الأحد، 31 يناير، 2010

خيخة وعضة الكلب :)


::))
كلنا طبعا عارفين ان الخبر الصحفي المولع بنار الفرن
هو
ان انسان عض كلب!!
مش
كلب عض انسان!!

ده نفس اللي عمله بوست خيخة
كلنا اتكلمنا علي اللقاء بروح الخبر الاول
والناس جاملت بعض وكله تمام التمام
ومافيش حاجه غير عاديه
تعالوا نشوف كده البوست ده عمل ايه
؟؟؟؟؟؟؟
عمل اندهاشة الخبر الاول
يعني ايه؟؟

الناس ابتدت تتناقش في حاجات كتير وبصراحه
عرفت دماغ ناس اكتر من الاول بتفكر ازاي
عرفت فين بيت النفاق وفين بيت الصراحه
اللقاء نفسه اتناقش بجديه اكتر
من سلبيات وايجابيات
ماهو لكل شئ سلبيات وايجابيات
!
ولوان في النهايه كله روح مبسوط جدا
بما فيهم اللي اشتكوا نفسهم
!!!!!!!!!!
يعني مش معني اني ماعرفتش اتواصل مع الناس
اني اكون متعكننه اوي كده
وفي النهايه اللي ارتاحوا مع بعض
اخدوا جنب وقعدوا مع بعض
(:
يمكن كان عندي حرية اني اتنقل بين الناس اللي واخده جنب واللي متجمعين مع بعض
لاقيت دول بيتكلموا ومبسوطين ودول برضه بيتكلموا مع بعض ومبسوطين
!!!
اذا اللي اتفقوا قعدوا مع بعض
واعتقد كده احسن
هي دي الحرية
والا علشان احنا موجودين في مكان واحد لازم نكبس علي نفس بعض
؟؟؟؟؟؟؟؟؟؟؟
اللي لعبوا كورة انبسطوا
واللي لعبوا دمينو انبسطوا

واللي قعدوا واتكلموا في مواضيع لطيفه برضوا انبسطوا
لحد دلوقتي انا مش عارفه اللي زعلان زعلان ليه
!!!!؟؟؟؟
اللي اعتبر القاعده خنيقه
ماهو صرف نفسه واخد ناسه علي جنب وقعدوا
وبرضوا انبسطوا
الشكوي فين بقا وليه
!!!!!
؟؟؟؟؟؟

انا اعتقد ان اللقاء كان ناجح جدا برغم العدد الكبير
وماحدش يقول لي انه ماانبسطش
الا لو هو جاي وحاطت في دماغه كده
..........
مع اني اللي عرفته ان ستيته عامله التجمع ده علشان الناس
اللي مش مبسوطه وحالة الاحباط البلوجاريه
::))
اعتقد اننا كبار كفايه اننا نعرف ازاي نستثمر لقاء زي ده
اعتقد انه لقاء فكري اكتر من اي حاجه
يعني اللي افكارهم قريبه من بعض
قعدوا واتكلموا وصالوا وجالوا
وانبسطوا
::))

والدليل ان اللي اشتكوا واللي مااشتكوش قعدوا للأخر
!!!!!!!!!!
ده دليل انهم كانوا مبسوطين
ولو العكس كان اللقاء خلص في ساعة واحده
وفركش
وخلااااااااااااااص


مش عايزه والا كلمة في الموضوع ده

اللقاء كان لطيف جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااا


وفي النهاية الدين النصيحة
بس تكون بلطف


ويابخت من بكاني وبكي عليه
والا ضحكني وضحك الناس عليه
وهنيالك يافاعل الخير والثواب
::))

الجمعة، 29 يناير، 2010

تحديييييثثثث : علي الزراعية في الزراعيين

الف الف الف مبروك ل اينو و فوكس

علي الزفاف ربنا يسعدكم ويبارك لكم وعليكم



شكرا لكل المدونين اللي شوفتهم النهاردة

اللي كنت اعرفهم واللي اول مرة اتشرف بيهم

ماشاء الله تجمع جميل وناس جميلة

وحب في الله من غير غرض

بجد سعيدة جدا

وعايزة اخص بالشكر؛

الاستاذ ( رضا ) اللي رغم انشغاله ماحرمناااااااااش من صبرني وربنا يصبره

::))

