وهم
هي اللي غلطانه صدقته ليه وكملت
:)
بوظتلكم الاغنية
:))
علي فكرة كن صديقي اجمل
فوتكم بعافية

 
 

العمر لحظة :)

صباح الخير
العمر لحظة
اي ان العمر قصير
مهما طال قصير
بص وراك علي السنين اللي راحت
هتلاقيها زي الحلم
هتستغرب ازاي عدوا كده
وعملت فيهم ايييييه؟
يبقا ماتأجلش الفرحة لما تجيلك
يبقا ماتأجلش عمل اليوم للغد
ماتأجلش البر وعمل الخير
من الاخر ماتأجلش اي حاجة
ماتكسلش
ماانتش ضامن ايه يجري بكره
بس عموما
مايصيبك الا نصيبك
بس
المهم انك تنول شرف المحاولة
علشان ماتندمش
فوتكم بعافية
:)

السبت، 16 نوفمبر 2013

الكنبة :)

صباح الخير
عايزة اقولكم 
ان اللي هيحكم مصر في النهاية 
ولا حد من اللي موجودين دلوقتي
ولا تياااااااار منهم
لا اسفين ياريس ولا فلول مبارك 
ولا 6 ابريل و لا تمرد
ولا التيار الشعبي المش عارف ايه 
ولا الاخوان ولا السلفين ولا الجيش ولا مين كمان 
؟؟ 
ولا حتي شمس النهار 
:))
اللي هيحكم مصر
حزب الكنبة
هو قاعد دلوقتي يتفرج علي المشهد 
والوحيد اللي بيسمع الجميع
والوحيد اللي مابيتكلمش
عمال يستوعب كله ويهضم الحوارات
وفي النهاية
مش هيرضي باي حد علي الساحة
هينزل يحكم بنفسه
ويزيح كل المجانين الموجودين دلوقتي
فا
اتخنقوا براحتكم علي اي حاجة في اي حاجة
وقطعوا مصر زي ماتحبوا
هيجي يوم
وبرضوا مصرين عقلاء
هيحكموها
ده يحصل بعد سنة بعد عشرة
الله اعلم
ياحبيبتي يامصر
فوتكم بعافية

الجمعة، 15 نوفمبر 2013

نصايح علي الصبح

صباح الخير
طول مااحنا ماشين في الحياة
مواقف بتحصل كتيييييير
مواقف بتعمل +
ومواقف بتعمل -
المواقف اللي بتضيف اهلا بيها 
والمواقف اللي بتاخد
 بتكون السبب ان في حاجات بتقع مننا
في مرحلة الشباب 
بنقدر نوطي عليها نجيبها تاني
لكن
كل مانكبر
 قدرتنا علي اننا نوطي نجبها بتقل مع تقدم السن
فا
خلاص اللي بيقع بنسيبه ونمشي ونكمل
وبيبقا ضاع للابد
ومع رحلة الحياة
اللي بياخد واللي بيضيف الاتنين همه دول التجارب
واللي بيدونا خبرت الحياة
حاول مايقعش منك كتير 
والايام والسنين بتعدي
صحيح بتعدي علينا تفرمنا وتاخد مننا


بس اهي بتعدي
والشاطر اللي يعمل لنفسه +
للحياة التانية الابدية
:)
فوتكم بعافية
:)

الاثنين، 11 نوفمبر 2013

حرف الذال اهلا :)

