السبت، 22 ديسمبر 2012

دم تاني وتالت

للأسف الشديد بقا الدم عادي
ودم شبابنا عادي خالص انه يتسفح
موضوع اسكندريه
من اسبوع والطرفين بيهددوا بعض
شيخ قال كلمتين في خطبة جمعه
وابتدت التهديدات
فين الامن فين المحافظ فين مرسي
الاتوبيسات اللي دخلت اسكندريه ومعروف رايحه تعمل ايه
مااتحجزتش ليه
حقنا للدماء
الشباب الاسكندراني اللي راحوا حوالين الجامع
ماتحوطش الجامع ليه واتمنع التواجد حواليه
مش هيحصل حاجه
لما جمعه الصلاة ماتقمش في الجامع
حقن للدماء اللي هي اغلي علي الله من الدنياوالكعبه
بقيت حاسه ان الداخليه والناس اللي في السلطه
بقت نظريتهم خاليهم يخلصوا علي بعض
كل قطرة دم سالت
كل روح في رقابتكم يااولي الامر
والامر لله من قبل ومن بعد

الثلاثاء، 18 ديسمبر 2012

الفنان سعد روماني يشرح ماهو الموزاييك

صباح الخير علي اهل بلوجر 
:)

بتاع الفنان سعد روماني ملك الميكروموزاييك

ودول فديوهات بيشرح فيها ماهو فن الموزايييك

 اي خدمة
:)


=====

السبت، 15 ديسمبر 2012

الفنان سعد روماني تاني :)

الفنان سعد روماني
 رائد فن الميكروموزاييك
اخيرا بعد ما راح علم اهل الفرنجة في بلدهم
هولندا والدانيمارك وفرنسا وانجلترا
فن الموزاييك
حن علي المصرين 
وهيعمل لهم دوره تعليميه في اجازة نص السنه
في المركز الثقافي الروسي

الخميس، 13 ديسمبر 2012

من منطلق :))

من منطلق التزامي بالتدوين الاسبوعي
:)
حبيت اجي اقولكم
اني بقيت تيته
للمره الثالثة
وعقبال عندكم
وماتنسوش بنتي بالدعوات
لأنها تعبانه
وبعتذر اني مش بزور حد
مشغوووووله 
جدااااااااا
ووحشتوني
وبشكر 
ابراهيم رزق
 علي تليفونه الجميل
ومصطفي سيف 
انه صحي بدري ودعالها
وطبعااااااا
فاتيما
ربنا يخليكم ليه 
وبقول لأزهري لن انس لك 
 هذااااااااااااااا 
:))))

الجمعة، 7 ديسمبر 2012

دم المصرين

انا قلت لكم قبل كده 
ان دم المصرين له لعنة
 زي لعنة الفراعنه كده
وان شاء الله 
اللي اسال الدم الطاهر ده 
ربنا هيورينا فيه مالا نتخيل
وفي النهاية
 لايصح الا الصحيح

الاثنين، 3 ديسمبر 2012

نعم نعم بقا !!