الأربعاء، 27 يناير، 2010

عيب جدا


انتوا عارفين اني مابأحبش اتكلم في السياسة
علشان عندي مفهوم بيقول ايه ؟
اللي مايعرفش ابعاد المشكلة كاملة ودهاليزها مايقدرش يحكم صح
وكمان علشان مش عايزة يجيني ضغط
والمرارة انا شيلاها من زمان
***
وكمان مابأحبش اتكلم بعمق في الدين ولا افتي ليه؟
علشان انا غير مؤهلة لذلك انا ممكن اتكلم في اللي بعملة
يعني اصلي ازاي صح اصوم ازاي صح الي اخر العبادات
لكن اتكلم وادخل في جدل او افتي
لأ
انا غير مؤهلة لذلك علميا
حد هيقول
كل ده ليه ياشمس ؟

هقول اهو

علشان احنا بنتشدق بكلام ونعمل عكسة
علشان مابنعرفش نسمع بعض بالراحة
علشان مابنعرفش لغة الحوار الراقية
مابنحترمش الرأي والرأي الاخر
مابنعرفش نختلف برقي
همه دقيقتين والموضوع يتقلب غم
مابنعرفش نحترم عقول بعض
***
اغلبكم طبعا يعرف مجلة رؤيا مصرية الالكترونية
اختلاف الرأي(اللي هو كان غريب اصلا)
عمل ايه
الموقع ادمر
وفرجنا علينا العالم اللي زمانة بيقول اهو المصريين اهو
لما بيختلفوا بيعملوا كده
فقدنا احترمنا لنفسنا ففقدنا احترام العالم لنا
للأسف
ابكوا معي وطن شربت ارضه من دماء الشهداء
من المصريين (المسيحين والمسلمين)
ولم تفرق بينهم
شربته لتبقي حرة بدماء هؤلاء الشهداء
ياريت الاحفاد يختشوا منهم شوية
وعلي فكرة !!!
المصريين المسلمين اعترضوا وبشدة و فظاظة علي المقال
والمصريين المسيحيين زيهم وزيادة
يعني اللتنين ماعجبهمش المقال
وعجبي !!!!
انا حزينة يانااااااااس

بيان المجلة
ونعي ابراهيم العدوي لها

الاثنين، 25 يناير، 2010

تحديث : جزيرة النباتات

ياريت تشوفوا البوست ده عند نهر الحب


منظر جميل للجزيرة من بعيد





نكمل الرحلة
رجعنا من في
لة علي المركب اتغدينا
واخد
نا مركب جميل


تاني علشان نعدي لجزيرة النباتات
وده شكل الجزي
رة من علي المركب




اللي اعرفه من قبل مااروح ان بها نباتات واشجار نادره جدا




قلت خير يارب يكون حظها احسن من حديقة الزهريه بالقاهرة

الجزيره بها الكثير
من النباتات الجميله صورت بعضها
شوفوا الش
جره دي اتكسرت
ومصرة تعيش طل
ع لها ورق اخضر تاني


كان يسكن الجزيرة بعض القبائل النوبيه
وكان اسمه
ا (جت نارتي)
اي جز
يرة النطرون
وكانوا يزرعونه
ا اعلاف خضراء
حتي الاحتلال الانجليز
ي حيث استولي عليها اللورد كيتشنر
وسميت ال
سرادار1898
وبعد رحيله تحولت لملك
يه عامه وسميت جزيرة الملك
وكان بيتم فيه
ا الابحاث الزراعيه
وكان الملك بيستحضر
فيها نباتات من كل البلاد اللي بيزورها
الي قيام الثوره
دي صوره للنباتات والغريب انها شكلها ماحدش واخد باله منها
خااااااااااااااالص


