الاثنين، 11 نوفمبر، 2013

حرف الذال اهلا :)

شكراااااااااا
لشيماء
صبرني يارب
تكعيبة الياسمين
الست اللي هربااااااانه من هنا
ليه انا بشكرها
بعد كونسولتوا علي الفيس
ومشاركة الاخوة المدونين لحل ازمة
اختفاء حرف الذال
من علي اللاب توب الجديد تبعيااااااتي
وعمل لجنة تقصي حقائق
تحت عنوان
اين ذهب حرف الذال
تفتق نافوخ شيماء الالمعي
ان ممكن يكون الزرار برضوا مكانه الفعلي
لكن وش الزرار محطوت غلط
وبالتجربه المعملية
الفذة
والقطنة مابتكدبش
فعلااااااااااااا
الحرف مكانه المسكين
والشركة هي اللي غلطوا في حقه
وحطوله وش غير وشه
غصب عنه
لذا
لزم توجيه الشكر لكل من ساهم
في حل هذه المعضلة
واخص بالشكر
شيماء
الشهيرة بصبرني يارب
حتي بعد ماغيرت اسم المدونة لتكعيبة الياسمين
لينك مدونتها 
علشان بس تعرفوا
هي سابت هنا فراغ قد ايه
فوتكم بعافية

هناك 5 تعليقات:

L.G. يقول...

تصدقي بالله انتو تعبتولي مخي من الآخر كده مش فاهمة الزرار ده حصله ايه يعني لما حشوف شيماء حستفسر اكتر يعني ايه وش غير وشه ؟
الموضوع كده كبر قوي المهم ان الحمد لله لقيتيه عشان فيه بوست انا استغربت منه كنت تقريبا بتستعيضي عن الذال بالدال
نتمنى نشوفك في المنصورة
تحياتي
سماح

beautiful mind يقول...

حمدلله على سلامة الحرف

shimaa elkholy يقول...

هههههههههههههه تسلمي يا شموسه ربنا يخليكي يا جميل
ومبروك اللاب الجديد واي خدعه يا قمر :D

rona ali يقول...

هههههههههههههههههههههههه

المشرق ان اول مرة اشوف لجنه تقصي حقائق تجيب نتيجه هههههههههههههههههههههههههه

وحشتينى <3

ابراهيم رزق يقول...

حمد الله على السلامة ايها الذال