مااااااالكوا 
بيا يااسرائيلين بقا
ان شاء الله 
!!
بدعبس في الحاجات الكتير الجديدة 
اللي عملها لنا الكابتن بلوجر
لاقيت حاجه اسمها الاحصاء
خبطت ودخلت 
لاقيت كلمة الجمهور
قلت والله وبقا لك جمهور
 ياشمس
:)
اوم
 اييييييييييييييه
الاقي مين زارنا
اوم
 الاقيييييييييييييييييييي
اسرائيل قدمها 32 زائر
وامريكا شكابيكا
420 
في اسبوع
ان ديش ان ديش
ان شاء الله 
بتعملوا ايه عندي بقا 
عايزين من مدونتي ايه
انا عارفة ان امريكا بتتجسس علي العالم كله 
وخصوصا الوطن العربي
عن طريق النت يعني بتدخل علي كل حاجه
فيس بوك تويتر مدونات ميلات ماسنجر....الخ
بتشوف بنكتب ايه وبنعمل ايه
ولو حد فاهم ان مابيتدخلش علي الاكونت بتاعه
 يبقا واهم
كله بيتشاف الخاص والعام
والله ينور
شغالين
المهم
بقولكم ايه يااسرائيل انتوا
مالكوش دعوة بمدونتي وغير مرغوب بيكم هنا
اطلاقاااااااااااا
مطلقااااااااااااااا
بالتلاته
ومش فاضيه لكم اليومين دول علشان انيل عيشتكم
بذاكر دستور 56
ودستور71
ودستور الاخوان 2012
فاطلعوا من نافخوي لحد مااخلص مذاكره واروق لكم
مادام بتيجوا هنا 
يبقا جنت علي نفسها براقش
ومن تدخل فيما لايعنيه
اللي هي مدونتي
سمع مالايرضيه
انتوا بقا 
هتقروا مالايرضيكم هنا
ملحوظة:ماحدش يقول لي ده العرب اللي بيدخلوا من هناك
هناك دي تتكتب فلسطين مش اسرائيل
ماينفعش 
اهو كده وخلاص
وانا اعرف منين
الا لو بلوجر عمل خدمة
اكتب جنسيتك قبل ماتدخل المدونة
وياريت برجلك اليمين
:)

الخميس، 29 نوفمبر 2012

حملة التدوين اليومي : الزوجة الذكية والحلابوظا

يااااااااصباح الجووووود موووورنج عليكم
*********
كنا قاعدين مجموعه من الشباب والشااااااابات 
وانا العجوزة الوحيدة فيهم
وقلت لهم مش هنتكلم في السياسة
ومن هنا لهنا
قلت لهم عايزة اعرف حاجه من الشباب
لما تحب تختار زوجه
هاااااااااتخترها
شخصية  ذكيه لماحه دمها خفيف وجمال عادي
ولا
 مالهاش راي ولا فكر ولا ليها اي حاجه في اي حاجه 
حلابوظا خالص يعني
ولكن جميلة جمال خاااااارق
الاجابات صااااااااااااااااادمة
تلاته عايزنها امينه 
علشان الحياة مش ناقصه مناهده ووجع قلب
مع العلم ان امينه خرجت من غير اذن سي السيد 
ولولا رجلها اتكسرت 
كان سي السيد لبس السلطنيه
اومااااال
واتنين لأ 
عايزنها شخصية ودمها خفيف ولماحه
بسسسسسسسسسسسس
مش عليه 
يعني ايه ياابا الحاج
يعني برضوا مش عايز مناقشات بقا وحوارات
اومال عايزها شخصية ليه بس
ايوة هو انا هعيش مع تمثال جميل وبس
مش لازم يبقا في روح كده وحركات
عارفين
بعد ما دوخوني
وطبعا قامت حريقة بين الفتايات والفتيان
:)
قلتلهم اتكلموا في السياسة اسهل
:)
صباح الهنا عليكم

الخميس، 22 نوفمبر 2012

حملة التدوين اليومي : الرومانسية

 النهاردة اول يوم في حملة التدوين الاسبوعي
وحبيت اشترك بتدوينه قديمة بحبها جدا==================
الرومانسية مش مظاهر الحب من التوهان والسرحان والسنتحه

(ماحدش يسألني يعني ايه سنتحه هي بنتي بتقولها كده)
والنحنحة
لا
كل شئ حوالينا م
مكن يبقا رومنسي
تبسمك في وجه اخيك صدقة (مش دي رومانسية)
الكلمة الطيبه (المجاملة الحلوة الصادقة) صدقة مش دي كمان رومانسية
الاخلاص والوف
اء رومانسية

لما نشوف شئ جميل ونقول تلقائي الله الله رومانسية
القعدة علي النيل او علي البحر رومانسية
لما نزور مريض ونقول له سلامتك وندعي له دي رومانسية
 

التدبر التفكر في خلق الله والكون رومانسية
حب الله ومنجاته من غير مانشوفه رومانسية
حب رسول الله رومانسية ما
احنا ماشفناهوش برضه
كنت بقرا عن معاملة الرسول لزوجاته 