شايفين المكان اللطيف ده صورته بعد ما التاااااااتار
اللي همه

تلاميذ رحلة مدرسة كانوا قاعدين ياكلوا ويلعبوا ويجروا ويدوسوا علي نباتات نادرة من غير ماحد يقول لهم ممنوع
او حتي بتعملوا ايه
انا مش ضد ان التلاميذ تروح الاماكن دي بالعكس
ياريت علشان نعلمهم بلادهم فيها ايه
لكن ضد اننا نعلمهم الهرجلة والاستهتار بالتاريخ والاشياء الثمينة
ياريت يتعمل مكان مخصص لهم بعد مايعملوا جولة مع مرافق من الحديقه يشرح لهم
يرتاحوا في المكان ويلعبوا ويكلوا
وخصوصا ان الجزيرة كبيرة وفيها اماكن تصلح لده





وده اداني احساس كبير ان الدنيا ماشيه بالبركه لا اشجار متقلمه والا حشائش خضراء في اماكن كتير
والا مندوب حتي يفهمنا
والمرافق اللي معانا مش خبير زراعة

هو يهمه التاريخ فقط




والجزيره بها اكثر
من 500 نوع نادر
وكذلك بعض الطيو
ر النادره علي الاشجار
والطاووس الابيض
والهندي بالاقفاص



دي صورة للجهة التانيه من الجزيرة




الجزيره جميلة و
لكن وآه من كلمة لكن
يد الاهمال لاتترك في
بلدنا شئ علي حالة
طبعا احنا عارفين انها
بتكره الجمال والنظام والنظافة

شوفوا الشجره دي سبحان الله




لما الاشجار العملاقه المحيطه بها حجبت عنها ضوء الشمس
استدارت بجزعها الي البقعه الل
ي نازل لها منها ضوء الشمس
س
بحان الله



اما الشجره دي شكلها غريب جدا





ودي النخله اللي المصمم استوحي من شكلها تصميم برج القاهرة



رجعنا من الج
زيرة علي المركب



وعرفنا ان ان شاء الله الساعة الحادية ع
شر المركب هيتحرك في اتجاه معبد كومبوا اللي هترسي امامه المركب والزياره لمعبد كوموبو الساعة 8 الصبح وبعدها في العاشره المركب تتحرك تاني في اتجاه ادفو

البوست الجاي هيكون عن الطري
ق والمناظر الخلابه اللي عدينا عليها
ومعبد كوم أنبو
وادفو
::))

ملحوظة : اللطيف اللي كتب لي تعليق يقول اني بتمنظر عليكم
وايه اللي هيستفيده
من البوستات دي
تصدق ايوه انا بتمنظر وبتمنظر اوي كمان
ماهو مش معقول يكون عندي وطن بالجمال والروعة دي
وما اتمنظرش بيه
:(

السبت، 23 يناير، 2010

تحديث :عيد ميلاد المشاغبان وافراح البلوجر

محاذاة إلى الوسط
في خبر غريب سمعته من شويه حد عنده المصدر

ايناس الدغيدي هترشح نفسها للرياسه

::))





النهارده عندنا اكتر من مناسبه وهأجل بوست الرحله يوم علشان خاطر عيون اصحاب المناسابات
اولا :عيد ميلاد المشاغبان

كيمو (صوت من مصر)

كريم(شاب فقري)

كل سنه وانتما طيبان وبخير وسعاده
وبجد انا فاخوره اني اتعرفت عليكم فعلا
وان شاء الله اتعرف علي فقري عن قرب لما يأذن ربنا واشوفه
اما كيمو ربنا يكرمه ويخلص امتحانات
*****
المناسبه الجميلة التانيه

كتب كتاب (ابي)

الف الف الف مبرووووووووووك
ربنا يتم لك علي خير ويبارك لك وعليكي
وفييييييييييين الشربات
*****
المناسبه التالته

كتب كتاب اخت الازهري

الف الف الف مبروك يادكتووووووره
ربنا يتمم بخير ويبارك لك وعليكي
ويكفيكي شر مقالب اخوكي:)
وبرضه
فييييييييييييييييين الشربات

مبسوطه ان البلوجر فرحان اخير
ومش عايزه اشوف اي بوست حزين تاني
وسمعوني سلام
اي دمعة حزن لا لا لا
::))

الثلاثاء، 19 يناير، 2010

معبد فيلة بأسوان

تحديث
الازهري بيسلم عليكم كلكم
وباعتلكم نداء ادعوا له كلكم
وهو كويس وراجع قريب
**********
تاني يوم من الزيارا
ت كان من نصيب جزيرة اجيليكا




