الثلاثاء، 19 نوفمبر 2013

الوحدة

الوحدة !!
ياتري ياهل تري؟
الوحدة اختيار
ولا
اجبار
ولا
فرار
يعني ممكن الانسان يختار انه يبقا وحيد ويعيش في ملكوته الخاص مش عايز حد معاه في الملكوت ده
ولا طايق يشارك اي حد في اي حاجة
يعني مرتاح كده مبسوط كده
ماضيقونيش ياجماعة
وده الله يسهله 
يعمل اللي يعمله مادام مبسوط كده
:)
ولا اجبااااااااار 
بمعني ان الانسان مش عايز يبقا وحيد
 بس مش عارف يعمل ايه؟
مافيش حد يونسه 
ماحلتوش غير شوية ذكريات مونساه
او حد بيحبه ومش موجود وحبه مونسه
عايش لوحده مجبر علي ده
مش لاقي حد يشاركه فرحته 
ولا يقوله مالك لو زعلان او يقف جنبه لو في محنة
طيب ده بقا يعمل ايه؟
صراحة الله يعينه
:(
والاخيرة بقا
الفرااااااااار
وهي ان مابيحبش الوحدة ولكن 
هو كان عليه من الضغوط 
اللي خالته يقرر يعيش لوحده 
ويهرب من كل الضغوط دي
ويقول سيبوني في حالي 
انا بحبكم وعايز افضل معاكم العمر كله
بس انتوا خزلتوني وضغطوا عليا 
ودستوا عليا اوي
فا خلاص اكرم لي اعيش لوحدي من اني اعيش معاكم
وخد في وشه وفر
:)
الوحدة دي غووووووول
لما تبقا قاعد طول النهار في وسط الناس ومش حاسس بيهم
تدخل الدنيا وتخرج منها
بخ
مافيش
صراحة الله يعين الناس اللي فوق دول
فوتكم بعافية
واسيبكم مع 
ماجدة الرومي 
وهي بتقول التوبة
(متغرب والليالي مش سيباني في حالي )
(اديكي عمري بحاله يابوي واديني انتي الفرحة ياعين) 
(ولا قادر طول غيبتكم يابويا يشرب من بحر تاني ياعين)
ايه الجمال ده
الابنودي كان قاعد علي سحابة بيضا فوق خالص 
يكتب الكلام ده 
ولما خلص نزل ادهلنا نغرم بيها العمر كله
 :)

هناك 5 تعليقات:

rona ali يقول...

الوحدة دى شبحنا اللى بنهرب منه طول الوقت
بس اوقات كتير مش بنعرف منكونش فيها لازم تفضل ماشيه معانا زى ظلنا كده

انا اعتقد انى من الاشخاص اللى ممكن كتير يبقي حواليا ناس بس حاسه بفراغ كبير جداااااااااااااا ومش بكون عارفه راجع لإيه ملل منهم او من الوقعات وخزلنهم ليا او لان في شئ في حياتى ناقص

مش بقدر احدد

وبالنسبه لوحده الفرار
اعرف حد عايشها بكل كلمه قولتيها كده
ودة بيكون فعلا لانه خد صفعات كتير وقدر كتير واتنازال كتير بسبب اشخاص بس هما مش قدرو دة
وكانت النتيجه انه بيخسر حياته وبيهرب بالسفر

تحياتى يا شموسه الموضوع حلو اوى ومهم اوى

romansy يقول...

صباح الخير يا شموسه
الوحده
اه م الوحده يا شموسه
صعبه بجد
بس مين دلوقتى مبقاش فى وحده معضمنا فى وحده مع لاتوب والفيس والنت

Gamal Abu El-ezz يقول...

وإحنا فى مرحلة الشباب بنحب الوحده جدا بس مش فى كل الأوقاتلكن لما الإنسان بيكبر وولاده يتجوزوا ويشوفوا حياتهم بيلاقى نفسه وحيد اجبارى فى الوقت الى هو مش عايز يبقى وحيد فيه يمكن لانه بيكون حاسس انه محتاج يشوف الناس كتير لانه خلاص نهايته قربت
فيه ثوابت فى الحياة لازم كلنا نمر بيها ومش هنعرف نغيرها مهما عملنا والثوابت دى بتدور بين حب الوحده ونبذها واحيانا اللجوء للفرار
المهم إننا نكون مقدرين ان الى احنا فيه مش تقصير من الأخرين ديما
وكل شخص يقدر يستمتع بوقته سواء وحيدا او مع أحد أو مجموعه
وأنا استمتعت بالبوست دهوخصوصا انه منهتى بماجده الرومى الى انتى مركزه معاها اليومين دول فى البوستات :)
تحياتى

beautiful mind يقول...

اقسى انواع الوحدة
ان تكون وحيدا بين اناس كثيرين من حولك
لكن لا يشعر بك أحد

P A S H A يقول...

صباح الفل يا أستاذتنا
:)
كتبت حاجة عن الوحدة في مدونتي يا ريت تعجبك
:)