لاقيته صلي الله عليه وسلم زوج محب رومانسي جدااااااا
حسيت ان كلمة رومانسية تعني لطف ورحمة 

تعني قلب رحيم رقيق لا يغدر ولا يخون
قلب عمران بحب الله
وحب الله هو اللي ه
يخليه رؤف رحيم
قلب محب
بمعني الكلمة
مافيهوش مكان للغلظة او الغدر
او البرود واللامبالاة
قلب بيتقي الله في كل افعاله
ولا انتوا رأيكم ايه في موضوع الرومانسية دي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
------------------------------------
عيزاكم تسمعوا اول 5 دقايق من الفيديو ده
هتعرفوا يعني ايه حب


الأربعاء، 21 نوفمبر 2012

الحكاية من الاول

الحكايه من الاول 
ان كنا قاعدين مع بعض
الرقيقة جداااااااااا
شيرين سامي 
وابراهيم رزق
وضياء 
والازهري
وقولتلهم نفسي بلوجر يرجع تاني
وعندي فكره 
بدل التدوين اليومي ومش بنلحق نزور بعض 
ونستوعب التدوينات الجميله اللي بتتكتب
انا بقول نخليه اسبوعي 
علشان نستوعب اللي بيتكتب 
ونقدر نعلق ونتناقش كويس
وافقوني وقالوا ياريت
كلمت شيماء الخولي 
وقلتلها هي كمان وافقت
قلت لها طيب اعملي ايفنت علي الفيس وخبري الناس
فعلا الست مشكوره عملت الايفنت 
والناس هناك علي الفيس مبسوطين
وشكلها هتحلو
وبلوجر هيرجع تاني
والناس كلها هترجع
ونقول يارب 
وهستني بقا كل خميس التدوينات الجامدة

الاثنين، 19 نوفمبر 2012

بيان

بيان اللجنة الفنية الاستشاريه لمسودة الدستور
البيان ده مهم جداااااااااااااااا
وتعليق دكتورة هبه فاروق عليه اهم
والاهم اننا نقرا مسودة الدستور وبجد
علشان احنا هننزل من بيوتنا ونكلف الدوله ملاين
علشان نقول نعم اولا
يبقا لازم نعرف هنقول لأ ليه ونقول نعم ليه
ومانخليش حد يضحك علينا تاني
ومن اهم الفقرات في البيان في نظري الفقرة الاتيه
((وأن معظم تعديلات اللجنة لا تتعلق بمواد الشريعة التي يدور حولها الجدل الإعلامي ، بل بمواد تتعلق بصميم التوازن بين السلطات وبعدم التخلي عن التقاليد الدستورية والأخذ في الإعتبار طموحات الإنسان المصري بعد الثورة.))

الأحد، 18 نوفمبر 2012

مش هنعمل اي حاجة

الحلول موجوده
بس ماحدش بيفكر فيها
ليييييييييييييه
؟؟!!
يعني موضوع القطارات والمزلقانات اللعينة
يتحل بمنتهي اليسر
كل منطقه فيها مزلقان
يتعمل لها مزلقان من بتوع زمان
اللي كان له رافعتين ينزلوا اول ماجرس المزلقان يرن 
ان في قطار جاي
ومايسمحوش لأي حاجه علي اربع عجلات
ولا اي بني ادم يعدي
هيقولوا منين الفلوس
يخربيت كده 
ماانتوا بتدفعوها تعويض اهو للضحايا
ومع هذا 
ماشي
نلمها من الجمعيات الاهليه اللي في المنطقه 
اللي هيتعمل فيها المزلقان
ننشط شويه العمل التطوعي الجماعي
نصحصح شوية رجال الاعمال معانا
ومافيش مانع نعلق لهم اعلانات في المزلقانات دي 
ببلاش طبعا 
نظير تبرعهم لعمل المزلقان
لو بنحبها صح 
هنعمل كل شئ صح
 وبسهوله
---------
اسيبكم مع يابلادي انا بحبك يابلادي 
الاصليه اللي متاخد منها الاغنيه الجديده بتاعة الثورة
من فيلم العمر لحظة 
وتصوير لمدرسة بحر البقر