وعلشان نوصل كا
ن لازم نروح بالباص للمرسي ده



وفي السكه عدينا علي الميدان الجميل ده




ركبنا المركب اللطيف ده










واحنا في النيل كنت مزهوله من جمال المناظر الطبيعيه الخلابه
وعرفت ليه الس
ياح بيموتوا في مصر
همه عندهم برض
ه طبيعه جميله انا شوفتها
لكن مش بالجو ال
جميل ده والا الدفا والابهار ده
هسيب الص
ور هي اللي تقول

















وصلنا مرسي الجزيرة الجميلة ده





لما السد غرق جزيرة فيلة اللي كان عليها معبد فيلة المخصص لأيزيس مع بعض المعابد
الاخري تم نقله الي ج
زيرة اجيليكا





ياريت تدخلوا جوجل وتقروا ازاي تم نقل المعبد
مش ممكن
عجب العجاب







المعبد مخصص لعبادة ايزيس اللي كانت من العبادات القويه جدا
لدرجة انها صمدت اما
م دخول المسيحيه لعدة قرون

(صورة ايزيس جبتها من موقع ايزيس علي جوجل
وهي مصوره من احد المقابر
)

من اللطيف لما العرب دخلوا مصر بالاسلام
اطلقوا علي الجزيره اسم (انس الوجود ) عندما علموا ان فيلة باليونانيه تعني الحبيبه
اما الاسم المصري الفرعوني للجزيره هو
بيلاك او بيلاخ اي النهايه
الجزيره ا
لان مغموره بالماءتماما
وقد تم انقاذ المعابد التي كانت
عليها ومن اهمها معبد فيلة



البوست الجاي هيكون ان
شاء الله عن جزيرة النباتات

الأحد، 17 يناير، 2010

نبتدي الزيارات

طلعنا علي المركب بعد واقعة المطعم

والمرافق بتاعنا قال لنا ممكن تناموا لحد الساعه 12 وبعد كده تتغدوا ونبتدي الزيارات علي الساعه واحده

قلنا ماشي
طبعا عايزين ننام احنا في المطار من الساعه اتنين ونص بالليل

نمنا وفي عز النوم لاقيت صبرني يارب بتتصل بيا وصحتني خير اللهم اجعله خير
اليوم ان شاء الله هيكون جميل


المهم علي الغدا اتصلت بيه( رشا دودو) وبعدها (ورد شان)

الكل كان عايز يطمن ربنا مايحرمني منكم

ابتدينا اول زياره للمسله الناقصه
يعني ايه المسله الناقصه يعني كانت تحت الانشاء ولم تكتمل لعيب في الرخام
وهي دي اللي لما اكتشفوها عرفوا ازاي ك
انوا بيعملوا المسلات الطويله دي وحته واحده


بصراحه اعجاز الناس دي كانت عندها دماغ عاليه وبيشتغلوا بدقه وذكاء
مش هعرف اشرح الطريقه بس هي موجود
ه علي النت بكل تفاصيلها الدقيقه المزهله

وبعد المسله اخدنا الباص وعلي السد العالي



بجد حاجه جميله جدا وفخر للمصريين انهم عملوا حاجه زي دي

المكان جميل ونظيف جدا جدا





الصورد دي من فوق جسم السد شايفين لون النيل جميل ازاي والا بحر مرسي مطروح
علي فكره احلي لون للنيل في المنطقه دي


لكن الحلو لازم في مصر مايكملش

شوفت بحيرة ناصر اكبر بحيره صناعيه في العالم




طيب لما هي كلها خير كده ليه مابنعملش مصانع اسماك علي حدودها والسد موجود والكهربا موجوده والايدي العامله العدد في الليمون

لأ وايه فيها حوالي 35 الف تمساح الله ا
لله
طبعا بيتغذوا علي الاسماك
طيب ليه مانصيدهمش والتمساح كله فوايد
جلود ولحم يتم تصديره للخارج ماهو في
بلاد
بتاكل التماسيح
ولما قلت كده للمرافق اللي معانا وهو من ا
هل اسوان قال لي بطيبه شديده ماهو مصنع السمك هناك اهو
مصنع يتيم واحد
احنا بنتكلم علي ملايين الاطنان