شكراااااااااا
لشيماء
صبرني يارب
تكعيبة الياسمين
الست اللي هربااااااانه من هنا
ليه انا بشكرها
بعد كونسولتوا علي الفيس
ومشاركة الاخوة المدونين لحل ازمة
اختفاء حرف الذال
من علي اللاب توب الجديد تبعيااااااتي
وعمل لجنة تقصي حقائق
تحت عنوان
اين ذهب حرف الذال
تفتق نافوخ شيماء الالمعي
ان ممكن يكون الزرار برضوا مكانه الفعلي
لكن وش الزرار محطوت غلط
وبالتجربه المعملية
الفذة
والقطنة مابتكدبش
فعلااااااااااااا
الحرف مكانه المسكين
والشركة هي اللي غلطوا في حقه
وحطوله وش غير وشه
غصب عنه
لذا
لزم توجيه الشكر لكل من ساهم
في حل هذه المعضلة
واخص بالشكر
شيماء
الشهيرة بصبرني يارب
حتي بعد ماغيرت اسم المدونة لتكعيبة الياسمين
لينك مدونتها 
علشان بس تعرفوا
هي سابت هنا فراغ قد ايه
فوتكم بعافية

السبت، 9 نوفمبر 2013

مبروك لماما

ايووووووة
شوفوا انا ماليش في الكورة
لأني ماليش في التعصب
بس الست الوالدة ليها في الكورة
وزملكاوية متعصبه
وطبعا كانت شدانا مجننه البيت علشان الزمالك
ولماالزمالك غلب واخد الكاس فرحت اوي
ربنا يفرح اللي فرح امي
والا كانت هتبقا ليلة طين
ماعلينا
السؤال بقا اللي بيطرح نفسه
لما دخلت تويتر اثناء وبعد الماتش
لاقيت الاهلاوية والزملكاوية بشتموا بعض
كل الزملكاااااوية بجميع انتمائتهم السياسية متحدين
وبيشتموا الاهلاوية
وكل الاهلاوية بكل انتمائتهم السياسية متحدين وبيشتوا الزملكاوية
كله نسي السياسة والشتيمة في بعض علشان السياسة
وافتكروا التعصب الكروي
بجد مش عارفة اقول ايه بجد
هو الموضوع سياسة ولا تعصب ولا قلة فضي 
ولا ايه ياشباب مصر
مصر بتضيع وسط خلافاتكم 
اللي مابقتش عارفه هي ليه وعلشان ايه
المهم تختلفوا وتتخانقوا وتشتموا بعض
وخلاص
ربنا يهديكم

الجمعة، 8 نوفمبر 2013

زوجة واحدة تكفي :)

كنت علي تويتر زي العادة كل صباح
اتفقد خناقات الناس هناك
واخر الاخبار
لاقيت بنوته لطيفة ناشرة الصورة دي

:)
ضحكتني جدا 
ومن كل النواحي اصلا مافيش نفس للضحك
صحيح هو ليه ربنا خلق لأدم زوجة واحدة بس
؟؟؟؟
وعلي فكرة لم يثبت ان تزوج غيرها
نووووووهااااااائييييي
يامتعلمين يابتوع المدراس
والراااااجل كان زي الفل
ماشي زي الفل
طيب احفاده ليه كده بقا
سايقين الهبل علي الشيطنه
واللي يقولك قلبي يسع نساء العالمين
ده علي اساس انه عربية السيدات في مترو الانفاق
واللي يقولك امراة واحدة لاتكفي
ده علي اساس انك سبع البرومبه
(اللي يعرف يعني ايه سبع البرومبه دي ياريت يقولي )
:)
طيب ليه سيد الخلق
الحبيب المصطفي
سيدنا محمد صل الله عليه وسلم
طلب عهد من سيدنا علي ان لا يتزوج علي فاطمة
ها يابتوع الدين ردوا
الزواج من اخري بيقهر المراة
بيكسرها
مجرد ان المراة تحس ان زوجها حب او اهتم بحد غيرها
النار تولع 
واستلقي وعدك ياخفيف بقا
انتوا عارفين ان التعلب 
مابيحبش ولا يتزوج الا انثي واحدة 
وان ماتت لايقترن بغيرها
ده التعلب يارجاله
صباحكم فل
وفوتكم بعافية

الأربعاء، 6 نوفمبر 2013

ياااارب

ارجوكم
 ان تدعوا لحفيدي 
نور الدين
ان شاء الله 
هيعمل عملية الساعة العاشرة والنصف
يارب يخرج منها بالسلامة