السبت، 17 نوفمبر 2012

تنحنا :( الدرس انتهي لموا الكراريس + تحديث

ايه ده من كتر الهم تنحنا
خلااااااااص
اعدي من قدام النادي الاهلي
في ساعة وهي ماتاخدش نص دقيقه مشي
علشان النهارده ماتش الاهلي
والنادي عامل شاشات عرض للماتش
ماتش!!!
ماعدش يفرق معانا ولا يهزنا منظر الموت
ماصور الشهداء
بقت محوطانا من كل حته خلاص
من كتر ماشوفنا قتلي ومحروقين ومقطعين
من بورما وغزة وليبيا وسوريا وقبلهم العراق
وطبعا نحن ننفرد اننا اللي بنعمل كده
من اول جشع اصحاب العبارات والمراكب
مرورا بالميكروباصات المحمله اكتر من اللازم
وعربيات النص نقل المحمله بني ادمين
لسواقين معدومي الضمير
الي الانفراد الاكبر
قطارات السكه الحديد
زمان كان قبل القطار مايجي
 كان في حديد للمزلقان
 بيقفل ويمنع اي حد يعدي
 سواء علي رجله او سايق اي حاجه بعجل
يااااااااارب ارحمنا

حللي ضفايرك

كنت عايزة اكتب بالونات 2
بس غزة وقطار اسيوط
فعلا نكدوا عليا
ومش لاقيه غير انغام
تغني لمصر حلي ضفايرك
--------
حللي ضفيرك ضليله
ولملمينا يااصيله
عشاق ترابك احبابك
وكلنا اهل وعيله
-----
احنا اللي يوم الفدا روحنا
نفديكي ونضحي بروحنا
وضحكنا حتي علي جروحنا
ضحكتنا هاونت الشيله
------
وانتي اللي نسهر في هواك
وتدوب قلوبنا في نجواكي
ولا عمرنا نحب سواكي
ونبوس ترابك ياجميله
اه ياجميلة
-----
حللي ضفيرك ضليله
ولملمينا يااصيله
عشاق ترابك احبابك
وكلنا اهل وعيله
------
نديكي حب وتدينا
ونمد للشمس ايدينا
ولو تعبان تاخدينا
ناخد في حضنك تعسيله
----
ونقوم ولا شئ يوقفنا
لاابوجهل جهله يحرفنا
ولا ابو لهب هيخوفنا
مااحناش ضعاف قلالات حيله
اه ياجميله
-----
حللي ضفايرك
 

الخميس، 15 نوفمبر 2012

بلونااااااااااات !!! (1)

زارتني جاره من العماره
 بتجمع مال من السكان لتصليح مواسير في العماره
لاقيتني معلقه بالونات وزينه
قالت لي عيد ميلاد مين
؟؟
قلت لها مش عيد ميلاد حد
دي راس السنه الهجريه
قالت لي وهي راس السنه الهجريه يعملوا لها
((((((المسخرة دي )))))
!!
اي وربنا قالت لي كده
اتصدمت في الاول
وقلت لها فين المسخره في البالونات والزينه
قالت دي بدع اعياد الميلاد
لاتليق براس السنه الهجريه
!!
قلت لها انا بحب البدع دي جدا
اصلها بتفرحني جدا 
وبتدي بهجه مع الاحتفال بالسنه الهجريه
مع صوت القرآن
وبعده النقشبندي
بتفكرني بايام زمان
ومستنيه بناتي بازواجهم علشان نحتفل
مش هو ده الموسم 
ولا حول ولا قوة الا بالله
كل سنه وانتم طيبين 
وبراس السنه الهجريه معيدين
بالصيام والقرآن والتواشيح 
وبالبالونات وباللمه
 وخصوصا انها بتكون اجازة
وللحديث بقيه
اما نشوف ايه اخرتها بقا