تحسوا ان مصر دي ماشيه بالبركه
عندنا كنوز كتير ومش عارفين نستغلها و
نقعد نندب في حظنا
لا عارفين نستغل بحر احمر ولا ابيض ول
ا نيل ولاحتي البحيره اللي غرقت الدنيا
ومليانه سمك سيبينه



بعد السد العالي قال ايه عايزين يرجعونا المركب
قلت لأ طبعا فين المتحف النوبي
قالنا انه مش في البرنامج ولو عايزين ترو
حوا ترحوا لوحدكم
قلت ماشي وعلي عهد المصريين لم نتفق
علي كلمه
ناس رجعت المركب وناس جت معايا علي المتحف ا
لنوبي الجميل جدا جدا جدا

ده المدخل الخارجي




امامه ساحه كبيره والارضيه من الرخام وت
صميم جميل جدا فخر لأسوان

وده المدخل الداخلي



المتحف منظم جدا ومبني علي التراز النوبي من الخارج
ومن الداخل متقسم بطريقه ماتتوهش وكل
حاجه مكتوب جنبها ايه الموضوع

ومن اجمل الحاجات فيه التماثيل اللطيفه الل
ي بتمثل حياة الانسان المصري النوبي
وهسيب الصور هي اللي تحكي





بعد كده رجعنا علي المركب اتعشينا ونزلنا البلد نتفرج عليها

والبوست الجاي نتكلم عن معبد فيالا اوفيلا وجزيرة النباتات وصور تاني

::))

الأربعاء، 13 يناير، 2010

بداية الرحله

يوم 5يناير سافرت مع بنتي الكبيره وجوزها
الي اسوان والاقصر في رحله نيليه

سافرنا الي اسوان عن طريق مطار القاهره الدولي من صالة الطيران الداخلي
والحقيقه انبسطت جدا للي شوفته فيها
عارفين صا
لة الطيران الداخلي دي كانت عامله زي موقف عبود شويه شويه الطيارين ينادو نفر القاهره
وكانت حاجه تك
سف امام السياح
لكن الحمد لله اصبحت جميله جدا وزي صالات الطيران العالميه واحلي
المهم اخدنا الطياره ووصلنا مطار اسوان
الحقيقه مطار متواضع جدا بس الحق يتقال نظيف جدا

خرجنا من المطار وكانت الدنيا يادوب النهار لسه بيطلع

المدينه جميل جدا

هادئه نظيفه جدا جدا وبصراحه انبسطت


ولكن يافرحه ماتمت

الشباب اقترحوا قبل مانروح المركب نفطر فول وطعميه من اي مطعم و

طبعا بما ان المرافق لنا اي المندوب من شركة السياحه من اسوان اصلا قال في مطعم الحاج امين كويس وزي الفل
واخدنا علي المطعم من شوارع جانبيه

ويالا هول الشوارع الجانبيه شوفوا بنفسكم مش هتكلم انا

خاااااااالص


يعني المحافظه منظفه للسياح لكن اهل البلد لا ولو ان في نظريه بتقول ان اللي بهدل الشوارع دي ينظفها بس ماعلينا

طبعا لما وصلنا امام المطعم

الكميل ده


نزلوا اتصدموا بس مارجعوش

قعدوا ياكلوا ماعدا بنتي وانا قلنا هي

مش ناقصه تلوث ونبتدي الرحله كده
قعدنا في الاوتوبيس ده في الشارع امام مطعم عم امين


بعد كده ذهبنا الي المركب وارتحنا الي موعد اول زياره اللي كانت

للمسله الناقصه

بس قبل الزياره عايزه اقول ان قباطين مراكب النيل مالهمش حل مهاره عاليه جدا جدا لدرجة لما تشوفوهم وهمه بيركنوا المراكب جنب بعض في المرسي

تحس انهم بيركنوا عربيات مش مراكب تلات واربع ادوار حاجه اعجاز


وهنتكلم عن ده بالتفصيل في واقعة عبور الهاويس واحنا متجهين من اسوان الي الاقصر ان شاء الله

والبوست الجاي نتكلم علي الزيارة الاولي

للمسلة الناقصهة والسد العالي

:)