الاثنين، 3 ديسمبر 2012

نعم نعم بقا !!

مااااااالكوا 
بيا يااسرائيلين بقا
ان شاء الله 
!!
بدعبس في الحاجات الكتير الجديدة 
اللي عملها لنا الكابتن بلوجر
لاقيت حاجه اسمها الاحصاء
خبطت ودخلت 
لاقيت كلمة الجمهور
قلت والله وبقا لك جمهور
 ياشمس
:)
اوم
 اييييييييييييييه
الاقي مين زارنا
اوم
 الاقيييييييييييييييييييي
اسرائيل قدمها 32 زائر
وامريكا شكابيكا
420 
في اسبوع
ان ديش ان ديش
ان شاء الله 
بتعملوا ايه عندي بقا 
عايزين من مدونتي ايه
انا عارفة ان امريكا بتتجسس علي العالم كله 
وخصوصا الوطن العربي
عن طريق النت يعني بتدخل علي كل حاجه
فيس بوك تويتر مدونات ميلات ماسنجر....الخ
بتشوف بنكتب ايه وبنعمل ايه
ولو حد فاهم ان مابيتدخلش علي الاكونت بتاعه
 يبقا واهم
كله بيتشاف الخاص والعام
والله ينور
شغالين
المهم
بقولكم ايه يااسرائيل انتوا
مالكوش دعوة بمدونتي وغير مرغوب بيكم هنا
اطلاقاااااااااااا
مطلقااااااااااااااا
بالتلاته
ومش فاضيه لكم اليومين دول علشان انيل عيشتكم
بذاكر دستور 56
ودستور71
ودستور الاخوان 2012
فاطلعوا من نافخوي لحد مااخلص مذاكره واروق لكم
مادام بتيجوا هنا 
يبقا جنت علي نفسها براقش
ومن تدخل فيما لايعنيه
اللي هي مدونتي
سمع مالايرضيه
انتوا بقا 
هتقروا مالايرضيكم هنا
ملحوظة:ماحدش يقول لي ده العرب اللي بيدخلوا من هناك
هناك دي تتكتب فلسطين مش اسرائيل
ماينفعش 
اهو كده وخلاص
وانا اعرف منين
الا لو بلوجر عمل خدمة
اكتب جنسيتك قبل ماتدخل المدونة
وياريت برجلك اليمين
:)

هناك 21 تعليقًا:

Mahmoud Ahmed يقول...

بس دول عرب على فكره
من فلطسين يعني :)

خالد يقول...

أنا هاقول لحضرتك إن دول ممكن يكونوا عرب داخلين من هناك فعلا.
بلوجر بيفرق بين دولتين
الأولى هي غزة و الضفة الغربية و دي بتظهر في الإحصاءات باسم: Palestinian Territories مش عارف إذا كانوا غيروا التسمية على سيرفراتهم بعد ما فلسطين حصلت على صفة دولة غير مراقب أو لا.
الثانية: هي باقي أرض فلسطين (اللي عليها الدولة العبرية حاليا) و دي بتظهر تحت اسم Israel و فيها عرب 48 لو حد منهم بيدخل من هناك فعلا هيظهر عندك إسرائيل مش فلسطين لأنه داخل من خارج الضفة و غزة و أيضا لأنه داخل من شبكة اتصالات إسرائيلية.
أيضا ملحوظة أخرى بعض المناطق في الضفة الغربية يمكن الاتصال بها عن طريق أي الكودين الخاص بأي من الدولتين +972 أو +970 فربما هذا يؤثر على الإحصاء أيضا كون شبكات الاتصالات متداخلة في بعض المناطق.

ذات النطاقين يقول...

بسم الله الرحمن الرحيم ... واسجل دخولي على مدونتك بإيدي اليمين ... و الجنسية مصرية والحمد لله ..

كويس انك بتقراي دستور 2012 ياريت تقولي رأيك فيه عشان الواحد يستفيد ..

بوركت ..

رؤى عليوة يقول...

اااه دنا كده مش لوحدى انا كنت فعلا بلاحظ ان عدد الزوار من اسرائيل بتزيد وفيه رقم فضل ثابت فترة

هار اسود

بيعملوا ايه عندنا دول بس لو نعرف بيبقوا امتى ولا يتكلموا كنت عرفنا نرد عليهم
بس شكلنا مستهدفين :)


دمت بخير

فقاعات أفكارى يقول...

حصلت معايا ولقيت دول غريبة كتير بس تقريبا دة علشان اللى بيعمل سيرش عن صورة او كلمة بتطلعله المدونة , دة اللى انا اكتشفته اخيرا لان هتلاقى معظم الدخول من google/image

لـــولا وزهـــراء يقول...