الثلاثاء، 13 نوفمبر 2012

فن الحوشنه :)


الحوشنة
:))
يعني ان حد يوحشك
من زمان وانا بقول عليها كده))
في ناس توحشك فا ترفع سماعة التليفون تطلبهم وتطمن عليهم
تشد لهم موبايل
:)
وبس
وفي ناس سهل تشوفهم
عاااااااااادي
بس في ناس لما يوحشوك
مابتقدرش تسمع صوتهم ولا تشوفهم
مابتعرفش تعمل حاجة غير انك تتوجع من فراقهم
لما بابا توفاه الله
واتكلمت مع المرحوم باذن الله الشيخ المسير
قال لي
لما يوحشك اقري له قرآن وادعي له 
هترتاحي
وفعلا كل ما بابا يوحشني
ابعتله سلام ونور وحسنات
وعندي اعتقاد انه بيحس بيا واني فكراه
بقت هي دي طريقة الوصل بينا
لما يوحشني ادعيله اتصدق بأسمه 
اقرا قرآن و اوهبه له
واخيرا عرفت انه بيعرف اني بعتاله السلام
فاكل يوم لازم ادعيله
وابعت له السلام

الاثنين، 12 نوفمبر 2012

هرد علي قدي 2

بعض الاسلامين 
اللي مش عارفه ليه همه او الاعلام سماهم كده
بيقولوا ان الرسول تزوج ستنا عائشه عندها 9 سنين
وبعض المشايخ من لهم علم 
مثل الشيخ محمودعاشور (وكيل الازهر السابق)
وده بحث  عن 
وقت زواجها من الرسول الكريم
وحتي لو كانت كذلك للرسول الكريم خصوصيه
ومايباح له غير مباح لنا
تزوج الرسول من 9 نساء
هل مباح للرجال الان الزواج من 9 نساء
تزوج الرسول من من تعدت السبعين 
ماتكلموش عن الزواج من المسنات ليه !!؟؟
وااااالا دول وحشين!!؟؟
الرسول الكريم ربنا خصه ببعض الاحداث لتواكب الدعوة
زوجه وهو الشاب اليافع ممن تكبره بعشرين سنه
لأنه في مرحله سيحتاج للأم والزوجه العاقله
لو تزوج من شابه ماتصرفت بنفس الحنان معه عندما عاد من غار حراء ينتفض
وذهبت به الي قريبها ورقة بن نوفل ليرشدهم
وماتحملت معه من الاحداث ووقفت بجواره
وتزوج من ستنا عائشه صغيره حتي تعيش تنشر السنه عنه اعوام طوااااال
(خذوا نصف دينكم من هذه الحميراء)
نساء النبي متحرمين لأي زوج من بعده
اي زوجه يموت عنها زوجها او يطلقها من حقها تتزوج شرعا
الرسول صل الله عليه وسلم له خصوصيه مش لحد تاني

الأربعاء، 7 نوفمبر 2012

هرد علي قدي 1

طلبتني صديقه وهي منزعجه
وقالت لي حطيتلك صوره علي الفيس شوفي المكتوب فيها
رحت لاقيت الصوره المنشوره دي
طلبتها وقلت لها ممكن تكون متفبركه علي الرجل
منين عذراء ومنين متزوجه
واحنا عارفين كويس ان دي معجزة سيدنا عيسي وستنا مريم
ومذكوره بالنص في القرآن
لو اشاعه ليه ماطلعش وكدب واتشير التكديب
ولو صح تبقا مصيبه سوده وحطت علي دماغنا
مافيش نص بيقول ان كان عندها 12 سنه
وحتي لو كان عندها 12 سنه
هل نقيس المعجزات بالحياة العاديه
اومال هي معجزات ليه ان شاء الله
بجد
المشايخ دي لازم يتحط لهم حد
زي الدكاتره ماينفعش يمارس المهن الا لماياخد تصريح علمي
زمان الاذاعه المصرية ماكانتش بتسمح لحد يغني الالما لجنة الاستماع تديله تصريح
اوم احنا نسيب حفنه من انصاف المشايخ تلعب في رؤس الناس كده
كل ده علشان يجوزوا البنات من 9 سنين
هو البلوغ بلوغ جسدي فقط
البلوغ بلوغ عقلي اكتر منه جسدي
مسؤولية الزواج وتحقيق السكن منها 
هينفع تقوم بيها طفله
الحمل والولادة هينفع تقوم بيها طفله
ده بجد شذوذ واسفه اني بقول كده
علشان اللي تهون عليه ضناه يعرضها للزواج وهي لسه طفله يبقا انسان شاذ فعلا
وماحدش يقول لي ستنا عائشه وسيدنا محمد عليه افضل الصلاة والسلام
هتكلم في الموضوع ده التدوينه الجايه
دلوقتي انا متنرفزه ودي سيره عطره ماينفعش نتكلم فيها ساعة غضب