الثلاثاء، 5 نوفمبر 2013

صباح جميل

صباح الفل عليكم
كل سنة وانتم طيبين
وان شاء الله سنة سعيدة علي الجميع
وربنا يتقبل من الجميع صالح الاعمال والدعوات
وياريت مع مناسبة الهجره
نهجر الاثام والمتخاصمين يتصحلوا
ياريت نهجر الخلافات والسياسة
اللي وصلت شاب يضرب ست مسنة 
ماعملتش حاجة غير انها عبرت ببراءه عن اللي جواها
الشاب ده وجع قلبنا في مناسبة جميلة
وبدل ماياخد بيدها مد ايده عليها
الحمد لله هو طبعا انضرب لما شبع
وكمان اتقدم فيه بلاغات وانجر علي القسم
وانا اعتقد انه لا اخوان ولاحاجة
هو واخدها اهلي وزمالك
لأن الدين الاسلامي دين رحمة وليس قسوة
كل سنة وانتم طيبين
وماتنسوش موضوع حرف الدال ام نقطة 
اللي مش عارفة بيجي منين علي فين ده 
:)
فوتكم بعافية

الاثنين، 4 نوفمبر 2013

في ايه؟

صباح الخير 
النهاردة عيد الحب المصري
يارب 
المتخاصمين يتصلحوا
المتفرقين يرجعوا لبعض
والغايبين يرجعوا
ويارب 
اللي قلبه مكسور مجروح 
ربنا يطبطب عليه ويرتاح
يارب المقهور في حبه ربنا يفك قهرته 
ويحرر روحه المحبوسة ويرده لحبيبه
يارب كل اللي بيحبوا بعض بأخلاص يتوفقوا
*******
الاناء ينضح بما فيه 
كيف ينطق اللسان بكلمات الحب الرقيقة وهو كسير جريح محروم 
كيف تهيم الروح فرحة 
وهي لديك حبيسة لاتستطيع الفرار 
ولا تستطيع ان تهدء بين جنبات ضلوعك
 *******
من نبل العاشق الجريح ان ينزوي بعيدا 
لكن قليل من يفهم هدا الفعل الكريم
********
من كتر ما القلب موجوع 
بطل يقول اه
*****
خلصنا ولوله وندب علي الحب الضائع 
:)))
نشوف بقا ايه اللي حاصل حوالينا
تحت اي بند ولا سبب ولا اي شئ 
ممكن اتقبل ان يقوم بعض انصار اي حاجة في اي حاجة 
ان يخربوا في مصر 
وخصوصا جامعة الازهر 
الازهر ده مش ملك حد 
الا مصر
ولا المباني طرف في اي نزاع
تزول الاشخاص والجماعات ويبقا الازهر شامخ منارة
حزيييييينة 
ان يكتب التاريخ ان جماعة الاخوان تدمر الجامع الازهر
********
يعني انتوا مالقيتوش غير النهاردة تعملوا فيه المحاكمة
الدنيا نيام نيام ومحلات كتير كانت مستنية النهاردة ترفع مبيعاتها ياخلق هو ياللي فوق ياريت تطلوا وتحسوا باللي تحت
*****
باسم يوسف
انا شوفت الحلقة
صحيح انا مش من الناس المتبعاه اوي
بس الكام حلقة اللي شوفتهم له
مايفرقوش عن الحلقة دي
وهو نفسه بيعترف في بداية الحلقة انها تحمل حاجات مش قد كده
ايه بقا اللي حصل
؟؟؟
اي حد يقول انه فاهم اي حاجة في اي حاجة في البلد دي يبقا بيهرج
رجعنا مش عارفين مش فاهمين
والجديد بقا
متخانقين متفرقين
مقاطعين بعض
علي ايه علشان ايه
مش عارفة ومش فاهمة
حاجة

******
سؤال علي الماشي
:)
هو ايه علاقة الحب بالدباديب
وليه مش عصافير 
؟؟؟
:))