شموسة مش شرط لما تلاقي العلم الاسرائيلي يكون واحد اسرائيلي ممكن يكون من فلسطين
بتحصل في احسن المدونات متضايقيشي ياقمر (:

لولا

مصطفى سيف الدين يقول...

اولا فلسطين يطلق عليها في بلوجر اسرائيل
ثانيا بتوع امريكا ممكن يكونوا عرب
ثالثا عناكب جوجل تعتبر زيارات
يعني مش لازم يكون حد معين اللي طب عليكي

سواح في ملك اللــــــــــــــــــه- يقول...

ياشموسة الطيبة


ياريت البلوجر ده يبقي معمول فيه حظر

دخول جنسيات معينه كنا منعناهم

ميهمكيش

ريـــمـــاس يقول...

صباح الغاردينيا شموستنا
ههههههعههه
بحب اسلوبك حتى وانتي متعصبه كدا على اسرائيل ربنا يخسف بيها الارض هي وبشار في يوم واحد :( انا كمان بتظهر المتنيله بستين نيله دي عندي بس كنت فاهمه انهم الفلسطينيين لا احنا لازم نراقبهم بقى ههههه على فكرة دخلت بإيدي اليمين مش رجلي والجنسية سعودية الهوية مصرية الهوى انفع ولا ارجع :) "
؛؛
؛
لروحك عبق الغاردينيا
كانت هنا
Reemaas

شمس النهار يقول...

*Mahmoud Ahmed

ايوة ماانا عارفه

علشان كده زعلانه
ان النت بيطلعهم داخلين من اسرائيل
وعلي فكرة جنسيتهم كمان كده
يعني لما بيروحوا الحج بيبقا معاهم باسبورات جنسية اسرائيلي
وده اللي قاهرني
واكيد قاهرهم اكتر مني

شمس النهار يقول...

* خالد

ايوة فاهمه ياخالد

بس ده مايمنعش ان فعلا اسرائيل وامريكا بتتجسس علي العالم وخصوصا الوطن العربي عن طريق النت
ولو تلاحظ ان امريكا في بداية الثورة
كانت بتساند مبارك
ولما لقت الاتجاه ان مبارك خلاص
اتخلت عنه
بيقرونا عن طريق النت
طبعا مش النت بس
لكن من اهم مصادرهم النت

شمس النهار يقول...

*ذات النطاقين

اهلا بيكي
تنوري المدونة

ايوة انا بذاكر بس يارب الحق قبل يوم 15

وطبعا هاجي هنا واكتب هقول لأ ولا اه
بس لحد دلوقتي ال لأ سيدة الموقف

:))

لأ اللعب بالالفاظ جامد جدااااا

شمس النهار يقول...

*رؤي عليوة

انا كان اول مره اروح الاحصاء ده

بيعملوا ايه ده كلااااام
بيشوفوا بنكتب ايه وتوجهتنا ايه
وبنحب ايه وبنكره ايه

همه اللي جابوه لنفسهم بقا

:)))

شمس النهار يقول...

*فقاعات افكاري

مااااشي

مدام بيدخلوا هنا بقا
وجوجل ماخلتش في نفسنا حاجه

يبقا نكتب اللي مايسرهم
ويروحوا يترجموه علي جوجل
:)

شمس النهار يقول...

*لولا وزهرا

:))
طيب كانوا يقولوا
علشان نرش سم فران في المدونة
علشان الفار اللي يدخل منهم يتسم

:)

شمس النهار يقول...

*مصطفي سيف الدين

والله يامصطفي
الشك هنا سيد الموقف
بس احتياطي
هنرش سم فيران في المدونة

وطبعا مش هيصيب غير الفيران
لكن حبايبنا اللي بيدخلوا من فلسطين المحتله
وجوجل بيطلعها اسرائيل
مش هيجرلهم حاجة :)

شمس النهار يقول...

*سواح في ملك الله

:)

عايزين نعمل بوابه لبلوجر
مادخلش الا اللي احنا عايزينه
:))

ونحتل بلوجر بقا وتبقا حكاية
:))

شمس النهار يقول...

*ريماس

صباح الفل والياسمين

آمين يارب يتخسف بيهم وببشار في ثانيه واحدة

ياحبيبتي انتي تنوري المدونة

وتدخلي برجلك اليمين الشمال زي مايعجبك دي مدونتك اصلا

صباح الهنا علي عيونك
:)

Mongi Bakir يقول...

تحياتي لحرف قويم و توجّه سليم

منظمات عالمية : أسرار و خفايا

شمس النهار يقول...

*Mongi Bakir

اهلا بيك
دايما منور
وشكرا علي اللينك :)

كريمة سندي يقول...

أسلوب ساخر شيق في طرح قضية هامة على مستوى عالمي