الأحد، 4 نوفمبر 2012

اشتقنا الي انوثتنا !!!

بمااني ماعرفتش الطش التدوينه الرائعه
اللي كتبها الصديق منجي بكير
واكتبها هنا
:))
هحطلكم اللينك
علشان تروحوا تستمخوا من التدوينه
بجد بجد تدوينه رائعه
وهي رد علي التدوينه السابقه عندي
**********
صحيح
كل عيد حب وانتوا طيبين
ومبروك علي البابا الجديد
حمله هيبقا تقيل ربنا يقدره
 

الثلاثاء، 30 أكتوبر 2012

الكتالوج ضاع !!

الكلام اللي بالاحمر ده لاقيته واحده نشراه
علي الفيس
عجبني وعلقت عليه كمان
قلت انشره هنا ونتناقش فيه 
ليه الام في مجتمعنا كده
الكلام اللي بالازرق ده تعليقي
**********
((الست مننا تشتغل ذي البقرة طول النهار 
ويطلع عينها وتتمرمط من اللي يسوا واللي ميسواش 
في الشغل والشارع .. 
وتروح تطبخ وتكنس وتغسل وتنشر وتكوي وتذاكر
 وتدلع وتطيب الخواطر 
وتشتغل سواقه للبيت توصل تمرين ودروس ودكاتره .....
وتنام اخر واحده وتصحي اول واحده ...
وتصحي في عز الليل تدي دوا وتغطي العريان... 
وتقوم الصبح تحضر فطار ولبس مدرسه وتستني الباص 
وتروح شغلها عشان تدور الساقيه من جديد ... 
ومافيش مانع تقف مع الصنيعيه 
وتروح للميكانيكيه 
وتغير كاوتش العربيه وتخلص ورق من المصالح الحكوميه وتعمل زيارات اجتماعيه وتجامل الي جاملها 
 و تزعل وتاخد علي دماغها وتتأمص ومحدش يعبرها ويتعمل عليها حوارات وتسكت عشان تمشي الدنيا وتيجي علي نفسها وتسامح عشان العشره وتقبل الأهانه مره واتنين عشان دي ذله لسان وضغوط نفسيه وتتحمل الوحده عشان دي ظروف ومش بأديه وتستحمل مودك عشان لازم تكوني اد المسئوليه ,,,,,, 
وبعد كده يقولك الستات دي عايزه كاتلوج .... 
لا يا رااااجل ... 
عذراً ايها الرجال الكتالوج ضاااااااااااااع :((
*************
وتفضل الام في الطاحونه دي مستنيه كلمة شكر او كلمة طيبه اللي هي في الاصل صدقه في العادي اومال لماتتقال للأم تبقا ايه؟
ومع هذا لاتسمع الام شئ وتقابل ربها ويندم الابناء علي تقصيرهم في حقها وقت لاينفع الندم 
هيجيبوها منين ماخلاص مابقاش في مرمطون يبقوا يستغفروا ربهم بقا:)
 

الاثنين، 29 أكتوبر 2012

العيد !!

عيدنا والحمد لله
بس مش عارفه ليه العيد ده
مااقدرتش اطلع من نافوخي 
معتقلين السعوديه
اللي بيتجلدوا وفي غربه
والله اعلم بيهم وبعائلاتهم
قضوا العيد ازاي
وخصوصا اللي قامت عليهم هوجه وبرامج توك شو واعلانات تعد فلوس
وجرايد وخناقات علي النت
وخلاص خلصة الهوجه
والناس دي لسه بتتجلد ومحبوسه وماحدش عارف ليه
والحقيقه فين 
تحيه لعائلاتهم
وخصوصا نجلاء وفا 
والجيزاوي

الجمعة، 26 أكتوبر 2012

عيد سعيد


كل سنه وانتم طيبن
ويارب كلكم فرحانين
ومعيدين
ومحققنين كل احلامكم

الثلاثاء، 23 أكتوبر 2012

زحمه

ازمة المرور عندنا في مصر
ازمة سوء خلق مش اكتر
اول امبارح خرجت رحت كارفور اللي في صن سيتي اللي علي الدائري بتاع شيراتون المطار
المفروض الطريق ده بالعربيه ياخد ربع ساعه
اخد ساعتين ونص الطريق كان مغلق تماما من اول نزلت كوبري الماظة
ماعلينا عدي ياليله
امبارح كان عندي مشوار في شارع الاربعين
واللي مايعرفش شارع الاربعين ده شارع في اخر جسر السويس قبل سوق القنال قبل طريق العبور والسلام والعاشر من رمضان والاسماعيليه طريق يعني بتاع كله موصل لكله
اوم انا بقا بسزاجتي انزل من البيت الساعة اربعة ونص وقلت اخطفففففففففففف 
المشوار ده واطلع علي المعرض اللي في مصر الجديده
خادتولي بالكم بقا من المثلث اللي عايزه اعمله
م نصر جسر السويس مصر الجديده
ده انا طيبه بشااااااااااااااااكل
المهم اخدت معايا تمرتين وشوية مايه وقلت ابقا اكل اي حاجه في المعرض
معايا ياحضرات
وصلت انا بقا الساعة كام شارع الاربعين
الساعة تسعة ونص 
واللهم صل وسلم علي حبيبنا المصطفي محمد
خمس ساعاااااااااااااااااات
ده مش ازمة مرور دي ازمة اخلاق
تلاقي علي الرصيف اللي يمينك اوتوبيس جاي عكس الاتجاه ماشي علي الرصيف وينزل منه تلاته اربعه يوقفوا العربيات علشان البيه السواق ينزل من علي الرصيف ويعدي للأتجاه التاني في اليوتيرن
عربيات ساده اليوترن اصلا عامله صف خامس فاطبعا سادين الطريق علي الجاي وهيمشي طوالي
طبعا عربيات بالكوم اتعطلت
طبعا انهيار وخناقات بين السواقين مين يعدي الاول
حاجه غير ادميه
وطبعا بنزين اتهلك في غير موضعه
ويقولك وفروا في البنزين والكهربا
وده مننا ويقولك مرسي قال هيحل ازمة المرور في 100 يوم
ده عايز 100 سنه علي مانهذهب من نفسنا 
ونتصرف كابني ادمين مع بعض
وكل واحد يلتزم ببحر الطريق ماتبقاش سواقه في سيرك
لو احترمنا بعض واحنا سايقين
الشارع هيحترمنا وماهيبقاش في زحمة
هيكون في زحمة منظمه ماتتعبش الاعصاب
ونظم المواعيد
مايبقاش الشعب كله في الشارع في معاد واحد
كله بيفتح في نفس الموعد وكله بيقفل في نفس الموعد
وكله بيخلص شغل في نفس الموعد

الأحد، 21 أكتوبر 2012

الكلام ده صح !!؟؟


الكلام ده صح
؟؟
!!
الفصل التاي بتاع صلاحيات رئيس الجمهوريه
دي كده جمهوريه ملكيه 
الكلام ده لو صح يبقا ايه المقصود
ولو غلط طيب ايه برضوا المقصود من نشره
هي البلد ناقصه
الكلام ده لو فعلا مكتوب كده
يبقا غلبوا السادات لما عمل كل السلطات في ايده في دستور 71
علشان كان داخل علي حرب
وحاطط في دماغه انه هيفاوض
وعلشان ماحدش يستجري يعارضه
عمل دستور 71
اللي عمل رئيس الجمهوريه اله
تفتكروا الكلام ده لو صح
ينفع دلوقتي بعد 25 يناير

الجمعة، 19 أكتوبر 2012

لا يفر احدكم

بالنسبة لموضوع غلق المحلات
ايوة انا موافقه
ليييييييييه
؟؟؟؟
الدنيا تهدي شوية
الناس ترجع تصحي بدري
مش ده الدين بتاعنا
الليل سبات والنهار معاش
كده كده الشركات بتقفل الساعة 4
وفي الساعة 5
صح
؟
طيب
اللي عايز يشتغل بعد الضهر عنده من 4 الي 10
او من 5 لعشره
الحكومة بتقفل2
وفي 3
يعني برضوا هيبقا في وقت للي عايز يشتغل شغلانه تانيه يزود دخله
واللي هيقفل المحلات التجاريه
لكن المطاعم اعتقد مش هتقفل
في العالم ماحدش بيفتح 24 ساعه غيرنا
سان فرانسيسكو اللي هي قايمه علي السياحه
كله علي 9 قافل
باقي كاليفورنيا علي 5 باي باي كله بيتك بيتك
اوروبا كذلك وماحدش قالك عجلة الانتاج
سنة 83 النظام ده اتعمل
وكان من 7 
المحلات بتقفل وكانت الدنيا رايقه وجميلة
انا شخصيا مبسوطه اني هقفل الساعة 10 وكان نفسي تبقا 9
لييييييييييييه
؟؟
العملاء بيدخلوا المعرض 10 الا ربع 
وماشاء الله يقعدوا يتفرجوا ويتناقشوا نقول ساعتين
مع اننا بنقفل الساعة 10 اصلا 
لكن علشان البلد مصحصحه بيقعدوا
لكن لو النظام علي الجميع 
مش هيحصل ده
:))
معلش نصحي بدري ونقفل بدري مع ان 10 ده مش بدري خالص
ونسيب فرصه للي رايح يزور اهله او الدكتور
والمرور يبقا سهل حبتين
وكده كده
لا يفر احدكم من رزقه حتي يدركه كما يدركه الموت
او
ولو ان احدكم فر من رزقه كمايفر من الموت لأدركه رزقه كمايدركه الموت

الخميس، 18 أكتوبر 2012

مصر مش عزبة حد:)

كتير سألوني
نازلة بكره جمعة مصر مش عزبة حد
قلت
لأ
ولأ ليييييييييييه
علشان انا كنت بنزل لما كنا علي قلب رجل واحد
والمطالب واحده
والهدف واحد
لكن بعد السكلانس اللي حاصل ده
معلش انا بره الموضوع
بعد مااتقسمنا
مصرين
اسلامين وكأن الباقي مش اسلامين
ومسيحين وكأن الطوفان هيصيب المصرين المسيحين والمسلمين لأ
ولبرالين وكأنهم كفره
ويسارين مش عارفه ايه
لأ معلش سامحوني
مش دي مصر خااااااااالص
احنا قلنا
عيش حريه عداله اجتماعيه
لمصر
بكل سكانها
سينا نوبه قبلي بحري
كل المصريين
كلنا بنشرب نفس الميه المعكره
كلنا بنمرض مرض واحد
كلنا مدهوسين تحت نفس الظلم
الولعه طايله الكل مش حد وحد لأ
لما العمارة بتولع
كل السكان بيوتهم بتولع
النار مابتنقيش
تولع مين وتسيب مين
الشباب اللي مات
الموت مانقاش
كله ادهس ومات
يارب ارحمنا
حد يقدر ينقي من الصوره دي
مين مسلم ومين مسيحي ومين لبرالي ومين يساري ومين اسلامييييين